ອົງການສະຫະປະຊາຊາດຈະພິຈາລະນາ ສົ່ງຜູ້ສັງເກດການຕື່ມຂຶ້ນໄປຍັງຊີເຣຍ ບ່ອນ
ທີ່ການຢຸດຍິງທີ່ໄກ່ເກ່ຍໂດຍອົງການສະຫະປະຊາຊາດ ສະແດງຮ່ອງຮອຍໃຫ້ເຫັນວ່າ
ພວມຈະແຕກຫັກລົງນັ້ນ.
ມີກຳນົດວ່າ ສະພາຮັກສາຄວາມໝັ້ນຄົງຈະລົງຄະແນນສຽງກັນໃນວັນເສົາມື້ນີ້ ກ່ຽວ
ກັບຮ່າງຍັດຕິ ທີ່ຈະສົ່ງຜູ້ສັງເກດການ 300 ຄົນທີ່ບໍ່ຕິດອາວຸດໄປຕິດຕາມເບິ່ງການ
ຢຸດຍິງທີ່ມີຄວາມຫຼໍ່ແຫຼມເພີ່ມຂຶ້ນລະຫວ່າງ ລັດຖະບານແລະບັນດາກຸ່ມນິຍົມປະຊາ
ທິປະໄຕ. ສະພາຄວາມໝັ້ນຄົງ ໄດ້ໃຫ້ການອະນຸມັດໄປແລ້ວ ກ່ຽວກັບການສົ່ງຄະ
ນະລ່ວງໜ້າຂອງພວກນັກສັງເກດການ 30 ຄົນ ແຕ່ປະກົດວ່າພວກນັກສັງເກດການ
ຈໍານວນນ້ອຍໆທີ່ຖືກສົ່ງໄປຊີເຣຍແລ້ວນັ້ນ ບໍ່ພຽງພໍກັບຄວາມຕ້ອງການ.
ພັນເອກ Ahmed Himiche ຫົວໜ້າໜ່ວຍສັງເກດການລ່ວງໜ້າກ່າວ ຕໍ່ບັນດານັກ
ຂ່າວໃນວັນເສົາມື້ນີ້ວ່າ ທ່ານພ່ຽງແຕ່ຢາກ “ຕັ້ງໜ້າໃສ່ໜ້າວຽກຂອງທ່ານ.”
ໜ້ອຍກວ່ານຶ່ງສ່ວນສາມຂອງພວກນັກສັງເກດການລວ່ງໜ້າ ໄດ້ເຂົ້າປະຈໍາໜ້າທີ່ແລ້ວ
ເຖິງແມ່ນໂຄສົກອົງການສະຫະປະຊາຊາດ ທ່ານ Neeraj Singh ກ່າວວ່າ ຢ່າງໜ້ອຍ
ມີຜູ້ສັງເກດການອີກ 2 ຄົນຄາດ ວ່າຈະໄປເຖິງກຸງ Damascus ໃນມື້ວັນຈັນ ຊຶ່ງຈະ
ເຮັດໃຫ້ຈໍານວນພວກນັກສັງເກດການທັງໝົດເພີ່ມຂຶ້ນເປັນ 10 ຄົນແລະຍັງມີຫລາຍໆ
ບ່ອນ ທີ່ຄະນະສັງເກດການຈຸນ້ອຍໆ ຍັງບໍ່ທັນໄດ້ໄປຢ້ຽມຢາມເທື່ອ.
ໃນການຖະແຫຼງຕໍ່ບັນດານັກຂ່າວທີ່ນະຄອນ Geneva ໂຄສົກຂອງທູດພິເສດນາໆ
ຊາດ ທ່ານ Kofi Annan ກ່າວວ່າ ນຶ່ງໃນຈໍານວນຫລາຍໆບ່ອນກໍແມ່ນເມືອງ Homs
ໃນພາກກາງຂອງຊີເຣຍ ຊຶ່ງ ເປັນຈຸດອັນຕະລາຍທີ່ເກີດຄວາມຮຸນແຮງເມື່ອມໍ່ໆມານີ້.
ທ່ານ Ahmad Fawzi ກ່າວວ່າ “ພວກນັກສັງເກດການຕ້ອງການໄປເມືອງ Homs ໄວ
ເທົ່າທີ່ຈະໄວໄດ້” ແລະໃຫ້ຄໍາໝັ້ນສັນຍາວ່າ ບັນດາຜູ້ສັງເກດການເພີ້ມເຕີມອີກ ຈະຖືກ
ສົ່ງຢ່າງວ່ອງໄວ ໄປຍັງເຂດທີ່ສຳຄັນຕ່າງໆ ຖ້າຫາກວ່າສະພາຮັກສາຄວາມໝັ້ນຄົງໃຫ້
ການອະນຸມັດກ່ຽວກັບການປະຕິ ບັດງານຂອງຄະນະສັງເກດການທີ່ໃຫຍ່ກວ່າເກົ່າ.
ຮູບພາບວີດີໂອ ຂອງພວກມືກ້ອງສະໝັກຫຼິ້ນ ທີ່ນໍາອອກເຜີຍແຜ່ທາງ ອີນເຕີແນັດ ໂດຍ
ນັກເຄື່ອນໄຫວໃນຊີເຣຍ ສະແດງໃຫ້ເຫັນເຖິງການ ຍິງຖະຫລົ່ມເພີ່ມຂື້ນຕໍ່ເມືອງ Homs
ແລະເຂດຕ່າງໆໃນວັນສຸກວານນີ້ ໃນຂະນະທີ່ ວີດີໂອອີກອັນນຶ່ງສະແດງໃຫ້ເຫັນຫລາຍ
ພັນຄົນພາກັນປະທ້ວງຢູ່ຕາມຖະໜົນຕ່າງໆໃນເມືອງ Homs ແລະເມືອງ Idlib ລຸນຫຼັງ
ການສູດມົນພາວະນຍາ ໃນວັນສຸກວານນີ້.