ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon
ໄດ້ຮຽກຮ້ອງໃຫ້ມີ “ການຢຸດຍິງໂດຍທັນທີ” ຢູ່ໃນເຢເມັນບ່ອນ
ທີ່ກຳລັງປະສົມ ພາຍໃຕ້ການນຳພາ ຂອງພວກປະເທດ Arab
ທີ່ນັບຖືສາສະໜາອິສລາມນິກາຍຊຸນນີ່ພວມປະຕິບັດງານໂຈມ
ຕີທາງອາກາດຕໍ່ພວກກະບົດ Shi’ite.
ຢູ່ໃນຄຳປາໄສໃນວັນພະຫັດວານນີ້ ທີ່ນະຄອນຫຼວງວໍຊິງຕັນ
ທ່ານ Ban ໄດ້ເຕືອນວ່າ ເຢເມັນ ພວມຕົກຢູ່ໃນ “ແປວໄຟ”
ແລະກ່າວວ່າ ມີມະຕິດຽວເທົ່ານັ້ນ ກໍຄືໃຫ້ “ທຸກຝ່າຍ” ຍຸດຕິ
ການເປັນປໍລະປັກ ແລະເຂົ້າຮ່ວມການເຈລະຈາ.
ທ່ານກ່າວຕໍ່ສະໂມສອນນັກຂ່າວແຫ່ງຊາດວ່າ “ການດຳເນີນຂັ້ນຕອນທາງດ້ານ ການທູດ
ທີ່ໄດ້ຮັບການສະໜັບສະໜູນ ຈາກສະຫະປະຊາຊາດ ຍັງເປັນທາງອອກທີ່ດີທີ່ສຸດສຳຫລັບ
ສົງຄາມທີ່ແກ່ຍາວເກີນຄວາມຈຳເປັນໂດຍສ້າງຄວາມສັບສົນ ທີ່ຢ້ານກົວຕໍ່ສະຖຽນລະ
ພາບຢູ່ໃນຂົງເຂດ”.
ຢ່າງໜ້ອຍ 700 ຄົນ ໄດ້ເສຍຊີເວິດ ນັບຕັ້ງແຕ່ເລີ້ມມີການໂຈມຕີທາງອາກາດ ຂອງກຳລັງ
ປະສົມພາຍໃຕ້ການນຳພາຂອງຊາອຸດີ ອາຣາເບຍ ເມື່ອສາມອາທິດກ່ອນ ຕໍ່ພວກກະບົດ Houthi ຊຶ່ງເປັນທີ່ເຊື່ອກັນວ່າ ໄດ້ຮັບການໜູນຫລັງຈາກ ອີຣ່ານນັ້ນ.
ໃນວັນສຸກມື້ນີ້ ສະຫະປະຊາຊາດໄດ້ສົ່ງຄຳຮ້ອງຂໍເງິນຢ່າງຮີບດ່ວນ 274 ລ້ານ ໂດລາ ເພື່ອສະໜອງການຊ່ອຍເຫລືອສຸກເສີນແກ່ປະຊາຊົນຫລາຍລ້ານຄົນທີ່ ໄດ້ຮັບຜົນກະ
ທົບຈາກບັນຫາຂັດແຍ້ງໃນປະເທດດັ່ງກ່າວ ໂດຍໃຫ້ຂໍ້ສັງເກດວ່າ ຢ່າງໜ້ອຍ 150,000
ບໍ່ມີທີ່ຢູ່ອາໄສຍ້ອນຄວາມຮຸນແຮງນີ້.
ໃນຕົ້ນອາທິດນີ້ ທູດພິເສດສະຫະປະຊາຊາດ ຮັບຜິດຊອບເລື້ອງເຢເມັນ ທ່ານ Jamal
Benomar ຊຶ່ງເປັນຊາວ Morrocco ໄດ້ລາອອກຈາກໜ້າທີ່ ຫລັງຈາກບໍ່ສາມາດນຳເອົາ
ສອງຝ່າຍ ເຂົ້າມາເຈລະຈາສັນຕິພາບ.
ແຫລ່ງຂ່າວທາງການທູດແຈ້ງວ່າ ນັກການທູດ Mauritaninia ທ່ານ Ismail Ould
Cheikh Ahmed ໃນບໍ່ຊ້ານີ້ ຈະຖືກແຕ່ງຕັ້ງ ໃຫ້ເຂົ້າຮັບໜ້າທີ່ແທນ ທ່ານ Benomar
ຊຶ່ງອາດຈະເປັນໃນວັນສຸກມື້ນີ້ກໍໄດ້.
ຊາອຸດີ ແລະບັນດາພັນທະມິດໃນກຳລັງປະສົມ ມີລາຍງານວ່າ ມີຄວາມພໍດີໃຈກັບອັນທີ່
ເຂົາເຈົ້າໄດ້ເຫັນວ່າ ທ່າທີອ່່ອນແອຂອງທ່ານ Benomar ຕໍ່ພວກກະ ບົດ Houthi.