ລາຍງານໃໝ່ສະບັບນຶ່ງຂອງສະຫະປະຊາຊາດເຕືອນວ່າ ການ
ແຜ່ລະບາດຂອງເຊື້ອ HIV ໃນຂົງເຂດເອເຊຍແລະແປຊິຟິກ
ແມ່ນພວມ ມາຮອດບາດລ້ຽວທີ່ສຳຄັນ ໂດຍມີຄວາມກ້າວໜ້າ
ແຕ່ພຽງໜ້ອຍດຽວ ເພື່ອລົດຜ່ອນອັດຕາການຕິດເຊື້ອລາຍໃໝ່
ໃນໄລຍະບໍ່ເທົ່າໃດປີຜ່ານມານີ້. ດັ່ງ ທີ່ Ron Corben ລາຍ
ງານຈາກບາງກອກນັ້ນ ກໍແມ່ນວ່າ ພວກນັກຄົ້ນ ຄວ້າ ແລະ
ນັກເຄຶ່ອນໄຫວກ່ຽວກັບໂຣກເອດສ໌ ກໍາລັງພາກັນຮຽກຮ້ອງໃຫ້
ມີການຕັດສິນໃຈທາງດ້ານການເມືອງຫຼາຍຂຶ້ນໂດຍລັດຖະບານ
ທັງຫຼາຍ ເພື່ອຫາທາງແກ້ໄຂບັນຫາຕ່າງໆທີ່ກ່ຽວພັນກັບເຊື້ອດັ່ງ
ກ່າວນີ້. ຊຶ່ງທອງປານ ຈະນໍາມາສະເໜີທ່ານ ໃນອັນດັບຕໍ່ໄປ.
ລາຍງານດັ່ງກ່າວ ໄດ້ຈັດຂຶ້ນ ໂດຍໂຄງການຮ່ວມສະຫະປະຊາຊາດ ເພື່ອຮັບມືກັບເຊື້ອ HIV ແລະໂຣກ AIDS ເວົ້າວ່າ ປະຊາຊົນຈໍາ ນວນ ສີ່ລ້ານ ເກົ້າແສນຄົນ ຕິດເຊື້ອໄວ ຣັສ ທີ່ພາໃຫ້ເປັນໂຣກເອດສ໌ ຢູ່ທົ່ວຂົງເຂດເອເຊຍ ແລະແປຊິຟິກ ຊຶ່ງໂດຍສ່ວນໃຫຍ່ແລ້ວແມ່ນຢູ່ອິນເດຍ ຈີນ ແລະອິນໂດເນເຊຍ.
ລາຍງານດັ່ງກ່າວ ຊຶ່ງນໍາອອກເຜີຍແຜ່ ເພື່ອໃຫ້ກົງກັນກັບກອງປະຊຸມນາໆຊາດຄັ້ງທີ 11 ກ່ຽວກັບໂຣກເອດສ໌ ໃນຂົງເຂດເອເຊຍ ແລະແປຊິຟິກ ເວົ້າວ່າ ອັດຕາການຕິດເຊື້ອໄວຣັສລາຍໃໝ່ ໄດ້ຫຼຸດລົງ ຫຼາຍກວ່າ 25 ເປີເຊັນ ຕັ້ງແຕ່ປີ 2001 ເປັນຕົ້ນມາ.
ອິນເດຍ ມຽນມາ ເນປານ ປາປົວນີວກີນີ ແລະໄທ ຕ່າງກໍມີລາຍງານວ່າ ອັດຕາການຕິດເຊື້ອເອັຊໄອວີລາຍໃໝ່ ລົດຕໍ່າລົງເປັນຫຼາຍກວ່າ 50 ເປີເຊັນ ໃນລະຫວ່າງສິບປີຜ່ານ ມາ ແຕ່ປະກົດວ່າ ໄດ້ພົບເຫັນຫຼັກຖານການ ໂຜ່ໂຕຂອງການຕິດເຊື້ອໃໝ່ກໍາລັງເພີ່ມຢ່າງວ່ອງໄວໃນປະເທດອິນໂດເນເຊຍ ປາກີສຖານ ແລະ ຟິລິບປິນ.
ອັດຕາການຕິດເຊື້ອ HIV ໃໝ່ປະຈໍາປີ ຢູ່ໃນຂົງເຂດເອເຊຍ-ແປຊິຟິກ ຍັງ ຢູ່ໃນອັດຕາທີ່ສະໝໍ່າສະເໝີ ຄື 350,000 ຄົນຕໍ່ປີ ນັບຕັ້ງແຕ່ປີ 2008 ເປັນຕົ້ນມາ.
ທ່ານ Steve Kraus ຜູ້ອໍານວຍການ ໂຄງການ UNAIDS ປະຈໍາຂົງເຂດເອເຊຍ-ແປຊິຟິກ ເວົ້າວ່າ ຄວາມກ້າວໜ້າຜ່ານມາ ໃນການຫຼຸດຜ່ອນການຕິດເຊື້ອດັ່ງກ່າວ ໄດ້ຢຸດຊະງັກລົງ ຊຶ່ງໄດ້ບ່ອນທຳລາຍຕໍ່ເປົ້າໝາຍຂອງສະຫະປະຊາຊາດ ເພື່ອຈະບັນລຸການຕິດເຊື້ອໃໝ່ ແລະການເສຍຊີ ວິດຈາກເຊື້ອໄວຣັສ ໃຫ້ລົງມາຢູ່ສູນນັ້ນ.
ທ່ານ Kraus ເວົ້າວ່າ: “ພວກເຮົາຕ້ອງມີການຄິດຄົ້ນກັນໃໝ່ ຄືພວກເຮົາ ບໍ່ເຫັນມີການຫຼຸດລົງ ຂອງການຕິດເຊື້ອໃໝ່ໃນຂົງເຂດຂອງພວກເຮົາ ໃນຊ່ວງຫ້າປີຜ່ານມາ. ເຮົາຕ້ອງທ້າທາຍສະພາບການທີ່ເປັນຢູ່ໃນໃນປັດຈຸບັນ ຍ້ອນກົດໝາຍ ນະໂຍບາຍ ແລະການປະຕິບັດ ທີ່ມັກຈະກາຍເປັນອຸບປະ ສັກຢູ່ເລື້ອຍໆ. ການເຂົ້າຫາການປິ່ນປົວຮັກສາກໍບໍ່ມີ ແລະໂຄງການປ້ອງກັນຕ່າງໆ ກໍບໍ່ໄດ້ປັບໃຫ້ດີຂຶ້ນ.”
ຜູ້ຄົນຈໍານວນຫຼວງຫຼາຍໃນຂົງເຂດ ເຂົ້າເຖິງຢຸກຢາ ເພື່ອກວດສອບໄວຣັສ ເປັນປະຈໍາ ຫຼືການປິ່ນປົວດ້ວຍຢາຕ້ານເຊື້ອໄວຣັສ ແມ່ນໄດ້ເພີ່ມຂຶ້ນເປັນ ນຶ່ງລ້ານ ສອງແສນຫ້າສິບພັນຄົນ ຫຼືພຽງ 50 ເປີເຊັນຂອງຜູ້ຕິດເຊື້ອທັງ ໝົດ.
ນອກນີ້ ອັດຕາການເສຍຊີວິດຈາກໂຣກເອດສ໌ ກໍຫຼຸດລົງ 18 ເປີເຊັນ ນັບຕັ້ງແຕ່ປີ 2005 ເປັນຕົ້ນມາ ມາເປັນປະມານ 270,000 ຄົນໃນປີ 2012.
ລາຍງານເວົ້າວ່າ ອັດຕາການແຜ່ລະບາດທີ່ວ່ອງໄວທີ່ສຸດ ແມ່ນຢູ່ໃນກຸ່ມ ຜູ້ຊາຍ ທີ່ມີເພດສໍາພັນກັບເພດຊາຍດຽວກັນ ຄືພວກຜູ້ຊາຍດັ່ງກ່າວຈໍານວນ 27 ລ້ານຄົນ ທີສ່ຽງຕໍ່ການຕິດເຊື້ອໄວຣັສນີ້. ໃນຂະນະທີ່ ອິນໂດເນເຊຍ ປາກີສຖານ ແລະຟິລິບປິນ ອັດຕາຜູ້ຕິດເຊື້ອໃໝ່ ທີ່ກໍາລັງເພີ່ມສູງຂຶ້ນນັ້ນ ແມ່ນເຊື່ອມໂຍງກັບກຸ່ມຄົນທີ່ໃຊ້ເຂັມສີດຢາເສບຕິດ.
ທ່ານ Malu Marin ຜູ້ປະສານງານລະດັບຂົງເຂດ ຂອງ Seven Sisters ຊຶ່ງເປັນອົງ ການບໍ່ຂຶ້ນກັບລັດຖະບານ ເວົ້າວ່າ ບັນຫາເລຶ່ອງການ ຈໍາແນກກີດກັນ ແລະການເສຍຊີວິດ ທີ່ກ່ຽວພັນກັບໂຣກເອດສ໌ ອ້າງເຖິງ ຄວາມກ້າວໜ້າພຽງໜ້ອຍດຽວ ໂດຍພວກກໍາໜົດນະໂຍບາຍ.
ທ່ານ ມາຣິນ ເວົ້າວ່າ: “ພວກເຮົາໄດ້ຮັບຄວາມກ້າວໜ້າ ໃນການປ່ຽນແປງພຶດຕິກໍາທີ່ມີຄວາມສ່ຽງ ທີ່ເພີ່ມຄວາມຫຼໍ່ແຫຼມຕໍ່ການຕິດເຊື້ອ HIV ແຕ່ເຮົາຍັງບໍ່ໄດ້ ຄວາມກ້າວໜ້າ ໃນການປ່ຽນແປງພຶດຕິກໍາຂອງພວກກໍາໜົດນະໂຍບາຍ ຜູ້ນໍາທາງການເມືອງ ແລະພວກບໍລິຫານພາກລັດ ນັ້ນແຕ່ຢ່າງໃດ .ຫຼັກຖານທີ່ ຮູ້ເຫັນກັນ ຄວນຈະເປັນພື້ນຖານ ຂອງພວກເຮົາ ແຕ່ໄລຍະ 30 ປີຕໍ່ມານັ້ນ ເຊື້ອ HIV ແມ່ນຖືກມອງເຫັນ ຈາກກະຈົກສ່ອງຂອງສິນລະທໍາ ທີ່ໄຮ້ຂໍ້ພິສູດ. ພວກເຮົາໄດ້ຮັບການປ່ຽນແປງມາຢູ່ເລກສູນ ຄືບໍ່ໄດ້ຮັບການ ປ່ຽນແປງຫຍັງເລີຍ ຍ້ອນວ່າບໍ່ມີງົບປະມານ ບໍ່ມີການປະຕິຮູບທາງກົດ ໝາຍ ແລະບໍ່ມີການຕັດສິນໃຈທາງການເມືອງທີ່ແທ້ຈິງ.”
ທ່ານ Ratu Epeli Nailatikau ປະທານາທິບໍດີ ປະເທດເກາະ Fiji ເວົ້າວ່າ ມີຫຼາຍສິ່ງຫຼາຍຢ່າງຕ້ອງໄດ້ກະທໍາໃຫ້ສໍາເລັດ ໄປສູ່ການຫຼຸດຜ່ອນ ຄວາມອັບອາຍຂາຍໜ້າ ແລະການຈໍາແນກກີດກັນ ນັ້ນລົງໃຫ້ໄດ້.
ທ່ານ Nailatikau ເວົ້າວ່າ: “ໂຄງການຕ່າງໆເພື່ອຫາທາງແກ້ໄຂບັນຫາ ຄວາມອັບອາຍຂາຍໜ້າ ແລະ ການຈໍາແນກກີດກັນ ທີ່ກ່ຽວພັນກັບເຊື້ອ HIV ຢູ່ຕາມບ່ອນເຮັດວຽກ ໂຮງຮຽນ ແລະອົງກອນການຄ້າຕ່າງໆນັ້ນ ຍັງ ມີລາຍງານວ່າ ເປັນປັດໄຈຖ່ວງຄວາມກ້າວໜ້າຂອງເປົ້າໝາຍນີ້ ຢູ່ໃນ ຫຼາຍໆປະເທດ ເຖິງແມ່ນວ່າໂຄງການດັ່ງກ່າວນັ້ນ ບໍ່ຄ່ອຍໄດ້ຮັບການຈັດຕັ້ງປະຕິບັດກັນໃນຂອບເຂດທີ່ກວ້າງຂວາງພໍ ກໍຕາມ.”
ບັນດາເຈົ້າໜ້າທີ່ຢູແອັນ ເຫັນຄວາມຈໍາເປັນວ່າ ຕ້ອງໃຫ້ມີການປະຕິຮູບກົດໝາຍ ໃນດ້ານຕ່າງໆ ເຊັ່ນ ການມີເພດສໍາພັນ ກັບຄົນເພດດຽວກັນ ກຳນົດໂທດຕໍ່ພວກຄ້າປະເວນີ ແລະວາງຂໍ້ຈໍາກັດຮັດແຄບຕໍ່ການເຄື່ອນ ຍ້າຍຂອງພວກຄົນທີ່ຕິດເຊື້ອ HIV.
ແຜ່ລະບາດຂອງເຊື້ອ HIV ໃນຂົງເຂດເອເຊຍແລະແປຊິຟິກ
ແມ່ນພວມ ມາຮອດບາດລ້ຽວທີ່ສຳຄັນ ໂດຍມີຄວາມກ້າວໜ້າ
ແຕ່ພຽງໜ້ອຍດຽວ ເພື່ອລົດຜ່ອນອັດຕາການຕິດເຊື້ອລາຍໃໝ່
ໃນໄລຍະບໍ່ເທົ່າໃດປີຜ່ານມານີ້. ດັ່ງ ທີ່ Ron Corben ລາຍ
ງານຈາກບາງກອກນັ້ນ ກໍແມ່ນວ່າ ພວກນັກຄົ້ນ ຄວ້າ ແລະ
ນັກເຄຶ່ອນໄຫວກ່ຽວກັບໂຣກເອດສ໌ ກໍາລັງພາກັນຮຽກຮ້ອງໃຫ້
ມີການຕັດສິນໃຈທາງດ້ານການເມືອງຫຼາຍຂຶ້ນໂດຍລັດຖະບານ
ທັງຫຼາຍ ເພື່ອຫາທາງແກ້ໄຂບັນຫາຕ່າງໆທີ່ກ່ຽວພັນກັບເຊື້ອດັ່ງ
ກ່າວນີ້. ຊຶ່ງທອງປານ ຈະນໍາມາສະເໜີທ່ານ ໃນອັນດັບຕໍ່ໄປ.
ລາຍງານດັ່ງກ່າວ ໄດ້ຈັດຂຶ້ນ ໂດຍໂຄງການຮ່ວມສະຫະປະຊາຊາດ ເພື່ອຮັບມືກັບເຊື້ອ HIV ແລະໂຣກ AIDS ເວົ້າວ່າ ປະຊາຊົນຈໍາ ນວນ ສີ່ລ້ານ ເກົ້າແສນຄົນ ຕິດເຊື້ອໄວ ຣັສ ທີ່ພາໃຫ້ເປັນໂຣກເອດສ໌ ຢູ່ທົ່ວຂົງເຂດເອເຊຍ ແລະແປຊິຟິກ ຊຶ່ງໂດຍສ່ວນໃຫຍ່ແລ້ວແມ່ນຢູ່ອິນເດຍ ຈີນ ແລະອິນໂດເນເຊຍ.
ລາຍງານດັ່ງກ່າວ ຊຶ່ງນໍາອອກເຜີຍແຜ່ ເພື່ອໃຫ້ກົງກັນກັບກອງປະຊຸມນາໆຊາດຄັ້ງທີ 11 ກ່ຽວກັບໂຣກເອດສ໌ ໃນຂົງເຂດເອເຊຍ ແລະແປຊິຟິກ ເວົ້າວ່າ ອັດຕາການຕິດເຊື້ອໄວຣັສລາຍໃໝ່ ໄດ້ຫຼຸດລົງ ຫຼາຍກວ່າ 25 ເປີເຊັນ ຕັ້ງແຕ່ປີ 2001 ເປັນຕົ້ນມາ.
ອິນເດຍ ມຽນມາ ເນປານ ປາປົວນີວກີນີ ແລະໄທ ຕ່າງກໍມີລາຍງານວ່າ ອັດຕາການຕິດເຊື້ອເອັຊໄອວີລາຍໃໝ່ ລົດຕໍ່າລົງເປັນຫຼາຍກວ່າ 50 ເປີເຊັນ ໃນລະຫວ່າງສິບປີຜ່ານ ມາ ແຕ່ປະກົດວ່າ ໄດ້ພົບເຫັນຫຼັກຖານການ ໂຜ່ໂຕຂອງການຕິດເຊື້ອໃໝ່ກໍາລັງເພີ່ມຢ່າງວ່ອງໄວໃນປະເທດອິນໂດເນເຊຍ ປາກີສຖານ ແລະ ຟິລິບປິນ.
ອັດຕາການຕິດເຊື້ອ HIV ໃໝ່ປະຈໍາປີ ຢູ່ໃນຂົງເຂດເອເຊຍ-ແປຊິຟິກ ຍັງ ຢູ່ໃນອັດຕາທີ່ສະໝໍ່າສະເໝີ ຄື 350,000 ຄົນຕໍ່ປີ ນັບຕັ້ງແຕ່ປີ 2008 ເປັນຕົ້ນມາ.
ທ່ານ Steve Kraus ຜູ້ອໍານວຍການ ໂຄງການ UNAIDS ປະຈໍາຂົງເຂດເອເຊຍ-ແປຊິຟິກ ເວົ້າວ່າ ຄວາມກ້າວໜ້າຜ່ານມາ ໃນການຫຼຸດຜ່ອນການຕິດເຊື້ອດັ່ງກ່າວ ໄດ້ຢຸດຊະງັກລົງ ຊຶ່ງໄດ້ບ່ອນທຳລາຍຕໍ່ເປົ້າໝາຍຂອງສະຫະປະຊາຊາດ ເພື່ອຈະບັນລຸການຕິດເຊື້ອໃໝ່ ແລະການເສຍຊີ ວິດຈາກເຊື້ອໄວຣັສ ໃຫ້ລົງມາຢູ່ສູນນັ້ນ.
ທ່ານ Kraus ເວົ້າວ່າ: “ພວກເຮົາຕ້ອງມີການຄິດຄົ້ນກັນໃໝ່ ຄືພວກເຮົາ ບໍ່ເຫັນມີການຫຼຸດລົງ ຂອງການຕິດເຊື້ອໃໝ່ໃນຂົງເຂດຂອງພວກເຮົາ ໃນຊ່ວງຫ້າປີຜ່ານມາ. ເຮົາຕ້ອງທ້າທາຍສະພາບການທີ່ເປັນຢູ່ໃນໃນປັດຈຸບັນ ຍ້ອນກົດໝາຍ ນະໂຍບາຍ ແລະການປະຕິບັດ ທີ່ມັກຈະກາຍເປັນອຸບປະ ສັກຢູ່ເລື້ອຍໆ. ການເຂົ້າຫາການປິ່ນປົວຮັກສາກໍບໍ່ມີ ແລະໂຄງການປ້ອງກັນຕ່າງໆ ກໍບໍ່ໄດ້ປັບໃຫ້ດີຂຶ້ນ.”
ຜູ້ຄົນຈໍານວນຫຼວງຫຼາຍໃນຂົງເຂດ ເຂົ້າເຖິງຢຸກຢາ ເພື່ອກວດສອບໄວຣັສ ເປັນປະຈໍາ ຫຼືການປິ່ນປົວດ້ວຍຢາຕ້ານເຊື້ອໄວຣັສ ແມ່ນໄດ້ເພີ່ມຂຶ້ນເປັນ ນຶ່ງລ້ານ ສອງແສນຫ້າສິບພັນຄົນ ຫຼືພຽງ 50 ເປີເຊັນຂອງຜູ້ຕິດເຊື້ອທັງ ໝົດ.
ນອກນີ້ ອັດຕາການເສຍຊີວິດຈາກໂຣກເອດສ໌ ກໍຫຼຸດລົງ 18 ເປີເຊັນ ນັບຕັ້ງແຕ່ປີ 2005 ເປັນຕົ້ນມາ ມາເປັນປະມານ 270,000 ຄົນໃນປີ 2012.
ລາຍງານເວົ້າວ່າ ອັດຕາການແຜ່ລະບາດທີ່ວ່ອງໄວທີ່ສຸດ ແມ່ນຢູ່ໃນກຸ່ມ ຜູ້ຊາຍ ທີ່ມີເພດສໍາພັນກັບເພດຊາຍດຽວກັນ ຄືພວກຜູ້ຊາຍດັ່ງກ່າວຈໍານວນ 27 ລ້ານຄົນ ທີສ່ຽງຕໍ່ການຕິດເຊື້ອໄວຣັສນີ້. ໃນຂະນະທີ່ ອິນໂດເນເຊຍ ປາກີສຖານ ແລະຟິລິບປິນ ອັດຕາຜູ້ຕິດເຊື້ອໃໝ່ ທີ່ກໍາລັງເພີ່ມສູງຂຶ້ນນັ້ນ ແມ່ນເຊື່ອມໂຍງກັບກຸ່ມຄົນທີ່ໃຊ້ເຂັມສີດຢາເສບຕິດ.
ທ່ານ Malu Marin ຜູ້ປະສານງານລະດັບຂົງເຂດ ຂອງ Seven Sisters ຊຶ່ງເປັນອົງ ການບໍ່ຂຶ້ນກັບລັດຖະບານ ເວົ້າວ່າ ບັນຫາເລຶ່ອງການ ຈໍາແນກກີດກັນ ແລະການເສຍຊີວິດ ທີ່ກ່ຽວພັນກັບໂຣກເອດສ໌ ອ້າງເຖິງ ຄວາມກ້າວໜ້າພຽງໜ້ອຍດຽວ ໂດຍພວກກໍາໜົດນະໂຍບາຍ.
ທ່ານ ມາຣິນ ເວົ້າວ່າ: “ພວກເຮົາໄດ້ຮັບຄວາມກ້າວໜ້າ ໃນການປ່ຽນແປງພຶດຕິກໍາທີ່ມີຄວາມສ່ຽງ ທີ່ເພີ່ມຄວາມຫຼໍ່ແຫຼມຕໍ່ການຕິດເຊື້ອ HIV ແຕ່ເຮົາຍັງບໍ່ໄດ້ ຄວາມກ້າວໜ້າ ໃນການປ່ຽນແປງພຶດຕິກໍາຂອງພວກກໍາໜົດນະໂຍບາຍ ຜູ້ນໍາທາງການເມືອງ ແລະພວກບໍລິຫານພາກລັດ ນັ້ນແຕ່ຢ່າງໃດ .ຫຼັກຖານທີ່ ຮູ້ເຫັນກັນ ຄວນຈະເປັນພື້ນຖານ ຂອງພວກເຮົາ ແຕ່ໄລຍະ 30 ປີຕໍ່ມານັ້ນ ເຊື້ອ HIV ແມ່ນຖືກມອງເຫັນ ຈາກກະຈົກສ່ອງຂອງສິນລະທໍາ ທີ່ໄຮ້ຂໍ້ພິສູດ. ພວກເຮົາໄດ້ຮັບການປ່ຽນແປງມາຢູ່ເລກສູນ ຄືບໍ່ໄດ້ຮັບການ ປ່ຽນແປງຫຍັງເລີຍ ຍ້ອນວ່າບໍ່ມີງົບປະມານ ບໍ່ມີການປະຕິຮູບທາງກົດ ໝາຍ ແລະບໍ່ມີການຕັດສິນໃຈທາງການເມືອງທີ່ແທ້ຈິງ.”
ທ່ານ Ratu Epeli Nailatikau ປະທານາທິບໍດີ ປະເທດເກາະ Fiji ເວົ້າວ່າ ມີຫຼາຍສິ່ງຫຼາຍຢ່າງຕ້ອງໄດ້ກະທໍາໃຫ້ສໍາເລັດ ໄປສູ່ການຫຼຸດຜ່ອນ ຄວາມອັບອາຍຂາຍໜ້າ ແລະການຈໍາແນກກີດກັນ ນັ້ນລົງໃຫ້ໄດ້.
ທ່ານ Nailatikau ເວົ້າວ່າ: “ໂຄງການຕ່າງໆເພື່ອຫາທາງແກ້ໄຂບັນຫາ ຄວາມອັບອາຍຂາຍໜ້າ ແລະ ການຈໍາແນກກີດກັນ ທີ່ກ່ຽວພັນກັບເຊື້ອ HIV ຢູ່ຕາມບ່ອນເຮັດວຽກ ໂຮງຮຽນ ແລະອົງກອນການຄ້າຕ່າງໆນັ້ນ ຍັງ ມີລາຍງານວ່າ ເປັນປັດໄຈຖ່ວງຄວາມກ້າວໜ້າຂອງເປົ້າໝາຍນີ້ ຢູ່ໃນ ຫຼາຍໆປະເທດ ເຖິງແມ່ນວ່າໂຄງການດັ່ງກ່າວນັ້ນ ບໍ່ຄ່ອຍໄດ້ຮັບການຈັດຕັ້ງປະຕິບັດກັນໃນຂອບເຂດທີ່ກວ້າງຂວາງພໍ ກໍຕາມ.”
ບັນດາເຈົ້າໜ້າທີ່ຢູແອັນ ເຫັນຄວາມຈໍາເປັນວ່າ ຕ້ອງໃຫ້ມີການປະຕິຮູບກົດໝາຍ ໃນດ້ານຕ່າງໆ ເຊັ່ນ ການມີເພດສໍາພັນ ກັບຄົນເພດດຽວກັນ ກຳນົດໂທດຕໍ່ພວກຄ້າປະເວນີ ແລະວາງຂໍ້ຈໍາກັດຮັດແຄບຕໍ່ການເຄື່ອນ ຍ້າຍຂອງພວກຄົນທີ່ຕິດເຊື້ອ HIV.
