ທຳນຽບຂາວ ກ່າວວ່າ ຕົນບໍ່ສາມາດໃຫ້ການຢືນຟັນ ກ່ຽວກັບ
ລາຍງານຂ່າວທີ່ວ່າ ກຳລັງຢູເຄຣນ ໄດ້ທຳລາຍຂະບວນລົດ
ທະຫານຣັດເຊຍ ທີ່ກ່າວຫາວ່າ ຂ້າມເຂົ້າໄປໃນພາກຕາເວັນ
ອອກຂອງຢູເຄຣນ.
ໂຄສົກຍິງ ທ່ານນາງ Caitlin Hayden ກ່າວໃນຕອນແລງ
ວັນສຸກວານນີ້ວ່າ ບັນດາເຈົ້າໜ້າທີ່ພວມດຳເນີນງານ ເພື່ອ
ເກັບກຳຂໍ້ມູນລາຍລະອຽດກ່ຽວກັບສະ ຖານະການດັ່ງກ່າວ
ຢູ່. ທ່ານນາງກ່າວວ່າ ສະຫະລັດຍັງສືບຕໍ່ມີຄວາມເປັນຫ່ວງ
ກ່ຽວກັບການລ່ວງລ້ຳຊ້ຳແລ້ວຊ້ຳອີກໂດຍຣັດເຊຍ ແລະໃຫ້
ການສະໜັບສະໜຸນໂດຍຣັດເຊຍ ເຂົ້າໄປຢູເຄຣນ.
ຢູເຄຣນ ເລີ້ມກວດ ຂະບວນລົດ ຣັດເຊຍ
ໃນຕອນເຊົ້າວັນສຸກວານນີ້ ຣັດເຊຍໄດ້ປະຕິເສດ ຕໍ່ລາຍງານຂ່າວທີ່ວ່າ ຂະບວນລົດທະ
ຫານຣັດເຊຍໄດ້ຂ້າມເຂົ້າໄປໃນພາກຕາເວັນອອກຂອງຢູເຄຣນໃນຕອນແລງວັນພະຫັດ ຜ່ານມາ ແລະໄດ້ຖືກທໍາລາຍໂດຍທະຫານຢູເຄຣນ.
ແຕ່ ຫ້ອງການປະທານາທິບໍດີ ຢູເຄຣນ ທ່ານ Petro Poroshenko ກ່າວວ່າ ຢູເຄຣນໄດ້
ທຳລາຍສ່ວນໃຫຍ່ຂອງຂະບວນລົດທະຫານຣັດເຊຍ. ທ່ານ Poro-shenko ຍັງຢືນຢັນ
ຕໍ່ສື່ມ່ວນຊົນລາຍງານວ່າ ລົດທະຫານຣັດເຊຍໄດ້ເຫັນຂ້າມ ເຂົ້າໄປໃນຢູເຄຣນ ປະມານ
30 ກິໂລແມັດ ຫ່າງຈາກບ່ອນທີ່ຂະບວນລົດຊ່ວຍເຫລືອຂອງຣັດເຊຍ ໄດ້ຢຸດເພື່ອກວດ
ກາ.
ທຳນຽບຫ້າແຈ ກ່າວວ່າ ລັດຖະມົນຕີປ້ອງກັນປະເທດ ຣັດເຊຍ ທ່ານ Sergei Shoygu
ແລະ ທ່ານ Hagel ລັດຖະມົນຕີປ້ອງກັນປະເທດສະຫະລັດ ໄດ້ຫາ ລືກັນກ່ຽວກັບເລື່ອງ
ຂະບວນລົດຂົນສົ່ງການຊ່ວຍເຫຼືອ ໃນການໂອ້ລົມທາງໂທ ລະສັບໃນມື້ວານນີ້.
ໂຄສົກຂອງທຳນຽບຫ້າແຈພົນເຮືອຕີ John Kirby ກ່າວວ່າ ທ່ານ Hagel ໄດ້ຂໍຄວາມ
ກະຈ່າງແຈ້ງກ່ຽວກັບຂະບວນລົດດັ່ງກ່າວ ແລະທ່ານ Shougu ໄດ້ໃຫ້ການຄໍ້າ ປະກັນ
ຕໍ່ທ່ານວ່າ ຂະບວນລົດບໍ່ໄດ້ບັນຈຸທະຫານ ແລະບໍ່ໄດ້ໃຊ້ເປັນສາກບັງໜ້າ ເພື່ອໃຫ້ຣັດ
ເຊຍແຊກແຊງ ເຂົ້າໄປໃນຢູເຄຣນເພີ້ມຕື່ມແຕ່ປະການໃດ.
