ປະທານາທິບໍດີ ຢູເຄຣນ ແລະຣັດເຊຍ ຈະພົບປະກັນກັບບັນດາ
ຜູ້ຕາງໜ້າຂອງສະຫະພາບຢູໂຣບ ທີ່ເບລາຣຸສ ໃນວັນອັງຄານ
ມື້ອື່ນນີ້ ໃນຄວາມພະຍາຍາມເພື່ອໃຫ້ບັນລຸຂໍ້ຕົກລົງ ທີ່ຈະເຮັດ
ໃຫ້ການສູ້ລົບກັນທີ່ພາກຕາເວັນອອກຂອງຢູເຄຣນ ຍຸດຕິລົງ.
ໃນຂະນະດຽວກັນ ກຳລັງຂອງລັດຖະບານຢູເຄຣນ ກໍປາກົດວ່າ
ໄດ້ຫຍັບເຂົ້າໃກ້ຂຶ້ນ ທີ່ໝັ້ນທີ່ຍັງເຫລືອຢູ່ໃນຂົງເຂດ ຂອງພວກ
ແບ່ງແຍກດິນແດນນິຍົມຣັດເຊຍ. ນັກຂ່າວວີໂອເອ Zlatica Hoke
ມີເລື່ອງນີ້ເພີ້ມເຕີມ ຊຶ່ງກິ່ງສະຫວັນ ຈະນຳມາສະເໜີທ່ານ.
ລັດຖະບານຢູເຄຣນ ໄດ້ສົ່ງກຳລັງທະຫານເພີ້ມເຕີມອີກ ໃນວັນພຸດແລ້ວນີ້ ໄປຍັງເມືອງ
Luhansk ໃນພາກຕາເວັນອອກຂອງຢູເຄຣນ ຊຶ່ງເປັນບ່ອນທີ່ມີການສູ້ລົບກັນຢ່າງໜັກ
ໃນອາທິດທີ່ຜ່ານມາ. ແຕ່ຢູ່ເມືອງ Donetsk ຊຶ່ງແມ່ນອີກຈຸດນຶ່ງທີ່ມີການສູ້ລົບກັນ ລະ
ຫວ່າງທະຫານລັດຖະບານ ແລະພວກແບ່ງແຍກດິນແດນນິຍົມຣັດເຊຍນັ້ນ ຊາວເມືອງ
ໄດ້ພາກັນອອກມາຍັງຖະໜົນຫົນທາງ ໃນຂະນະທີ່ມີການຢຸດລະດົມຍິງປືນໃຫຍ່ໃສ່
ເມືອງຂອງເຂົາເຈົ້າ ເພື່ອສັ່ງຊາຕີລາຄາ ຄວາມເສຍຫາຍ. ຊາວເມືອງຈຳນວນນຶ່ງກ່າວ
ວ່າ ເຂົາເຈົ້າບໍ່ສົນໃຈວ່າ ຈະແມ່ນລັດໃດທີ່ເຂົາເຈົ້າອາໃສຢູ່ ຂໍພຽງແຕ່ໃຫ້ມີຄວາມສະ
ຫງົບເທົ່ານັ້ນກໍພໍ.
ທ່ານ Raf Tatine ຊາວເມືອງ Donetsk ກ່າວເປັນພາສາຣັດເຊຍ ວ່າ:
“ເຮົາຕ້ອງຊອກຫາການປະນີປະນອມກັນເພື່ອຄວາມສັນຕິ. ຖ້າຫາກວ່າ ຣັດເຊຍ ບໍ່
ຕ້ອງການພວກເຮົາ ຂ້ອຍກໍບໍ່ຢາກຕົກຄ້າງຢູ່ລະຫວ່າງກາງການສູ້ລົບກັນ. ເຂົາເຈົ້າຖະຫລົ່ມຍິງໃສ່ພວກເຮົາຢູ່ທີ່ນີ້. ຂ້ອຍສະໜັບສະໜູນ ທັງຮັດເຊຍ ແລະຢູເຄຣນ ເພາະ
ສະນັ້ນ ຖ້າຫາກວ່າ ຣັດເຊຍບໍ່ຕ້ອງການພວກເຮົາ ພວກເຮົາກໍຄວນເຂົ້າຮ່ວມກັບ
ຢູເຄຣນ.”
ເບິ່ງວີດີໂອ ກ່ຽວກັບລາຍງານນີ້:
ຖ້າຫາກ ປະທານາທິບໍດີ ຣັດເຊຍ ແລະຢູເຄຣນ ບັນລຸຂໍ້ຕົກລົງກັນ ສັນຕິພາບອາດ
ຈະຢູ່ໃກ້ເອື້ອມມື. ແຕ່ວ່າ ມັນຍາກທີ່ຈະບອກໄດ້ວ່າ ປະທານາທິບໍດີ ຣັດເຊຍ ທ່ານ
Vladmir Putin ຄິດແນວໃດ ອິງຕາມ ອະດີດ ເອກອັກຄະລັດຖະທູດສະຫະລັດ ປະ
ຈຳ ຢູເຄຣນ ທ່ານ William Taylor.
ທ່ານ Taylor ກ່າວວ່າ: “ທັງໝົດທີ່ພວກເຮົາສາມາດເຮັດໄດ້ກໍຄື ຕັດສິນຈາກສິ່ງທີ່
ທ່ານ Putin ເຮັດ. ແລະສິ່ງທີ່ເພິ່ນໄດ້ກະທຳ ໃນຜ່ານມາ ໂດຍສາລະແລ້ວ ກໍຄື ບໍ່ໄດ້
ເວົ້າຄວາມຈິງ ກັບພວກເຮົາ ກັບປະຊາຄົມນາໆຊາດ ກັບໝົດທັງໂລກ ຕະຫລອດຮອດຊາວຣັດເຊຍ.”
ທ່ານ Taylor ອະດີດ ເອກອັກຄະລັດຖະທູດ ສະຫະລັດ ປະຈຳຢູເຄຣນ ຊຶ່ງປັດຈຸບັນ
ນີ້ເປັນນັກວິເຄາະ ຢູ່ສະຖາບັນສັນຕິພາບສະຫະລັດ ກ່າວວ່າ ປະທານາທິບໍດີ ຢູເຄຣນ
ທ່ານ Petro Poroshenko ຢູ່ໃນຖານະທີ່ ແຂງແຮງກ່ວາ ປະທານາທິບໍດີ Putin ກ່ຽວ
ກັບພາກຕາເວັນອອກຂອງຢູເຄຣນ ນັ້ນ.
ທ່ານ Taylor ກ່າວວ່າ:
“ກຳລັງທະຫານຂອງເພິ່ນ ກຳລັງເສຍໄຊ. ເຂົາເຈົ້າກໍາລັງຖືກບີບຮັດ ແລະຈຳນວນນຶ່ງ
ໄດ້ພາກັນໂຕນໜີ. ທະຫານຣັດເຊຍທີ່ຢູ່ໃນພາກຕາເວັນອອກຂອງຢູເຄຣນ ຈຳນວນນຶ່ງ
ກໍໄດ້ພາກັນປະໜີ ກັບຄືນໄປຍັງຣັດເຊຍ ປອມແປງເປັນພົນລະເຮືອນ ຫລືຂ້າພະເຈົ້າ
ໄດ້ເຫັນລາຍນຶ່ງປອມແປງເປັນຮອດຄຸນພໍ່. ສະຫລູບແລ້ວ ກໍແມ່ນວ່າ ທ່ານ Putin ຕົກ
ຢູ່ໃນສະພາບທີ່ອ່ອນແອລົງໄປເລື້ອຍໆ ແລະບັດນີ້ ເພິ່ນໄດ້ຂໍພົບກັບ ທ່ານ Poros-
henko ຊ້ອງໜ້າຜູ້ແທນຈາກສະຫະພາບຢູໂຣບ. ສະນັ້ນແລ້ວ ນີ້ອາດເປັນຮ່ອງຮອຍ
ວ່າ ທ່ານປູຕິນຮູ້ແລ້ວວ່າ ຕົນເອງຕົກ ຢູ່ໃນຖານະທີ່ອ່ອນແອ.”
ທ່ານ Taylor ກ່າວຕື່ມວ່າ ການຍຶດເອົາແຫລມ Crimea ຂອງຢູເຄຣນ ໂດຍ ຮັດເຊຍ ແລະຄວາມພະຍາຍາມຂອງ ຣັດເຊຍ ທີ່ຈະບຸກຄືບໜ້າເລິກເຂົ້າໄປໃນ ອະດີດສາທາ
ລະນະລັດຂອງ ໂຊວຽດແຫ່ງນັ້ນ ໄດ້ທຳລາຍການປະຕິບັດງານຢ່າງໜັກ ມາເປັນເວ
ລາ ຫລາຍທົດສະວັດຂອງມົສກູ ເພື່ອສ້າງພາບພົດຂອງຣັດເຊຍນັ້ນ.
ທ່ານ Taylor ກ່າວວ່າ:
“ຂ້າພະເຈົ້າຄິດວ່າ ເຂົາເຈົ້າໄດ້ສູນເສຍຄວາມເຊື່ອຖື ຂອງປະຊາຄົມນາໆຊາດ. ແລະ
ເພາະສະນັ້ນ ພວກເຮົາກໍຕ້ອງຮັບຮູ້ຣັດເຊຍ ໃນສິ່ງທີ່ຣັດເຊຍເປັນ ກໍຄືເປັນປະເທດ
ນອກກົດໝາຍ.”
ທ່ານ Taylor ອະດີດ ເອກອັກຄະລັດຖະທູດ ສະຫະລັດ ປະຈຳຢູເຄຣນ ກ່າວວ່າ ບຸລິ
ມະສິດອັນດັບນຶ່ງຂອງຢູເຄຣນເວລານີ້ ກໍຄື ຍຸດຕິການກະບົດຂອງພວກນິຍົມຣັດເຊຍ
ຢູ່ພາກຕາເວັນອອກ ແລະຮັກສາຊາຍແດນຕິດກັບຣັດເຊຍ ໃຫ້ແໜ້ນໜາ. ທ່ານກ່າວ
ວ່າ ລັດຖະບານ Kyiv ຕ້ອງຈັດຕັ້ງປະຕິບັດ ການປະຕິຣູບປະຊາທິປະໄຕຕ່າງໆ ທີ່ຈະ
ຮັບໃຊ້ພົນລະເມືອງຢູເຄຣນທຸກຄົນ ຢ່າງເທົ່າທ່ຽມກັນ ແລະສ້າງສະພາບແວດລ້ອມທີ່
ດີ ສຳຫລັບການລົງທືນຂອງຕ່າງປະເທດ. ແລະທ່ານ Taylor ກ່າວໃນທີ່ສຸດວ່າ ສະຫະ
ລັດ ແລະຢູໂຣບ ຕ້ອງໃຫ້ການສະໜັບສະໜູນ ເພື່ອຄ້ຳປະກັນວ່າ ຢູເຄຣນຈະບໍ່ປະສົບ
ກັບຄວາມຫລົ້ມແຫລວ.
ເບິ່ງວີດີໂອອີກເລື້ອງນຶ່ງ ກ່ຽວກັບລາຍງານນີ້:
