ລິ້ງ ສຳຫລັບເຂົ້າຫາ

ວັນອັງຄານ, ໒໓ ກໍລະກົດ ໒໐໒໔

ເຈົ້າໜ້າທີ່ ໃຫ້ຮ່ອງຮອຍ ກ່ຽວກັບ ການປ່ອນບັດໃໝ່ ໃນບາງເຂດ ຂອງຢູເຄຣນ


ຕຳຫຼວດປາບຈະລາຈົນ ແຍກພວກສະໜັບສະໜຸນລັດຖະບານ ແລະພວກຝ່າຍຄ້ານອອກຈາກກັນ ຢູ່ນອກຫ້ອງການເຂດເລືອກຕັ້ງນຶ່ງ ໃນນະຄອນ Kyiv (2 ພະຈິກ 2012)
ຕຳຫຼວດປາບຈະລາຈົນ ແຍກພວກສະໜັບສະໜຸນລັດຖະບານ ແລະພວກຝ່າຍຄ້ານອອກຈາກກັນ ຢູ່ນອກຫ້ອງການເຂດເລືອກຕັ້ງນຶ່ງ ໃນນະຄອນ Kyiv (2 ພະຈິກ 2012)
ສະມາຊິກທີ່ສຳຄັນ 2 ຄົນ ໃນຄະນະກຳມະການກາງຮັບຜິດຊອບ
ກ່ຽວກັບການເລືອກຕັ້ງຂອງຢູເຄຣນຫຼື CEC ກ່າວວ່າ ການປ່ອນ ບັດໃໝ່ເປັນບາງສ່ວນອາດມີຄວາມຈຳເປັນ ຢູ່ໃນຫົວເມືອງທີ່ສຳ
ຄັນໆຈຳນວນນຶ່ງ ເພື່ອຊີ້ຂາດວ່າ ໃຜເປັນຜູ້ຊະນະບ່ອນນັ່ງ ຢູ່ໃນ
ສະພາແຫ່ງຊາດ ໃນການເລືອກຕັ້ງທີ່ເປັນບັນຫາຖົກຖຽງໂຕ້ແຍ້ງ
ໃນວັນອາທິດຜ່ານມາ.

ການໃຫ້ຄວາມເຫັນ ຂອງທ່ານ Mikhail Okhendovsky ປະ
ທານຄະນະກຳມະການເລືອກຕັ້ງແລະຜູ້ຮອງຂອງທ່ານ ຄືທ່ານ
ນາງ Zhanna Usenko-Chorna ຊຶ່ງມີລາຍງານຢູ່ໃນສື່ມວນ ຊົນທ້ອງຖິ່ນໃນມື້ວັນສຸກວານນີ້ມີຂຶ້ນຂະນະທີ່ການກ່າວຫາຂອງ
ພວກຝ່າຍຄ້ານກ່ຽວກັບການສໍ້ໂກງຄະແນນສຽງໂດຍພັກລັດຖະ
ບານຂອງປະທານາທິບໍດີ Viktor Yanukovych ພວມແຜ່ກະ
ຈາຍໄປທົ່ວວົງການໆເມືອງຂອງຢູເຄຣນ.

ໜັງສືພິມ Kyiv Post ໄດ້ອ້າງຄຳເວົ້າຂອງທ່ານນາງ Usenko-Chorna ທີ່ກ່າວວ່າ ມີ
ຫຼາຍໆເຂດເລືອກຕັ້ງ ທີ່ເປັນໄປໄດ້ຍາກ ຈະຄິດໄລ່ ຜົນການເລືອກຕັ້ງ ໄດ້ຢ່າງຖືກຕ້ອງ. ສ່ວນທ່ານ Okhendovsky ກ່າວຕໍ່ພວກນັກຂ່າວໃນເຂດທ້ອງຖິ່ນວ່າ ຄະນະກຳມະການ ຂອງທ່ານຈະທຳການຕັດສິນຢ່າງເໝາະສົມກ່ຽວກັບການນັບຄະແນນສຽງໃໝ່ ແຕ່ທ່ານບໍ່ ໄດ້ແຈ້ງໃຫ້ຊາບວ່າ ເວລາໃດການຕັດ ສິນໃຈດັ່ງກ່າວຈຶ່ງຈະມີຂຶ້ນ.

ການໃຫ້ຄວາມເຫັນຂອງຄະນະກຳມະການເລືອກຕັ້ງຢູເຄຣນແມ່ນເປັນຮອງຮອຍອັນທຳ ອິດທີ່ສະແດງໃຫ້ເຫັນວ່າ ແມ່ນແຕ່ລັດຖະບານເອງ ກໍມີຄຳຖາມ ກ່ຽວກັບການນັບບັດໃນ ການເລືອກຕັ້ງ ເມື່ອວັນອາທິດຜ່ານມາ. ການນັບຄະແນນທີ່ບໍ່ເປັນທາງການ ສະແດງໃຫ້
ເຫັນວ່າ ພັກລັດຖະບານຂອງປະທານາທິບໍດີ Yanuko-vych ມີຄະແນນນຳໜ້າ ຫຼາຍ
ກວ່າ 30% ນ້ອຍນຶ່ງ. ສ່ວນພັກແນວໂຮມຝ່າຍຄ້ານປິຕຸພູມຂອງອະດີດນາຍົກລັດຖະມົນ
ຕີ Yulia Tymoshenko ຊຶ່ງກຳລັງຖືກຄຸກ ຢູ່ໃນເວລານີ້ ເປັນທີ 2 ໂດຍໄດ້ຮັບຄະແນນ
ສຽງ 25.4%.

ໃນຕອນແລງຂອງວັນພະຫັດຜ່ານມາ ຕຳຫຼວດປາບຈະລາຈົນທີ່ເມືອງ Pervomaisk ຢູ່ ໃນພາກໃຕ້ຂອງປະເທດ ໄດ້ຍິງລະເບີດນໍ້າຕາຂັບໄລ່ພວກປະທ້ວງທີ່ໂກດແຄ້ນ ຍ້ອນມີ ຂ່າວລືວ່າ ມີການນັບບັດທີ່ຜິດປົກກະຕິເກີດຂຶ້ນ.
XS
SM
MD
LG