ຜົນຂອງການນັບບັດຄະແນນສຽງທີ່ຍັງບໍ່ທັນເປັນທາງການແລະ
ມີການຂັດແຍ້ງ ໃນການເລືອກຕັ້ງປະທານາທິບໍດີອູການດາ ສະ
ແດງໃຫ້ເຫັນວ່າທ່ານ Yoweri Museveni ທີ່ໄດ້ກຳອຳນາດມາ
ໄດ້ 30 ປີແລ້ວນັ້ນນຳໜ້າຢູ່ດ້ວຍຄະແນນສຽງເກືອບ 62 ເປິເຊັນ
ຂອງການປ່ອນບັດ. ການນັບຄະແນນສຽງຂັ້ນສຸດທ້າຍ ຄາດວ່າ
ຈະແລ້ວໃນວັນເສົາມື້ນີ້.
ຕົວເລກດັ່ງກ່າວໄດ້ນຳອອກເຜີຍແຜ່ ບໍ່ເທົ່າໃດຊົ່ວໂມງ ກ່ອນກຳ
ໜົດເສັ້ນຕາຍ ໃນເວລາ 4 ໂມງແລງ ດ້ວຍບັດທີ່ນັບໄປແລ້ວທັງ
ໝົດ 83 ເປີເຊັນ.
ຜູ້ທ້າທາຍຕໍ່ທ່ານ Museverni ທີ່ໄດ້ຮັບຄະແນນຫຼາຍທີ່ສຸດກໍຄື ທ່ານ Kizza Besigye ໄດ້ຮັບ 34 ເປີເຊັນຂອງການປ່ອນບັດ ແລະ ທ່ານ Amama Mbabazi ໄດ້ 1.5 ເປີເຊັນ.
ສະຫະລັດ ພ້ອມທັງບັນດາຜູ້ສັງເກດການສາກົນອື່ນໆ ແລະກຸ່ມປົກປ້ອງສິດທິມະນຸດທີ່ມີຊື່ສຽງ ໄດ້ຕຳໜິຕິຕຽນຂັ້ນຕອນການເລືອກຕັ້ງຂອງອູການດາ ໂດຍ ກ່າວຫາວ່າ ມີຄວາມກົດດັນເກີນໄປ ແລະ ໃນບາງກໍລະນີໄດ້ມີການໃຊ້ກຳລັງເກີນຂອບເຂດ ໂດຍກຳລັງຮັກສາຄວາມປອດໄພ ຕໍ່ບັນດາຜູ້ສະມັກຝ່າຍຄ້ານ ແລະພວກສະໜັບສະໜູນເຂົາເຈົ້າ.
ກຸ່ມປົກປ້ອງສິດທິມະນຸດ Human Right Watch ທີ່ມີສຳນັກງານຢູ່ສະຫະລັດໃນວັນເສົາມື້ນີ້ ໄດ້ສະແດງຄວາມເປັນຫ່ວງ ກ່ຽວກັບ ຄວາມສາມາດຂອງອູການດາ ທີ່ຈະຈັດການເລືອກຕັ້ງຢ່າງເສລີ ແລະທ່ຽງທຳ ຕະຫລອດທັງສິດທິຂອງຊາວອູການດາ ໃນການປາກເວົ້າ ແລະໂຮມຊຸມນຸມຢ່າງເສລີ.
