ໃນວັນພຸດວານນີ້ ບໍລິສັດທວີດເຕີໄດ້ເປີດເຜີຍການເກັບກຳເອົາຂໍ້ຄວາມທີ່ຂຽນລົງໃນ
ທວີດເຕີຫລາຍກວ່າ 10 ລ້ານອັນ ທີ່ມີສ່ວນພົວພັນກັບຫລາຍພັນບັນຊີທີ່ເຊື່ອມໂຍງກັບ
ການຈັດຕັ້ງໂຄສະນາຂອງອົງການຄົ້ນຄວ້າທາງອິນເຕີແນັດຂອງຣັດເຊຍ ພ້ອມທັງມີ
ບັນຊີທີ່ບໍ່ຮູ້ວ່າເປັນຂອງໃຜຫລາຍຮ້ອຍອັນ ລວມທັງຫລາຍບັນຊີທີ່ຕັ້ງຢູ່ຂຶ້ນຢູ່ໃນອີຣ່ານ
ອີກດ້ວຍ.
ຂໍ້ມູນນັ້ນ ຕາມການວິເຄາະແລະເປີດເຜີຍຢູ່ໃນບົດລາຍງານຂອງຫ້ອງທົດລອງການ
ຄົ້ນຄວ້າການກະທຳທຸດຈະລິດທາງດີຈິຕອນ ຫລື DFR ຂອງສະພາແອັດແລນຕິກ
ແມ່ນໄດ້ປະກອບເປັນບັນຊີ 3,841 ອັນ ທີ່ມີການເຊື່ອມໂຍງກັບອົງການຄົ້ນຄວ້າທາງ
ອິນເຕີແນັດທີ່ຕັ້ງຢູ່ຣັດເຊຍ, ອີກ 770 ບັນຊີ ອາດຈະຕັ້ງຢູ່ໃນອີຣ່ານ ພ້ອມທັງ ມີຂໍ້
ຄວາມໃນທວີດເຕີອີກ 10 ລ້ານອັນ ແລະມີຮູບພາບ, ວີດິໂອ ແລະສິ່ງໃຊ້ໃນຂ່າວສານ
ອັນອື່ນໆ ຫລາຍກວ່າ 2 ລ້ານອັນອີກ.
ບັນຊີທີ່ບໍ່ບອກວ່າເປັນຂອງໃຜໃນຣັດເຊຍ ທີ່ແນເປົ້າໝາຍໃສ່ການເມືອງຂອງສະຫະລັດ
ແມ່ນໂຈມຕີບຸກຄົນທີ່ມາຈາກທັງພັກຝ່າຍຊ້າຍແລະຝ່າຍຂວາ. ເປົ້າໝາຍຕົ້ນຕໍຂອງພວກ
ເຂົາປາກົດວ່າ ເພື່ອສ້າງໃຫ້ເກີດການຂັດແຍ້ງກັນ ຫລາຍກວ່າການສົ່ງເສີມຝ່າຍໃດ ຝ່າຍ
ນຶ່ງ ຊຶ່ງຄິດວ່າມີຈຸດປະສົງທີ່ຈະເຮັດໃຫ້ ສະຫະລັດມີຄວາມອ່ອນແອລົງ, ອີງຕາມການ
ລາຍງານນັ້ນ.
ຫ້ອງຄົ້ນຄວ້າ DFR ເວົ້າວ່າ ບັນຊີປອມຂອງຣັດເຊຍ ມັກຈະມີປະສິດທິຜົນຫລາຍໂດຍໄດ້
ດຶງດູດເອົາການສົ່ງຕໍ່ທາງທວີດເຕີຫລາຍສິບພັນຄັ້ງສຳລັບການລົງຂ່າວອັນໃດອັນນຶ່ງ
ລວມທັງຈາກຜູ້ອອກຄຳເຫັນທີ່ເປັນນັກວິຈານມີຊື່ສຽງເຊັ່ນ ແອນ ຄາວເຕີ (Ann Coulter)
ທີ່ມີຫົວອະນຸລັກນິຍົມນັ້ນ.
ຂໍ້ຄວາມທີ່ເອົາລົງໃນທວີດເຕີບາງອັນນັ້ນ ຂຽນວ່າ: "ວັນແຫ່ງການຕັດສິນ ມາ ຮອດແລ້ວ.
ຈົ່ງໄປປ່ອນບັດເລືອກເອົາທ່ານ ທຣຳ ແລະທ່ານເພັນສ໌ ຫລື #TrumpPence16 ເພື່ອ
ກອບກູ້ເອົາປະເທດຊາດທີ່ດີເລີດຂອງພວກເຮົາບໍ່ໃຫ້ຖືກທຳລາຍ! #draintheswamp
ໃຫ້ທຳຄວາມສະອາດເອົາສິ່ງບໍ່ດີອອກໄປ #TrumpForPresident ໃຫ້ເລືອກເອົາ
ທຣຳ" ນັ້ນຄືຂໍ້ຄວາມຢູ່ໃນທວີດເຕີປອມ ທີ່ຂຽນໃນມື້ເລືອກຕັ້ງຂອງປີ 2016.
ອີກຂໍ້ຄວາມນຶ່ງ ຂຽນໃນເດືອນມີນາປີນີ້ ເວົ້າວ່າ "ການເຕືອນໃຫ້ຮູ້ປະຈຳວັນ ທ່ານທຣຳ
ຍັງບໍ່ທັນໄດ້ວາງມາດຕະການລົງໂທດຕໍ່ຣັດເຊຍທີ່ໄດ້ຮັບສຽງເຫັນດີ 4,193 ສຽງຢູ່ໃນ
ສະພາຕ່ຳ ແລະ 982 ສຽງ ໃນສະພາສູງນັ້ນເທື່ອ. ອັນນັ້ນ ຄວນຖືກໃຊ້ເປັນເຫດຜົນທີ່
ຈະຟ້ອງໃຫ້ຜູ້ກ່ຽວລົງຈາກຕຳແໜ່ງໄດ້ແລ້ວບໍ່ແມ່ນຫວາ?”
