ນາຍົກລັດຖະມົນຕີເຢຍຣະມັນ ທ່ານນາງ Angela Merkel ແລະບັນດາເຈົ້າໜ້າທີ່ຢູໂຣບ ອື່ນໆ ຈະເດີນທາງໄປເທີກີ ໃນວັນທ້າຍສັບປະດານີ້ ເພື່ອພະຍາ ຍາມຫລຸດຜ່ອນຄວາມ ເຄັ່ງຕຶງທີ່ໄດ້ທະວີຂຶ້ນນັບແຕ່ສອງຝ່າຍໄດ້ເຊັນຂໍ້ຕົກລົງໃນເດືອນແລ້ວນີ້ ເພື່ອເຮັດໃຫ້ຈຳ ນວນອົບພະຍົບທີ່ຫລັ່ງໄຫລເຂົ້າໄປສູ່ຢູໂຣບ ຫລຸດໜ້ອຍລົງ.
ພາຍໃຕ້ຂໍ້ຕົກລົງທີ່ມີອາຍຸບໍ່ຮອດນຶ່ງເດືອນ ແລະມີມູນຄ່າເກືອບ 7 ພັນລ້ານໂດລານັ້ນ ພວກອົບພະຍົບທີ່ໄປເຖິງຊາຍຝັ່ງຂອງກຣິສ ຈະຖືກສົ່ງຄືນໄປຍັງເທິກີແລະເພື່ອເປັນ ການແລກປ່ຽນ ຊາວເທີກີຈະໄດ້ຮັບອະນຸຍາດໃຫ້ເດີີນທາງໄປຢູໂຣບໂດຍບໍ່ຕ້ອງຂໍວີຊ່າ.
ຂໍ້ຕົກລົງທີ່ໄດ້ເລີ້ມມີຜົນບັງຄັບໃຊ້ເມື່ອສາມອາທິດກ່ອນ ໃນຂັ້ນຕົ້ນແມ່ນເພື່ອເຮັດໃຫ້ຈຳ ນວນອົບພະຍົບ ທີ່ລັ່ງໄຫລເຂົ້າໄປໃນກຣິສແບບຜິດກົດໝາຍຊັກຊ້າລົງ. ແຕ່ວ່າ ຫວ່່າງ ມໍ່ໆມານີ້ບັນດາເຮືອໄດ້ເລີ້ມໄປເຖິງກຣິສພ້ອມກັບພວກ ອົບພະຍົບປະມານ 150 ຄົນຕໍ່ມື້ ອີງຕາມອົງການຜູ້ຍົກຍ້າຍຖິ່ນຖານສາກົນ.
ຄວາມສຳພັນທາງການທູດໄດ້ເກີດເປັນບັນຫາຂຶ້ນ ຫລັງຈາກປະທານາທິບໍດີເທິກີີ ທ່ານ Recep Tayyip Erdogan ເຕືອນວ່າ ປະເທດຂອງທ່ານຈະຍົກເລີກຂໍ້ຕົກລົງ ຖ້າຫາກ ວ່າ ສະຫະພາບຢູໂຣບ ບໍ່ປະຕິບັດຄຳສັນຍາໃນການຕໍ່ລອງຂອງຕົນ ໂດຍອະນຸຍາດໃຫ້ ພົນລະເມືອງຊາວເທີກີເດີນທາງໂດຍບໍ່ຕ້ອງຂໍວີຊ່າ.
ທ່ານນາງ Markel ແລະບັນດານັກການທູດອຶ່ນໆໄດ້ໃຫ້ຄຳໝັ້ນສັນຍາທີ່ຈະສະເໜີການ ໃຫ້ວີຊ່າໃນຂັ້ນຕໍ່ໄປ ແຕ່ກໍຕໍ່ເມື່ອວ່າເທີກີ ປະຕິບັດຕາມຄຳສັນຍາຂອງຕົນກ່ຽວກັບຂໍ້ຕົກ ລົງ ແລະໃຫ້ການລີ້ໄພຢ່າງປອດໄພແກ່ພວກອົບພະຍົບ.
ບັນດາກຸ່ມປົກປ້ອງສິດທິມະນຸດ ຮວມທັງ ອົງການນິລະໂທດກຳສາກົນ ໄດ້ກ່າວຫາທະ
ຫານເທິກີວ່າ ຍິງປືນໃສ່ອົບພະຍົບຊີເຣຍຢ່າງຜິດກົດໝາຍ ແລະສົ່ງເຂົາເຈົ້າກັບຄືນປະ ເທດທີ່ພວມເກີດສົງຄາມຢູ່ນັ້ນ.
ໃນວັນສຸກວານນີ້ ອົງການນິລະໂທດກຳສາກົນ ໄດ້ຮຽກຮ້ອງໃຫ້ບັນດາຜູ້ຕາງ ໜ້າຂອງ ຢູໂຣບຢ່າໄດ້ “ປິດຫູປິດຕາເຂົາເຈົ້າກ່ຽວກັບການລະເມີດສິດທິມະນຸດທີ່ອົບພະຍົບປະ ເຊີນໜ້າ” ຢູ່ໃນເທີກີ.
