ລິ້ງ ສຳຫລັບເຂົ້າຫາ

ວັນອາທິດ, ໒໑ ກໍລະກົດ ໒໐໒໔

ອັງກາຣາ ໂຈມຕີ ນາຍົກລັດຖະມົນຕີ ເຢຍຣະມັນ ຄືນ ຫຼັງຈາກເທີກີ ຖືກຕິຕຽນ


ນາຍົກລັດຖະມົນຕີເຢຍຣະມັນ ທ່ານນາງ Angela Merkel ແລະປະທານາທິບໍດີ ເທີກີ ທ່ານ Recep Tayyip Erdogan ອອກໄປຄົນລະທາງ ຫລັງຈາກຈັບມືກັນ ທີ່ກອງປະຊຸມສຸດຍອດ G20.
ນາຍົກລັດຖະມົນຕີເຢຍຣະມັນ ທ່ານນາງ Angela Merkel ແລະປະທານາທິບໍດີ ເທີກີ ທ່ານ Recep Tayyip Erdogan ອອກໄປຄົນລະທາງ ຫລັງຈາກຈັບມືກັນ ທີ່ກອງປະຊຸມສຸດຍອດ G20.

ພວກ​ເຈົ້າ​ໜ້າ​ທີ່​ເທີ​ກີ ​ໄດ້​ຮ້ອງໂຮຢ່າງ​ໂກດ​ແຄ້ນ ​ຕໍ່ນາຍົກລັດຖະມົນຕີ​ເຢຍຣະມັນ ທ່ານ​
ນາງ Angela Merkel ​ແລະ​ຄູ່​ແຂ່ງໃນການ​ເລືອກ​ຕັ້ງ​ຂອງ​ທ່ານ​ນາງ ຄື​ທ່ານ Martin
Schulz ທີ່​ຕິຕຽນ​ເທີ​ກີ ລະຫວ່າງ​ການ​ໂຕ້​ວາ​ທີ່​ຜ່ານ​ທາງ​ໂທລະພາບໃນ​ວັນ​ອາທິດ​ແລ້ວ
​ນີ້ ກ່ອນ​ການ​ເລື​ອກຕັ້ງ.

​ໂຄສົກ​ປະທານາທິບໍດີ​ເທີ​ກີ ທ່ານ Ibrahim Kalin ​ໄດ້​ສົ່ງ​ຂໍ້ຄວາມ​ໂດຍຂຽນ​ລົງ​ທາງ
Twitter ​ໃນ​ວັນຈັນ​ວານ​ນີ້​ວ່າ “ພວກ​ເຮົາ​ຫວັງ​ວ່າ​ບັນຍາ​ກາດທີ່ເປັນ​ບັນຫາ​ດັ່ງກ່າວ ທີ່​ເປັນການສ່ຽງສຳລັບ ສາຍພົວພັນ​ເທີ​ກີ-​ເຢຍຣະມັນ ​ເຮັດ​ໃຫ້​ເຫັນ​ການປ່ຽນ​ແປງ​ແນວ
ທາງ​ການ​ເມືອງ​ພໍແຄບໆ​ໃນ​ບໍ່​ຊ້າ​ນີ້.”

ລະຫວ່າງ​ການໂຕ້​ວາທີ​ຂອງ​ພວກເພິ້ນນັ້ນ ທ່ານ​ນາງ Merkel ກ່າວ​ວ່າ​ເທີ​ກີ ບໍ່​ສົມຄວນ​
ມາ​ເປັນ​ສະມາຊິກ​ສະຫະພາບ​ຢູ​ໂຣບ ​ໃນຂະ​ນະ​ທີ່​ທ່ານ Schulz ​ໄດ້​ກ່າວ​ຫາ​ທ່ານ​ນາງ
Merkel ວ່່າ​ອ່ອນ​ແອ​ຕໍ່​ເທີ​ກີ ​ແລະ​ຮຽກຮ້ອງ​ໃຫ້​ມີ​ຄວາມ​ເ​ຂັ້ມງວດ​ຂຶ້ນ.

ຮູບພາບຈາກໂທລະພາບ ສະແດງໃຫ້ເຫັນການໂຕ້ວາທີ ລະຫວ່າງ ນາຍົກລັກຖະມົນຕີເຢຍຣະມັນ ທ່ານນາງ Angela Merke ແລະຜູ້ສະໝັກທ້າທາຍ ທ່ານ Martin Schulz ໃນນະຄອນ Berlin.
ຮູບພາບຈາກໂທລະພາບ ສະແດງໃຫ້ເຫັນການໂຕ້ວາທີ ລະຫວ່າງ ນາຍົກລັກຖະມົນຕີເຢຍຣະມັນ ທ່ານນາງ Angela Merke ແລະຜູ້ສະໝັກທ້າທາຍ ທ່ານ Martin Schulz ໃນນະຄອນ Berlin.

ຄຳ​ຖະ​ແຫລ​ງຂອງ​ທ່ານ Kalin ສົ່ງ​ຢູ່​ໃນ​ຂໍ້ຄວາມ​ໃນ​ການ​ຂຽນ​ລົງ​ທາງ Twitter ບໍ່​ໄດ້
ໃຫ້​ຄວາມ​ສົນ​ໃຈ​ກັບ​ການ​ໂຕ້​ວາທີດັ່ງກ່າວ. “ບໍ່​ກ່ຽວ​ວ່າ​ພັກ​ການ​ເມືອງ​ໃດ​ຈະ​ຊະນະ
ການ​ເລືອກຕັ້ງຢູ່​ໃນ​ເຢຍຣະມັນ ​ເພາະວ່າ​ບັດ​ນີ້​ເປັນ​ທີ່​ແຈ້ງ​ຂາວ​ແລ້ວ​ວ່າ ການ​ຕັດສິນ
​ໃຈຢ່າງ​ໃດ​ທີ່​ຈະ​ຊະນະ. ຄວາມ​ຈິງບໍ່​ວ່າ​ແຕ່​ ທ່ານ​ນາງ Markel ຫລື ທ່ານ Schulz ​
ໄດ້​ຖະ​ແຫລ​ງ​ເຖິງ​ການ​ຈຳ​ແນ​ກ ຫລື​ເພີ້​ມຄວາມ​ກຽດ​ຊັງ​ຜິວ​ພັນ​ຜ່ານ​ການ​ໂຕ້​ວາທີ
ສະ​ແດງ​ໃຫ້​ເຫັນ​ນະ​ໂຍບາຍ​ເຢຍຣະມັນ​ທີ່ໄ​ອອກ​ມານັ້ນ.”

ຮູບພາບໃນວັນທີ 21 ກໍລະກົດ 2016 ທີເຫັນນັກຂ່າວເທີກີ ທ່ານ Deniz Yucel ລະຫວ່າງການສົນະນາທາງໂທລະພາບ ທີ່ນະຄອນ Berlin ປະເທດ Germany.
ຮູບພາບໃນວັນທີ 21 ກໍລະກົດ 2016 ທີເຫັນນັກຂ່າວເທີກີ ທ່ານ Deniz Yucel ລະຫວ່າງການສົນະນາທາງໂທລະພາບ ທີ່ນະຄອນ Berlin ປະເທດ Germany.

ໂຄສົກ​ໄດ້​ກ່າວ​ຫາ​ເຢຍຣະມັນວ່າ ​ເກັບ​ກຳ​ເອົາ​ສັດ​ຕູເທີ​ກີ. ຫລາຍ​ກວ່າ 250 ຄົນ​ທີ່
​ເປັນທະຫານ​ເທີ​ກີ ​ແລະ​ພະນັກງານ​ການ​ທູດ ​ໄດ້​ຮ້ອງ​ຂໍ​ຖານະ​ເປັນ​ອົບ​ພະຍົບ ຢູ່​ໃນ
​ເຢຍຣະມັນ ຫລັງ​ຈາກ​ຄວາມ​ພະຍາ​ມ​ເຮັດ​ລັດຖະປະຫານ​ຢູ່​ໃນ​ເທີ​ກີໃນປີ​ແລ້ວ​ນີ້.

ພວກຄົນເຂົ້າເມືອງ ພາກັນລຳຖ້າຢູ່ຕໍ່ໜ້າ ຫ້ອງການຄົນເຂົ້າເມືອງ ແລະອົບພະຍົບ ລັດຖະບານກາງ ທີ່ເຂດ Spandau ຂອງນະຄອນ Berlin.
ພວກຄົນເຂົ້າເມືອງ ພາກັນລຳຖ້າຢູ່ຕໍ່ໜ້າ ຫ້ອງການຄົນເຂົ້າເມືອງ ແລະອົບພະຍົບ ລັດຖະບານກາງ ທີ່ເຂດ Spandau ຂອງນະຄອນ Berlin.

ນອກນັ້ນ Ankara ຍັງ​ໄດ້​ກ່າວ​ຫາ Berlin ວ່າກຳລັງ​ລົ້ມ​ແຫລວ ໃນ​ການ ທັບມ້າງ
ກິດຈະການກຸ່ມ​ກະບົດ PKK ຢູ່​ໃນ​ເຢຍຣະມັນ. PKK ​ໄດ້​ຈັດ​ວ່າ​ເປັນ​ອົງການກຸ່ມ​ກໍ່
​ການ​ຮ້າຍ ​ໂດຍ​ເທີ​ກີ ສະຫະພາບ​ຢູ​ໂຣບ ​ແລະ​ສະຫະລັດ.

ລະຫວ່າງ​ປີ​ກາຍ​ນີ້ ສາຍພົວພັນ​ກັບພາຄີຂອງອົງ​ການ NATO ​ໄດ້​ຕົກ​ຕໍ່າ​ກັບ Berlin
​ໃນ​ການ​ຍົກ​ເອົາເລື່ຶອງສິດ​ທິມະນຸດຂຶ້ນມາ ຫລັງຈາກ​ການ​ທັບ​ມ້າງ​ລັດຖະປະຫານໃນ
Ankara.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG