ລິ້ງ ສຳຫລັບເຂົ້າຫາ

ວັນອັງຄານ, ໒໓ ກໍລະກົດ ໒໐໒໔

ປ. ທຣໍາ ສັນຍາ ທີ່ຈະຫັນປ່ຽນ ຄວາມໂສກເສົ້າ ໄປສູ່ ການປະຕິບັດງານ ກ່ຽວກັບ ການຍິງກັນ ຢູ່ໂຮງຮຽນ


ປະທານາທິບໍດີ ດໍໂນລ ທຣໍາ ກ່າວຢູ່ກອງປະຊຸມ ກັບບັນດາສະມາຊິກ ສະມາຄົມຜູ້ປົກຄອງລັດ ທີ່ຫ້ອງຮັບປະທານອາຫານ ທີ່ທຳນຽບຂາວ ນະຄອນຫລວງວໍຊິງຕັນ.
ປະທານາທິບໍດີ ດໍໂນລ ທຣໍາ ກ່າວຢູ່ກອງປະຊຸມ ກັບບັນດາສະມາຊິກ ສະມາຄົມຜູ້ປົກຄອງລັດ ທີ່ຫ້ອງຮັບປະທານອາຫານ ທີ່ທຳນຽບຂາວ ນະຄອນຫລວງວໍຊິງຕັນ.

ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ​ໄດ້​ກ່າວ​ຕໍ່​ບັນດາ​ຜູ້​ປົກຄອງລັດຕ່າງໆວ່າ
ທ່ານ​ຈະ​ເຊັນ​ຄຳ​ສັ່ງ​ຫ້າມ​ການ​ຂາຍ​ກົນ​ໄກ ທີ່ສາມາດເຮັດໃຫ້ອາວຸດ​ຍິງ​ໄດ້ໄວຂຶ້ນ ​ບໍ່ສຳ
ຄັນ​ວ່າ​ລັດຖະສະພາ​ຈະເອົາບາດກ້າວນີ້ຫລື​ບໍ່​ກໍຕາມ.

ປະທານາທິບໍດີ​ທຣໍາກ່າວ​ວ່າ “ລູກປືນ​ຍິງ​ອອກ​ມາ​ໄວ ​ແຕ່​ທ່ານ​ບໍ່​ຮູ້​ວ່າ ​ລູກປືນ​ເຫລົ່າ​ນັ້ນ
​ໄປໃສ. ​ເພາະສະ​ນັ້ນ​ພວກ​ເຮົາ​ຈະ​ບໍ່​ໃຫ້ໃຊ້. ຂ້າພ​ະ​ເຈົ້າ​ບໍ່​ສົນ​ຖ້າ​ຫາກ​ວ່າ​ລັດຖະສະພາ​ຈະເອົາມາດຕະການຫຼືບໍ່. ຂ້າພະ​ເຈົ້າ​ຈະ​ລົບ​ລ້າງດ້ວຍ​ຕົນ​ເອງ.”

ມືປືນ​ທີ່​ສັງຫານຫລາຍ​ກວ່າ 50 ຄົນ ​ໃນ​ເມືອງ ລາສ ​ເວ​ກັສ ​ໃນ​ເດືອນ​ຕຸລາ​ທີ່​ຜ່ານ​ມາ​ໄດ້
​ໃຊ້​ເຄື່ອງ​ອຸ​ບປະກອນ​ທີ່​ຮ້ອງ​ວ່າ ບໍາ ສະ​ຕ້ອກ (bump stock) ທີ່​ເຮັດໃຫ້​ປືນ​ເຄິ່ງອັດຕະ​
ໂນ​ມັດ ສາມາດ​ຢິງລູກ​ກະ​ສຸນໄດ້ເພີ້ມຂຶ້ນ ​ໃນ​ເວລາ​ອັນ​ສັ້ນໆ.

ປະທານາທິບໍດີ​ທຣໍາ ​ໄດ້​ຈັດ​ກອງ​ປະຊຸມ​ກັບ​ບັນດາ​ຜູ້ປົກຄອງ​ລັດ ​ໃນ​ວັນ​ຈັນ​ວານ​ນີ້​ເພື່ອ​ສົນທະນາຫາລື​ກ່ຽວ​ກັບ​ຊ່ອງທາງ​ປ້ອງ​ກັນ​ການ​ສັງຫານໝູ່ຢູ່ທີ່​ໂຮງຮຽນ​ອີກ ສອງອາທິດ
ຫລັງ​ຈາກ​ທີ່​ອ​ະດີດ​ນັກຮຽນຜູ້​ມີ​ບັນຫາ​ໄດ້​ຖືກ​ກ່າວ​ຫາຍິງ​ສັງຫານ 17 ຄົນ​ ໃນ​ເມືອງ​ພາກ​
ແລນ ລັດ​ຟລໍຣິດາ.

ປະທານາທິບໍດີ​ທຣໍາກ່າວ​ວ່າ ມັນເຖິງເວລາແລ້ວ ​“​ທີ່ຈະ​ຫັນປ່ຽນ​ຄວາມ​ໂສກ​ເສົ້າ​ຂອງ
​ພວກ​ເຮົາ​ເຂົ້​າໄປສູ່​ການ​ປະຕິ​ບັດ.” ຂໍ້​ສະ​ເໜີ​ຂອງ​ທ່ານແມ່ນ​ຮວມທັງ​ຄວາມເປັນ​ໄປ​ໄດ້ ​
ທີ່ຈະຕິດ​ອາວຸດໃຫ້​ພວກນາຍຄູທີ່ຖືກ​ເລືອກ​ຈຳນວນນຶ່ງ ​ແລະ​ພະນັກງານ​ ໂຮງຮຽນຜູ້ທີ່​
ຈະ “​ໄດ່້​ຮັບ​ການ​ເຝິກ​ແອບເປັນຢ່າງ​ດີ ແກ່​ພວກ​ທີ່​ມີ​ພອນ​ສະ ຫວັນຕາມທຳມະຊາດເຊັ່ນ
ພວກ​ຕີ​ເບ​ສບອນ ຫຼື​ຕີ​ກັອ​ຟ.”

ປະທານາທິບໍດີ​ກ່າວ​ວ່າ ໂຮງຮຽນໃດ​ທີ່ເປັນ​ເຂດປອດອາວຸດ ​ແມ່ນເປັນການເຊື້ອເຊີນ
​ໃຫ້ຄົນ “ຜີບ້າ ໄປ​ທີ່​ນັ້ນ​.”

US Lawmakers Face Pressure to Stem Gun Violence
please wait

No media source currently available

0:00 0:03:10 0:00

ຜູ້​ປົກຄອງ​ລັດ​ວໍຊິງ​ຕັນ ທີ່ສັງກັດພັກ​ເດໂມ​ແຄຣັດ ທ່ານ​ເຈ ອິນ​ສລີ ບໍ່​ເຫັນ​ພ້ອມ​ຢ່າງ​ແຮງ
​ຕໍ່​ຂໍ້​ສະ​ເໜີ​ຂອງປະທານາທິບໍດີ​ທຣໍາທີ່ຈະ​ຕິດ​ອາວຸດ​ໃຫ້​ແກ່​ພວກ​ນາຍ ຄູ. ທ່ານ​ກ່າວ​ວ່າ
ທ່ານ​ໄດ້ໂອ້​ລົມ​ກັບ​ບັນດາ​ຄູ​ອາຈານ​ຫລາຍຄົນ ຜູ້​ທີ່​ກ່າວ​ວ່າ​ເຂົາ​ເຈົ້າ​ບໍ່​ຕ້ອງການ​ຢາກ​ຖື​
ອາວຸດ ​ແລະ​ຕຳຫລວດ​ຜູ້​ທີ່ກ່າວ​ວ່າ ​ເຂົາ​ເຈົ້າ​ບໍ່​ຢາກທີ່​ຈະ​ຕ້ອງ​ໄດ້ເຝິ​ກແອບ ​ໃຫ້​ເຂົາ​ເຈົ້າ.

ຮູບພາບເຈົ້າໜ້າທີຕຳຫລວດ ສະກັອຕ໌ ປີເຕີສັນ ລະຫວ່າງກອງປະຊຸມທີເມືອງ ໂບຣວາດ ລັດຟລໍຣິດາ.
ຮູບພາບເຈົ້າໜ້າທີຕຳຫລວດ ສະກັອຕ໌ ປີເຕີສັນ ລະຫວ່າງກອງປະຊຸມທີເມືອງ ໂບຣວາດ ລັດຟລໍຣິດາ.

ທ່ານ​ອິນ​ສລີໄດ້​ກ່າວ​ຕໍ່​ປະທານາທິບໍດີ​ທຣໍາວ່າ “ພວກ​ເຮົາ​ຈຳ​ເປັນ​ຕ້ອງໄດ້ຮັບ​ຟັງວ່າ ບັນ
ດາ​ຄູ​ອາຈານຄວນ​ເປັນ​ຜູ້​ສິດສອນ ​ແລະ​ເຂົາ​ເຈົ້າ​ບໍ່​ຄວນ​ຈະເປັນຜູ້ຮັບຜິດ ຊອບຫຼາຍໄປ​
ກວ່າ​ ການສິດສອນທີ່ດຸເດືອດໃຫ້​ແກ່​ແກ່​ບັນດາ​ຫ້ອງ​ຮຽນ​ຊັ້ນປໍ​ນຶ່ງ.”

ຫົວໜ້າຕຳຫລວດເມືອງໂບຣວາດ ທ່ານສະກັອຕຕໍ່ ອິສຣາແອລ ກ່າວຢູ່ກອງປະຊຸມເມືອງ ທີ່ຊັນຣາຍສ໌ ລັດຟລໍຣິດາ.
ຫົວໜ້າຕຳຫລວດເມືອງໂບຣວາດ ທ່ານສະກັອຕຕໍ່ ອິສຣາແອລ ກ່າວຢູ່ກອງປະຊຸມເມືອງ ທີ່ຊັນຣາຍສ໌ ລັດຟລໍຣິດາ.

ຕໍ່​ມາ​ໃນ​ວັນ​ຈັນວານນີ້ ​ໂຄສົກທຳນຽບຂາວທ່າ​ນນາງ​ຊາຣາ ຮັກ​ກາ​ບີ ​ແຊນ​ເດີສ໌ ​ໄດ້​ກ່າວ
​ວ່າ ປະທານາທິບໍດີ​ທຣໍາກຳລັງຮັບ​ຟັງສຽງ​ ຈາກ​ທຸກ​ພັກ​ຝ່າຍ​ໃນການ​ອະພິປາຍກ່ຽວກັບ
ເລື້ອງປືນ ນັບແຕ່​ຊ້າຍ​ສຸດ​ໄຫ​ຫາ​ຂວາ​ຈັດ ​ແລະ​ພວກ​ທີ່ຢູ່​ທາງ​ກາງ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG