ລິ້ງ ສຳຫລັບເຂົ້າຫາ

ວັນຈັນ, ໑໗ ມິຖຸນາ ໒໐໒໔

ປ. ທຣໍາ ຊ່ວຍໃຫ້ ບໍລິສັດ ຊີທີອີ ຂອງຈີນ ພົ້ນຈາກ ການລົ້ມລະລາຍ 


ຢູ່ພາຍໃນໂທລະສັບສະຫຼາດ ຂອງບໍລິສັດ ZTE ທີ່ເຫັນເປັນພາບ ຖ່າຍໃນວັນທີ 17 ເມສາ 2018.
ຢູ່ພາຍໃນໂທລະສັບສະຫຼາດ ຂອງບໍລິສັດ ZTE ທີ່ເຫັນເປັນພາບ ຖ່າຍໃນວັນທີ 17 ເມສາ 2018.

ລັດຖະບານ​ປະ​ທາ​ນາ​ທິບໍດີ​ທຣໍາ ​ໄດ້​ກ່າວ​ຕໍ່​ບັນດາ​ສະມາຊິກ​ສະພາ​ວ່າ ຕົນ​ໄດ້​ບັນລຸ​ຂໍ້
​ຕົກລົງ ​ທີ່​ຈະເຮັດໃຫ້​ບໍລິ​ສັດ​ໂທລະ​ຄົມມະນາຄົມ​ ZTE ​ຂອງຈີນຄົງໂຕຢູ່ໄດ້ຕໍ່ໄປ ຊຶ່ງ​
ອາດ​ຈະ​ແຜ້ວ​ທາ​ງ​ໃຫ້​ສະຫະລັດສ້າງ​ຄວາມ​ກ້າວໜ້າ​ໃນ​ເຈລະຈາ ​ການ​ຄ້າ ທີ່ມີຄວາມ
ສຳຄັນ ​ກັບ​ຈີນ​ ໃນ​ເດືອນ​ໜ້າ​ນີ້.

ພາຍ​ໃຕ້​ຂໍ້​ຕົກລົງ ບໍລິສັດ ZTE ຈະ​ປົດຄະນະບໍລິຫານ​ງານຂອງ​ຕົນ ຈ້າງ​ພວກ​ເຈົ້າ​ໜ້າ
​ທີ່ອາ​ເມຣິກັນ​ເພື່ອກວດກາເບິ່ງວ່າທາງ​ບໍລິສັດໄດ້ປະຕິບັດຕາມຂໍ້ຕົກລົງຫລືບໍ່ ​ແລະ
​ຈ່າຍຄ່າ​ປັບ​ໃໝ. ຄ່າ​ປັບ​ໃໝນີ້ ​ຈະ​ເພີ້ມໃສ່ເງິນປະມານ 1 ພັນ​ລ້ານ​ໂດ​ລາ​ທີ່ທາງ​ບໍລິສັດ
ZTE ​ໄດ້​ຈ່າຍໄປ​ແລ້ວ ຍ້ອນ​ຂາຍອຸບປະກອນ​ໃຫ້​ແກ່​ເກົາ ຫຼີ​ເໜືອແລະ​ອີຣ່ານ​ໃນ​ການ
ລະເມີດ​ຕໍ່​ການ​ລົງ​ໂທດຂອງ​ສະຫະລັດ ອີງຕາມ​ລາຍ​ງານ​ຂ່າວ. ​ເພື່ອເປັນການ​ຕອບ​
ແທນ ກະຊວງ​ການ​ຄ້າ​ສະຫະລັດ ຈະ​ຍົກ​ເລີກ​ການ​ຫ້າມ ເປັນເວລາ​ເຈັດ​ປີ​ ບໍ່ໃຫ້​ບໍລິສັດ
ZTE ຊື້ຊິ້ນສ່ວນອຸບປະກອນຕ່າງໆ ຈາກບໍລິສັດ​ສະຫະລັດ. ບໍລິສັດ​ຈີນແມ່ນກາງຕໍ່ຊິ້ນ
ສ່ວນອຸບປະກອນເຫຼົ່ານີ້​ເພື່ອ​ມາເຮັດ​ຜະລິດ​ຕະພັນ​ຂອງ​ຕົນ ​ແລະກາ​ນຫ້າມ ທີ່​ໄດ້​ວາງ
​ໄວ້ໃນຕົ້ນ​ເດືອນນີ້​ໄດ້​ຂົ່ມຂູ່ຈະເຮັດໃຫ້​ບໍລິສັດ ZTE ​ລົ້ມລະລາຍ.

​ໃນ​ຕອນ​ແລ​ງວັນ​ສຸກວານ​ນີ້ ປະທານາທິບໍດີ​ດໍ​ໂນ​ລ ທຣໍາ ​ໄດ້​ໂຈມຕີບັນດາ​ສະມາຊິກ
ສະພາພັກ​ເດ​ໂມ​ແຄຣັດ ​ແລະ​ໃຫ້ການ​ຢືນຢັນ​ກ່ຽວກັບຂ່າວການຕົກລົງ​ຢູ່​ໃນ​ການຂຽນ
​ລົງ​ທາງ​ທວິດ​ເຕີ.

ທ່ານ​ໄດ້ກ່າວວ່າ “ສະມາຊິກ​ສະພາ​ສູງຊູ​ເມີ ​ແລະ​ລັດຖະບານ​ທ່ານ​ໂອ​ບາ​ມາໄດ້ປ່ອຍ
​ໃຫ້​ບໍລິສັດ​ໂທລະ​ສັບ ZTE ຮັ່ງມີ​ ໂດຍ​ບໍ່​ມີ​ການ​ກວດກາ​ຄວາມ​ປອດ​ໄພ. ຂ້າພະ​ເຈົ້າ​ປິດ​ບໍລິສັດນີ້ລົງ ​ແລະ​ປ່ອຍ​ໃຫ້ມັນ​ເປີດຄືນ ໂດຍໄດ້ຮັບ​ການ​ຄ້ຳປະ ກັນ​ດ້ານຄວາມ​ປອດ​ໄພໃນລະດັບສູງ ປ່ຽນນຄະນະບໍລິຫານ ​ແລະ​ຄະນະ​ທີ່​ປຶກ ສາຂອງບໍລິສັດ ຕ້ອງ​ຊື້​ເຄື່ອງ
ອາໄຫລ່​ຂອງ​ສະຫະລັດ ​ແລະ​ຈ່າຍຄ່າ​ປັບ​ໃໝ 1 ພັນ 3 ຮ້ອຍ​ລ້ານ​ໂດ​ລາ. ພັກ​ເດ​ໂມ​
ແຄຣັດ ບໍ່​ເຮັດ​ຫຍັງ​ໝົດ.”

​ໃນເດືອນ​ແລ້ວ​ນີ້ ກະຊວງ​ການ​ຄ້າ​ຂອງສະຫະລັດ ​ໄດ້​ຕັດສິນ​ວ່າ​ບໍລິ​ສັດດັ່ງກ່າວນີ້ບໍ່ໄດ້

ປະຕິບັດເງື່ອນໄຂ ຂອງ​ຂໍ້​ຕົກລົງ​ ກ່ຽວ​ກັບການ​ຫລົບຫລີກການ​ລົງ​ໂທດຂອງບໍລິສັດ
TZE. ຂ່າວ​ການ​ຕົກລົງ​ຂອງບໍລິສັດ TZE ​ມີ ​ຂຶ້ນ​ເກືອບ​ນຶ່ງ​ອາທິດ ຫຼັງ​ຈາກ​ສະຫະລັດ
​ແລະ​ຈີນໂຈະ​ແຜນການ​ເກັບ​ພາສີ​ ທີ່ອາດມີມູນຄ່າຫຼາຍເຖິງ 200 ພັນ​ລ້ານ​ໂດ​ລາ ຕໍ່​ສິນ
ຄ້າ​ຂອງ​ກັນ ທີ່​ເຮັດ​ໃຫ້​ປະເທດທັງສອງເກືອບກ້າວເຂົ້າສູ່ສົງຄາມ​ການ​ຄ້ານັ້ນ.

ລັດຖະມົນຕີ​ການ​ຄ້າ ທ່ານ​ວີລ​ເບີ ຣອສ ມີ​ກຳນົດ​ທີ່​ຈະ​ເດີນທາງ​ໄປ​ນະຄອນ ຫຼວງ​ປັກ​
ກິ່ງ​ໃນ​ວັນ​ທີ 2 ມິຖຸນາ​ຈະ​ມາ​ເຖິງ​ນີ້ ​ເພື່ອຫາລືກ່ຽວກັບ​ການທ້າທາຍຂອງ​ຈີນຕໍ່ການ
ຄອບ​ງໍາທາງດ້ານ​ເທັກ​ໂນ​ໂລ​ຈີໂດຍສະຫະລັດ

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG