ຫຼັງຈາກການແລກປ່ຽນນັກໂທດທີ່ປະສົບຄວາມສຳເລັດກັບ ຣັດເຊຍ, ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ເປີດການດຳເນີນງານທາງການທູດ ຫຼາຍດ້ານ ເພື່ອຢຸດຄວາມຂັດແຍ້ງໃນປະເທດ ຢູເຄຣນ, ໂດຍກ່າວວ່າ ທ່ານຈະພົບປະກັບຜູ້ນຳ ຣັດເຊຍ ໃນໄວໆນີ້ ແລະ ຈະສົ່ງທີມງານທີ່ນຳໂດຍຮອງປະທານາທິບໍດີ ໄປພົບກັບຜູ້ນຳຂອງ ຢູເຄຣນ ໃນວັນສຸກມື້ນີ້.
ປະທານາທິບໍດີ ດໍໂນລ ທຣຳ ໄດ້ວາງເງື່ອນໄຂການສະໜັບສະໜູນ ຢູເຄຣນ ຢ່າງຕໍ່ເນື່ອງ ໂດຍເລີ່ມຕົ້ນດຳເນີນການທາງການທູດ ເພື່ອຢຸດການຮຸກຮານ ຢູເຄຣນ ຂອງ ຣັດເຊຍ ທີ່ດຳເນີນມາໄດ້ສາມປີແລ້ວ.
ປະທານາທິບໍດີ ສະຫະລັດ ທ່ານ ດໍໂນລ ທຣຳ ກ່າວວ່າ “ຄືວ່າ ພວກເຮົາກຳລັງຈະໄດ້ຄວາມໝັ້ນຄົງສຳລັບເງິນຂອງພວກເຮົາ. ເຮົາຈະເຮັດໃຫ້ມັນໝັ້ນຄົງດ້ວຍການ, ເຂົາເຈົ້າມີແຮ່ທາດຫາຍາກ, ແລະ ເຂົາເຈົ້າມີນ້ຳມັນ ແລະ ແກັສ, ແລະ ເຂົາເຈົ້າກໍມີແນວອື່ນໆຫຼາຍຢ່າງ. ແລະ ພວກເຮົາກໍກຳລັງຂໍຄວາມໝັ້ນຄົງສຳລັບເງິນຂອງພວກເຮົາ. ແລະ ເຂົາເຈົ້າກໍໄດ້ເຫັນດີນຳ. ຢູເຄຣນ ໄດ້ເຫັນດີຕໍ່ມັນ. (ນັກຂ່າວຖາມທ່ານວ່າ ທ່ານຈະບໍ່ສົ່ງການຊ່ວຍເຫຼືອໃດໆໄປໃຫ້ຢູເຄຣນ?) ພວກເຮົາຈະສົ່ງເງິນໄປຢູ່, ແຕ່ພວກເຮົາຢາກໃຫ້ມັນມີຄວາມໝັ້ນຄົງ, ແລະ ເງິນດັ່ງກ່າວ ກໍຈະປອດໄພ.”
ບັນດາສະມາຊິກສະພາ ສະຫະລັດ ໄດ້ອະນຸມັດເງິນສະໜັບສະໜູນທາງການທະຫານ ແລະ ບໍ່ແມ່ນທາງການທະຫານປະມານເກືອບ 183 ຕື້ໂດລາສຳລັບ ຢູເຄຣນ ຕັ້ງແຕ່ເດືອນກຸມພາ 2022 ຕາມລາຍງານການກຳກັບເບິ່ງແຍງ ສະບັບໃໝ່ ທີ່ສົ່ງເຖິງລັດຖະສະພາ ເມື່ອວັນພຸດທີ່ຜ່ານມາ. ເງິນທີ່ຍັງເຫຼືອຢູ່ແມ່ນບໍ່ເຖິງ 40 ຕື້ໂດລາ.
ຄຳເຫັນຂອງທ່ານ ທຣຳ ຖືເປັນການປິດທ້າຍ ວັນແຫ່ງການທູດທີ່ວຸ້ນວາຍ ລວມເຖິງການລົມໂທລະສັບ ລະຫວ່າງ ທ່ານ ທຣຳ ກັບຄູ່ຕຳແໜ່ງ ຣັດເຊຍ ທ່ານ ວລາດີເມຍ ປູຕິນ. ປະທານາທິບໍດີ ຢູເຄຣນ ທ່ານ ໂວໂລດີເມຍ ເຊເລັນສກີ ກໍໄດ້ຢືນຢັນວ່າ ທ່ານ ແລະ ທ່ານ ທຣຳ ໄດ້ລົມກັນເປັນເວລາ “ດົນນານ.”
ໃນການປະຊຸມກັບລັດຖະມົນຕີກະຊວງການເງິນຄົນໃໝ່ຂອງ ສະຫະລັດ ເມື່ອວັນພຸດທີ່ຜ່ານມາ ກ່ຽວກັບຂໍ້ຕົກລົງທາງເສດຖະກິດ ທີ່ອາດຈະເກີດຂຶ້ນນັ້ນ, ທ່ານ ເຊເລັນສກີ ກໍໄດ້ເນັ້ນຢ້ຳເຖິງຄວາມຕ້ອງການຫຼັກຂອງ ຢູເຄຣນ ໃນແຜນສັນຕິພາບ ຊຶ່ງກໍຄືການທີ່ ຢູເຄຣນ ເປັນສະມາຊິກອົງການ ເນໂຕ້ ແລະ ຄວາມຈຳເປັນໃນການຮັບປະກັນຄວາມປອດໄພ.
ປະທານາທິບໍດີ ຢູເຄຣນ ທ່ານ ໂວໂລດີເມຍ ເຊເລັນສກີ ກ່າວວ່າ “ແລະຂ້າພະເຈົ້າຂໍ ປະທານາທິບໍດີ ທຣຳ ໃຫ້ການຮັບປະກັນຄວາມປອດໄພແກ່ພວກເຮົາ ເພື່ອຊ່ວຍ ຢູເຄຣນ ແລະ ເສີມຄວາມແຂງແກ່ນໃຫ້ພວກເຮົາ. ແນ່ນອນວ່າ ເຮົາຕ້ອງລົມກັນກັບ ຢູໂຣບ ເພາະວ່າ ເຮົາຕ້ອງມີກອງທັບທີ່ໃຫຍ່ກວ່ານີ້ ເຮົາມີງົບປະມານຂາດດຸນໃນເວລານີ້ ແຕ່ການມີກອງທັບທີ່ໃຫຍ່ກວ່ານີ້ ຢ່າງໜ້ອຍກໍເທົ່າກັບທີ່ເປັນຢູ່ໃນຂະນະນີ້ ແລະ ການໃຫ້ອາຫານ ແລະ ອາວຸດແກ່ກອງທັບ ຖືເປັນຊັບພະຍາກອນທີ່ມີຈຳນວນຫຼາຍ. ເງິນທີ່ວ່ານີ້ ຕ້ອງມາຈາກບ່ອນໃດບ່ອນນຶ່ງ. ສິ່ງທີ່ວ່ານີ້ ຄືການຮັບປະກັນຄວາມປອດໄພຢ່າງໃດຢ່າງນຶ່ງ.”
ທ່ານ ທຣຳ ຍັງໄດ້ກ່າວວ່າ ທ່ານຈະພົບປະກັບປະທານາທິບໍດີ ຣັດເຊຍ ທ່ານ ວລາດີເມຍ ປູຕິນ ໃນປະເທດ ຊາອຸດີ ອາຣາເບຍ “ໃນອະນາຄົດທີ່ບໍ່ໄກເກີນ ໄປ.”
ທ່ານໄດ້ສະແດງຄວາມຫວັງວ່າ ການຕັດສິນໃຈຂອງ ມົສກູ ເພື່ອແລກປ່ຽນນາຍຄູ ອາເມຣິກັນ ທ່ານ ມາກ ໂຟໂກລ໌ ສຳລັບຫົວໜ້າອາຊະຍາກອນທາງໄຊເບີ ຊາວ ຣັດເຊຍ ຈະວາງເສັ້ນທາງທີ່ດີສຳລັບການເຈລະຈາເພື່ອສິ້ນສຸດສົງຄາມ.
ວັງເຄຣັມລິນ, ໃນການໃຫ້ຄຳເຫັນຕໍ່ການແລກປ່ຽນນັກໂທດ, ກ່າວຕໍ່ໄປນີ້ວ່າ:
ທ່ານ ດມິທຣີ ເປັສກອຟ, ໂຄສົກວັງ ເຄຣັມລິນ ກ່າວວ່າ “ຕາມທຳມະຊາດ, ການຕົກລົງແບບນັ້ນ ແມ່ນຈະດຳເນີນໂດຍວຽກງານການເຈລະຈາທີ່ໃຊ້ຄວາມລະມັດລະວັງຫຼາຍ. ແລະ ແນ່ນອນ, ການຕົກລົງແບບນັ້ນ ແມ່ນບໍ່ມີຄວາມເປັນໄປໄດ້ທີ່ຈະກາຍເປັນຈຸດຫັນປ່ຽນ, ແຕ່ໃນເວລາດຽວກັນ, ເທື່ອລະເລັກລະນ້ອຍ, ນີ້ແມ່ນບາງບາດກ້າວເພື່ອສ້າງຕັ້ງຄວາມເຊື່ອໝັ້ນ ລະຫວ່າງກັນ ລະຫວ່າງ ຣັດເຊຍ ກັບ ສະຫະລັດ, ເຊິ່ງຕອນນີ້ ຢູ່ໃນຈຸດທີ່ຕ່ຳທີ່ສຸດ.”
ຮອງປະທານາທິບໍດີ ເຈດີ ແວນສ໌ ຕອນນີ້ ໄດ້ມຸ່ງໜ້າຈາກປະເທດ ຝຣັ່ງ ໄປ ເຢຍຣະມັນ, ບ່ອນທີ່ທ່ານຈະນຳພາການເຈລະຈາລະດັບສູງຂອງ ສະຫະລັດ ກັບທ່ານ ເຊເລັນສກີ ໃນວັນສຸກມື້ນີ້ ທີ່ນະຄອນ ມິວນິກ, ດັ່ງກັບສ່ວນນຶ່ງຂອງການເດີນທາງໄປຕ່າງປະເທດຄັ້ງທຳອິດ ໃນຕຳແໜ່ງຂອງທ່ານ.
ອ່ານລາຍງານນີ້ເປັນພາສາອັງກິດ
Following a successful prisoner swap with Russia, U.S. President Donald Trump launched a multifront diplomatic blitz Wednesday to end the Ukraine conflict, saying he would meet with Russia's leader soon and dispatching a vice president-led team to meet with Ukraine’s leader on Friday.
President Donald Trump laid down his conditions for continued U.S. support for Ukraine as he set in motion a diplomatic charge aimed at ending Russia's nearly three-year invasion of the embattled country.
"So we're getting security on our money. We're going to have it secured by – they have rare earth, and they have oil and gas, and they have a lot of other things. And we're asking for security on our money. (Reporters: inaudible) And they've agreed to it. Ukraine has agreed to it. (Reporter: You are not sending any more aid to Ukraine?) No, we are. But we want it secured, and the money is going to be secured.”
U.S. lawmakers have approved nearly $183 billion for military and non-military support for Ukraine since February 2022, according to a new oversight report delivered to Congress on Wednesday. Just under $40 billion remains available.
Trump’s comments cap a whirlwind day of diplomacy including calls between Trump and his Russian and Ukrainian counterparts. Ukrainian President Volodymyr Zelenskyy confirmed he and Trump had a “long” conversation.
In a meeting Wednesday with the new U.S. treasury secretary over a potential economic deal, Zelenskyy stressed Ukraine’s main demand in its peace plan – NATO membership for Ukraine – and its need for security guarantees:
"And I ask President Trump to give us these security guarantees, to help Ukraine, to strengthen us. Of course, we have to talk to Europe, because we have to have an even bigger army. We have a budget deficit now, but to have an even bigger army, at least as big as it is now, and to feed and arm it, is to have a big resource. This money has to come from somewhere. These are roughly the security guarantees."
Trump also said he would meet with Russian President Vladimir Putin in Saudi Arabia “in the not-too-distant future.”
He expressed hope that Moscow’s decision to swap American teacher Marc Fogel for a Russian cybercrime kingpin would lay a good path for negotiations to end the war.
The Kremlin, speaking of the prisoner swap, said this:
“Naturally, such agreements are preceded by very, very meticulous negotiating work. And, of course, such agreements are unlikely to be able to become a turning point, but at the same time, bit by bit, these are certain steps to build up that very mutual trust (between Russia and the U.S.), which is now at its lowest point.”
Vice President JD Vance now heads from France to Germany, where he will lead high-level U.S. talks with Zelenskyy on Friday in Munich, as part of his first foreign trip in the role.
ຟໍຣັມສະແດງຄວາມຄິດເຫັນ