ລິ້ງ ສຳຫລັບເຂົ້າຫາ

logo-print

ປ. ທຣໍາ ປະເຊີນໜ້າກັບຄວາມໜ້າຢ້ານກົວ ເລື່ອງການແບ່ງແຍກໃນການເມືອງ ໃນຂະນະທີ່ເຂົ້າຮັບຕຳແໜ່ງ


ປະທານາທິບໍດີ ຄົນທີ 45 ສະຫະລັດ ທ່ານ Donald Trump

ທ່ານ Donald Trump ສາບານ​ໂຕ​ເຂົ້າ​ຮັບ​ຕຳ​ແໜ່​ງ​ເປັນ ປະທານາທິ ບໍດີສະຫະລັດ ຄົນ ທີ 45 ​ໃນ​ວັນ​ທີ 20 ມັງກອນ​ ວັນ​ສຸກ​ອາທິດ​ແລ້ວນີ້ ​ແລະ​ໄດ້​ໃຫ້​ຄຳ​ໝັ້ນສັນຍາ​ທີ່​ຈະ​ປະຕິ ບັດການຢ່າງວ່ອງ​ໄວ ​ເພື່ອ​ອອກດຳ​ລັດ​ຝ່າຍບໍລິ ຫານຂອງ​ທ່ານ​ ​ແລະມາດ​ຕະການ​ທາງ​ນິຕິບັນຍັດ​ທີ່​ຈະ​ນຳ​ເອົາ​ການ​ປ່ຽນ​ແປງ​ມາສູ່່ວໍ​ຊິງ​ຕັນ. ​ແຕ່​ວ່າ ທ່ານ Trump ຍັງ​ຈະ​ປະ​ເຊີນ​ໜ້ າ​ກັບ​ການ​ແບ່ງ​ແຍກ​ທາງການ​ເມືອງ​ທີ່​ໜ້າ​ຢ້ານ​ກົວ ຢູ່​ໃນສະຫະລັດທີ່​ຍັງ​ຄ້າງຄາຢູ່ ຫລັງ​ຈາກ​ການ​ໄດ້ຊະ​ນະ​ທ່ານ​ນາງ Hillary Clinton ​ໃນ​ເດືອນ​ພະຈິກ​ປີ​ກາຍ​ນີ້. ນັກ​ຂ່າວ​ແຫ່ງ​ຊາດ ວີ​ໂອ​ເອ Jim Malone ມີ​ລາຍ​ລາຍ​ລະອຽດ​ກ່ຽວ​ກັບ​ເລື່ອງນີ້ຈາກນະຄອນ ຫຼວງວໍ​ຊິງ​ຕັນ ຊຶ່ງ​ກິ່ງ​ສະຫວັນ ຈະ​ນຳມາສະ​ເໜີ​ທ່ານ.

ທ່ານ Donald Trump ​ໄດ້ວາງ​ໂຕ​ຂອງ​ທ່ານຫ່າງ​ອອກຈາກ ປະທານາ ທິບໍດີຄົນກ່ອນໆ ​ໂດ​ຍຈັດການ​ໂຮມຊຸມນຸມ​ຢ່າງ​ຕໍ່​ເນື່ອງ​ຢູ່​ໃນ​ທົ່ວ​ປະ​ເທດ ​ເພື່ອ​ຂອບ​ໃຈ​ບັນດາ​ຜູ້​ສະໜັບສະໜູນ​ຂອງທ່າ​ນ.

ທ່ານ Trump ຍັງ​ໄດ້​ເນັ້ນ​ໜັກ​ວ່າ ​ທ່ານ​ຢາກ​ນຳພາເອົາປະ​ເທດ​ ເຂົ້າ​ຫາ​ກັນ ຫລັງ​ຈາກ​ມີ​ການ​ໂຄສະນາຫາ​ສຽງ​ເລືອກ​ຕັ້ງທີ່​ແບ່ງ​ແຍກ​ທີ່​ສຸດໃນ​ປະຫວັດ​ສາດຂອງ​ປະ​ເທດຫວ່າງມໍ່ໆ​ມາ​ນີ້.

ປະທານາທິບໍດີ​ Donald Trump ກ່າວ​ວ່າ “ພວກ​ເຮົາ​ຈະ​ປົວ​ແປງ​ການ​ແບ່ງ​ ແຍກ​ຂອງ​ພວກ​ເຮົາ ​ແລະ​ທ້ອນ​ໂຮມປະ​ເທດ​ເຮົາ​ທຸ​ກໆ​ແຫ່ງ​ ທີ່​ແບ່ງ​ແຍກ​ກັນ. ​ເວລາ​ໃດ​ຊາວອາ​ເມຣິກັນທ້ອນ​ໂຮມ​ກັນ​ແລ້ວ ບໍ່​ມີ​ຫຍັງທີ່​ພວກ​ເຮົາ​ຈະ​ເຮັດ​ບໍ່​ໄດ້. ບໍ່​ມີໜ້າ​ວຽກ​ໃດ​ທີ່​ຍິ່ງ​ໃຫຍ່ ບໍ່​ມີຄວາມຝັນ​ໃດ​ໆ​ທີ່​ໃຫຍ່​ເກີນ​ໄປ.”

​ແຕ່​ການ​ຄັດຄ້ານຕໍ່​ປະທານາທິບໍດີ​ທີ່​ຫາ​ກໍເຂົ້າ​ມາ​ຮັບ​ຕຳ​ແໜ່​ງຍັງ​ມີຄວາ​ມ​ເຄັ່ງ​ຕຶງ ​ແລະ​ໄດ້​ສະ​ແດງ​ໃຫ້ເຫັນ​ ລະຫວ່າງ​ການລົງ​ຄະ​ແນນ​ສຽງ​ເລືອກ​ຕັ້ງຂອງຄະນະ​ຜູ້​ແທນລັດ​ຫວ່າ​ງມໍ່ໆ​ມາ​ນີ້ ຢູ່​ໃນ​ຫລາຍໆ​ລັດ​ຮວມທັງ​ລັດ Florida.

“ປ່ອນ​ບັດ​ແບບ​ຈິດ​ໃຈ​ປົກກະຕິ ​ແລະ​ຄວາມ​ທຸ່ນ​ທ່ຽງ. ບໍ່ແມ່ນ​ເພື່ອ​ທ່ານ Trump.”

​ແລະ​ຢູ່​ທີ່​ລັດ Wisconsin ບ່ອນ​ທີ່​ພວກ​ປະ​ທ້ວງ​ຕໍ່ຕ້ານ​ທ່ານ Trump ​ໄດ້​ເຮັດ​ໃຫ້ການ​ມີໜ້າ​ຂອງ​ເຂົາ​ເຈົ້າ​ເປັນ​ທີ່​ຮູ້ຈັກ.

“ພວກ​ປະ​ທ້ວງ​ຮ້ອງ​ອອກ​ມາ​ວ່າ “ນີ້​ແມ່ນ​ອາ​ເມຣິກາ​ຂອງ​ຂ້ອຍ ນີ້​ແມ່ນ​ອາ​ເມຣິກາ​ຂອງ​ຂ້ອຍ.”

ສະມາຊິກ​ສະພາ​ຕໍ່າ​ພັກຣີພັບ​ບລິ​ກັນ ທ່ານ Kevin Brady ຈາກ​ລັດ Texas ກ່າວ​ວ່າ ບັນດາ​ຜູ້​ສະໜັບສະໜູນ​ທ່ານ Trump ພາກັນ​ຮຽກຮ້ອງ​ໃຫ້​ຝ່າຍ​ຄ້ານ​ໃຫ້​ໂອກາດ​ແກ່ ປະທາ​ນາ​ມິ​ບໍດີ​ຄົນ​ໃໝ່.

ທ່າ​ນ Brady ກ່າວ​ວ່າ “ຂ້າພະ​ເຈົ້າ​ຄິດ​ວ່າ ປະທາ​ນາ​ມິ​ບໍດີ Obama ເປັນ​ຄົນ​ແບ່ງ​ແຍກ. ຂ້າພະ​ເຈົ້າ​ມີ​ຄວາມຫວັງ​ວ່າ ປະທານາທິບໍດີ​ Trump ທີ່​ຖືກ​ເລືອກ​ໃຫ້​ເຂົ້າຮັບ​ຕຳ​ແໜ່​ງ ຈະ​ຍື່ນ​ມືໄປ​ຫາ​ສະພາ​ຕໍ່າ ​ແລະ​ບັນດາ​ກຸ່ມ​ຕ່າງໆ​ຢູ່​ໃນ​ທົ່ວ​ປະ​ເທດ ​ເພື່ອ​ຟັງແລະ​ເບິ່ງ​ຖ້າ​ຫາກ​ພວກ​ເຮົາ​ບໍ່​ສາມາດ​ດຶງ​ເຂົ້າ​ມາ​ຫາ​ກັນ​ໃຫ້​ເປັນ​ປະ​ເທດ. ນັ້ນ​ແມ່ນ​ຄວາມ​ຫວັງ​ຂອງ​ຂ້າພະ​ເຈົ້າ.”

ແຕ່​ວ່າ​ອະດີດ​ຄູ່​ແຂ່ງປະທານາທິບໍດີ ທ່ານ Bernie Sanders ກຳລັງ​ຮຽກຮ້ອງ​ໃຫ້​ພັກ​ເດ​ໂມ​ແຄຣັດຕໍ່ຕ້ານ​ທ່ານ Trump ​ໃນ​ບ່ອນ​ໃດ​ທີ່ເຂົາ​ເຈົ້າ​ສາມາດເຮັດ​ໃດ້.

ສະມາຊິກ​ສະພາ​ສູງ Sanders ກ່າວ​ວ່າ “​ເວລາ​ໃດ ​ທີ່​ພວກ​ເຮົາ​ຢືນ​ຢູ່​ດ້ວຍ​ກັນ ທ່ານ Donald Trump ​ແລະ​ບໍ່​ມີໃຜ ບໍ່​ມີໃຜ​ທີ່​ຈະ​ຢຸດຢັ້ງ​ພວກ​ເຮົາ​ໄດ້ ມາ​ພາ ກັນ​ເດີນ​ໄປ​ໜ້າ​ນຳ​ກັນ ຂອບ​ໃຈທຸກໆຄົນ​.”

ທ່ານ John Hudak ນັກວິ​ເຄາະ​ກ່າວ​ວ່າ ສິ່ງ​ທີ່​ທ່ານ Trump ​ເລືອກ​ທີ່​ຈະ​ປະ​ເຊີນ​ໜ້າ ​ກັບ​ການ​ທ້າ​ທາຍໃນ​ການທ້ອນ​ໂຮມ​ປະ​ເທດ​ນັ້ນແມ່ນສຳຄັນ​ທີ່​ສຸດ.

ທ່ານ Hudak ຈາກ​ສະ​ຖາ​ບັນ Booking ກ່າວ​ວ່າ “ມັນ​ເປັນ​ຜູ້​ທີ່​ເຂົ້າ​ມາຕໍ່ໜ້າ​ທ່ານ ທີ່​ຈະ​ເລີ້ມ​ສ້າງ​ຂົວ​ເຂົ້າ​ໄປ​ຫາຊາວ​ອາ​ເມຣິກັນ​ເກືອບ 70 ລ້ານ​ຄົນ​ຜູ້​ທີ່​ປ່ອນ​ບັດ​ເອົາ​ຄົນ​ອື່ນໆ. ນັ້ນ​ແມ່ນ​ການ​ທ້າ​ທ້າຍ​ທີ່​ແທ້​ຈິງ ​ແລະ​ມັນບໍ່​ໄດ້​ເປັນ​ການ​ທ້າ​ທາຍ​ທີ່​ທຸກໆ​ປະທານາທິບໍດີ​ປະ​ເຊີນ​ໜ້າ ​ແລະ​ມັນ​ຈະ​ເປັນ​ການ​ທ້າ​ທາຍ​ທີ່​ສຳຄັນ​ເພື່ອ​ເບິ່ງ​ວ່າ ປະ​ທາ​ນາ​ທິບໍດີ​ຄົນ​ໃໝ່​ຈະ​ເຮັດ​ຢ່າງ​ໃດ ຖ້າ​ຫາກ​ວ່າ ​ທ່ານ​ຈະ​ເຮັດ​ກ່ຽວກັບ​ມັນທັງ​ໝົດ ​ໃນ​ການ​ເລີ້ມ​ຕົ້ນລັດຖະບານຂອງ​ທ່ານ.”

ປະທານາທິບໍດີ George W. Bush ​ໄດ້​ປະ​ເຊີນ​ໜ້າກັບ​ສະພາບ​ການ​ທີ່​ຄ້າຍຄື​ກັນ​ນີ້ໃນ​ປີ 2001 ຫລັງ​ຈາກ​ຊະນະ​ການ​ເລືອກ​ຕັ້ງທີ່​ເປັນ​ບັນຫາ​ໂຕ້​ຖຽງ​ໂດຍ​ເອົາ​ຊະນະທ່ານ Al Gore ຜູ້ສະໝັກ​ຂອງ​ພັກ​ເດ​ໂມ​ແຄຣັດ.

ຢູ່​ໃນ​ຄຳ​ປາ​ໄສເຂົ້າ​ຮັບ​ຕຳ​ແໜ່​ງນັ້ນ ທ່ານ Bush ​ໄດ້​ໃຫ້​ຄຳ​ໝັ້ນ​ສັນຍາ​ທີ່ຈະ​ນຳ ພາ​ປະ​ເທດ​ເຂົ້າ​ຫາ​ກັນ.

ອະດີດ​ປະທານາທິບໍດີ Bush ກ່າວ​ວ່າ “ການ​ທ້ອນ​ໂຮມ​ພວກ​ເຮົາ ​ແລະ​ການ​ເຂົ້າ​ຫາ​ກັນ​ເປັນ​ວຽກ​ທີ່​ສຳຄັນ​ຂອງ​ບັນດາ​ຜູ້ນຳ ​ແລະ​ປະຊາຊົນ ​ແລະ​ທຸກໆ​ລຸ້ນ. ​ແລະ​ນີ້​ແມ່ນ​ຄຳ​ສາບານ​ຂອງ​ຂ້າພະ​ເຈົ້າ ຂ້າພະ​ເຈົ້າ​ຈະ​ເຮັດ​ວຽກ ​ເພື່ອ​ສ້າງ​ປະ​ເທດ​ນຶ່ງ​ດຽວ ​ທີ່​ມີຄວາມ​ທ່ຽງ​ທໍາ ​ແລະມີ​ໂອກາດ.”

ທ່ານ David Eagles ຜູ້​ຊ່ຽວຊານ​ການ​ໂອນ​ອຳນາດ ກ່າວວ່າ ສາທາລະນະ​ຊົນຈະ​ຍິນ​ດີ​ຕ້ອນຮັບ​ເອົາ​ການ​ຍື່ນ​ມື​ຫາ​ໃດໆຂອງ​ທ່ານ Trump ​ເພື່ອ​ຄວາມ​ສາ ມັກ​ຄີ​.

ທ່ານ Eagles ກ່າວ​ວ່າ “ພວກ​ເຮົາ​ໄດ້​ເປັນ​ປະ​ເທດ ​ທີ່​ມີ​ການ​ແບ່ງ​ແຍກ​ຢູ່​ທີ່​ນີ້ ​ແລະ​ເປັນ​ທີ່​ແຈ່ມ​ແຈ້ງວ່າ​ ການ​ເລື​ອກຕັ້ງ​ໄດ້​ສະ​ແດງ​ອອກ​ມາ ມັນ​ໃກ້​ຄຽງ​ກັນ​ທີ່​ສຸດດັ່ງ​ທີ່​ໄດ້​ຄາດ​ໄວ້. ​ແຕ່​ຂ້າພະ​ເຈົ້າ​ມີ​ຄວາມ​ຫວັງ​ທີ່​ສຸດ. ​ເວລາ​ໃດ​ທີ່​ທ່ານ​ເບິ່ງໄປຍັງປະຫວັດສາດ ​ຢູ່ໃນ ​
ຊ່ວງ ​ລະຍະ​ເວລາດັ່ງກ່າວ ສາທາລະນະ​ຊົນ​ອາ​ເມຣິກັນ​ ​ໂດຍ​ທົ່ວ​ໄປ​ແລ້ວ​ ໄດ້​ໃຫ້​ຄວາມ​ເຫັນ​ແບບ​ດີໆ ຖ້າ​ຈະ​ເວົ້າ ກ່ຽວ​ກັບ​ປະທາ ນາທິບໍດີ​ທີ່​ເຂົ້າ​ມາ​ຮັບ​ຕຳ​ແໜ່​ງ​ເພື່ອ​ເຮັດ​ວຽກ​ເຂົາ​ເຈົ້າ​ໃຫ້​ເປັນ​ທີ່​ຮຽບຮ້ອຍ.”

ແ​ຕ່​ວ່າ​ໃນ​ຄວາມພ​ະຍາມ​ໃດໆ ​ທີ່​ຈະ​ຫລຸດ​ຜ່ອນ​ຄວາມ​ຂົມ​ຂື່ນ​ທາງການ​ເມືອງ​ຈາກ​ການ​ເລືອກ​ຕັ້ງ ອາດ​ຈະ​ສັບສົນ​ນັບ​ແຕ່​ຕອນເລີ້ມ​ຕົ້ນ ​ໂດຍ​ທີ່​ທ່ານ Trump ​ໃຫ້​ຄຳ​ໝັ້ນ​ສັນຍາ ​ທີ່​ຈະ​ຍົກ​ເລີກ ​ແລະ​ທົດແທນ​ ຜົນສຳ​ເລັດ​ທີ່​ເປັນລາຍ​ເຊັນ​ຂອງປະທາ​ທິບໍດີ Barack Obama ນັ້ນກໍ​ຄື ກົດໝາຍປະກັນ​ໄພ​ສຸຂະພາບ ​ຂອງ​ທ່ານ.

Donald Trump takes the oath of office as the 45th president of the United States on January 20th and has promised to act quickly to enact his executive and legislative agenda to bring change to Washington. But Trump will also face a daunting political divide in the United States that remains in place in the wake of his election victory last November over Hillary Clinton. VOA National correspondent Jim Malone has more from Washington.]]

Donald Trump has already set himself apart from previous incoming presidents by holding a series of rallies around the country to thank his supporters.

Trump also insists he wants to bring the country together after one of the most divisive election campaigns in recent history.

"We will heal our divisions and unify our very, very divided country. When Americans are unified, there is nothing we cannot do. No task is too great, no dream too large."

But opposition to the incoming president remains intense and was on display during the recent Electoral College voting in several states including Florida…

"Vote sanity and stability. No Trump."

And Wisconsin, where anti-Trump protestors made their presence known.

"This is my America! This is my America!"

Trump supporters are urging his opponents to give the new president a chance. Republican Congressman Kevin Brady of Texas.

"I think President Obama was divisive. I'm hopeful President-elect Trump in office will continue to reach out with Congress and with different groups across the country listen and see if we can't pull together as a country. That is my hope."

But former presidential contender Bernie Sanders is urging Democrats to resist Trump where they can.

"When we stand together, Donald Trump and nobody, nobody is going to stop us! Let's go forward together! Thank you all!"

How Trump chooses to deal with the challenge of unifying the country is important, says analyst John Hudak.

"It is incumbent upon him to start building bridges to the nearly 70 million Americans who voted for someone else. That is a real challenge, and it's not a challenge every president faces, and it will be an important challenge to see how the new president goes about that, if he goes about it at all, in the early months of his administration."

President George W. Bush faced a similar predicament in 2001 after winning a disputed election victory over Democrat Al Gore.

In his inaugural address, Bush promised to bring the country together.

"Our unity and our union is the serious work of leaders and citizens and every generation. And this is my solemn pledge: I will work to build a single nation of justice and opportunity."

The public will likely welcome any Trump outreach on unity, says transition expert David Eagles.

"We've been a divided country here and obviously the election showed it, it was very close, as expected. But I'm very hopeful. When you look at history in these periods of time, the American public has generally given a halo effect, if you will, on an incoming president to get their job done."

But any effort to ease the political bitterness from the election could be complicated right from the start by Trump's promise to repeal and replace President Barack Obama's signature achievement, his health care law.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG