ລິ້ງ ສຳຫລັບເຂົ້າຫາ

logo-print

ທ່ານ ທ​ຣຳ ພະ​ນັ​ນ​ຕໍ່ ເສດ​ຖະ​ກິດ ເພື່ອ​ໃຫ້​ໄດ້​ຮັບ ​ການ​ເລືອກ​ຕັ້ງ ​ດຳ​ລົງ​ຕຳ​ແໜ່​ງ​ ອີກ​ນຶ່ງ​ສະ​ໄໝ


ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ ຟັງ​ຄຳ​ຖາມ​ຈາ​ກ​ນັກ​ຂ່າວ ໃນ​ຫ້ອງ​ການ​ປະ​ທາ​ນາ​ທິ​ບໍ​ດີ, ທຳ​ນຽບ​ຂາວ, ນ​ະ​ຄອນຫຼວງ ວໍ​ຊິງ​ຕັນ. 12 ກຸມ​ພາ, 2020.

ຂ່າວ​ດີ​ສຳ​ລັບ​ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ, ການ​ຢັ່ງ​ຫາງ​ສຽງ​ເມື່ອ​ບໍ່​ດົນ​ມ​າ​ນີ້​ໄດ້​ສະ​ເໜີ​ວ່າ ຄົນ ອາ​ເມ​ຣິ​ກັນ ສ່ວນຫຼາຍ​ເວົ້າ​ວ່າ ເຂົາ​ເຈົ້າ​ມີ​ຖາ​ນະ​ດີ​ຂຶ້ນກວ່າເກົ່າ ​ຕອນ​ທີ່​ທ່ານ ທ​ຣຳ ເຂົ້າ​ຮັບ​ຕຳ​ແໜ່ງ. ທ່ານ​ປະ​ທາ​ນາ​ທິ​ບໍ​ດີ​ແມ່ນ​ກຳ​ລັງ​ພະ​ນັນ​ວ່າ ຕົວ​ບົ່ງ​ຊີ້​ເສດ​ຖະ​ກິດ​ທີ່​ດີ​ຂຶ້ນ​ ຈະ​ປູ​ທາງ​ໃຫ້​ທ່ານ​ຖືກ​ເລືອກ​ດຳ​ລົງ​ຕຳ​ແໜ່ງ​ອີກ​ສະ​ໄໝ​ນຶ່ງ​ໃນ​ເດືອນ​ພະ​ຈິກນີ້. ນັກ​ຂ່າວ​ວີ​ໂອ​ເອ​ປະ​ຈຳ​ທຳ​ນຽບ​ຂາວ ແພັດ​ຊີ ວິ​ດາ​ຄຸ​ສວາ​ຣາ ມີ​ລາຍ​ງານ ກ່ຽວ​ກັບ ເລື່ອງນີ້, ເຊິ່ງ​ ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ໃນ​ການ​ໂຮມ​ຊຸມ​ນຸມ​ຂອງ​ທ່ານ​ນັ້ນ, ແລະ ​ຂ້ອນ​ຂ້າງວ່າ​ທຸກ​ຄັ້ງອື່ນໆ, ປະ​ທານ​າ​ທິ​ບໍ​ດີ ທ​ຣຳ ມັກ​ຈະ​ເວົ້າ ກ່ຽວ​ກັບ ເສດ​ຖະ​ກິດ​ທີ່​ດີ​ຂຶ້ນ.

ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ ກ່າວ​ວ່າ “ນັບ​ຕັ້ງ​ແຕ່​ການ​ເລືອກ​ຕັ້ງ​ຂອງ​ຂ້າ​ພະ​ເຈົ້າ, ອາ​ເມ​ຣິ​ກາ ມີ​ວຽກ​ເຮັດ​ງານ​ທຳ​ໃໝ່ 7 ລ້ານ​ໜ້າ​ວຽກ. ອັດ​ຕາ​ການ​ຫວ່າງ​ງານ​ແມ່ນ​ໄດ້​ຕົກ​ລົງ​ຕ່ຳ​ທີ່​ສຸດ​ໃນ​ຮອບເຄິ່ງ​ສັດ​ຕະ​ວັດ. ອັດ​ຕາ​ການ​ຫວ່າງ​ການ​ທົ່ວ​ໄປ​ພາຍ​ໃຕ້​ລັດ​ຖະ​ບານ​ຂອງ​ຂ້າ​ພະ​ເຈົ້າ ​ແມ່ນ​ຕ່ຳ​ກວ່າ​ທຸກໆ​ລັດ​ຖະ​ບານ​ກ່ອນ​ໜ້າ ນີ້​ໃນ​ປະ​ຫວັດ​ສາດ​ຂອງ​ປະ​ເທດ​ເຮົາ.”

ບັນ​ດາ​ນັກ​ວິ​ເຄາະ​ສ່ວນຫຼາຍ​ເຫັນ​ພ້ອມ​ກັນ​ວ່າ ຕົວ​ບົ່ງ​ຊີ້​ພື້ນ​ຖາ​ນລວມ​ມີ​ຕະຫຼາດ​ຮຸ້ນ, ຍອດຜ​ະ​ລິດ​ຕະ​ພັນລວມ​ພາຍ​ໃນ ແລະ ການ​ຫວ່າງ​ງານ​ແມ່ນ​ມີ​ທ່າ​ທາງ​ທີ່​ດີຫຼາຍ, ເຮັດ​ໃຫ້​ທ່ານ​ປະ​ທາ​ນາ​ທິ​ບໍ​ດີ​ ໄດ້​ຮັບ​ການ​ສະ​ໜັບ​ສະ​ໜູນ​ເພີ່ມ​ຂຶ້ນ.

ທ່ານ​ນາງ ແຄັດ​ລີນ ແມັກ​ເຄຍ​ນັນ (Kathleen McKiernan) ຈາກ​ມະ​ຫາ​ວິ​ທະ​ຍາ​ໄລ ແວນ​ເດີ​ບິ​ລ​ທ໌ ກ່າວ​ວ່າ “ມັນ​ຍຸ​ຕິ​ທຳ​ທີ່​ຈະ​ເວົ້າ​ວ່າ ເສດ​ຖະ​ກິດ ໄດ້​ສືບ​ຕໍ່​ມີ​ແນວ​ໂນ້ມ​ດີ​ຂຶ້ນ​ໃນ​ຕະຫຼອດ​ທ້າຍ​ໄລ​ຍະ​ຂອງ​ລັດ​ຖະ​ບານ ໂອ​ບາ​ມາ ແລະ ຕອນ​ເລີ່ມ​ຕົ້ນ​ຂອງ​ລັດ​ຖະ​ບານ​ທ່ານ ທ​ຣຳ.”

ແຕ່, ປະ​ຊາ​ຊົນ ອາ​ເມ​ຣິ​ກັນ ມີ​ຄວາມ​ຮູ້​ສຶກ​ແນວ​ໃດ?

ທ້າວ ແຄ​ເມີ​ຣອນ ໂຄ​ຮ​ໂຕ ເວົ້າ​ວ່າ “ເມື່ອ​ຄົນ​ເວົ້າ​ວ່າ ພວກ​ເຮົາ​ຈະ​ໄດ້​ເສຍ​ພາ​ສີ​ໜ້ອຍ​ລົງ ແລະ ເສດ​ຖະ​ກິດ​ຈະ​ດີ​ຂຶ້ນ. ຂ້າ​ພະ​ເຈົ້າບໍ່​ເຫັນ​ວ່າ​ມັນ​ຈະ​ເປັນ​ແນວ​ນັ້ນ, ຕາມ​ຄວາມ​ຄິດ​ສ່ວນ​ຕົວ​ເນາະ.”

ທ້າວ ເຄີ​ທິ​ສ ທາຍ​ເລີ ເວົ້າ​ວ່າ “ຕຳ​ແໜ່ງວຽກ​ງານ​ທັງຫຼາຍ​ແມ່ນ​ເລີ່ມ​ທີ່​ຈະ​ມີ​ອອກ​ມາ. ຖ້າ​ເຈົ້າ​ບໍ່​ອອກ​ໄປ​ນອກ ແລະ ຫາ​ວຽກ ​ເຈົ້າ​ກໍ​ຈະ​ບໍ່​ມີ​ວັນ​ຫາ​ມັນ​ເຫັນ. ລາວ​ຈະ​ບໍ່​ມາ​ຫາ​ເຈົ້າ ແລະ ເອົາ​ວຽກ​ໃຫ້​ເຈົ້າ. ເຈົ້າ​ຕ້ອງ​ໄປ​ຊອກ​ຫາ​ມັນ. ນັ້ນ​ແມ່ນ​ຜົ​ນ​ທີ່​ຈະ​ອອກ​ມາ​ໃນທີ່​ສຸດ. ສະ​ນັ້ນສະ​ໜັບ​ສະ​ໜູນ​ທ່ານ ທ​ຣຳ.”

ໃນ​ການ​ຢັ່ງ​ຫາງ​ສຽງ​ຂອງ​ອົງ​ການ ກາ​ລ​ລັບ (Gallup Poll) ສະ​ແດງ​ໃຫ້​ເຫັນ​ວ່າ ປະ​ຊາ​ຊົນ ອາ​ເມ​ຣິ​ກັນ ໃຫ້​ຄະ​ແນນ​ເສດ​ຖະ​ກິດນີ້​ວ່າ ​ດີ​ທີ່​ສຸດ​ນັບ​ຕັ້ງ​ແຕ່​ທ້າຍ​ຊຸມ​ປີ 1900.

ແຕ່​ວ່າ​ປະ​ຊາ​ຊົນ ອາ​ເມ​ຣິ​ກັນ ແມ່ນ​ເຮັດ​ວຽກ​ທີ່​ມີ​ຄ່າ​ຈ້າງ​ຕ່ຳ​ສຸດ ແລະ ມີ​ຄວາມ​ຫຍຸ້ງ​ຍາກ​ໃນ​ການ​ຈ່າຍ​ຄ່າ​ນ້ຳ​ຄ່າ​ໄຟຕ່າງໆ​ຂອງ​ເຂົາ​ເຈົ້າ. ປະ​ຊາ​ຊົນຫຼາຍກວ່າ 38 ລ້ານ​ຄົນ​ອາ​ໄສຢູ່​ຕ່ຳ​ກວ່າ​ເສັ້ນ​ຄວາມ​ທຸກ​ຍາກ ແລະ ຫຼາຍກວ່າ 90 ລ້ານ​ຄົນ​ແມ່ນ​ອາ​ໄສ​ຢູ່​ໃກ້​ກັບ​ຄວາມ​ທຸກ​ຍາກ.

ທ່ານ​ນາງ ແຄັ​ທ​ລີນ ແມັກ​ເຄຍ​ນັນ ກ່າວ​ວ່າ “ແນ່ນອນ​ຄວາມ​ຮັ່ງ​ມີ​ແມ່ນ​ກຳ​ລັງ​ເຕີບ​ໂຕ້. ແຕ່​ມັນ​ກໍ​ມີ​ຄວາມ​ຢ້ານ​ກົວ​ເພີ່ມ​ຂຶ້ນ​ວ່າ ຄວາມ​ຮັ່ງ​ມີ​ບາງ​ສ່ວນນີ້​ແມ່ນ​ເພັ່ງ​ເລັງ​ໃສ່​ຄົນ​ຈຳ​ນວນ​ນຶ່ງ. ແລະ ມັນ​ບໍ່​ໄດ້​ຖືກ​ແຜ່​ກະ​ຈາຍ​ໄປ​ຮອດ​ປະ​ຊາ​ກອນ​ທົ່ວ​ປະ​ເທດ.”

ເປັນຈຸດ​ນຶ່ງ​ທີ່​ບັນ​ດາ​ຜູ້​ລົງ​ແຂ່ງ​ຂັນ​ ເອົາ​ຕຳ​ແໜ່ງ​ປະ​ທາ​ນາ​ທິ​ບໍ​ດີ ​ສັງ​ກັດ​ພັກ​ເດ​ໂມ​ແຄ​ຣັດ ມັກ​ຈະ​ເພັ່ງ​ເລັງ​ໃສ່, ໃນ​ຂ​ະ​ນະ​ທີ່​ພວກ​ເພິ່ນ​ໂຈມ​ຕີ​ນະ​ໂຍ​ບາຍ​ເສດ​ຖະ​ກິດ​ຂອງ​ທ່ານ ທ​ຣຳ.

ທ່ານ ເບີ​ນີ ແຊນ​ເດີ​ສ໌, ຜູ້​ລົງ​ແຂ່ງ​ຂັນ​ເອົາ​ຕຳ​ແໜ່ງ​ປະ​ທາ​ນາ​ທິ​ບໍ​ດີ ສັງ​ກັດ​ພັກ​ເດ​ໂມ​ແຄ​ຣັດ ກ່າວ​ວ່າ “ເສດ​ຖະ​ກິດ ແລະ ລັດ​ຖະ​ບານ​ທີ່​ເຮັດ​ວຽກ​ເພື່ອ​ພວກ​ເຮົາ​ທຸກ​ຄົນ, ບໍ່​ແມ່ນ​ຜູ້​ປະ​ກອບ​ສ່ວນ​ໃຫ້​ການ​ໂຄ​ສະ​ນາ​ຫາ​ສຽງຂອງ​ຄົນ​ຮັ່ງ​ມີ.”

ກາ​ນ​ຢັ່ງ​ຫາງ​ສຽງ​ດຽວ​ກັນ​ໄດ້​ສະ​ແດງ​ໃຫ້​ເຫັນ​ວ່າ ປະ​ຊາ​ຊົນຫຼາຍກວ່າ 6 ໃນ 10 ຄົນ​ເວົ້າ​ວ່າ ເຂົາ​ເຈົ້າ​ມີ​ຖາ​ນະ​ດີກວ່າເກົ່າ​ເວ​ລາ​ທີ່​ທ່ານ ທ​ຣຳ ເຂົ້າ​ກຳ​ຕຳ​ແໜ່ງ.

ທ່ານ ຮານ​ສ໌ ວອນ ສ​ປາ​ຄອ​ຟ​ສ​ກີ ຈາກ​ມູນ​ນິ​ທິ ເຮີ​ຣິ​ເທັ​ຈ໌ ເວົ້າ​ວ່າ “ມັນ​ຍາກ​ທີ່​ສຸດ​ທີ່​ຈະ​ເອົາ​ຊະ​ນະ​ປະ​ທາ​ນາ​ທິ​ບໍ​ດີ, ມັນ​ບໍ່​ກ່ຽວ​ວ່າ​ຈ​ະ​ເປັນ​ສະ​ມາ​ຊິກ​ພັກ​ຣີ​ພັບ​ບ​ລີ​ກັນ ຫຼື ເດ​ໂມ​ແຄ​ຣັດ, ເມື່ອ​ເສດ​ຖະ​ກິດກຳ​ລັງ​ດີ​ຂຶ້ນ, ເມື່ອ​ມັນ​ມີ​ວຽກ​ງານຫຼາຍ, ຄ່າ​ຈ້າງ​ແມ່ນ​ກຳ​ລັງ​ສູງ​ຂຶ້ນ, ທັງ​ໝົດ​ນັ້ນ​ຈະ​ຊ່ວຍ​ປະ​ທາ​ນາ​ທິ​ບໍ​ດີ​ທີ່​ຄົນ​ປັດ​ຈຸ​ບັນຮັກ​ສາ​ຕຳ​ແໜ່ງ​ໄວ້ໄດ້.”

ບໍ່​ມີ​ປະ​ທາ​ນາ​ທິ​ບໍ​ດີ​ທີ່​ຢູ່​ໃນ​ຕຳ​ແໜ່ງ​ຄົນ​ໃດ ​ໃນ​ສາມ​ທົດ​ສະ​ວັດ​ທີ່​ຜ່ານ​ມາ​ ໄດ້​ຮັບ ການ​ເວົ້າ​ຈາກ​ປະ​ຊາ​ຊົນ​ໃນ​ລະ​ດັບ​ທີ່​ສູງວ່າ ເຂົາ​ເຈົ້າ​ຮູ້​ສຶກດີ​ຂຶ້ນ ກ່ຽວ​ກັບ ສະ​ຖາ​ນະ​ການ​ດ້ານເສດ​ຖະ​ກິດ​ຂອງ​ເຂົາ​ເຈົ້າ.

ແຕ່​ວ່າ, ມັນ​ມີ​ຂໍ້​ເທັດ​ຈິງ​ອື່ນໆຫຼາຍ​ຢ່າງ ​ທີ່​ຈະ​ພິ​ຈາ​ລະ​ນາ​ຜົນ​ທີ່​ອອກ​ມາ​ສຸດ​ທ້າຍ​ໃນ​ການ​ເລືອກ​ຕັ້ງ​ເດືອນ​ພະ​ຈິກນີ້.

Good news for President Donald Trump, recent polling suggests a majority of Americans say they are better off than they were when Trump took office. The president is betting that rosy economic indicators will pave the way to his reelection in November. White House Correspondent Patsy Widakuswara has this story.

In his rallies, and pretty much all other occasions, President Trump loves to talk about the growing economy.

"Since my election, America's gained 7 million new jobs. The unemployment rate has hit the lowest rate in a half a century. The average unemployment rate under my administration is lower than any previous administration in the history of our country."

Most analysts agree that basic indicators including the stock market, GDP and unemployment, look great, giving the president a political boost.

"It is fair to say that the economy has continued its upward trend throughout the end of the Obama administration and the beginning of the Trump administration."

But, how do Americans feel?

"When people say that we are getting a more of a tax cut and the economy is better. I can't necessarily see that, personally."

"The jobs are starting to come up... If you don't go out and get the work you're not gonna find it. He's not gonna come and give it to you, you gotta go get it. That's the bottom line, so.. go with Trump!"

A recent Gallup poll shows that Americans rate this economy as the best since the late 1990s.

Yet many Americans work minimum wage jobs and have difficulty paying all of their bills. More than 38 million people live below the poverty threshold, and more than 90 million live close to poverty.

"Sure wealth is growing. But there's also a growing fear that some of this wealth is concentrated among a few people. And it's not really being spread across the population."

A point that Democratic presidential contenders like to hone in on, as they attack Trump's economic policies.

"An economy and a government that works for all of us, not wealthy campaign contributors."

The same poll showed that more than six in 10 Americans say they are better off than they were when Trump took office.

"It's extremely difficult to beat a president, it doesn't matter whether it's a Republican or Democrat, when the economy is roaring along, there are plenty of jobs, wages are going up, all of those things help keep an incumbent president in office."

No other incumbent president in the past three decades has enjoyed such a high percentage of people saying they feel better about their economic situation.

Still, there are many other factors that will determine the final outcome in the November election.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG