ລິ້ງ ສຳຫລັບເຂົ້າຫາ

logo-print

ຄວາມດຶງດູດໃຈ ຂອງທ່ານ Trump ແມ່ນພິສູດ ວ່າ ມີອິດທິພົນ ຕໍ່ພວກມີສິດປ່ອນບັດ ທີ່ບໍ່ພໍໃຈ


Trump's Appeal Proves Potent with Angry Voters
please wait

No media source currently available

0:00 0:02:33 0:00

ເຊີນຊົມ ວີດີໂອ ລາຍງານ ກ່ຽວກັບເລື່ອງນີ້

ການແຂ່ງຂັນ ເພື່ອທີ່ຈະໄດ້ເປັນຕົວແທນ ລົງສະໝັກເອົາຕຳແໜ່ງ
ປະທານາທິບໍດີ ຂອງພັກຣີພັລບລີກັນ ໄດ້ກ້າວເຂົ້າສູ່ລະຍະທີ່ສຳ
ຄັນ ໃນຂະນະທີ່ ຜູ້ທີ່ມີຄະແນນນຳໜ້າ ຄືທ່ານ Donald Trump
ແມ່ນຫຍັບໃກ້ເຂົ້າມາ ທີ່ທ່ານຈະໄດ້ຖືກສະເໜີຊື່ຢ່າງແນ່ນອນ ໃຫ້
ເປັນຕົວແທນຂອງພັກ ເພື່ອລົງແຂ່ງເອົາຕຳແໜ່ງປະທານາທິບໍດີ.
ພວກຄູ່ແຂ່ງຂອງທ່ານ Trump ແມ່ນໃກ້ຈະໝົດເວລາແລ້ວ ເພື່ອ
ຈະເຮັດໃຫ້ທ່າແຮງ ຂອງທ່ານຊ້າລົງໄດ້ ໃນປີທີ່ ບັນດາຜູ້ມີສິດ
ປ່ອນບັດ ພັກຣີພັບບລີກັນ ປາກົດວ່າ ຈະນິຍົມນັກການເມືອງທີ່ຢູ່
ນອກພັກ ຫຼາຍກວ່າ ພວກຜູ້ສະໝັກລົງແຂ່ງຂັນໃດໆ ທີ່ຢູ່ໃນຖັນ
ແຖວການຈັດຕັ້ງຂອງພັກ. Jim Malone ຜູ້ສື່ຂ່າວແຫ່ງຊາດ ຂອງ
ວີໂອເອ ມີລາຍງານ ກ່ຽວກັບປາກົດການຂອງທ່ານ Trump ຈາກ
ວໍຊິງຕັນ ຊຶ່ງໄຊຈະເລີນສຸກ ຈະນຳເອົາລາຍລະ ອຽດ ມາສະເໜີ
ທ່ານ ໃນອັນດັບຕໍ່ໄປ.


ທ່ານ Donald Trump ຍັງສືບຕໍ່ເປັນຜູ້ຄອບງຳ ການແຂ່ງຂັນ ເພື່ອທີ່ຈະໄດ້ເປັນຕົວແທນ
ຂອງພັກຣີພັບບລີກັນ ໃນການລົງສະໝັກເອົາ ຕຳແໜ່ງປະທານາທິບໍດີສະຫະລັດ.

ແຕ່ ທ່ານ Trump ແມ່ນຈະບໍ່ສ່ຽງເລີຍ ໃນການເລືອກຕັ້ງຂັ້ນຕົ້ນ ທີ່ຫາກໍມີຂຶ້ນນັ້ນ.

ທ່ານ Trump ເວົ້າວ່າ “ພວກທ່ານຕ້ອງອອກມາ ແລະ ໃຊ້ສິດອອກ ສຽງ!”

ໄຊຊະນະ ໃນບໍ່ເທົ່າໃດ ອາທິດຂ້າງໜ້ານີ້ ເບິ່ງຄືວ່າ ຈະເຮັດໃຫ້ ການສະເໜີຊື່ ເປັນຕົວ
ແທນຂອງພັກຣີພັບບລີກັນ ນັ້ນ ແມ່ນຢູ່ໃນກຳມື ຂອງ ທ່ານ Donald Trump.

US Primaries
please wait
Embed

No media source currently available

0:00 0:02:18 0:00

ທ່ານ Trump ເວົ້າວ່າ “ບໍ່ວ່າ ແມ່ນຫຍັງຈະເກີດຂຶ້ນ ກໍຕາມ, ບໍ່ວ່າ ທ່ານຈະເຮັດຫຍັງ
ກໍຕາມ. ຖ້າທ່ານຖືກຫວ່າງງານ ໃນວັນອັງຄານນີ້ ຂ້າພະເຈົ້າ ຍັງຢາກໃຫ້ທ່ານ ລົງຄະ
ແນນສຽງ. ຂ້າພະເຈົ້າ ຈະຫາວຽກໃໝ່ ໃຫ້ທ່ານ ບໍ່ຕ້ອງເປັນຫ່ວງກ່ຽວກັບເລື້ອງນີ້.”

ການເວົ້າຈາກົງໄປກົງມາ ຂອງທ່ານ Trump ດຶງດູດຈິດໃຈ ຂອງພວກສະໜັບສະໜຸນ
ຈາກລັດ New Hampshire ຈົນຮອດ ລັດ South Carolina ແລະ ກວ້າງໄກ ໄປກວ່ານັ້ນ.

ຜູ້ມີສິດອອກສຽງທ່ານນຶ່ງ ຈາກລັດ New Hampshire ເວົ້າວ່າ “ທ່ານ Trump ຢາກເຮັດ
ໃຫ້ ອາເມຣິກາ ຍິ່ງໃຫຍ່ຄືນອີກ ເທື່ອນຶ່ງ ແລະ ອັນນັ້ນ ເປັນສິ່ງທີ່ພວກເຮົາຕ້ອງການ.”

ຜູ້ມີສິດອອກສຽງອີກທ່ານນຶ່ງ ຈາກລັດ South Carolina ເວົ້າວ່າ “ທ່ານ Trump ອາດ
ຈະບໍ່ໄດ້ເຮັດ ເຄິ່ງນຶ່ງຂອງມັນ ແຕ່ຄວາມແທ້ຈິງແລ້ວ ກໍແມ່ນວ່າ ພຽງແຕ່ທ່ານໄດ້ກ່າວ
ຈັ່ງຊັ້ນ ແລະ ພະຍາຍາມເຮັດມັນ ກໍຖືກໃຈສຳລັບຂ້ອຍແລ້ວ.”

ແຕ່ທ່ານ Trump ກໍມີຜູ້ທີ່ຖ້າຕິ ຢ່າງຫຼວງຫຼາຍເຊັ່ນກັນ ລວມທັງ ພວກປະທ້ວງ ທີ່ມອງເຫັນ
ທ່ານ Trump ເປັນຜູ້ຂົ່ມເຫັງຄົນອື່ນ, ຕໍ່ຕ້ານອົບພະຍົບ ແລະ ບໍ່ໃຫ້ຄວາມສຳຄັນຕໍ່ບັນຫາ
ກ່ຽວກັບຜິວພັນ.

ນັກວິເຄາະ Henry Olsen ກ່າວວ່າ ທ່ານ Trump ໄດ້ເຈາະລົງເລີກເຂົ້າໄປ ໃນຄວາມ
ຜິດຫວັງ ແລະ ຄວາມໂກດແຄ້ນ ຂອງຜູ້ມີສິດອອກສຽງ.

US Republican
please wait
Embed

No media source currently available

0:00 0:01:42 0:00

ທ່ານ Olsen ເວົ້າວ່າ “ພວກຄົນເຫຼົ່ານີ້ ຜູ້ທີ່ລົງຄະແນນສຽງໃຫ້ທ່ານ Trump ແມ່ນບໍ່
ໄດ້ຖືກຄຳນຶງເຖິງ ຢູ່ໃນຫົວຄິດ ຂອງພວກເຂົາເຈົ້າ ໂດຍພັກໃຫຍ່ທັງສອງພັກ ເປັນ
ເວລາ 15 ຫາ 20 ປີ ຜ່ານມາ ແລະ ພວກເຂົາເຈົ້າ ມອງເຫັນຄົນຜູ້ນຶ່ງ ທີ່ກ່າວໃນທີ່ສຸດ
ວ່າ ‘ຂ້າພະເຈົ້າ ຢູ່ຝ່າຍດຽວກັນກັບທ່ານ’ ແລະ ພວກເຂົາເຈົ້າ ກໍບໍ່ຈຳເປັນ ທີ່ຈະຕ້ອງ
ເປັນຜູ້ສະໜັບສະໜູນພັກຣີພັບບລີກັນແທ້ຈິງ, ພວກເຂົາເຈົ້າ ບໍ່ແມ່ນສະມາຊິກ ຂອງ
ກຸ່ມ Tea Party, ພວກເຂົາເຈົ້າ ບໍ່ແມ່ນພວກຂວາຈັດ. ຖ້າອັນໃດອັນນຶ່ງ ພວກເຂົາເຈົ້າ
ອາດຈະແມ່ນເປັນ ພວກອະນຸລັກນິຍົມ ໂດຍບັງເອີນ.”


ການກ້າວຂຶ້ນມາມີບົດບາດ ຂອງທ່ານ Trump ໄດ້ກໍ່ໃຫ້ເກີດ ຜົນສະທ້ອນຖອຍຫລັງ ທີ່
ຮຸນແຮງ ຈາກການຈັດຕັ້ງຂອງພັກຣີພັບບລີກັນ ລວມທັງ ທ່ານ Mitt Romney ຕົວແທນ
ຂອງພັກ ຜູ້ຖືກສະເໜີຊື່ ໃຫ້ແຂ່ງເອົາຕຳແໜ່ງປະທານາທິບໍດີ ເມື່ອປີ 2012.

ທ່ານ Romney ເວົ້າວ່າ “ທ່ານ Donald Trump ກ່າວວ່າ ທ່ານມັກທ່ານ Vladimir
Putin ແລະ ໃນເວລາດຽວກັນ ທ່ານໄດ້ເອີ້ນທ່ານ George W. Bush ວ່າເປັນຄົນ
ຂີ້ຕົວະ. ອັນນັ້ນ ແມ່ນເປັນຕົວຢ່າງຂອງການບິດເບືອນ “ທີ່ວ່າຜີມານຊະນະຄົນດີ.”

ແຕ່ ມາເຖິງເວລານີ້ ທ່ານ Trump ແມ່ນໄດ້ຮັບຄວາມນິຍົມຫຼາຍກວ່າ ພວກຄູ່ແຂ່ງຂອງ
ທ່ານ ໃນການໂຕ້ວາທີ ທີ່ຜ່ານມາ ລວມທັງ ສະມາຊິກສະພາສູງ ທ່ານ Marco Rubio.

ທ່ານ Rubio ເວົ້າວ່າ “ສອງສ່ວນສາມ ຂອງພວກຄົນ ຜູ້ທີ່ໄດ້ລົງຄະ ແນນສຽງ ໃນການ
ເລືອກຕັ້ງ ຂັ້ນຕົ້ນຂອງພັກຣີພັບບລີກັນ ຫຼື ກອງປະຊຸມພັກ ໄດ້ປ່ອນບັດຕໍ່ຕ້ານທ່ານ Trump.
ພວກເຂົາເຈົ້າ ບໍ່ຢາກໃຫ້ທ່ານ ເປັນຕົວແທນຂອງພັກພວກເຮົາ.

ທ່ານ Trump ເວົ້າວ່າ “ຊາຍຜູ້ນ້ອຍຄົນນີ້ ໄດ້ຕົວະ ຫຼາຍເທື່ອ ກ່ຽວກັບປະຫວັດ ຂອງ
ຂ້າພະເຈົ້າ. ລາວ ໄດ້ຕົວະຫຼາຍໆຄັ້ງແລ້ວ.”

ທ່ານ John Fortier ຈາກສູນກາງ ນະໂຍບາຍສອງຝ່າຍ ກ່າວວ່າ ພວກຄູ່ແຂ່ງຂອງທ່ານ
Trump ກຳລັງໝົດເວລາ ທີ່ຈະຢຸດຢັ້ງ ຜູ້ກ່ຽວໄດ້.

ທ່ານ Fortier ເວົ້າວ່າ “ທ່ານ Donald Trump ເປັນຜູ້ນຳທີ່ເຂັ້ມ ແຂງ ແລະ ຈະເປັນ
ໄປໄດ້ວ່າ ຈະຖືກສະເໜີຊື່ເປັນຕົວແທນຂອງພັກຣີພັບບລີກັນ. ໃນຂະນະນີ້ ມີຄວາມ
ພະຍາຍາມ ເກີດຂຶ້ນ ຈາກກຸ່ມພາຍນອກ ແລະ ບັນດາຜູ້ສະໝັກ ໃນການແຂ່ງຂັນ ທີ່
ກຳລັງຈະຢຸດຢັ້ງ ທ່ານ Trump ແຕ່ວ່າ ຄວາມພະຍາຍາມນັ້ນ ເບິ່ງຄືວ່າ ມັນຊ້າເກີນ
ໄປແລ້ວ.”


ການເລືອກຕັ້ງຂັ້ນຕົ້ນ ໃນວັນທີ 15 ມີນາ ນີ້ ຢູ່ໃນລັດ Florida ແລະ Ohio ປະກົດໃຫ້
ເຫັນເປັນລາງໆ ຄືວ່າ ມັນອາດເປັນໂອກາດສຸດທ້າຍ ສຳລັບພວກຄູ່ແຂ່ງຂອງທ່ານ
Trump ທີ່ຈະເຮັດໃຫ້ການເດີນໜ້າທີ່ຈະຖືກສະເໜີຊື່ຂອງທ່ານ Trump ນັ້ນ ຕົກໄປ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG