ຜູ້ສະໝັກຫົວສັງຄົມນິຍົມຂອງພັກເດໂມແຄຣັດ ທ່ານ Bernie
Sanders ແລະຜູ້ສະໝັກມະຫາເສດຖີພັນລ້ານ ທີ່ກ້າປາກກ້າ
ເວົ້າ ຂອງພັກຣີພັບບລີກັນ ທ່ານ Donald Trump ໄດ້ຊະນະ
ການເລືອກຕັ້ງຂັ້ນຕົ້ນຢູ່ທີ່ລັດ New Hampshire ຊຶ່ງເປັນໄຊ
ຊະນະອັນທຳອິດ ໃນການເລືອກຕັ້ງເພື່ອເຂົ້າແຂ່ງຂັນເອົາຕຳ
ແໜ່ງປະທານາທິບໍດີສະຫະລັດ.
ດ້ວຍຄະແນນສຽງ ທີ່ນັບໄປແລ້ວ 89 ເປີເຊັນຈາກໜ່ວຍປ່ອນ
ບັດຕ່າງໆ ປາກົດວ່າ ທ່ານ Sanders ໄດ້ຮັບທັງໝົດ 60 ເປີ
ເຊັນປຽບທຽບໃສ່ອະດີດລັດຖະມົນຕີການຕ່າງປະເທດສະຫະ
ລັດ ທ່ານນາງ Hillary Clinton ທີ່ໄດ້ຮັບ 38 ເປີເຊັນ. ທ່ານ
Trump ກໍຢູ່ໃນລັກສະນະທີ່ຄ້າຍຄືກັນສຳລັບພັກຣີພັບບລີກັນໂດຍໄດ້ຮັບຄະແນນສຽງທັງ
ໝົດ 35 ເປີເຊັນ ໃນບັນດາຜູ້ສະໝັກທີ່ຂ້ອນຂ້າງຫລາຍແດ່ສຳລັບພັກຣີພັບບລີກັນ.
New Hampshire Votes in Primary Election
ໃນການແຂ່ງຂັນ ທີ່ມີການຈັບຕາເບິ່ງຢ່າງໃກ້ຊິດ ອີກອັນນຶ່ງ ກໍແມ່ນຜູ້ປົກຄອງລັດ Ohio
ທ່ານ John Kasich ທີ່ໄດ້ຮັບຄະແນນສຽງເປັນທີ 2 ໃນການແຂ່ງ ຂອງພັກຣີພັບບລີກັນ
ໂດຍໄດ້ຮັບຄະແນນທັງໝົດ 16 ເປີເຊັນ.
ຜົນຂອງການປ່ອນບັດແມ່ນສອດຄ່ອງກັນກັບການຢັ່ງຫາງສຽງທີ່ສະແດງໃຫ້ເຫັນວ່າທ່ານ Sanders ສະມາຊິກສະພາສູງຈາກລັດ Vermont ແລະທ່ານ Trump ມະຫາເສດຖີພັນ
ລ້ານຈາກນິວຢອກຈະຊະນະຄູ່ຕໍ່ສູ້ຂອງພວກທ່ານຢ່າງສະບາຍໆດ້ວຍຄະແນນສຽງຫຼາຍ
ກວ່າສິບເປີເຊັນ.
ທ່ານ Trump ກ່າວຕໍ່ພວກສະໜັບສະໜຸນໃນລະຫວ່າງການກ່າວຄຳປາໄສຮັບເອົາໄຊຊະ
ນະວ່າ ພວກເຮົາຈະເຮັດໃຫ້ອາເມຣິກາຍິ່ງໃຫຍ່ຄືນອີກ ແຕ່ພວກເຮົາຈະເຮັດໃນວິທີທາງ
ແບບດັ້ງເດີມ. ພວກເຮົາຈະເລີ້ມໄດ້ຮັບໄຊຊະນະອີກ ແລະ ພວກເຮົາຈະໄດ້ຮັບໄຊຊະນະ
ຢ່າງຫຼວງຫລາຍ ແລະພວກທ່ານກໍຈະມີຄວາມດີອົກດີໃຈເປັນທີ່ສຸດ.
ການໄດ້ຮັບໄຊຊະນະຢ່າງວ່ອງໄວຂອງທ່ານ Sanders ແມ່ນແຕກຕ່າງຢ່າງສິ້ນເຊີງກັບ
ການແຂ່ງຂັນເພື່ອໃຫ້ໄດ້ຮັບການແຕ່ງຕັ້ງເປັນຜູ້ສະໝັກຂອງພັກໃນອາທິດແລ້ວນີ້ທີ່ລັດ
ໄອໂອວາ ຊຶ່ງໄດ້ເສັດສິ້ນລົງເກືອບວ່າມີຄະແນນສຽງເທົ່າກັນລະ ຫວ່າງທ່ານແລະທ່ານ
ນາງ Clinton.
