ລິ້ງ ສຳຫລັບເຂົ້າຫາ

logo-print

ເປັນຫຍັງ ຊາວທິເບດ ຈຶ່ງຈູດເຜົາຕົນເອງ? (ວີດິໂອ ພາສາລາວ/ອັງກິດ)


ພາບການຈູດເຜົາຕົນເອງຂອງຊາວທິເບດຄົນນຶ່ງ ເພື່ອປະທ້ວງ ການປົກຄອງຂອງຈີນ ໃນເຂດຖິ່ນຢູ່ອາໄສຂອງພວກເຂົາເຈົ້າ.
ນັບຕັ້ງແຕ່ປີ 2009 ເປັນຕົ້ນມາ ​ໄດ້​ມີຊາວທິເບດຈູດເຜົາຕົນເອງ
ໄປຫຼາຍ ກວ່າ 110 ຄົນແລ້ວ ເພື່ອປະທ້ວງນະໂຍບາຍຂອງຈີນ
ຢູ່ໃນບ້ານເກີດເມືອງນອນຂອງເຂົາເຈົ້າ. ພວກທີ່ຈູດເຜົາຕົນເອງ
ນັ້ນ ໂດຍສ່ວນໃຫຍ່​ແລ້ວ ​ແມ່ນ​ເຮັດ​ເພື່ອຮຽກຮ້ອງໃຫ້ໃຫ້ອົງດາ
ໄລ ລາມະ ກັບຕ່າວຄືນສູ່ທິເບດ ແລະຮຽກ ຮ້ອງ​ເອົາ​ເສລີພາບ​
ໃຫ້ຊາວທິເບດ. ລັດຖະບານຈີນຖື​ເບົາການ​ກະທໍາ​ເຫລົ່າ​ນັ້ນ ວ່າ ເປັນແຜນການທາງການເມືອງຂອງອົງດາໄລ ລາມະ ແລະພວກ
ນັບຖືພະອົງ ເພື່ອທໍາລາຍສະຖຽນລະພາບຢູ່​ໃນທິເບດແລະສ້າງ
ຄວາມ ເສື່ອມເສຍໃຫ້ແກ່ໂຄງການພັດທະນາສ້າງສາ​ທິ​ເບ​ດໃຫ້
ກ້າວໜ້າທັນສະໄໝຂອງປັກກິ່ງ. ວີໂອເອສຶກສາເບິ່ງສາເຫດທີ່ ຢູ່ເບື້ອງຫຼັງການປະທ້ວງທີ່ໜ້າຢ້ານກົວນີ້ ຊຶ່ງທອງປານຈະນໍາ
ມາສະເໜີທ່ານໃນອັນດັບຕໍ່ໄປ.

ລິງໂດຍກົງ

ເບິ່ງວີດີໂອພາສາລາວ:


ຄວາມ​ສັກສິດແມ່ນມີຢູ່ທົ່ວທຸກຫົນແຫ່ງ ໃນວັດທະນະທໍາຂອງທິເບດ ຊຶ່ງເປັນວັດທະນະ
ທໍາ ທີ່ຖືຄວາມຮັກແພງເຫັນອົກເຫັນໃຈ​ເພື່ອນ​ມະນຸດ ແລະຄວາມນັບຖືສໍາລັບທຸກໆຊີວິດ ​
ເປັນຫຼັກແກນກາງຂອງຕົນ. ແຕ່ວ່ານັບຕັ້ງແຕ່ປີ 2009 ເປັນຕົ້ນມາ ຊາວທິເບດໄດ້ພາກັນ
ເອົານໍ້າມັນແອັສຊັງຫົດຕົນເອງ ແລະມີເລື້ອຍໆ ທີ່ກືນ​ກິນ​ເຂົ້າ​ໄປເຕັມປາກ ​ແລະຍ່າງອອກ
ໄປທ່າມກາງ ​ແສງ​ແດດກາງເວັນແສກໆ ແລ້ວກໍຈູດ​ໄຟເຜົາຕົນເອງເພື່ອປະທ້ວງ.

ທ່ານ Steven Marshall ຈາກ​ຄະນະ​ກໍາມາ​ທິການ​ບໍລິຫານ​ກ່ຽວ​ກັບ​ຈີນ ຂອງ​ລັດຖະ
ສະພາ​ສະຫະລັດ ກ່າວ​ວ່າ:

“ບັດນີ້ ຊາວທິເບດໄດ້ກ້າວມາເຖິງຈຸດທີ່ວ່າ ພວກເຂົາເຈົ້າ ພາກັນສະແດງອອກ
ໃນທາງ ທີ່ເຂົາເຈົ້າຮູ້ສຶກວ່າ ເປັນວິທີທີ່ເຂັ້ມແຂງທີ່ສຸດ ທີ່ພວກເຂົາເຈົ້າສາມາດ
ເຮັດ
​ໄດ້ ກໍຄືຂ້ອຍ​ຈະສະຫຼະຊີ ເພື່ອ​ເປັນ​ການປະກາດໃຫ້​ຮູ້ວ່າ ຂ້ອຍບໍ່ຫຼິງເຫັນ
ອະນາຄົດ
ສໍາລັບຂ້ອຍ ຫຼືພວກຄົນຂອງຂ້ອຍໃນ​ຖານະ​ ເປັນພາກສ່ວນນຶ່ງຂອງ
ຈີນ
ນັ້ນ.”

ການປະທ້ວງຂອງ​ມະຫາຊົນ ​ແລະການລຸກຮືຂຶ້ນຫຼາຍໆບັ້ນ ຕະຫລອດ​ທັງການສູ້ລົບກັນ
ລະຫວ່າງຊາວທິເບດແລະຈີນ ​ແມ່ນຍ້ອນຫຼັງຄືນໄປເມື່ອຫຼາຍ ກວ່າ 60 ປີຜ່ານມາ​ແລ້ວ
ຕອນ​ທີ່ອົງດາໄລ ລາມະ ຖືກກອງທັບຈີນບັງຄັບ ໃຫ້ຫຼົບໜີອອກຈາກທິເບດ. ການປະ
ທ້ວງໃນຂອບເຂດກ້ວາງຂວາງບັ້ນຫຼ້າສຸດ ແມ່ນເກີດຂຶ້ນໃນປີ 2008 ເວລາຊາວທິເບດ
ອີກຄັ້ງນຶ່ງພາກັນທວງ​ເອົາ ເສລີພາບທາງ​ສາສະໜາແລະວັດທະນະທໍາ ຫຼາຍກວ່າເກົ່າ
ແລະໃຫ້ຍຸຕິໃນສິ່ງທີ່ບາງຄົນ​ເອີ້ນ​ວ່າ ເປັນການຄວບ​ຄຸມຊີວິດຂອງຊາວທິເບດ ຢ່າງຜະ
ເດັດການທີ່ສຸດ.

Tsering Woeser ນັກຂຽນຊາວທິເບດ ຢູ່​ປັກ​ກິ່ງ ກ່າວ​ວ່າ:

“ນັບຕັ້ງແຕ່ປີ 2008 ມາ​ແລ້ວ ຂົງເຂດທິເບດທັງໝົດ ໂດຍສະເພາະເມື​ອງຫຼວງ
Lhasa ແມ່ນ​ເທົ່າ​ກັບຕົກຢູ່ໃຕ້ກົດໄອຍະການເສິກ. ພາຍໃຕ້ສະພາບການດັ່ງ
ກ່າວນີ້ ການປະທ້ວງກັນເປັນກຸ່ມເປັນກ້ອນ
ກໍເປັນ​ໄປບໍ່ໄດ້ຢູ່​ແລ້ວ ຍ້ອນວ່າ
ພວກເຂົາເຈົ້າຈະຖືກທັບມ້າງ
ເກືອບວ່າໂດຍທັນທີ.”

ເມື່ອວັນທີ 27 ກຸມພາ ປີ 2009 ພະໜຸ່ມອົງນຶ່ງ ທີ່ຊື່ວ່າ Tapey ໄດ້ອອກຍ່າງຄົນດຽວ
ມຸ້ງໜ້າໄປຍັງເຂດຕະຫຼາດໃນຄຸ້ມ Ngaba ແລະເປັນຊາວທິເບດຄົນທໍາອິດ ທີ່ຈູດ​ໄຟ
ເຜົາຕົນເອງ. ພວກເຫັນເຫດການເວົ້າວ່າ ກໍາລັງຮັກສາຄວາມປອດໄພຈີນໄດ້ຍິງພະ
Tapey ຫຼາຍໆນັດຕິດກັນ ໃນຂະນະໄຟກໍາລັງໄໝ້ເພີ່ນຢູ່ນັ້ນ ກ່ອນຄວບຄຸມຕົວເພິ່ນໄປ.

Dhondup Tashi Rekjong ນັກ​ຂຽນ​ຊາວ​ທິ​ເບ​ດອິກຄົນ​ນຶ່ງ​ ກ່າວ​ວ່າ:

“ນັບຕັ້ງແຕ່ຈີນເຂົ້າຍຶດຄອງທິເບດໃນປີ 1959 ​ເປັນຕົ້ນມາ ຈົນ​ຮອດ​ດຽວ​ນີ້
ຈີນ​ແມ່ນໄດ້ພະຍາຍາມທໍາລາຍແລະລົບ​ລ້າງ ປະເພນີ ວັດທະນະທໍາທິເບດ
ສາສະໜາ ການເມືອງ ແລະອື່ນໆ ຢ່າງເປັນ
ລະບົບຕະຫຼອດມາ. ພຶດຕິກໍາ ທັງໝົດຂອງຈີນທີ່ກ່າວມານັ້ນ ​ແມ່ນໄດ້ສະສົມກັນ​ຂຶ້ນ​ມາ ເປັນສາເຫດໃຫ້
ຊາວທິເບດຈູດເຜົາຕົນເອງ.”


ພວກເຈົ້າໜ້າທີ່ຈີນ ພາກັນຖິ້ມໂທດ ສໍາລັບການຈູດເຜົາຕົນເອງທີ່ເພີ່ມຂຶ້ນໄປນັບມື້ນັ້ນ ​
ໃສ່ອັນທີ່ພວກເຂົາເຈົ້າເອີ້ນວ່າ ຄະນະຂອງອົງດາໄລ ລາມະ ແລະກໍາລັງພາຍນອກ ຊຶ່ງ
ໂຮມທັງລັດຖະບານທິເບດພັດຖິ່ນ ນັ້ນນໍາ.

ທ່ານ Hong Lei ໂຄສົກກະຊວງຕ່າງປະເທດຈີນ ​ເວົ້າ​ວ່າ:

“ເມື່ອບໍ່ດົນມານີ້ ການຈູດເຜົາຕົນເອງຂອງຊາວທິເບດ ບາງລາຍ​ກໍ​ເກີດ​ຂຶ້ນ ຢູ່ ໃນບາງເຂດຂອງຈີນ. ​ເມື່ອ​ພິຈາລະນາຈາກ ຫຼາຍກໍລະນີແລ້ວ ມັນກໍເປັນທີ່ ແຈ້ງຂາວຫຼາຍວ່າຄະນະຂອງອົງດາໄລ ລາມະ ເປັນຜູ້ວາງ​ແຜນ ຍຸຍົງ ບົງການ ​ແລະຊຸກຍູ້ໃຫ້ພວກເຂົາເຈົ້າ ຈູດເຜົາຕົນເອງນັ້ນ ຫຼາຍກວ່າ.”

ວີດິໂອ ພາສາອັງກິດ:


ສື່ທາງການຂອງລັດຖະບານຈີນ ໄດ້ບັນ​ລະ​ຍາຍພວກຈູດເຜົາຕົນເອງ ວ່າເປັນເຍົາວະຊົນ
ທີ່ຖືກໂນ້ມນ້າວຈິດໃຈງ່າຍ ມີຄວາມເຄົາລົບຕົນເອງຕໍ່າ ມີບັນຫາທາງສັງຄົມ ແລະຄອບຄົວ
ແລະຖືກຊັກ​ຈູງຢ່າງງ່າຍດາຍ​ ໂດຍ​ຮູບພາບຂ່າວສື່ມວນຊົນຂອງວີໂອເອ ຊຶ່ງເປັນຂໍ້ຫາ
ທີ່ວີໂອເອປະຕິເສດ.

ສະຫະລັດຮຽກຮ້ອງໃຫ້ຈີນ ຫາທາງແກ້ໄຂ ຜ່ານການໂອ້ລົມສົນທະນາກັນກັບອົງດາໄລ ລາມະ.

ທ່ານ​ນາງ Victoria Nuland ​ໂຄສົກ​ກະຊວງ​ຕ່າງປະ​ເທດ​ສະຫະລັດ ກ່າວ​ວ່າ:

“ສະຫະລັດຢາກເຫັນພຶດຕິການຈູດເຜົາຕົນເອງ ທີ່ໜ້າເສົ້າສະລົດໃຈແບບນີ້ ຍຸຕິລົງໄດ້ແລ້ວ.”

ອິງຕາມລາຍ​ງານ​ຂອງຜູ້ເຫັນເຫດການນັ້ນ ຄໍາເວົ້າທີ່ໄດ້ຍິນ​ເລື້ອຍທີ່ສຸດ ຈາກ​ພວກຈູດເຜົາ
ຕົນເອງ ທີ່ຮ້ອງອອກ​ມາໃນຂະນະທີ່ໄຟກໍາລັງລຸກໄໝ້​ເຜົາ​ເຂົາ​ເຈົ້າ​ຢູ່​ນັ້ນ ກໍ​ແມ່ນ​ວ່າ ຈົ່ງ
ໃຫ້
ອົງດາໄລ ລາມະ ກັບຄືນສູ່ທິເບດ ແລະ ພວກເຮົາຢາກມີ​ເສລີພາບ. ຢ່າງໜ້ອຍ ມີ 100 ຄົນເສຍຊີວິດ​ໃນຈໍານວນຜູ້ຈູດເຜົາຕົນເອງຫຼາຍກ່ວາ 110 ຄົນນັ້ນ. ປະຊາຊົນຫຼາຍ
ຮ້ອຍຄົນທີ່ມີສ່ວນຮູ້​ເຫັນກັບພວກຈູດເຜົາຕົນເອງ ໄດ້ຖືກກັກຂັງ. ບາງຄົນໄດ້ຖືກຕັດສິນ
ໂທດຈໍາຄຸກຫຼາຍປີ ຫຼືປະຫານ​ຊີວິດ ກໍມີ.



ເບິ່ງຄວາມເຫັນ (4)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG