ພົນລະເມືອງອາເມຣິກັນ 3 ຄົນ ທີ່ໄດ້ຖືກຄຸມຂັງເປັນນັກໂທດ
ຢູ່ໃນເກົາຫຼີເໜືອ ໄດ້ຮັບອະນຸຍາດໃຫ້ ໂອ້ລົມກັບອົງການຂ່າວ
ອາເມຣິກັນ CNN ໃນການສຳພາດສັ້ນໆ.
ການສຳພາດທີ່ບໍ່ຄາດຄິດວ່າ ຈະເກີດຂຶ້ນໄດ້ນັ້ນ ມີຂຶ້ນໃນຂະນະ
ທີ່ ໜ່ວຍງານ CNN ກຳລັງເດີນທາງໄປກັບເຈົ້າໜ້າທີ່ລັດຖະບານ
ເກົາຫລີເໜືອໃນວັນຈັນມື້ນີ້ ຊຶ່ງໃນທັນທີທັນໃດນັ້ນ ບັນດາເຈົ້າໜ້າ
ທີ່ກໍໄດ້ນຳພວກເຂົາເຈົ້າຂຶ້ນລົດຕູ້ຄັນນຶ່ງ ແລ້ວຂັບໄປຍັງສະຖານທີ່
ລັບແຫ່ງນຶ່ງ ບ່ອນທີ່ພວກເຂົາເຈົ້າໄດ້ພົບກັບ ຊາວອາເມຣິກັນ 3 ຄົນດັ່ງກ່າວ.
CNN ກ່າວ ໃນການສຳພາດພິເສດສະເພາະນັ້ນວ່າ ຊາວອາເມຣິກັນ ທັງສາມຄື Kenneth Bae, Matthew Miller ແລະ Jeffrey Fowle ແມ່ນໄດ້ຮັບອະນຸຍາດ ໃຫ້ລົມກັບ Will Ripley ນັກຂ່າວ CNN ຄົນລະ 5 ນາທີ.
ທ່ານ Bae ທີ່ກຳລັງຮັບໃຊ້ໂທດຈຳຄຸກ 15 ປີ ສຳຫລັບ “ການກະທຳ ທີ່ເປັນປໍລະປັກ
ເພື່ອໂຄ່ນລົ້ມລັດຖະບານ” ເວົ້າວ່າ ລາວໄດ້ເຮັດວຽກ 8 ຊົ່ວໂມງຕໍ່ມື້ 6 ມື້ຕໍ່ອາທິດ ຢູ່ທີ່
ຄ້າຍສັບພະທຸກແຫ່ງນຶ່ງ ແລະໄດ້ຮັບການເບິ່ງແຍງຢ່າງມີມະນຸດສະທຳ.
ສ່ວນທ່ານ Miller ນັ້ນ ໄດ້ຂໍຮ້ອງຄວາມຊ່ວຍເຫຼືອຈາກລັດຖະບານສະຫະລັດ. ທ່ານຍັງ
ບໍ່ໄດ້ຮັບການພິຈາລະນາຄະດີເທື່ອ ແລະຈະບໍ່ຮູ້ເຖິງຂໍ້ກ່າວຫາຕໍ່ທ່ານ ຈົນກວ່າຈະໄດ້
ຂຶ້ນສານ.
ຊາວອາເມຣິກັນ 3 ຄົນ ທີ່ຖືກຂັງຄຸກ ຢູ່ເກົາຫລີເໜືອ
ແລະທ້າວ Fowle ນັກທ່ອງທ່ຽວອາເມຣິກັນ ທີ່ໄດ້ຖືກກັກຕົວ ຍ້ອນໂທດກະທຳຜິດກົດ
ໝາຍ ທີ່ບໍ່ໄດ້ລະບຸນັ້ນ ເວົ້າວ່າ ລາວບໍ່ມີຄວາມຈົ່ມວ່າຫລືຮ້ອງທຸກຫຍັງເລີຍ ກ່ຽວກັບ
ການປະຕິບັດຕໍ່ລາວ.
CNN ບໍ່ໄດ້ໃຫ້ຮ່ອງຮອຍວ່າ ທັງ 3 ຄົນນັ້ນ ເບິ່ງຄືວ່າໄດ້ຮັບການແນະນຳສອນໃຫ້ເວົ້າ
ແນວໃດ ຫຼືບໍ່.