ລິ້ງ ສຳຫລັບເຂົ້າຫາ

logo-print

ຮູ​ບ​ເງົາ​ 'The Interview' ສ້າງ​ຄວາມ​ເຄັ່ງຕຶງ​ເພີ້​ມຂຶ້ນ ລະຫວ່າງ​ສະຫະລັດ ກັບ​ເກົາຫລີ​ເໜືອ


James Franco ນັກສະແດງນຳຄົນໜຶ່ງ ໃນຮູບເງົາເລື່ອງ "The Interview."

ຮູ​ບ​ເງົາ​ເລື່ອງ 'The Interview' ​ທີ່​ລໍ້​ລຽນ​ເຍາະ​ເຍີ້​ຍທ່ານ ຄິມ
ຈົງ ອຸນ ​ແລະ​ຈົບ​ລົງ​ດ້ວຍ​ການ​ສັງ​ຫານຜູ້ນຳ​ເກົາຫລີ​ເໜືອ ຕາມ​
ຄຳ​ສັ່ງ​ຂອງ​ອົງການ​ສື​ບລັບ CIA ຂອງ​ສະຫະລັດ​ນັ້ນ ໄດ້ສ້າງ
​ຄວາມ​ເຄັ່ງຕຶງເພີ້​ມຂຶ້ນ ລະຫວ່າງ​ວໍ​ຊິງ​ຕັນກັບ​ພຽງ​ຢາງ ຊຶ່ງ​ປະທາ
ນາທິບໍດີ ​ບາຣັກ ​ໂອ​ບາ​ມາ ​ໄດ້​ນຳ​ໃຊ້​ມາດຕາ​ການ​ລົງ​ໂທດ​ເພີ້​ມ
ຕື່ມ ຕໍ່​ເກົາຫລີ​ເໜືອ ຫລັງ​ຈາກ​ທີ່​ມີ​ການ​ລັກ​ເຈາະ​ເອົາ​ຂໍ້​ມູນ​ທາງ​
ຄອມ​ພິວ​ເຕີຂອງ​ບໍລິສັດ Sony Pictures ຜູ້​ສ້າງ​ຮູບ​ເງົາ​ເລື້ອງ
​ດັ່ງກ່າວ ​ທີ່​ສ້າງຄວາມ​ເສຍ​ຫາຍ​ຢ່າງ​.spjຫລວງໃຫ້​ໂຊ​ນີ. ດາຣາ
ມີ​ລາຍ​ງານ​ກ່ຽວ​ກັບບັນຫາ​ທີ່​ຮູບ​ເງົາເລື່ອງ​ນີ້​ກໍ່​ຂຶ້ນ ມາສະເໜີ​ທ່ານ
ຈາກ​ລາຍ​ງານຂອງ​ພະ​ແນ​ກຮຽນ​ພາສາ​ອັງ​ກິດ​ຂອງ​ວີ​ໂອ​ເອ.

ລິງໂດຍກົງ

ຟັງລາຍງານນີ້ ເປັນພາສາອັງກິດຊ້າໆ:

ຜູ້​ຊົມ​ໃຊ້​ອິນ​ເຕີ​ແນັດ ຫລາຍ​ລ້ານ​ຄົນ ໄດ້​ຈ່າຍ​ເງິນ​ໄປ ຄົນ​ລະ​ເກືອ​ບ 6 ດອລລ່າ ​ເພື່ອ​ເບິ່ງ
ຮູບເງົາ​ເລື່ອງ ທີ່​ຊື່ວ່າ ​The Interview” ຫລື “ການ​ສຳພາດ” ທາງອອນ​ລາຍ. ຮູບ​ເງົາ
ເລື່ອງ​ນີ້ ​ໄດ້​ສ້າງ​ຄວາມ​ໂກດ​ແຄ້ນ​ຢ່າງ​ໃຫຍ່ຫລວງ​ ໃຫ້​ແກ່​ເກົາຫລີ​ເໜືອ ​ແລະ​ໄດ້​ພາ​ໃຫ້ມີ​ການ​ອະພິປາຍ ​ໃນ​ລະຫວ່າງ​ຊາວ​ອາ​ເມຣິກັນ​ຫລາຍ​ຄົນ ກ່ຽວ​ກັບ​ວ່າ ຄວນ​ຈະ​ເຮັດ​ແນວ​ໃດ
ເວລາ​ປະ​ເຊີນ​ໜ້າ​ກັບ ການ​ຂົ່ມຂູ່​ຕໍ່​ການສະ​ແດງ​ຄວາມ​ຄິດ​ເຫັນຢ່າງເສລີ.

ຮູບ​ເງົາ​ທີ່​ເປັນ ຂໍ້​ຂັດ​ແຍ້​ງກັນ ນີ້​ເປັນ​ຜະລິດ​ຕະພັນ​ຂອງ​ບໍລິສັດ​ຮູບ​ເງົາ​ໂຊ​ນີ ຫລື Sony Pictures ​ແຫ່ງ​ເມືອງ​ເບີ​ແບ໊ກຄ໌ ລັດ​ແຄ​ລິ​ຟໍ​ເນ​ຍ. ​ໃນ​ຮູບ​ເງົາ​ເລື່ອງ​ນີ້ ນັກ​ໜັງສືພິມ​ອາ​ເມ
ຣິກັນ​ສອງ​ຄົນ ​ໄດ້​ມີ​ໂອກາດ​ພົບ​ປະ ກັບ​ປະທານ​ປະ​ເທດ​ເກົາຫລີ​ເໜືອ ທ່ານ ຄິມ ຈົງ ອຸນ. ອົງການ ສື​ບລັບ​ກາງ CIA ຫລື Central Intelligence Agency ຂອງ​ສະຫະລັດ ຂໍ​ໃຫ້​
ທັງ​ສອງ​ຄົນ ສັງຫານ​ທ່ານ​ຄິມ ​ແລະ​ເຂົາ​ເຈົ້າ​ກໍ​ຕົກລົງ.

ນັກ​ຂ່າວອາ​ເມຣິກັນ​ທັງ​ສອງ ສົມທົບ​ກຳລັງ ​ກັບນາຍ​ທະຫານ​ແມ່ຍິງ​ຄົນ​ໜຶ່ງ ຢູ່​ໃນ​ກອງທັບ​ປະຊາຊົນ​ເກົາຫລີ ​ແລະ​ຍິງ​ເຮືອບິນ​ເຮ​ລີ​ຄອບ​ເຕີ້​ຂອງ​ປະທານຄິມ. ການ​ກະທຳ​ດັ່ງກ່າວ
​ເກີດ​ຂຶ້ນ ພໍດີກັບ​ໃນ​ຂະນະ​ທີ່​ທ່ານ​ຄິມກຳລັງ​ກຽມ ຈະ​ຍິງ​ລູກ​ສອນ​ໄຟນິວ​ເຄລຍ.

ຜູ້​ຄົນ​ຈຳນວນ​ໜຶ່ງ​ ພາກັນ​ຕຳ​ໜິຮູບ​ເງົາ​ເລື່ອງ​ນີ້ ສຳ​ຫລັບການວາງ​ແຜນສັງຫານ​ຜູ້ນຳ​ຂອງ
ລັດຖະບານ​ປະ​ເທດ​ໜຶ່ງ​ຢ່າງ​ຮຸນ​ແຮງ. ຄົນ​ອື່ນ​ໆ​ອີກໄດ້​ເວົ້າ​ວ່າ ​ເນື້ອ​ເລື່ອງ​ແລະ​ສະຖານະ​ການຂອງຮູບ​ເງົາ ບໍ່ແມ່​ນ ເລື່ອງ​ຈິງຈັງ​ຫຍັງ​ເລີ​ຍ. ມັນ​ເປັນ​ພຽງ​ເລື່ອງ​ຕະລົກ​ເທົ່າ​ນັ້ນ. ​ເຖິງ
ຢ່າງ​ໃດກໍ​ດີ ກໍ​ມີ​ຄົນ​ອື່ນໆ​ທີ່​ຊົມ​ເຊີຍຮູບ​ເງົາ​ເລື້ອງ The Interview” ​ເພາະວ່າ ມັນສະ​ແດງໃຫ້​ເຫັນ​ເຖິງ​ເສລີພາບ​ໃນ​ການ​ສະ​ແດງ​ອອກ ທີ່​ພວກສ້າງ​ຮູບ​ເງົາ​ຊາວ​ອາ​ເມ​ຣິກັນ
ຊົມ​ໃຊ້ກັນ.

ລັດຖະບານ​ເກົາ​ຫລື​ເໜືອບໍ່ພໍ​ໃຈ​ ​ເມື່ອໄດ້​ຍິນ​ຂ່າວກ່ຽວ​ກັບ​ຮູບ​ເງົາ​ເລື່ອງ​ນັ້ນ ​ແລະ​ໄດ້​ເລີ້ມ​
ສະ​ແດງ​ການ​ຄັດຄ້ານ​ອອກ​ມາຢ່າງ​ເປີດ​ເຜີ​ຍ​ໃນ​ເດືອນມີ​ຖຸນາຜ່ານມາ ຊຶ່ງ​ເປັນ​ເວລາ​ຫລາຍ
ເດືອນ ກ່ອນ​ກຳນົດ​ການນຳ​ເອົາ ຮູບ​ເງົາ​ເລື່ອງ The Interview” ອອກ​ສາຍ​ໃນ​ໂຮງ.
ເກົາຫລີ​ເໜືອ​ເອີ້ນ​ຮູບ​ເງົານັ້ນ​ວ່າເປັນ “ພຶດຕິ​ກຳ​ຂອງສົງຄາມ” ​ແລະ​ຂົ່ມຂູ່ທີ່​ຈະກະທຳອັນ​ທີ່
ເກົາ​ຫລື​ເໜືອ​ເອີ້ນ​ວ່າ ການ​ຕອບ​ໂຕ້​ຢ່າງ​ບໍ່​ເມດ​ຕາປາ​ນີ.

​ໃນ​ເດືອນ​ພະຈິກ ບໍລິສັດ Sony Pictures ​ໄດ້​ຖືກ​ໂຈມ​ຕີ​ທາງ​ໄຊ​ເບີ​ຢ່າງ​ໜັກ ກໍຄືຖືກລັກ
​ເຈາະ​ເອົາຂໍ້​ມູນ​ທາງ​ຄອມ​ພິວ​ເຕີ. ກຸ່ມໜຶ່ງ​ທີ່​ເອີ້ນ​ຕົນ​ເອງວ່າ “Guardians of Peace”
ຫລື “ຜູ້​ພິທັກ​ສັນຕິພາບ” ​ໄດ້​ອ້າງ​ເອົາ​ຄວາມ​ຮັບຜິດຊອບ ​ໃນ​ການ​ລັກເຈາະເອົາ​ຂໍ້​ມູນ​ທຸກໆ
ຊະນິດ ຈາກ​ຄອມ​ພິວ​ເຕີ​ຂອງ​ບໍລິສັດ​ໂຊ​ນີ. ຮູບ​ເງົາ​ເລື້ອງ​ນັ້ນ​ໄດ້​ຖືກ​ນຳ​ອອກ​ສາຍ​ທາງ​ອອນ
ລາຍ ກ່ອນ​ກຳນົດ​ນຳ​ອອກ​ສາຍ​ໃນ​ໂຮງ ​ເຮັດ​ໃຫ້ໂຊ​ນີ​ເສຍ​ເງິນໄປຫລາຍລ້ານດອລລ່າ.

ພວກ​ໂຈມ​ຕີ​ຍັງ​ໄດ້​ນຳ​ເອົາ​ປະຫວັດ​ການ​ແພດ​ ຂອງບັນດາ​ພະນັກງານ​ບໍລິສັດ​ໂຊ​ນີ ພ້ອມ​
ທັງ​ອີ​ເມລທີ່​ມີ​ເນື້ອ​ໃນ​ດູຖູ​ກດູ​ໜິ່ນພວກ​ດາລາ​ນັກ​ສະ​ແດງ ອອກມາ​ເປີດ​ເຜີຍ​ອີກ. ຮວມທັງ
ໝົດ​ແລ້ວ ການ​ໂຈມ​ຕີ​ທາງ​ໄຊ​ເບີ​ໄດ້ ເປັນ​ຄວາມ​ຫາຍະນະ ທາງ​ການ​ເງິນແລະ​ປະຊາສຳ​
ພັນ​ ສໍາຫລັບ​ບໍລິສັດ​ຜະ​ລິດ​ຮູບ​ເງົາ​ບໍລິສັດ​ນີ້.

ຫ້ອງການ​ສືບສວນກາງ​ສະຫະລັດ ຫລື FBI ​ໄດ້​ປະຕິບັດ​ງານ ​ເພື່ອຫາ​ທາງ​ແກ້ຄວາມ​ລຶກ
ລັບ​ຂອງ​ການ​ໂຈມ​ຕີ ​ແລະ​ໄດ້​ຖິ້ມ​ໂທດ​ໃສ່ ພວກລັກ​ເຈາະ​ຂໍ້​ມູນ ຫລື hackers ເກົາຫລີ
ເໜືອ. ​ແຕ່​ວ່າ​ເກົາຫລີ​ເໜືອ​ປະຕິ​ເສດ​ວ່າ ຕົນ​ບໍ່​ໄດ້​ມີ​ສ່ວນ​ພົວພັນ​ໃດໆ.

ກຸ່ມ​ສືບ​ລັບ​ກຸ່ມ​ໜຶ່ງທີ່ເອີ້ນວ່າ Norse ກໍ​ໄດ້​ທຳ​ການ​ສືບສວນ​ເຊັ່ນ​ກັນ. ກຸ່ມ​ນີ້​ເວົ້າ​ວ່າ ມີພະ
ນັກງານ​ເກົ່າ​ຂອງ​ບໍລິສັດ Sony Pictures ຢ່າງ​ນ້ອຍກໍຄົນ​ໜຶ່ງ ທີ່​ມີ​ສ່ວນ​ຮັບຜິດຊອບ.
ຕາມ​ລາຍ​ງານ​ນັ້ນ ພະນັກງານ​ຄົນທີ່​ວ່າ​ນີ້ ມີ​ຄວາມ​ໂກດ​ແຄ້ນ​ທີ່​ຖືກ​ບໍລິສັດ​ໂຊ​ນີ​ໄລ່​ອອກ.
ທັງ​ທາງບໍ​ລິສັດ ​ແລະ​ອົງການ FBI ຕ່າງ​ກໍ​ສືບ​ຕໍ່ ກ່າວ​ວ່າ ພວກ​ຕົນ​ໄດ້​ພົບ​ຄົນ​ໂຈມ​ຕີ​ທີ່​ແທ້
​ຈິງ​ແລ້ວ.

​ເຖິງ​ແມ່ນ​ໃຜ​ຈະ​ເປັນ​ຜູ້​ຮັບຜິດຊອບ​ກໍ​ຕາມ ​ແຕ່​ໃນ​ວັນ​ທີ 16 ​ເດືອນ​ທັນວາ ​ໂຊ​ນີກໍ​ໄດ້​ຍົກ
​ເລີກ​ແຜນການ​ທີ່​ຈະ​ນຳ​ເອົາ​ຮູບ​ເງົາ​ເລື່ອງ The Interview” ອອກ​ສາຍ. ​ໂຊ​ນີ​ເວົ້າ​ວ່າ ໂຮງສາຍຮູບ​ເງົາ​ໃຫຍ່ໆ​ສ່ວນ​ຫລາຍ ບໍ່​ຍອມ​ເອົາ​ຮູບ​ເງົາ​ເລື່ອງ​ນັ້ນ​ອອກ​ສາຍ ​ໃນ​ຊ່ວງເທດ
ສະການບຸນລະດູ​ໜາວ. ພວກ​ໂຮງສາຍ​ຮູບ​ເງົາ​ເຫລົ່າ​ນັ້ນ​ໃຫ້​ຂໍ້​ສັງ​ເກດ​ເຖິງ ຄຳ​ຂູ່​ຕ່າງໆຕໍ່
ບັນດາລູກ​ຄ້າ​ຂອງ​ຕົນຈາກ​ພວກແຮັກ​ເກີ້. ບາງ​ໂຮງ​ເວົ້າວ່າ ​ເຂົາ​ເຈົ້າ​ຈະບໍ່​ສາຍຮູບ​ເງົາ​
ເລື່ອງນັ້ນ ໃນ​ຊ່ວງ​ເວລາດັ່ງກ່າ​ວ.

ຫາກ​ແຕ່​ວ່າ ຜູ້​ສ້າງ​ຮູບ​ເງົາ ນັກສະ​ແດງ ​ແລະ​ນັກ​ການ​ເມືອງ ຈຳນວນ​ໜຶ່ງ ​ໄດ້​ຄັດຄ້ານ​ຕໍ່​
ການ​ຍົກ​ເລີກ ການ​ສາຍຮູບ​ເງົາ​ເລື່ອງ​ນັ້ນ. ຄວາມ​ກົດ​ດັນ​ໄດ້​ກໍ່​ໂຕ​ຂຶ້ນ ​ເພື່ອ​ບີບ​ບັງຄັບ​ໃຫ້​
ໂຊ​ນີນຳ​ເອົາ​ຮູບ​ເງົາ​ນັ້ນອອກ​ສາ​ຍ. ຫລາຍໆ​ຄົນ​ຢາກ​ໃຫ້​ບໍລິສັດ​ສະ​ແດງ​ໃຫ້​ເຫັນ​ວ່າ ຄຳ​ຂູ່
ຕ່າງໆ​ນັ້ນ ບໍ່​ສາມາດ​ທີ່​ຈະ​ປາບ​ປາມການສະ​ແດງ​ອອກ ຢ່າງ​ເສລີ​ໄດ້.

ປະທານາທິບໍດີ ບາ​ຣັກ ​ໂອ​ບາ​ມາ ກໍ​ໄດ້​ສະ​ເໜີໃຫ້ຄວາມ​ເຫັນຂອງ​ທ່ານ ກ່ຽວ​ກັບ​ບັນຫາ​ນີ້​ເຊັ່ນ​ກັນ. ທ່ານ​ກ່າວ​ວ່າ ທ່ານ​ເຫັນ​ໃຈ​ນຳ​ສະຖານະ​ພາບ​ທີ່​ໂຊ​ນີຕົກ​ຢູ່ ​ແຕ່​ທ່ານ​ກໍ​ເວົ້າ​ວ່າ ການ​ຍົກ​ເລີກການ​ສາຍ​ຮູບ​ເງົາ ອາດ​ສາມາດ​ມີຜົນ​ສະທ້ອນ​ ທີ່​ເປັນ​ການ​ແຊກ​ແຊງ​ກັບ​ເສລີພາບ​ໃນ​ການ​ສະ​ແດງ​ອອກ​ເຖິງ​ຄວາມ​ນຶກ​ຄິດ.

​ໃນ​ວັນ​ທີ 23 ທັນວາ ບັນດາ​ເຈົ້າ​ໜ້າ​ທີ່​ໂຊ​ນີປະກາດ​ວ່າ ຈະ​ນຳ​ເອົາ​ຮູບ​ເງົາ​ເລື່ອງ ​The Interview” ​ອອກ​ສາຍແບບ​ຈຳກັດ. ​ເຂົາ​ເຈົ້າ​ກ່າວ​ວ່າ ພວກໂຮງ​ສາຍຮູບ​ເງົາ​ທີ່ຖືກ​ເລືອກ ຈະ​ເອົາ​ສາຍຮູບ​ເງົາ​ເລື່ອງ​ນີ້ ອອກ​ສາຍ​ໃນ​ວັນຄຣິສມັສ ກໍ​ຄື​ວັນ​ທີ 25 ທັນວາ.

ທ່ານ​ໂອ​ບາ​ມາ​ບໍ່​ໄດ້​ເວົ້າ​ວ່າ ທ່ານ​ໄດ້​ເບິ່ງ​ຮູບ​ເງົາ​ເລື່ອງ​ນັ້ນ​ຫລື​ບໍ່ ​ແຕ່​ທ່ານ​ກ່າວ​ຊົມ​ເຊີຍ​ການ​ນຳ​ເອົາ​ມັນ ອອກ​ສາຍ.

ຢູ່​ເກົາຫລີ​ເໜືອ ​ເປັນ​ການ​ຍາກ​ສຳຫລັບຫລາຍໆ​ຄົນ ທີ່ຈະ​ໄດ້​ເບິ່ງ​ຮູບ​ເງົາ​ເລື່ອງ ​The Interview” ​ເຖິງ​ແມ່ນ​ເຂົາ​ເຈົ້າ​ຈະຢາກ​ເບິ່ງ​ກໍ​ຕາມ. ອິນ​ເຕີ​ແນັດ​ແມ່ນ​ຖືກຈຳກັດຢ່າງ​ສູງ​ຢູ່​ໃນ​ປະ​ເທດ​ນັ້ນ. ຫລາຍໆ​ຄົນ​ບໍ່​ສາມາດ​ຊື້​ເບິ່ງ​ທາງ​ອິນ​ເຕີ​ແນັດ​ໄດ້. ​ແລະ​ບັນດາ​ນັກ​ສັງ​ເກດ​ການ​ທີ່​ຊ່ຽວ ຊານ​ເວົ້າ​ວ່າ ພວກ​ຊາວ​ເກົາຫລີ​ເໜືອ ທີ່​ໄດ້​ເບິ່ງ​ ກໍ​ຄົງ​ຈະ​ຮູ້ສຶກ​ຖືກ​ໝິ່ນປະ​ໝາດ​ຢ່າງ​ແຮງ ​ແລະ​ຮູ້​ສຶກ ສັບສົນ.

​ ໃນ​ລະຫວ່າງ​ການ​ຢ້ຽມຢາມ​ພຽງ​ຢາງ ​ໃນ​ປີ 2013 Steve Herman ຜູ້​ສື່​ຂ່າວ​ວີ​ໂອ​ເອ ​ໄດ້​ໂອ້​ລົມ​ກັບ​ຊາວ​ເກົາຫລີ​ເໜືອ​ຫລາຍ​ຄົນ. ລາວ​ເວົ້າ​ວ່າ ປາກົດ​ວ່າ​ເຂົາ​ເຈົ້າ​ເຊື່ອ​ພວກສື່ທີ່​ບໍລິ
ຫານ​ໂດຍ​ລັດ​ ​ແລະ​ລະບົບ​ການ​ສຶກສາ​ຂອງ​ປະ​ເທດ. ​ແລະ​ເບິ່ງ​ຄື​ວ່າ ພວກ​ເຂົາ​ເຈົ້າ​ພາກັນ​ຄິດ​ວ່າສະຫະ ລັດ​ແລະພວກ​ພັນທະ​ມິດມີ​ຄວາມ​ຕ້ອງການ​ທີ່​ຈະ​ສ້າງ​ຄວາມ​ເສຍຫາຍ ​ໃຫ້
​ແກ່​ລະບອບ​ສັງຄົມ​ນິຍົມ​ແລະ​ການ​ພັດທະນາ​ຂອງ​ເກົາຫລີເໜືອ.

ນັກ​ສັງ​ເກດ​ການ​ຄົນ​ອື່ນໆ​ກ່າວ​ວ່າ ຈະ​ເປັນ​ການ​ຍາກ​ທີ່​ຈະ​ໃຫ້​ຊາວ​ເກົາຫລີ​ເໜືອ ຍອມຮັບ​ເອົາ​ຮູບ​ເງົາ ​ເລື່ອງThe Interview” ຕາມ​ທີ່​ຜູ້​ສ້າງ​ຕັ້ງ​ໃຈ​ຈະ​ໃຫ້​ມັນ​ເປັນ ຊຶ່ງ​ກໍຄືຮູບ​ເງົາ​ຕະລົກ​ເລື່ອງ​ໜຶ່ງ​ເທົ່າ​ນັ້ນ​ເອງ.

​ແຕ່​ວ່າ​ ຮູບ​ເງົາ​ເລື່ອງ​ນີ້ຈະ​ສາມາດ​ກໍ່​ໃຫ້​ເກີດ​ຄວາມ​ສົງ​ໄສ​ ກ່ຽວ​ກັບ​ລັດຖະບານ​ເກົາຫລີເໜືອ ​ໃນ​ໝູ່ພົນລະ​ເມືອງເກົາຫລີ​ເໜືອ ​ໄດ້ຫລື​ບໍ່? ບັນດາ​ນັກ​ສັງ​ເກ​ດການ​ມີ​ຄວາມ​ສົງ​ໄສ​ວ່າ ​ເສລີ
ພາບ​ທີ່​ສະ​ແດງ​ໃຫ້​ເຫັນ ຢູ່​ໃນຮູບ​ເງົາ​ນັ້ນ ຈະ​ສາມາດ​ເຮັດ​ໃຫ້​ຊາວ​ເກົາຫລີ​ເໜືອ​ບາ​ງຄົນຕັ້ງ​ຂໍ້​
ສົງ​ໄສ​ກ່ຽວ​ກັບ​ອຳນາດ​ຄວບ​ຄຸມ​ອັນ​ຮັດ​ແໜ້ນ ຕໍ່​ຊີວິດ​ຢູ່​ໃນ​ປະ​ເທດ​ຂອງ​ເຂົາ​ເຈົ້າ​ນັ້ນ ​ຫລື​ບໍ່?

Mocking Kim Jong Un, a Serious Matter
please wait

No media source currently available

0:00 0:02:38 0:00

_____________________________________________________________

Words in This Story

controversial – adj. relating to or causing much discussion, disagreement or argument; likely to produce controversy

impact – n. the act or force of one thing hitting another

hacker – n. a person who secretly gets access to a computer in order to get information, cause damage, etc. ; a person who hacks into a computer system

confused – adj. unable to understand or think clearly

Now it’s your turn to use these Words in this Story. In the comments section, write a sentence using one of these words and we will provide feedback on your use of vocabulary and grammar.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG