ຂໍ້ຕົກລົງສັນຕິພາບຂັ້ນສຸດທ້າຍ ລະຫວ່າງລັດຖະບານໂຄມລອມເບຍ ແລະກຸ່ມກຳລັງປະກອບອາວຸດປະຕິວັດໂຄລອມເບຍຫຼື FARC ໄດ້ລົງນາມກັນໃນວັນຈັນວານນີ້ ເຮັດໃຫ້ການກໍ່ກະບົດທີ່ຍາວນານທີ່ສຸດ ໃນຊີກໂລກຕາເວັນຕົກ ສິ້ນສຸດລົງ.
“ບໍ່ມີໃຜໄດ້ປະລະແນວຄິດຂອງເຂົາເຈົ້າ” ນັ້ນຄືຄຳເວົ້າ ຂອງທ່ານ Rodrigo Londono ຊຶ່ງເປັນທີ່ຮູ້ກັນດີ ໃນຊື້ນ້ອຍວ່າ Timochenko ຜູ້ນຳສູງສຸດຂອງກຸ່ມກະບົດ FARC ຢູ່ໃນຄຳປາໄສ ຫລັງຈາກໄດ້ລົງນາມ ໃນຂໍ້ຕົກລົງສັນຕິພາບກັບ ປະທານາທິບໍດີໂຄລອມເບຍ ທ່ານ Juan Manuel Santos.
ຜູ້ນຳກະບົດໄດ້ຂໍຮ້ອງໃຫ້ຍົກໂທດທັງໝົດໃຫ້ ໃນການທີ່ຂະບວນການຂອງທ່ານໄດ້ກະທຳໃນໄລຍະຫລາຍທົດສະວັດທີ່ຜ່ານມາ.
ເງິນທຶຶນໃນຕໍ່ສູ້ຂອງກຸ່ມກະບົດ FARC ແມ່ນໄດ້ມາຈາກ ອຸດສາຫະກຳການຄ້າຂາຍຢາໂຄເຄນທີ່ຜິດກົດໝາຍຂອງປະເທດແລະກຳລັງປະກອບອາວຸດໄດ້ເປັນທີ່ງອກງາມ ນຶ່ງໃນນັ້ນແມ່ນແຮງກະຕຸ້ນມາຈາກແນວຄິດຂອງຄິວບາແລະໂຊຫວຽດ ທີ່ຕໍ່ຕ້ານສະຖາບັນປະຊາທິ ປະໄຕຢູ່ໃນບັນດາປະເທດໃນທະວີບອາເມຣິກາ.
ປະທານາທິບໍດີໂຄລອມເບຍ ທ່ານ Juan Manuel Santos ກ່າວຢູ່ໃນຄຳປາໄສຫລັງຈາກທ່ານ Timochenko ວ່າ “ບໍ່ມີສົງຄາມອີກແລ້ວ ຂ້າພະເຈົ້າຂໍຕ້ອນຮັບທ່ານ ມາສູ່ ປະຊາທິປະໄຕ ໂດຍປ່ຽນຈາກການໃຊ້ອາວຸດ ມາສູ່ການປ່ອນບັດ ແລະໃຊ້ອາວຸດທາງດ້ານແນວຄິດ.”
ການຂັດແຍ້ງທີ່ເລີ້ມມາແຕ່ຊຸມປີ 1960 ໄດ້ເຮັດໃຫ້ຫລາຍລ້ານຄົນບໍ່ມີທີ່ຢູ່ອາໄສ ແລະຫລາຍກວ່າ 250,000 ຄົນໄດ້ເສຍຊີວິດ.
ໜ້າທຳອິດຂອງໜັງສືພິມ El Tiempo ສະບັບທີ່ອອກໃນວັນຈັນວານນີ້ໄດ້ກ່າວຢ່າງແມ່ນຍໍາວ່າ “La paz luego de 267,162 muertos ທີ່ແປວ່າ ສັນຕິພາບຫລັງຈາກໄດ້ເສຍຊີວິດຂອງຈຳນວນ 267,162 ຄົນ.
ໃນການຖະແຫຼງຕໍ່ສື່ມວນຊົນຫລັງຈາກການລົງນາມໃນຂໍ້ຕົກລົງສັນຕິພາບແລ້ວ ເລຂາທິການໃຫຍ່ສະຫະປະຊາຊາດທ່ານ Ban Ki-moon ກ່າວວ່າ ຕາມປົກ ກະຕິແລ້ວ ທ່ານບໍ່ເດີນທາງລະຫວ່າງການເປີີດກອງປະຊຸມສະມັດຊາໃຫຍ່ ສະຫະປະຊາຊາດ ຊຶ່ງປັດຈຸບັນນີ້ ກຳລັງມີຂຶ້ນ ຢູ່ທີ່ນະຄອນນິວຢອກ ແຕ່ວ່າທ່ານ ຕ້ອງການຊຸກຍູ້ເພີ້ມເຕີມໃນຄວາມໝັ້ນໝາຍຂອງທ່ານຕໍ່ຂັ້ນຕອນສັນຕິພາບຢູ່ໃນໂຄລອມເບຍ.
ທ່ານ Ban ກ່າວວ່າ ສະຫະປະຊາຊາດ ມີບັນດາຜູ້ສັງເກດການຢູ່ແລ້ວທີ່ບໍ່ຕິດອາວຸດ 200 ຄົນ ຢູ່ໃນພາກພື້ນດິນໃນໂຄລອມເບຍ ເພື່ອປະຕິບັດງານກັບບັນ ດາຜູ້ເຄາະຮ້າຍ ແລະອົງການ “ທີ່ຈະເປັນຫູເປັນຕາ” ໃນການເຄື່ອນໄປໄປໜ້າກັບການຢຸດຍິງ.
