ເບິ່ງວິດິໂອລາຍງານຂ່າວພາສາອັງກິດ
ນາຍ ຣອດນີ ຄັນນິງແຮມ (Rodney Cunningham) ຜູ້ຊ່ວຍວຽກທີ່ອົງ ການອາສາສະ
ມັກ ແຫ່ງອາເມຣິກາຫລື Volunteers of America ຂົນແກັດອາຫານລົງຈາກລົດຕູ້ຂອງ
ອົງການເພື່ອກຽມເອົາໄປແຈກຢາຍໃຫ້ແກ່ຄອບຄົວ ທີ່ມີລາຍໄດ້ຕໍ່າ ເພື່ອເຂົາເຈົ້າຈະໄດ້ມີອາ ຫານລ້ຽງສະຫຼອງໃນວັນຂອບຄຸນພະເຈົ້າ ຫລື Thanksgiving ໃນມື້ນີ້. ລາວເອງກໍຈະໄດ້
ຮັບກ່ອງນຶ່ງຄືກັນ ເພື່ອຈະເອົາໄປສູ່ ລູກແລະຫລານໆຂອງລາວ ສີ່ຄົນກິນ. ນາຍ ຄັນນິງ
ແຮມເວົ້າວ່າ:
"ກ່ອງອາຫານວັນຂອບຄຸນພະເຈົ້າ ຫລື Thanksgiving ກ່ອງນີ້ ແມ່ນສໍາ
ຄັນຫລາຍ ເພາະວ່າຂ້ອຍບໍ່ໄດ້ຮັບບັດເອົາອາຫານຟຣີ ຫລື ຟູດສະແຕມ
ຫລືແມ່ນຫຍັງເລີຍ ເພື່ອຊື້ອາຫານພວກນີ້. ສະນັ້ນ ນີ້ເປັນວິທີດຽວທີ່ຂ້ອຍ
ຈະສາມາດມີໄກ່ງວງ ແລະອັນອື່ນໆ ກິນກັບມັນ."
ນາຍ ຄັນນິງແຮມ ແລະພວກ
ອາສາສະມັກຄົນອື່ນໆ ພາກັນ
ຈັດອາຫານໃສ່ກະຕ່າ 1,500
ໜ່ວຍ ເພື່ອກຽມໄວ້ແຈກຢາຍ
ໃນວັນ Thanksgiving ຄືວັນ
ພະຫັດມື້ນີ້. ກະຕ່າທັງຫລາຍ
ເຫລົ່ານັ້ນ ຈະເຕັມໄປດ້ວຍອາ
ຫານປະເພດຕ່າງໆ ທີ່ແຊບນົວ
ສໍາລັບນໍາໄປປຸງແຕ່ງ ກິນລ້ຽງ
ກັນຕາມປະເພນີ ໃນວັນຂອບ
ຄຸນພະເຈົ້ານີ້. ນາຍຄັນນິງແຮມ
ເວົ້າວ່າ ໃນປີນີ້ ຄວາມຮຽກຮ້ອງ
ຕ້ອງການແມ່ນສູງທີ່ສຸດ ຢ່າງບໍ່
ເຄີຍມີມາກ່ອນ. ນາຍຄັນນິງ
ແຮມເວົ້າວ່າ:
"ເຫດຜົນນຶ່ງທີ່ພາໃຫ້ມັນມີຄວາມສໍາຄັນ ຕ້ອງການຫລາຍທີ່ສຸດນັ້ນ ກໍແມ່ນ
ເປັນຍ້ອນວ່າ ເສດຖະກິດດຽວນີ້ຝືດເຄືອງຫລາຍ ແລະມີຫລາຍໆຄົນ ທີ່ມີ ຄວາມຕ້ອງການອາຫານເພີ້ມຂຶ້ນ. ພວກເຂົາເຈົ້າບໍ່ມີອາຫານຈັກໜ້ອຍເລີຍ."
ທ່ານ ຈີມ ໄວ໌ (Jim White) ຊຶ່ງເປັນຜູ້ອໍານວຍການດ້ານກິດຈະການປະຊາຄົມຢູ່ທີ່ອົງການ
ກຸສົນ ດັ່ງກ່າວ ເວົ້າວ່າ ພວກປະຊາຊົນທີ່ອາໃສຢູ່ໃນທ້ອງຖິ່ນ ເປັນຜູ້ບໍລິຈາກອາຫານພວກນີ້.
"ບຸກຄົນພວກນີ້ ເອົາອາຫານຫລາຍກວ່າ 148 ໂຕນ ມາບໍລິຈາກ ແຕ່ວ່າ ດັ່ງທີ່
ທ່ານກໍຄົງຈະວາດພາບອອກຫັ້ນແຫລະ ເຮົາຕ້ອງການອາຫານຈໍານວນມະຫາສານ ເພື່ອຈະເຮັດໃຫ້ກະຕ່າ 1,500 ໜ່ວຍເຕັມໄປດ້ວຍເຄື່ອງຍັດໃສ້ໄກ່ງວງ ແລະ
ໝາກແຄຣນເບີຣີ ໝາກອຶ ພວກຜັກສົດ ໝາກໄມ້ສົດຕ່າງໆ ແລ້ວກໍມີໄກ່ງວງ
ແຊ່ແຂງ ໜັກຂະໜາດ 15 ປອນ ຫລື 6.8 ກິໂລກຣາມ ຢອງໃສ່ທາງເທິງ."
ທ່ານ ຈີມ ໄວ໌ ກ່າວຕໍ່ໄປວ່າ ບຸນຂອບຄຸນພະເຈົ້າ ຫລື Thanksgiving ບໍ່ແມ່ນແຕ່ກ່ຽວ
ກັບການກິນອາຫານດີໆເທົ່ານັ້ນ ຊຶ່ງທ່ານອະທິບາຍວ່າ:
"ເຖິງວ່າພວກເຮົາຈະຢູ່ໃນສະຖານະການແບບໃດກໍຕາມ ພວກເຮົາກໍມີຫລາຍ
ສິ່ງຫລາຍຢ່າງ ທີ່ຈະຂອບຄຸນພະເຈົ້າ. ແລະຄໍາວ່າ Thanksgiving ນັ້ນຄວນ
ຈະໃຊ້ເປັນຄໍາກິລິຍາ ແທນທີ່ຈະເປັນຄໍານາມ ໃນຄໍາເວົ້າຂອງພວກເຮົາ ແລະ
ບໍ່ມີວິທີໃດທີ່ຈະສະແດງຄວາມຂອບຄຸນພະເຈົ້າ ໄດ້ດີໄປກວ່າ ການໃຫ້ຄວາມ
ຊ່ວຍເຫລືອແກ່ຜູ້ອື່ນ ທີ່ທ່ານຮູ້ຈັກວ່າ ກໍາລັງດິ້ນຮົນຕໍ່ສູ້ຢູ່ໃນຂະນະນີ້."
ການພະຍາຍາມເຮັດໃຫ້ແນ່ໃຈວ່າ ຜູ້ຄົນທົ່ວໄປໄດ້ມີອາຫານຄໍ່າກິນສະຫລອງໃນວັນຂອບຄຸນ
ພະເຈົ້າ ຫລື Thanksgiving ນີ້ ສໍາລັບນາຍຣອດນີ ຄັນນິງແຮມ ແລ້ວ ມັນແມ່ນພາກ
ສ່ວນທີ່ດີທີ່ສຸດຂອງວຽກທີ່ລາວກໍາລັງເຮັດຢູ່. ນາຍ ຄັນນິງແຮມ ເວົ້າວ່າ:
"ພວກເຂົາແມ່ນມີຄວາມດີໃຈຫລາຍ.
ພວກເຂົາຮຸ້ສຶກວ່າໄດ້ຮັບພອນຈາກ
ພະເຈົ້າ ແລະເຈົ້າຮູ້ບໍ່ ມັນເຮັດໃຫ້
ຂ້ອຍຮູ້ສຶກດີໃຈຢ່າງລົ້ນເຫລືອທີ່ໄດ້
ເຫັນຮອຍຍິ້ມຢູ່ໃນໃບໜ້າຂອງພວກ
ເຂົາເຈົ້າ ມັນຄືກັນກັບວ່າ ຂ້ອຍໄດ້
ເຫັນທ້ອງຂອງພວກເຂົາເຈົ້າຕື່ງຂຶ້ນ
ຍ້ອນວ່າພວກເຂົາເຈົ້າໄດ້ກິນແຊບ ກິນອິ່ມ."
ແລະລາວເວົ້າວ່າ ສິ່ງນັ້ນແຫລະແມ່ນເປັນ
ພະລັງຊູກໍາລັງໃຈ ໃຫ້ລາວໄປຫາເຮັດວຽກ
ອາສາສະມັກແບບນີ້ຢູ່ເລື້ອຍມາ.
