ລິ້ງ ສຳຫລັບເຂົ້າຫາ

ວັນອັງຄານ, ໑໖ ກໍລະກົດ ໒໐໒໔

ທັກສິນ ໄດ້ຮັບການປະກັນໂຕ, ຄະດີຕ່າງໆຂອງສານໄທ ເພີ້ມຄວາມສ່ຽງດ້ານວິກິດການທາງດ້ານການເມືອງ


ແຟ້ມພາບ - ອະດີດນາຍົກລັດຖະມົນຕີຂອງປະເທດໄທ ທ່ານ ທັກສິນ ຊິນນະວັດ ຍົກມືທັກທາຍ ໃນຂະນະທີ່ທ່ານ ຍ່າງອອກມາຈາກຮ້ານເສີມສວຍແຫ່ງນຶ່ງ ໃນບາງກອກ, ວັນທີ 5 ມິຖຸນາ 2024.
ແຟ້ມພາບ - ອະດີດນາຍົກລັດຖະມົນຕີຂອງປະເທດໄທ ທ່ານ ທັກສິນ ຊິນນະວັດ ຍົກມືທັກທາຍ ໃນຂະນະທີ່ທ່ານ ຍ່າງອອກມາຈາກຮ້ານເສີມສວຍແຫ່ງນຶ່ງ ໃນບາງກອກ, ວັນທີ 5 ມິຖຸນາ 2024.

ສື່ມວນຊົນທ້ອງຖິ່ນລາຍງານວ່າ ອະດີດນາຍົກລັດຖະມົນຕີຜູ້ມີອິດທິພົນຂອງໄທ ທ່ານທັກສິນ ຊິນນະວັດ ຜູ້ສະໜັບສະໜູນທີ່ມີອຳນາດຂອງ ລັດຖະບານທີ່ກຳລັງປົກຄອງປະເທດຢູ່ ໄດ້ອະນຸຍາດໃຫ້ປະກັນຕົວ ໃນວັນອັງຄານມື້ນີ້, ໂດຍຈະຫຼີກລ່ຽງການກັກຂັງກ່ອນການພິຈາລະນາຄະດີ ເນື່ອງຈາກຖືກກ່າວຫາວ່າ ດູໝິ່ນສະຖາບັນກະສັດ ໃນການໃຫ້ສຳພາດໃນປີ 2015, ອີງຕາມອົງການຂ່າວ Reuters.

ຄະດີຂອງທ່ານທັກສິນ ຖືເປັນຄະດີທີ່ສຳຄັນ ຄະດີທຳອິດໃນ 4 ຄະດີ ທີ່ກ່ຽວຂ້ອງກັບບັນດາຜູ້ມີບົດບາດທາງດ້ານການເມືອງຄົນສຳຄັນ ທີ່ຢູ່ຕໍ່ໜ້າສານໃນວັນອັງຄານມື້ນີ້, ໃນການປະທະກັນທາງກົດໝາຍຄັ້ງຫຼ້າສຸດ ທີ່ອາດຈະສົ່ງຜົນກະທົບໃຫ້ ເສດຖະກິດທີ່ໃຫຍ່ເປັນອັນດັບສອງຂອງເອເຊຍຕາເວັນອອກສຽງໃຕ້ ​ຕົກ​ຢູ່ໃນຊ່ວງເວລາຂອງຄວາມ​ບໍ່​ແນ່ນອນໃໝ່ອີກຄັ້ງນຶ່ງ.

ຄະດີດັ່ງກ່າວ ກ່ຽວຂ້ອງກັບນັກການເມືອງທີ່ມີອິດທິພົນຫຼາຍທີ່ສຸດຂອງໄທບາງຄົນ, ລວມທັງນາຍົກລັດຖະມົນຕີຄົນປັດຈຸບັນ, ແລະອາດຈະເຮັດໃຫ້ຄວາມແຕກແຍກທີ່ແກ່ຍາວມາເປັນເວລາຫຼາຍທົດສະວັດ ລະຫວ່າງອົງການຈັດຕັ້ງອະນຸລັກນິຍົມຣາຊະວົງ ແລະ ຝ່າຍກົງກັນຂ້າມ ຫຼາຍຍິ່ງຂຶ້ນ, ເຊັ່ນພັກເພື່ອໄທ ເຊິ່ງເປັນພັກປະຊານິຍົມທີ່ປົກຄອງປະເທດ ແລະພັກກ້າວໄກ ຂອງຝ່າຍຄ້ານ.

ທ່ານທັກສິນ ໄດ້ຂໍປະກັນຕົວຈາກສານໃນບາງກອກ ບໍ່ດົນຫລັງຈາກທີ່ໄອຍະການສູງສຸດ ໄດ້ສັ່ງຟ້ອງ ມະຫາເສດຖີ ອາຍຸ 74 ປີ ທ່ານນີ້ ຢ່າງເປັນທາງການ ໃນຂໍ້ຫາກະທໍາຜິດ ທີ່ມີໂທດຄັງຄຸກສູງເຖິງ 15 ປີ ສໍາລັບແຕ່ລະກໍລະນີທີ່ຖືກພິຈາລະນາວ່າ ເປັນການໝິ່ນປະໝາດກະສັດ. ສະຖານີໂທລະພາບ ThaiPBS ແລະ​ສື່​ມວນ​ຊົນ​ທ້ອງ​ຖິ່ນອືີ່ນໆ ​ລາຍ​ງານ​ວ່າ ສານ​ໄດ້​ຍອມ​ຮັບ​ເງິນ​ປະກັນ​ຕົວ 13,600 ​ໂດ​ລາ​ສະຫະລັດ.

ສ່ວນສານລັດຖະທໍາມະນູນ ຈະດໍາເນີນການໄຕ່ສວນຄະດີທີ່ຮ້ອງຟ້ອງໂດຍກຸ່ມສະມາຊິກວຸດທິສະພາ ເຊິ່ງອາດຈະເຮັດໃຫ້ນາຍົກລັດຖະມົນຕີ ເສດຖາ ທະວີສິນ ພົ້ນອອກຈາກຕໍາແໜ່ງ ເນື່ອງຈາກການລະເມີດກົດຫມາຍໃນການແຕ່ງຕັ້ງທະນາຍຄວາມທີ່ມີປະຫວັດການຕັດສິນໂທດອາຍາ ເຂົ້າຮ່ວມຄະນະລັດຖະບານຂອງທ່ານ.

ສານດຽວກັນນີ້ ຍັງຈະພິຈາລະນາຄະດີທີ່ຍະຍາຍາມຍຸບພັກກ້າວໄກ ເຊິ່ງເປັນພັກຝ່າຍຄ້ານ ທີ່ເປັນທີ່ນິຍົມ ໃນການໂຄສະນາຫາສຽງຂອງພວກເຂົາເພື່ອແກ້ໄຂກົດໝາຍໝິ່ນນປະໝາດກະສັດຂອງປະເທດ, ພາຍຫຼັງໄດ້ຮັບຄໍາຮ້ອງຈາກຄະນະກໍາມະການການເລືອກຕັ້ງ.

ອ່ານຂ່າວເປັນພາສາອັງກິດຂ້າງລຸ່ມນີ້:

Influential former Thai Prime Minister Thaksin Shinawatra, a powerful backer of the ruling government, was granted bail on Tuesday, local media reported, avoiding pre-trial detention for allegedly insulting the monarchy in a 2015 interview.

Thaksin's is the first of four high-profile cases involving key political players that are before the courts on Tuesday, in the latest legal wrangling that could see Southeast Asia's second-largest economy plunged into a new period of uncertainty.

The cases involve some of Thailand's most powerful politicians, including its current prime minister, and could deepen a decades-old rift between the conservative-royalist establishment and its opponents, such as the populist ruling Pheu Thai party and the opposition Move Forward party.

Thaksin sought bail from a court in Bangkok shortly after the attorney general formally indicted the 74-year-old billionaire for an offense that carries a maximum jail sentence of up to 15 years for each perceived royal insult. Public broadcaster ThaiPBS and other local media reported the court had accepted $13,600 bail.

Separately, the Constitutional Court will conduct a hearing in a case lodged by a group of senators that could potentially see Prime Minister Srettha Thavisin dismissed from office for breaching the law in appointing a lawyer with a conviction record to his cabinet.

The same court will also hear a case seeking to disband the popular opposition Move Forward Party for their campaign to amend the country's royal insult law, following a complaint by the Election Commission.

ຟໍຣັມສະແດງຄວາມຄິດເຫັນ

XS
SM
MD
LG