ລິ້ງ ສຳຫລັບເຂົ້າຫາ

ມຽນມາ ເຂົ້າຮ່ວມ ສັງເກດການ ໃນການຊ້ອມລົບ ຢູ່ໄທ

  • Daniel Schearf

ສາກນຶ່ງຂອງການຊ້ອມລົບ Cobra Gold ໃນໄທ ທີ່ນໍາພາໂດຍ ສະຫະລັດ ແລະອີກ 5 ປະເທດ.
ກອງທັບມຽນມາກໍາລັງເຂົ້າປະກອບສ່ວນເປັນເທື່ອທໍາອິດ ໃນ
ການຊ້ອມລົບ ຢູ່ປະເທດໄທ ທີ່ນໍາໂດຍສະຫະລັດ ທີ່ຮູ້ກັນໃນຊື່
ວ່າ Cobra Gold ຫຼື “ຈົງອາງ​ທອງ” ຊຶ່ງເປັນການຊ້ອມລົບປະ
ຈໍາປີຄັ້ງໃຫຍ່ທີ່ສຸດ ທີ່ມີຫຼາຍປະເທດ ເຂົ້າຮ່ວມຢູ່ໃນຂົງເຂດ
ເອເຊຍ ແລະສະຫະລັດກໍຫວັງວ່າ ການເຂົ້າປະກອບສ່ວນຂອງ
ມຽນມາໃນຄັ້ງນີ້ ຈະເປັນການສົ່ງເສີມຄວາມເປັນມືອາຊີບຢູ່ໃນ
ຖັ້ນ​ແຖວ​ຂອງ​ກອງທັບມຽນມາທີ່ມີບັນຫານັ້ນ.

ການຊ້ອມລົບປະຈໍາປີ Cobra Gold ພາຍ​ໃຕ້​ການ​ນໍາພາ​ຂອງ
ສະຫະລັດ ນໍາ​ເອົາເຈັດປະເທດມາເຝິກ​ແອບ​ຮ່ວມ​ກັນເພື່ອແລກ
ປ່ຽນຄວາມ​ຮູ້​ຄວາມຊໍານານດ້ານການ​ທະຫານ ຊຶ່ງກັນແລະກັນ
ພ້ອມກັບສ້າງຄວາມເຂັ້ມແຂງ ໃຫ້ແກ່ການຮ່ວມມືລະດັບຂົງເຂດ.

ພວກທີ່ເຂົ້າປະກອບສ່ວນ​ໂດຍເຕັມ ​ມີໂຮມທັງກອງທັບຈາກອິນໂດເນເຊຍ ຍີ່ປຸ່ນ ເກົາຫຼີໃຕ້
ມາເລເຊຍ ແລະສິງຄະໂປ. ສ່ວນກອງທັບຂອງປະເທດອື່ນໆ​ ແມ່ນໄດ້ຈັດສົ່ງຜູ້ຕາງໜ້າມາ
ສັງເກດການເບິ່ງ​ບາງຂັ້ນຕອນຂອງ ການຊ້ອມລົບດັ່ງກ່າວ ຊຶ່ງໂຮມທັງນາຍທະຫານສອງ
ຄົນຈາກກອງທັບມຽນມາ ທີ່​ມາເປັນເທື່ອທໍາອິດ.

ໄທ ປະເທດເຈົ້າພາບ ​ເປັນ​ຜູ້ເຊື້ອເຊີນມຽນມາ. ການຊ້ອມລົບ​ມີໂຮມທັງ ວິທີການຈູ່ໂຈມ
ຈາກ​ທາງນໍ້າ ທີ່ໃຊ້​ທັງໄອພົ່ນໂຈມຕີ ເຮລິຄອບເຕີ ແລະ ເຮືອ ພ້ອມດ້ວຍການຍົກຍ້າຍໜີ​
ໄພ ການເຝິກແອບວິທີການທໍາ​ສົງຄາມໃນປ່າດົງ ແລະຊ້ອມຍິງດ້ວຍກະສຸນແທ້.

ທ່ານນາງ Kristin Kneedler ໂຄສົກສະຖານທູດສະຫະລັດ ເວົ້າວ່າ ການປະກອບສ່ວນ
ຂອງມຽນມາໃນການຊ້ອມລົບ 10 ວັນນີ້ ຈະມີຂອບເຂດຈໍາກັດ ແຕ່ສະຫະລັດກໍສະໜັບ
ສະໜຸນການດຶງ​ເອົາ​ມຽນມາ​ເຂົ້າ​ມາພົວພັນນໍາ ຊຶ່ງທ່ານນາງເອີ້ນວ່າ ເປັນສິ່ງສໍາຄັນ.

“ນາຍທະຫານຂອງມຽນມາ ຈະສັງເກດການ​ເບິ່ງຂັ້ນຕອນການວາງແຜນຈໍານວນ
ພົນ ແລະ
ພາກສ່ວນ​ການ​ປະຕິບັດ​ງານ​ຂອງໜ່ວຍເສນາລັກ​ ໃນການຊ້ອມລົບ
Cobra Gold ປີນີ້. ດັ່ງທີ່ເຮົາຮູ້
ກັນເນາະ ສະຫະລັດ ຄືພວກເຮົາກໍາລັງດໍາເນີນ
ຫລາຍໆ​ວິທີການທາງລັດຖະບານ ເພື່ອສົ່ງ​ເສີມການປະຕິຮູບຢູ່ໃນມຽນມາ ໃຫ້
​ກ້າວ​ໄກ​ໄປ​ໜ້າ
. ແລະນີ້ແມ່ນໂຮມທັງການດຶງເອົາກອງທັບມຽນມາ ​ເຂົ້າ​ມາພົວ
ພັນ ໃນຖານະ
ເປັນຜູ້ມີສ່ວນໄດ້ສ່ວນເສຍທີ່ສໍາຄັນຜູ້ນຶ່ງ ແລະ​ເປັນຜູ້ປະກອບ
ສ່ວນ ທີ່ມີ
ຄວາມສາມາດບົ່ມຊ້ອນ ຢູ່ໃນຂັ້ນຕອນການປະຕິຮູບນັ້ນ.”

ກອງທັບມຽນມາໄດ້​ເປັນຜູ້ນໍາພາລັດຖະບານ​ ເປັນ​ເວລາຫຼາຍສິບປີ ​ໂດຍ​ໄດ້ປາບປາມ
ປະຊາທິປະໄຕ ທໍາລາຍເສດຖະກິດ ແລະທໍາ​ການຝ່າຝືນສິດທິມະນຸດຢ່າງກວ້າງຂວາງ.

ແຕ່ໃນປີ 2010 ລັດຖະບານທະຫານມຽນມາໄດ້ເປີດໂອກາດ ໃຫ້ມີການເລືອກຕັ້ງທົ່ວ
ປະເທດ ເທື່ອທໍາອິດໃນຮອບ 20 ປີ ອັນເປັນພາກສ່ວນນຶ່ງຂອງແຜນທີ່ເສັ້ນທາງໄປສູ່
ປະຊາທິປະໄຕ ທີ່ຮ່າງຂຶ້ນໂດຍຝ່າຍທະຫານ.

​ແຕ່​ທາງ​ກອງທັບ​ໄດ້ສ້າງ​ຄວາມ​ຂັດ​ແຍ້​ງ ​ໂດຍ​ການບໍ່​ອະນຸຍາດ​ໃຫ້ພັກຝ່າຍຄ້ານໃຫຍ່
ຂອງມຽນມາ ກໍຄືພັກສັນນິບາດແຫ່ງຊາດເພື່ອປະຊາທິປະໄຕ ​ເຂົ້າ​ແຂ່ງຂັນ​ໃນ​ການ​
ເລືອກ​ຕັ້ງ​ ແລະໄດ້ນໍາເອົາພັກທີ່ໜຸນຫຼັງໂດຍຝ່າຍທະຫານ ຂຶ້ນມາກໍາອໍານາດ.

ແຕ່ປະທານາທິບໍດີ ເທນ ເຊນ ຊຶ່ງທ່ານເອັງກໍເປັນອະດີດນາຍພົນທະຫານ ໄດ້ສ້າງ ຄວາມປະຫຼາດໃຈແກ່ພວກວິຈານທັງຫຼາຍ ໂດຍການຈັດ​ຕັ້ງ​ປະຕິບັດການປະຕິຮູບ ທາງການເມືອງແລະເສດຖະກິດທີ່ສໍາຄັນຫຼາຍຢ່າງ.

ສະຫະລັດແລະປະເທດອື່ນໆກໍຕອບນສະໜອງດ້ວຍການໂຈະການລົງໂທດທາງເສດ
ຖະກິດ​ເປັນ​ສ່ວນ​ໃຫຍ່ ແລະເຂົ້າພົວພັນນໍາການໂອ້ລົມສົນທະນາໃນລະດັບສູງກັນ.

ໃນເດືອນພະຈິກປີຜ່ານມາ ທ່ານ ບາຣັກ ໂອບາມາ ​ໄດ້ເປັນປະທານາທິບໍດີສະຫະລັດ
ຜູ້ທໍາອິດ ທີ່ໄດ້ໄປຢ້ຽມຢາມມຽນມາ ​ໃນ​ຂະນະ​ທີ່​ຍັງຢູ່ໃນຕໍາແໜ່ງ.

ໂຄສົກ Kneedler ກ່າວອີກວ່າ ເຖິງແມ່ນມີການປະຕີຮູບຫຼາຍຢ່າງກໍຈິງຢູ່ ສະຫະລັດ ກໍຍັງມີຄວາມລະມັດລະວັງທີ່ສຸດ ​ໃນເລຶ່ອງທີ່​ກ່ຽວ​ກັບກອງທັບມຽນມານັ້ນ. ແຕ່ທ່ານ ນາງກໍໃຫ້ຂໍ້ສັງເກດວ່າ ການຊ້ອມລົບກັນຄັ້ງນີ້ ມີຜົນກະທົບໃນທາງບວກ ຕໍ່ພວກເຂົ້າ ປະກອບສ່ວນທັງໝົດ. ໂຄສົກ Kneedler ເວົ້າວ່າ:

“ເອີ໋.. ສະຫະລັດຫັ້ນ ຄືພວກເຮົາສະໜັບສະໜຸນວິທີການເຂົ້າພົວພັນກັບຝ່າຍ
ທະຫານມຽນມາ
​ແບບລະມັດລະວັງ ແລະລອບຄອບ ແລະເຫດການຕ່າງໆ ຄືກັບການຊ້ອມລົບ Cobra Gold ນີ້ ແທ້ໆແລ້ວ ແມ່ນຊຸກຍູ້ໃຫ້ກອງທັບຫັນ
ໄປສູ່ການຄວບຄຸມຂອງຝ່າຍພົນລະເຮືອນ ຢ່າງເປັນສະຖາບັນ ​ໃຫ້​ມີຄວາມ
ຮັບຜິດຊອບ ແລະ
ມີການພິທັກປົກປ້ອງສິດທິມະນຸດ.”

ການຊ້ອມລົບ Cobra Gold ນີ້ ໄດ້ຈັດ​ຂຶ້ນ ເປັນຄັ້ງທີ່ 32 ​ນີ້ແລ້ວ ​ຢູ່ໃນປະເທດໄທ.

ໂຄສົກ Kneedler ກ່າວຕໍ່ໄປວ່າ ການຊ້ອມລົບປີນີ້ ທີ່​ໄດ້​ເລີ້ມ​ຂຶ້ນເມື່ອອາທິດ​ນີ້ ​ແມ່ນ
ຈະສຸມໃສ່ການເພີ່ມຄວາມເຂັ້ມແຂງໃນການຮັບມືກັບວິກິດການຕ່າງໆ ເຊັ່ນໄພພິບັດ
ດ້ານມະນຸດສະທໍາຕ່າງໆ ເປັນຕົ້ນ.

ຂະນະນີ້ ກອງທັບມຽນມາຍັງຖືກຕ້ອງຕິໂຈມຕີໂດຍກຸ່ມສິດທິທັງຫຼາຍນັ້ນຢູ່ ຍ້ອນທໍາ
ການຝ່າຝືນ ແລະໃຊ້ກໍາລັງເກີນຂອບເຂດ.

ຄືນັບຕັ້ງແຕ່ເດືອນທັນວາ ປີກາຍ​ນີ້ເປັນຕົ້ນມາ ກອງທັບມຽນມາໄດ້ໃຊ້ ເຮືອບິນລົບ
ໄອ່ພົ່ນແລະເຮລິຄອບເຕີ ໂຈມຕີພວກກະບົດຊົນເຜົ່າກະຈິນ ຢູ່ທາງພາກເໜືອຂອງ
ມຽນມາ ຕິດກັບຊາຍແດນຈີນນັ້ນ. ການສູ້ລົບກັນຢ່າງໜັກ​ໄດ້​ສົ່ງຜົນ ໃຫ້ປະຊາຊົນ
ຫຼາຍກວ່າ 80,000 ຄົນ ຕ້ອງຍົກຍ້າຍ​ໜີຈາກຖິ່ນຢູ່ອາ​ໄສ ແລະກະ​ຕຸ້ນ​ໃຫ້ນາໆຊາດ
ຮຽກຮ້ອງໃຫ້ມີການຢຸດຍິງກັນ ແລະປັກກິ່ງກໍ​ໄດ້​ຮັບເປັນຜູ້ໄກ່ເກ່ຍການເຈລະຈາສັນ
ຕິພາບກັນ ໃນເດືອນນີ້.

ແລະເຖິງແມ່ນ​ໄດ້ມີການປະຕິຮູບທາງການເມືອງຫຼາຍໆ​ຢ່າງກໍຕາມ ​ແຕ່ລັດຖະທໍາ
ມະນູນທີ່ຮ່າງໂດຍຝ່າຍທະຫານ ​ໄດ້ຄໍ້າປະກັນບ່ອນນັ່ງ ໃຫ້ຝ່າຍທະຫານ ​ເຖິງນຶ່ງ
ສ່ວນສີ່ ຂອງທີ່ນັ່ງທັງໝົດໃນສະພາ ອັນເປັນການຮັບຮອງໃຫ້ທະຫານໄດ້ກໍາອໍາ
ນາດສ່ວນໃຫຍ່​ ໄວ້ຕໍ່ໄປ.

ທາງການໄທແລະມຽນມາ ບໍ່ໄດ້ມີຄໍາເຫັນໃດໆໃນທັນທີນີ້ ກ່ຽວກັບການຊ້ອມລົບ ຫຼື
ການປະກອບສ່ວນຂອງມຽນມາ ​ໃນ​ການ​ຊ້ອມ​ລົບ Cobra Gold ປີ​ນີ້.
XS
SM
MD
LG