ພວກປະທ້ວງຕໍ່ຕ້ານລັດຖະບານໃນໄທ ໄດ້ທຳການເຄື່ອນໄຫວ
ທ້າທາຍທາງກົດໝາຍຕໍ່ການເລືອກຕັ້ງໃນວັນອາທິດຜ່ານມານີ້
ຊຶ່ງເຖິງແມ່ນວ່າ ສະງົບງຽບ ແຕ່ກໍບໍ່ໄດ້ແກ້ໄຂການປະເຊີນໜ້າ
ທາງການເມືອງທີ່ຍືດເຍື້ອຍາວນານມາໄດ້ຫຼາຍເດືອນແລ້ວນັ້ນ
ແຕ່ຢ່າງໃດ.
ພັກປະຊາທິປັດ ຊຶ່ງເປັນພັກຝ່າຍຄ້ານ ທີ່ບອຍຄອດບໍ່ຍອມເຂົ້າ
ຮ່ວມການເລືອກຕັ້ງ ກ່າວ ວ່າ ຕົນຈະຍື່ນຟ້ອງຕໍ່ສານລັດຖະ
ທໍາມະນູນ ໃນວັນອັງຄານມື້ນີ້ ເພື່ອຍຸບພັກ “ເພື່ອໄທ” ທີ່ປົກຄອງປະເທດຢູ່ໃນຂະນະນີ້.
ສຳນວນທີ່ຈະຍື່ນຟ້ອງໂດຍພັກປະຊາທິປັດ ກ່າວວ່າ ລັດຖະ
ບານພະຍາຍາມເພື່ອໃຫ້ໄດ້ມາຊຶ່ງອໍານາດ ໂດຍວິທີທີ່ບໍ່ຖືກ
ຕ້ອງຕາມລັດຖະທໍາມະນູນ ຄືຈັດການເລືອກຕັ້ງກ່ອນກໍານົດ.
ສຳນວນຟ້ອງຂໍ້ທີ 2 ກ່າວວ່າ ການເລືອກຕັ້ງບໍ່ຄວນຈະມີຂຶ້ນ
ໃນລະຫວ່າງພາວະສຸກເສີນຂອງປະເທດ ທີ່ໄດ້ປະກາດໄປ
ໃນເດືອນແລ້ວນີ້ ເພື່ອຮັບມືກັບສະພາບຄວາມຮຸນແຮງ ກ່ອນການເລືອກຕັ້ງນັ້ນ.
ເຖິງແມ່ນວ່າ ບໍ່ໄດ້ມີການກໍ່ຄວາມຮຸນແຮງໃນມື້ປ່ອນບັດເລືອກຕັ້ງກໍຈິງ ແຕ່ການໄປປ່ອນ
ບັດຂອງປະຊາຊົນ ແມ່ນໜ້ອຍກວ່າ 50 ສ່ວນຮ້ອຍ. ຢູ່ໃນຫຼາຍໆເຂດ ພວກປະທ້ວງຕໍ່ຕ້ານ
ລັດຖະບານໄດ້ພາກັນຂັດຂວາງແລະລົບກວນການປ່ອນບັດ.
ພວກປະທ້ວງໄດ້ໃຫ້ຄໍາໝັ້ນສັນຍາທີ່ຈະສືບຕໍ່ກົດດັນນາຍົກລັດຖະມົນຕີຍິ່ງລັກ ຊິນນະວັດ
ໃຫ້ລາອອກໂດຍການປະທ້ວງຢູ່ທີ່ບາງກອກນັ້ນ ປາກົດວ່າໄດ້ຫລຸດນ້ອຍຖອຍລົງຫຼັງຈາກ
ໄດ້ມີການເລືອກຕັ້ງແລ້ວນັ້ນ.
ທ້າທາຍທາງກົດໝາຍຕໍ່ການເລືອກຕັ້ງໃນວັນອາທິດຜ່ານມານີ້
ຊຶ່ງເຖິງແມ່ນວ່າ ສະງົບງຽບ ແຕ່ກໍບໍ່ໄດ້ແກ້ໄຂການປະເຊີນໜ້າ
ທາງການເມືອງທີ່ຍືດເຍື້ອຍາວນານມາໄດ້ຫຼາຍເດືອນແລ້ວນັ້ນ
ແຕ່ຢ່າງໃດ.
ພັກປະຊາທິປັດ ຊຶ່ງເປັນພັກຝ່າຍຄ້ານ ທີ່ບອຍຄອດບໍ່ຍອມເຂົ້າ
ຮ່ວມການເລືອກຕັ້ງ ກ່າວ ວ່າ ຕົນຈະຍື່ນຟ້ອງຕໍ່ສານລັດຖະ
ທໍາມະນູນ ໃນວັນອັງຄານມື້ນີ້ ເພື່ອຍຸບພັກ “ເພື່ອໄທ” ທີ່ປົກຄອງປະເທດຢູ່ໃນຂະນະນີ້.
ສຳນວນທີ່ຈະຍື່ນຟ້ອງໂດຍພັກປະຊາທິປັດ ກ່າວວ່າ ລັດຖະ
ບານພະຍາຍາມເພື່ອໃຫ້ໄດ້ມາຊຶ່ງອໍານາດ ໂດຍວິທີທີ່ບໍ່ຖືກ
ຕ້ອງຕາມລັດຖະທໍາມະນູນ ຄືຈັດການເລືອກຕັ້ງກ່ອນກໍານົດ.
ສຳນວນຟ້ອງຂໍ້ທີ 2 ກ່າວວ່າ ການເລືອກຕັ້ງບໍ່ຄວນຈະມີຂຶ້ນ
ໃນລະຫວ່າງພາວະສຸກເສີນຂອງປະເທດ ທີ່ໄດ້ປະກາດໄປ
ໃນເດືອນແລ້ວນີ້ ເພື່ອຮັບມືກັບສະພາບຄວາມຮຸນແຮງ ກ່ອນການເລືອກຕັ້ງນັ້ນ.
ເຖິງແມ່ນວ່າ ບໍ່ໄດ້ມີການກໍ່ຄວາມຮຸນແຮງໃນມື້ປ່ອນບັດເລືອກຕັ້ງກໍຈິງ ແຕ່ການໄປປ່ອນ
ບັດຂອງປະຊາຊົນ ແມ່ນໜ້ອຍກວ່າ 50 ສ່ວນຮ້ອຍ. ຢູ່ໃນຫຼາຍໆເຂດ ພວກປະທ້ວງຕໍ່ຕ້ານ
ລັດຖະບານໄດ້ພາກັນຂັດຂວາງແລະລົບກວນການປ່ອນບັດ.
ພວກປະທ້ວງໄດ້ໃຫ້ຄໍາໝັ້ນສັນຍາທີ່ຈະສືບຕໍ່ກົດດັນນາຍົກລັດຖະມົນຕີຍິ່ງລັກ ຊິນນະວັດ
ໃຫ້ລາອອກໂດຍການປະທ້ວງຢູ່ທີ່ບາງກອກນັ້ນ ປາກົດວ່າໄດ້ຫລຸດນ້ອຍຖອຍລົງຫຼັງຈາກ
ໄດ້ມີການເລືອກຕັ້ງແລ້ວນັ້ນ.
ຄວາມເຫັນຂອງທ່ານ
ສະແດງຄວາມເຫັນໃຫ້ເບິ່ງ