ລິ້ງ ສຳຫລັບເຂົ້າຫາ

ພວກເສື້ອແດງ ໂຮມຊຸມນຸມປະທ້ວງ ໃນໄທ

  • Daniel Schearf
  • ບົວສະຫວັນ

ພວກເສື້ອແດທີ່ຕໍ່ຕ້ານລັດຖະບານໄທ ພາກັນໂຮມຊຸມນຸມປະທ້ວງ ຢູ່ອານຸສາວະລີປະຊາທິປະໄຕ ໃນບາງກອກ, ວັນທີ 10 ຕຸລາ, ເພື່ອລະນຶກເຖິງພວກສະໜັບສະໜູນທີ່ເສຍຊີວິດໄປ ໃນການປະທ້ວງເມື່ອເດືອນພຶດສະພາປີນີ້.

ພວກປະທ້ວງຕໍ່ຕ້ານລັດຖະບານໄທ ເປັນພັນໆຄົນ ໄດ້ພາກັນເດີນຂະບວນ ແລະໂຮມຊຸມ ນຸມກັນຢູ່ນະຄອນຫລວງບາງກອກ ເພື່ອລະນຶກເຖິງພວກສະໜັບສະໜູນເຂົາເຈົ້າ ທີ່ໄດ້ເສຍ ຊີວິດໄປ ໃນລະຫວ່າງການປະທະກັນກັບກຳລັງຮັກສາຄວາມສະງົບໍຫລາຍໆບັ້ນ. ເຖິງແມ່ນ ຈະມີກົດໝາຍພາວະສຸກເສີນ ທີ່ເກືອດຫ້າມການໂຮມຊຸມນຸມກັນກໍຕາມ ແຕ່ພວກປະທ້ວງ ກໍຍັງສືບຕໍ່ເຕົ້າໂຮມກັນ ເປັນຈຳນວນຫລວງຫລາຍ.

ພວກເດີນ​ຂະ​ບວນປະ​ທ້ວງທີ່​ໃສ່​ເສື້ອ​ແດງ ພາກັນ​ໄປ​ໂຮມ ຊຸມນຸມ​ກັນ ຢູ່​ນອກສວນ​ລຸ່ມ​ພິນີ ຂອງ​ນະຄອນຫລວງ​ບາງ ກອກ ​ໃນ​ການ​ທ້າ​ທາຍ​ຕໍ່ກົດໝາຍຫ້າມ​ການ​ໂຮມຊຸມນຸມ​ ໃນ​ທີ່​ສາທາລະນະ.

ຕໍາຫລວດ​ໄທ ​ພາ​ກັນຢືນ​ເບິ່ງ​ ຂະນະ​ທີ່ພວກປະ​ທ້ວງຕໍ່ຕ້ານ​ລັດຖະບານ ພາກັນ​ສົ່ງ​ສຽງສະ​ແດງ​ຄວາມ​ເຄົາຣົບຕໍ່​ພົນຕີ ​ເສ​ແດງ ທີ່​ຖືກລອບ​ສັງຫານໂດ​ຍຜູ້ຈອບ​ຍິງຄົນ​ນຶ່ງ ​ໃນ​ເດືອນ​ພຶດສະພາ ​ຂະນະ​ທີ່​ທ່ານ​ກຳລັງ​ໃຫ້ສຳພາດ​ກັບພວກ​ນັກ​ຂ່າວຢູ່.

ນາຍ​ພົນເສ​ແດງ​ໄດ້​ສະໜັບສະໜູນ ການ​ຍຶດຄອງເຂດສູນ​ການ​ຄ້າ ​ແລະປະຫວັດສາດຂອງ​ບາງກອກ ​ເປັນ​ເວລາ​ສອງ​ເດືອນ​ຂອງ​ພວກ​ເສື້ອ​ແດງ​ຫລື ນປຊ ເພື່ອຮຽກຮ້ອງ​ໃຫ້​ມີ​ການ​ເລືອກ​ຕັ້ງໃໝ່ ຊຶ່ງເປັນ​ການ​ເນັ້ນຢໍ້າ​ເຖິງ​ຄວາມ​ແຕກ​ແຍກທາງການ​ເມືອງ ຢູ່​ພາຍໃນ​ກອງທັບ​ໄທ.

ຫລັງ​ຈາກ​ນັ້ນ ພວກປະ​ທ້ວງກໍ​ພາກັນຂຶ້ນຂີ່ເຕັມລົດ​ບັນທຸກ​ ​ແລະ ​ລົດ​ຈັກ ​ແລ້ວ​ພາກັນຂີ່​ໄປ ຜ່ານເຂດທີ່​ໄດ້​ມີ​ການ​ປະ​ທະ​ກັນ​ຢູ່ຕາມທ້ອງ​ຖະໜົນ ກັບ​ພວກ​ກຳລັງຮັກສາ​ຄວາມ​ສະ​ງົບ ຊຶ່ງ​ໄດ້​ເຮັດ​ໃຫ້ 90 ຄົນ​ເສຍ​ຊີວິດ ທີ່​ສ່ວນ​ຫລາຍ​ກໍ​ແມ່ນພວກ​ປະ​ທ້ວງນັ້ນ.

ພວກປະທ້ວງເສື້ອແດງປະເຊີນໜ້າ ກັບກໍາລັງຣັກສາຄວາມສະຫງົບໃນ ລະຫວ່າງ ການປະທ້ວງໃນເດືອນ ເມສາຜ່ານມາ ຊຶ່ງໄດ້ຖືກທັບມ້າງ ໃນເດືອນພຶດສະພາ.
ພວກປະທ້ວງເສື້ອແດງປະເຊີນໜ້າ ກັບກໍາລັງຣັກສາຄວາມສະຫງົບໃນ ລະຫວ່າງ ການປະທ້ວງໃນເດືອນ ເມສາຜ່ານມາ ຊຶ່ງໄດ້ຖືກທັບມ້າງ ໃນເດືອນພຶດສະພາ.

ນັບ​ແຕ່ນັ້ນມາ​ ຫລາຍໆ​ເຂດຂອງໄທ ​ຮວມ​ທັງນະຄອນ
ຫລວງບາງ​ກອກ ​ກໍໄດ້​ຕົກຢູ່​ໃນ​ສະພາວະສຸກ​ເສີນທີ່ຫ້າມ
ການ​ໂຮ​ມຊຸມນຸມໃນ​ທີ່ສາທາລະນະ​ ຈຳກັດຂ່າວສານ
ຂອງ​ສື່​ມວນ​ຊົນ ​ແລະ​ໃຫ້​ສິດ​ອໍານາດ​ແກ່​ຕຳຫລວດ​
ຫລາຍຂຶ້ນກວ່າ​ເກົ່າ.

ການ​ເດີນ​ຂະ​ບວນ​ໄດ້​ເຮັດ​ໃຫ້ການ​ສັນຈອນ​ໃນ​ບາງກອກ
ຕິດຂັດ ແຕ່​ກໍໄດ້​ດໍາ​ເນີນ​ໄປ​ຢ່າງສະ​ງົບ ​ແລະໄປ​ຢຸດ​ລົງ​
ທີ່ອານຸສາ​ວະລີປະຊາທິ​ປະ​ໄຕ ອັນ​ເປັນສິ່ງ​ສະດຸ​ດີການ
ປ່ຽນ​ແປງໄປ ​ສູ່ລະບອບປະຊາທິປະ​ໄຕຂອງ​ໄທ​ ໃນ​ປີ 1932 ນັ້ນ.

ພວກ​ປະ​ທ້ວງ​ຫລາຍໆພັນ​ຄົນ ພາກັນໂຮມຊຸມນຸມຢູ່​ທີ່ອານຸສາ​ວະລີນັ້ນ ​ແລະພາ​ກັນ​ໃສ່ເສື້ອ
ແດງ ​ແລະຍົກ​ປ້າຍ​ຄັດຄ້ານລັດຖະບານຊຸດປັດຈຸ​ບັນຂອງ​ທ່ານ ອະພິສິດ ​ເວດ​ຊາ​ຊີວະ.

ພວກ​ປະ​ທ້ວງ ຊຶ່ງຫລາຍ​ຄົນ​ມາ​ຈາກ​ເຂດ​ຊົນນະບົດເວົ້າວ່າ ລັດຖະບານ​ຂອງ​ທ່ານອະພິສິດ
ແມ່ນ​ໄດ້​ຮັບ​ການສະໜັບສະໜູນ​ຈາກພວກເຈົ້າຂຸນ​ມຸນ​ນາຍ ​ແລະ​ພວກຊົນ​ຊັ້ນ​ສູງ ​ທີ່​ໄດ້​ສົມ
ຮູ້​ຮ່ວມ​ຄິດ​ກັນກັບ​ພວກທະຫານ ທໍາການປົດ​ພວກຜູ້​ນໍາ​ທີ່​ພວກ​ເຂົາ​ເຈົ້າເລືອກ​ຕັ້ງ​ເອົາ​ນັ້ນ​ ​ລົງຈາກ​ອໍານາດ.

ນາຍ​ໂກສິນ ທີມສຸວັນ ​ອາຍຸ 54 ປີ ກ່າວ​ຍໍ້າຄໍາຮຽກຮ້ອງ​ໃຫ້​ມີ​ການ​ເລືອກ​ຕັ້ງ​ໃໝ່ຂອງ ​ພວກ​ປະ​ທ້ວງ ວ່າດັ່ງນີ້:

“ພວກເສື້ອແດງຕ້ອງການປະຊາທິປະໄຕ ປະຊາທິປະໄຕເພື່ອ ປະເທດຊາດຂອງ ຂ້ອຍ ​ເພື່ອ​ປະຊາຊົນ. ແລະພວກເສື້ອແດງກໍ​ໄດ້​ຮັບ​ການສະໜັບສະໜຸນ​ໃນ​ເລື້ອງ​ນີ້… ພວກເຂົາເຈົ້າ ຕ້ອງການຄວາມຍຸຕິທໍາ ສຳລັບປະຊາຊົນໝົດທຸກໆຄົນ ໃນ ປະເທດໄທ.”

ຜູ້ໄດ້ຮັບເຄາະຄົນນຶ່ງ ຈາກການປະທະກັນລະຫວ່າງ ພວກປະທ້ວງເສື້ອແດງ ກັບທະຫານໄທ ໃນເດືອນ ພຶດສະພາຜ່ານມາ.
ຜູ້ໄດ້ຮັບເຄາະຄົນນຶ່ງ ຈາກການປະທະກັນລະຫວ່າງ ພວກປະທ້ວງເສື້ອແດງ ກັບທະຫານໄທ ໃນເດືອນ ພຶດສະພາຜ່ານມາ.

ພວກ​ທີ່​ຕິຕຽນພວກ​ເສື້ອ​ແດງ​ເວົ້າວ່າ ພວກ​ເສື້ອ​ແດງ​ຢາກ​ນຳເອົາທ່ານ​ທັກສິນ ຊິນນະ​ວັດ, ອະດີ​ດນາ​ຍົກ​ລັດຖະມົນຕີ​ໄທ ທີ່​ໄດ້​ຖືກ​ປົດ​ອອກ​ຈາກ​ຕຳ​ແໜ່ງ ​ໃນ​ປີ 2006 ໂດຍການ​ລັດຖະປະຫານ​ຂອງ​ຝ່າຍ​ທະຫານນັ້ນກັບ​ຄືນ​ມາ ​ຊຶ່ງ​ເວລາ​ນີ້ຜູ້ກ່ຽວລີ້​ໄພ​ຢູ່​ໃນ​ຕ່າງປະ​ເທດ ​ເພື່ອ​ໜີ​ໂທດ​ຕັດສິນ​ຈໍາ​ຄຸກ ​ໃນຄະດີສໍ້​ ລາດ​ບັງ​ຫລວງ.

ໃນ​ເດືອນ​ແລ້ວນີ້ ​ກໍມີ​ພວກປະ​ທ້ວງ​ເສື້ອ​ແດງ
ປະມານ 10 ພັນ​ຄົນ ​ພາກັນ​ເດີນຂະ​ບວນ
ຢ່າງ​ສັນຕິ ​ເພື່ອລະນຶກ​ເຖິງຄົບຮອບ 4 ​ປີ​
ຂອງວັນ​ລັດຖະປະຫານ​ດັ່ງກ່າວ​ນັ້ນ.

ພວກ​ເຈົ້າໜ້າທີ່​ໄທ ບໍ່​ໄດ້​ໃຊ້​ຄວາມ​ພະຍາຍາມ​ໃດ​ໆ ​ໃນ​ການ​ທີ່​ຈະ​ປ້ອງ​ກັນ​ບໍ່​ໃຫ້​ມີ​ການ​ເດີນ​ຂະ​ບວນເມື່ອ​ໄວໆ​ມາ​ນີ້ ລວມ​ທັງການເດີນ​ຂະບວນຂອງ​ພວກ​ເສື້ອ​ເຫລືອງ ທີ່ພາກັນໂຮ​ມ ຊຸມນຸມ ​ເພື່ອຕໍ່ຕ້ານພວກ​ເສື້ອ​ແດງ ​ແລະອ້າງ​ວ່າພວກ​ຕົນ​ທໍາ​ໄປ​ເພື່ອ​ປົກ​ປ້ອງສະຖາ​ບັນພະ​ມະຫາກະສັດຂອງ​ໄທນັ້ນ.

ເບິ່ງ​ຄື​ວ່າ ​ພັກ​ຝ່າ​ນຕ່າງໆຂອງ​ໄທ ກຳລັງທໍາ​ການ​ທົດ​ສອບ​ເບິ່ງ​ວ່າ ພວກ​ເຂົາ​ເຈົ້າຈະ​ສ້າງ​ຄວາມ​ກົດ​ດັນ​ຕໍ່​ເຈົ້າໜ້າທີ່ ​ໄດ້ໜ້ອຍຫລາຍ​ປານ​ໃດ ກ່ອນ​ໜ້າການ​ເລືອກ​ຕັ້ງ ທີ່​ກົດໝາຍ ບັງຄັບ​ໃຫ້ລັດຖະບານຈັດ​ຂຶ້ນ ໃນ​ປາຍ​ປີໜ້ານັ້ນ.

XS
SM
MD
LG