ໄທຖືກຮັບຮູ້ຢູ່ໃນທົ່ວໂລກມາເປັນເວລາດົນນານແລ້ວວ່າ ເປັນຜູ້ສົ່ງອອກເຂົ້າ ແລະຜະລິດຕະພັນການກະເສດລະດັບນໍາໜ້າປະເທດນຶ່ງ. ແຕ່ການກວດຫາສານຕົກຄ້າງຂອງຢາປາບສັດຕູພືດ ກໍາລັງສ້າງຄວາມເປັນຫ່ວງຂຶ້ນມາກ່ຽວກັບວ່າອາຫານເຫຼົ່ານີ້ປອດໄພດີບໍ່.
ຢູ່ໃນເຂດພູດອຍທາງພາກເໜືອຂອງປະເທດໄທ ພວກຄົນງານເຮັດສວນ ເຊັ່ນນາຍ ອິນສອນ ປະເຊີນກັບຄວາມກົດດັນຢ່າງບໍ່ລົດລະໃນການຜະລິດໃຫ້ໄດ້ຫຼາຍທີ່ສຸດສໍາລັບພວກລູກຄ້າໃນຕ່າງປະເທດ. ນາຫຼືສວນຫຼາຍໆແຫ່ງອາໄສການນໍາເຂົ້າຢາເຄມີຂ້າແມງໄມ້ແລະປຸ໋ຍ ເພື່ອຊ່ວຍຜົນຜະລິດໃຫ້ໄດ້ຕາມຄວາມຕ້ອງການ ແຕ່ເຖິງແມ່ນວ່າຢາເຄມີຕ່າງໆ ມີພຽງພໍແລ້ວກໍຕາມ ພວກຄົນງານຫຼາຍຄົນກໍບໍ່ແນ່ໃຈ ວ່າຈະໃຊ້ຢາເຫຼົ່ານີ້ໄດ້ຢ່າງຖືກຕ້ອງປອດໄພແບບໃດ.
ນາຍອິນສອນເວົ້າວ່າ: “ພວກຢາຂ້າແມງໄມ້ຕ່າງໆ ມາຈາກຕ່າງປະເທດ ສະນັ້ນພວກເຮົາກໍໃຊ້ມັນໂດຍບໍ່ຮູ້ວິທີການທີ່ຖືກຕ້ອງ ຊື້ກໍງ່າຍ ຂ້ອຍກໍບໍ່ຮູ້ວ່າ ພວກຢາ ຂ້າແມງດັ່ງກ່າວນີ້ມີຜົນຄ້າງຄຽງທາງລົບຫຼືບໍ່.”
ການສະແຫວງຫາຂອງປະເທດໄທເພື່ອເພີ່ມຜົນຜະລິດຂອງຕົນໃຫ້ຫຼາຍຂຶ້ນ ນັ້ນ ແມ່ນໄດ້ນໍາໄປສູ່ຄວາມຕ້ອງການໃນການຊົມໃຊ້ສານເຄມີກະເສດເພີ່ມຂຶ້ນເປັນສາມເທົ່າຕົວໃນໄລຍະ 10 ປີຜ່ານມານີ້. ເວົ້າໄດ້ວ່າ ບັດນີ້ການຊົມໃຊ້ສານເຄມີການກະເສດໃນໄທ ແມ່ນບໍ່ນ້ອຍໜ້າບັນດາປະເທດເພື່ອນບ້ານທີ່ໃຊ້ກັນຢ່າງກວ້າງ ເຊັ່ນ ຈີນ ແລະອິນເດຍ ບ່ອນທີ່ການຊົມໃຊ້ຢາ ຂ້າແມງໄມ້ແບບບໍ່ຖືກວິທີການດ້ານຄວາມປອດໄພ ຖືກບັນທຶກໄວ້.
ຕົກມາປັດຈຸບັນນີ້ ແມ່ນແຕ່ພາຍໃນປະເທດໄທເອັງກໍເກີດເປັນຫ່ວງຂຶ້ນມາວ່າ ສານເຄມີຂ້າແມງໄມ້ເຫຼົ່ານີ້ໄດ້ສົ່ງຜົນກະທົບຕໍ່ຄວາມປອດໄພຂອງອາ ຫານຢ່າງໃດຫຼືບໍ່.
ການຕັກເຕືອນຊໍ້າແລ້ວຊໍ້າອີກຈາກສະຫະພາບຢູໂຣບທີ່ຂົ່ມຂູ່ວ່າຈະສັ່ງຫ້າມ ການຊື້ ພວກຜັກສົດບາງຊະນິດຂອງໄທ ໄດ້ຍັງຜົນໃຫ້ມີການບັງຄັບປະຕິບັດຢຸດການສົ່ງອອກເອັງເມື່ອປີຜ່ານມາພ້ອມກັບຄໍາໝັ້ນສັນຍາຂອງລັດຖະບານ ທີ່ຈະສະສາງອຸດສາຫະກໍາດັ່ງກ່າວ.
ກຸ່ມສິ້ງຊອມທ້ອງຖິ່ນຫຼາຍກຸ່ມ ບໍ່ໝັ້ນໃຈວ່າຜົນປະໂຫຍດທີ່ດີທີ່ສຸດຂອງພວກ ອຸບປະໂພກບໍລິໂພກ ທັງລະດັບທ້ອງຖິ່ນແລະຕ່າງປະເທດນັ້ນວ່າໄດ້ຖືກຍົກຂຶ້ນມາເວົ້າກັນບໍ່
ການກວດຕົວຢ່າງຜົນລະປູກໃນບໍ່ເທົ່າໃດເດືອນຜ່ານມາບໍ່ດົນນີ້ ພົບເຫັນວ່າມີ ສານພິດເຄມີຕົກຄ້າງຢູ່ໃນພວກຜັກສົດທີ່ວາງຂາຍຢູ່ຕາມຕະຫຼາດ ໃນ ລະດັບທີ່ໜ້າຕົກໃຈ ຊຶ່ງໂຮມທັງສານເຄມີທີ່ພາໃຫ້ເກີດໂຣກມະເຮັງທີ່ໄດ້ສັ່ງຫ້າມຢູ່ໃນບາງປະເທດຢູ່ແລ້ວ. ນາງ ແກ້ ສຸພາບ ເປັນຫົວໜ້າກຸ່ມ ຊີວະພາບໄທ ຫຼື Bio Thai ຊຶ່ງເປັນກຸ່ມສຶກສາກ່ຽວກັບວິທີການປູກຝັງຕ່າງໆ ໃນປະເທດໄທ.
ນາງສຸພາບ ເວົ້າວ່າ: “ຕົ້ນຕໍທີ່ມາຂອງວັດຖຸເຄມີນີ້ ພວກເຮົາບໍ່ໄດ້ມີການຄວບຄຸມທີ່ເໝາະສົມ ເພື່ອວາງຂອບເຂດຈໍາກັດຂອງການໃຊ້ຢ່າງຖືກຕ້ອງຕັ້ງແຕ່ຫົວທີພຸ້ນແລ້ວ ແລະຕໍ່ມາ ເວລາຈະນໍາເອົາມາໃຊ້ກັນ ພວກເຮົາກໍບໍ່ມີລະບົບ ທີ່ຖືກຕ້ອງເພື່ອປະຕິບັດກັບມັນ ເພື່ອເຝີກອົບລົມ ແລະສິດສອນພວກປະຊາຊົນ ເພື່ອວາງຂໍ້ຈໍາກັດຂອງການນຳໃຊ້ທຸກໆວິທີການທີ່ເໝາະສົມ.”
ຂະນະດຽວກັນ ກະຊວງສາທາລະນະສຸກຂອງໄທ ໄດ້ທໍາການກວດເລືອດໃນກຸ່ມປະຊາຄົມຊາວໄຮ່ຊາວນາ ເພື່ອຕິດຕາມເບິ່ງລະດັບສານພິດ Organophosphate ຊຶ່ງເປັນສານສໍາຄັນທີ່ມັກຈະພົບເຫັນຢູ່ໃນຢາຂ້າແມງຊະນິດຕ່າງໆນັ້ນ.
ດຣ. ອູ໋ ຈໍາລອງ ກ່າວວ່າ: ຜົນການກວດ ຈະເຮັດໃຫ້ຫຼາຍຄົນປະຫຼາດໃຈ ກ່ຽວກັບບັນຫາສຸຂະພາບໃນອະນາຄົດທີ່ພວກເຂົາເຈົ້າອາດຈະປະເຊີນ.
ດຣ. ຈໍາລອງ ກ່າວວ່າ: “ປັດຈຸບັນນີ້ ຊາວນາຊາວສວນ ແລະພວກອຸບປະໂພກ ບໍລິໂພກຫຼາຍໆຄົນ ສ່ຽງຕໍ່ສານພິດຢາຂ້າແມງໄມ້ ຕົກຄ້າງຢູ່ໃນຮ່າງ ກາຍຂອງພວກເຂົາເຈົ້າ. ຊາວນາຊາວສວນສ່ວນໃຫຍ່ສີດຢາຂ້າແມງໄມ້ໃສ່ພືດຜັກຂອງພວກເຂົາເຈົ້າ ພວກອຸບປະໂພກບໍລິໂພກຈະໄດ້ຮັບພິດຢາຂ້າແມງໄມ້ ຍ້ອນການກິນຜັກແລະໝາກໄມ້ສົດຈາກສວນຜັກເຫລົ່ານັ້ນ.”
ຕາມທີ່ລັດຖະບານຊຸກຍູ້ສົ່ງເສີມ ໃຫ້ໄທເປັນເໝືອນຫ້ອງຄົວກິນຂອງໂລກ ນັ້ນ ບັນດາ ນັກວິເຄາະກ່າວວ່າ ລັດຖະບານຕ້ອງທໍາການແກ້ໄຂປັບປຸງກົດລະບຽບແລະຂໍ້ຈໍາກັດຮັດແຄບຢ່າງເອົາຈິງເອົາຈັງ ແລະຂໍ້ບັງຄັບເຫຼົ່ານີ້ຈຳ ເປັນຕ້ອງໄດ້ມີການຈັດຕັ້ງປະຕິບັດ ເພື່ອວ່າການປະຕິຮູບຕ່າງຈະມີຂຶ້ນຢ່າງ ຈິງຈັງ ເພື່ອພິທັກປົກປ້ອງ ທັງພວກອຸບປະໂພກບໍລິໂພກ ແລະພວກຄົນງານທີ່ເຮັດໄຮ່ເຮັດນາ ຈາກພວກເຄມີພິດດັ່ງກ່າວ.
ເບິ່ງວີດີໂອລາຍງານນີ້ ເປັນພາສາອັງກິດ:
ຢູ່ໃນເຂດພູດອຍທາງພາກເໜືອຂອງປະເທດໄທ ພວກຄົນງານເຮັດສວນ ເຊັ່ນນາຍ ອິນສອນ ປະເຊີນກັບຄວາມກົດດັນຢ່າງບໍ່ລົດລະໃນການຜະລິດໃຫ້ໄດ້ຫຼາຍທີ່ສຸດສໍາລັບພວກລູກຄ້າໃນຕ່າງປະເທດ. ນາຫຼືສວນຫຼາຍໆແຫ່ງອາໄສການນໍາເຂົ້າຢາເຄມີຂ້າແມງໄມ້ແລະປຸ໋ຍ ເພື່ອຊ່ວຍຜົນຜະລິດໃຫ້ໄດ້ຕາມຄວາມຕ້ອງການ ແຕ່ເຖິງແມ່ນວ່າຢາເຄມີຕ່າງໆ ມີພຽງພໍແລ້ວກໍຕາມ ພວກຄົນງານຫຼາຍຄົນກໍບໍ່ແນ່ໃຈ ວ່າຈະໃຊ້ຢາເຫຼົ່ານີ້ໄດ້ຢ່າງຖືກຕ້ອງປອດໄພແບບໃດ.
ນາຍອິນສອນເວົ້າວ່າ: “ພວກຢາຂ້າແມງໄມ້ຕ່າງໆ ມາຈາກຕ່າງປະເທດ ສະນັ້ນພວກເຮົາກໍໃຊ້ມັນໂດຍບໍ່ຮູ້ວິທີການທີ່ຖືກຕ້ອງ ຊື້ກໍງ່າຍ ຂ້ອຍກໍບໍ່ຮູ້ວ່າ ພວກຢາ ຂ້າແມງດັ່ງກ່າວນີ້ມີຜົນຄ້າງຄຽງທາງລົບຫຼືບໍ່.”
ການສະແຫວງຫາຂອງປະເທດໄທເພື່ອເພີ່ມຜົນຜະລິດຂອງຕົນໃຫ້ຫຼາຍຂຶ້ນ ນັ້ນ ແມ່ນໄດ້ນໍາໄປສູ່ຄວາມຕ້ອງການໃນການຊົມໃຊ້ສານເຄມີກະເສດເພີ່ມຂຶ້ນເປັນສາມເທົ່າຕົວໃນໄລຍະ 10 ປີຜ່ານມານີ້. ເວົ້າໄດ້ວ່າ ບັດນີ້ການຊົມໃຊ້ສານເຄມີການກະເສດໃນໄທ ແມ່ນບໍ່ນ້ອຍໜ້າບັນດາປະເທດເພື່ອນບ້ານທີ່ໃຊ້ກັນຢ່າງກວ້າງ ເຊັ່ນ ຈີນ ແລະອິນເດຍ ບ່ອນທີ່ການຊົມໃຊ້ຢາ ຂ້າແມງໄມ້ແບບບໍ່ຖືກວິທີການດ້ານຄວາມປອດໄພ ຖືກບັນທຶກໄວ້.
ຕົກມາປັດຈຸບັນນີ້ ແມ່ນແຕ່ພາຍໃນປະເທດໄທເອັງກໍເກີດເປັນຫ່ວງຂຶ້ນມາວ່າ ສານເຄມີຂ້າແມງໄມ້ເຫຼົ່ານີ້ໄດ້ສົ່ງຜົນກະທົບຕໍ່ຄວາມປອດໄພຂອງອາ ຫານຢ່າງໃດຫຼືບໍ່.
ການຕັກເຕືອນຊໍ້າແລ້ວຊໍ້າອີກຈາກສະຫະພາບຢູໂຣບທີ່ຂົ່ມຂູ່ວ່າຈະສັ່ງຫ້າມ ການຊື້ ພວກຜັກສົດບາງຊະນິດຂອງໄທ ໄດ້ຍັງຜົນໃຫ້ມີການບັງຄັບປະຕິບັດຢຸດການສົ່ງອອກເອັງເມື່ອປີຜ່ານມາພ້ອມກັບຄໍາໝັ້ນສັນຍາຂອງລັດຖະບານ ທີ່ຈະສະສາງອຸດສາຫະກໍາດັ່ງກ່າວ.
ກຸ່ມສິ້ງຊອມທ້ອງຖິ່ນຫຼາຍກຸ່ມ ບໍ່ໝັ້ນໃຈວ່າຜົນປະໂຫຍດທີ່ດີທີ່ສຸດຂອງພວກ ອຸບປະໂພກບໍລິໂພກ ທັງລະດັບທ້ອງຖິ່ນແລະຕ່າງປະເທດນັ້ນວ່າໄດ້ຖືກຍົກຂຶ້ນມາເວົ້າກັນບໍ່
ການກວດຕົວຢ່າງຜົນລະປູກໃນບໍ່ເທົ່າໃດເດືອນຜ່ານມາບໍ່ດົນນີ້ ພົບເຫັນວ່າມີ ສານພິດເຄມີຕົກຄ້າງຢູ່ໃນພວກຜັກສົດທີ່ວາງຂາຍຢູ່ຕາມຕະຫຼາດ ໃນ ລະດັບທີ່ໜ້າຕົກໃຈ ຊຶ່ງໂຮມທັງສານເຄມີທີ່ພາໃຫ້ເກີດໂຣກມະເຮັງທີ່ໄດ້ສັ່ງຫ້າມຢູ່ໃນບາງປະເທດຢູ່ແລ້ວ. ນາງ ແກ້ ສຸພາບ ເປັນຫົວໜ້າກຸ່ມ ຊີວະພາບໄທ ຫຼື Bio Thai ຊຶ່ງເປັນກຸ່ມສຶກສາກ່ຽວກັບວິທີການປູກຝັງຕ່າງໆ ໃນປະເທດໄທ.
ນາງສຸພາບ ເວົ້າວ່າ: “ຕົ້ນຕໍທີ່ມາຂອງວັດຖຸເຄມີນີ້ ພວກເຮົາບໍ່ໄດ້ມີການຄວບຄຸມທີ່ເໝາະສົມ ເພື່ອວາງຂອບເຂດຈໍາກັດຂອງການໃຊ້ຢ່າງຖືກຕ້ອງຕັ້ງແຕ່ຫົວທີພຸ້ນແລ້ວ ແລະຕໍ່ມາ ເວລາຈະນໍາເອົາມາໃຊ້ກັນ ພວກເຮົາກໍບໍ່ມີລະບົບ ທີ່ຖືກຕ້ອງເພື່ອປະຕິບັດກັບມັນ ເພື່ອເຝີກອົບລົມ ແລະສິດສອນພວກປະຊາຊົນ ເພື່ອວາງຂໍ້ຈໍາກັດຂອງການນຳໃຊ້ທຸກໆວິທີການທີ່ເໝາະສົມ.”
ຂະນະດຽວກັນ ກະຊວງສາທາລະນະສຸກຂອງໄທ ໄດ້ທໍາການກວດເລືອດໃນກຸ່ມປະຊາຄົມຊາວໄຮ່ຊາວນາ ເພື່ອຕິດຕາມເບິ່ງລະດັບສານພິດ Organophosphate ຊຶ່ງເປັນສານສໍາຄັນທີ່ມັກຈະພົບເຫັນຢູ່ໃນຢາຂ້າແມງຊະນິດຕ່າງໆນັ້ນ.
ດຣ. ອູ໋ ຈໍາລອງ ກ່າວວ່າ: ຜົນການກວດ ຈະເຮັດໃຫ້ຫຼາຍຄົນປະຫຼາດໃຈ ກ່ຽວກັບບັນຫາສຸຂະພາບໃນອະນາຄົດທີ່ພວກເຂົາເຈົ້າອາດຈະປະເຊີນ.
ດຣ. ຈໍາລອງ ກ່າວວ່າ: “ປັດຈຸບັນນີ້ ຊາວນາຊາວສວນ ແລະພວກອຸບປະໂພກ ບໍລິໂພກຫຼາຍໆຄົນ ສ່ຽງຕໍ່ສານພິດຢາຂ້າແມງໄມ້ ຕົກຄ້າງຢູ່ໃນຮ່າງ ກາຍຂອງພວກເຂົາເຈົ້າ. ຊາວນາຊາວສວນສ່ວນໃຫຍ່ສີດຢາຂ້າແມງໄມ້ໃສ່ພືດຜັກຂອງພວກເຂົາເຈົ້າ ພວກອຸບປະໂພກບໍລິໂພກຈະໄດ້ຮັບພິດຢາຂ້າແມງໄມ້ ຍ້ອນການກິນຜັກແລະໝາກໄມ້ສົດຈາກສວນຜັກເຫລົ່ານັ້ນ.”
ຕາມທີ່ລັດຖະບານຊຸກຍູ້ສົ່ງເສີມ ໃຫ້ໄທເປັນເໝືອນຫ້ອງຄົວກິນຂອງໂລກ ນັ້ນ ບັນດາ ນັກວິເຄາະກ່າວວ່າ ລັດຖະບານຕ້ອງທໍາການແກ້ໄຂປັບປຸງກົດລະບຽບແລະຂໍ້ຈໍາກັດຮັດແຄບຢ່າງເອົາຈິງເອົາຈັງ ແລະຂໍ້ບັງຄັບເຫຼົ່ານີ້ຈຳ ເປັນຕ້ອງໄດ້ມີການຈັດຕັ້ງປະຕິບັດ ເພື່ອວ່າການປະຕິຮູບຕ່າງຈະມີຂຶ້ນຢ່າງ ຈິງຈັງ ເພື່ອພິທັກປົກປ້ອງ ທັງພວກອຸບປະໂພກບໍລິໂພກ ແລະພວກຄົນງານທີ່ເຮັດໄຮ່ເຮັດນາ ຈາກພວກເຄມີພິດດັ່ງກ່າວ.
ເບິ່ງວີດີໂອລາຍງານນີ້ ເປັນພາສາອັງກິດ:
