ບັນດານັກເຄື່ອນໄຫວດ້ານແຮງງານໃນໄທ ຕ່າງກໍພາກັນສະ
ແດງຄວາມຍິນດີກັບການຕໍ່ອາຍຸ ວັນເສັ້ນຕາຍຂອງລັດຖະ
ບານອອກໄປອີກ ສໍາລັບປິດວັນປະກອບເອກະສານໃຫ້ຖືກ
ຕ້ອງຕາມກົດໝາຍຂອງພວກຄົນງານຊາວຕ່າງດ້າວ ສອງ
ລ້ານຄົນ ທີ່ບໍ່ມີເອກະສານຖືກຕ້ອງຕາມກົດໝາຍໄທ. ບັດນີ້
ພວກຄົນງານຊາວຕ່າງດ້າວຜິດກົດໝາຍ ຈະມີເວລາຕື່ມອີກ
ສີ່ເດືອນ ສໍາລັບໄປຈົດທະບຽນໃຫ້ຖືກຕ້ອງ ຜ່ານຂັ້ນຕອນທີ່
ເຮັດໃຫ້ງ່າຍຂຶ້ນ. ແຕ່ບັນດານັກເຄື່ອນໄຫວເວົ້າວ່າ ກົດລະ
ບຽບໃໝ່ກໍຍັງມີຊ່ອງຫວ່າງ ທີ່ເຮັດໃຫ້ເອົາປຽບພວກຄົນງານ
ຕ່າງດ້າວໄດ້ຢູ່ ຊຶ່ງສ່ວນໃຫຍ່ແມ່ນຄົນງານຈາກມຽນມາ ກໍາປູ
ເຈຍ ແລະລາວ.
ອາທິດແລ້ວນີ້ ໄທໄດ້ປະກາດ ຕໍ່ອາຍຸວັນເສັ້ນຕາຍອອກໄປອີກສີ່ເດືອນ ເພື່ອໃຫ້ພວກຄົນ ງານຕ່າງດ້າວ ທີ່ບໍ່ມີເອກະສານນັ້ນ ມີເວລາໄປຈົດທະບຽນ ໃຫ້ຖືກຕ້ອງ.
ການຕໍ່ອາຍຸດັ່ງກ່າວນີ້ມີຂຶ້ນ ຫຼັງຈາກມີການຖົກຖຽງໂຕ້ແຍ້ງກັນ ກ່ຽວກັບວັນເສັ້ນຕາຍເກົ່າ
ຄືວັນທີ 14 ທັນວາ ແລະຄໍາຂູ່ຂອງລັດຖະບານທີ່ວ່າ ຈະເນລະເທດພວກຄົນງານຕ່າງ
ດ້າວ ນຶ່ງລ້ານກວ່າຄົນນັ້ນ.
ປັດຈຸບັນນີ້ ໄທມີຄົນງານຕ່າງດ້າວຢູ່ປະມານສອງລ້ານຫ້າແສນຄົນ ສ່ວນໃຫຍ່ແມ່ນຊາວ
ມຽນມາ ແຕ່ໃນນັ້ນ ມີບໍ່ເຖິງນຶ່ງລ້ານຄົນ ທີ່ໄດ້ໄປຈົດທະບຽນ ທ່ວງທັນກັບວັນເສັ້ນຕາຍ
ເພື່ອໃຫ້ໄດ້ຮັບໃບອະນຸຍາດທໍາງານນັ້ນ.
ເຈົ້າໜ້າທີ່ໄທໄດ້ຂູ່ວ່າຈະເນລະເທດພວກຄົນງານຕ່າງດ້າວທີ່ຍັງບໍ່ມີເອກະສານ ໂຮມທັງ
ຫຼາຍໝື່ນຄົນທີ່ໄດ້ປະກອບເອກກະສານໄປແລ້ວ ແຕ່ຍັງບໍ່ໄດ້ຮັບການອະນຸມັດນັ້ນ.
ທາງການໄທບໍ່ໄດ້ປະຕິບັດຕາມຄໍາຂູ່ທີ່ວ່ານັ້ນ ແລະເມື່ອວັນອັງຄານອາທິດແລ້ວນີ້ ລາຍ
ງານຂ່າວສື່ມວນຊົນໄທເວົ້າວ່າ ໄດ້ມີການບັນລຸຂໍ້ຕົກລົງເພື່ອຕໍ່ ອາຍຸວັນເສັ້ນຕາຍອອກໄປ
ຈົນເຖິງວັນທີ 14 ເມສາ ແລະເປີດໂອກາດໃຫ້ ພວກຄົນງານຕ່າງດ້າວທັງໝົດທີ່ບໍ່ມີເອກະ
ສານ ໄດ້ປະກອບສ່ວນ.
ທາງການໄທບໍ່ໄດ້ເປີດເຜີຍລາຍລະອຽດຫຍັງຫລາຍກ່ຽວກັບເລຶ່ອງນີ້ ແຕ່ບັນດານັກເຄື່ອນ
ໄຫວດ້ານແຮງງານເວົ້າວ່າ ຂັ້ນຕອນການຈົດທະບຽນຈະງ່າຍຂຶ້ນກວ່າເກົ່າ ແລະມີບ່ອນ
ຈົດທະບຽນແຫ່ງໃໝ່ອີກຫຼາຍແຫ່ງເປີດບໍລິການ ເພື່ອໃຫ້ໄວຂຶ້ນ.
Andy Hall ທີ່ທໍາການສໍາຫຼວດກ່ຽວກັບການເຂົ້າເມືອງໃຫ້ມະຫາວິທະຍາໄລມະຫິດົນ ຂອງໄທ ເວົ້າວ່າ ນະໂຍບາຍໃໝ່ນີ້ເປັນການຕ່າວປິ້ນທີ່ສໍາຄັນ.
ທ່ານ ຮອລ ເວົ້າວ່າ: “ຟັງໆເບິ່ງ ຄືຈະເປັນການບໍລິການປະຕູດຽວທີ່ງ່າຍຫຼາຍຂຶ້ນ ແລະຂ້າພະເຈົ້າຄິດວ່າ ປະການສໍາຄັນໃນເວລານີ້ ກໍຄືການຮັບປະກັນໃຫ້ຂັ້ນຕອນ
ອັນນີ້ ມີຄວາມໂປ່ງໃສ ວ່ອງໄວ ທີ່ບໍ່ຖືກຜູກຂາດໂດຍ ພວກນາຍໜ້າ ຫຼືພວກເຈົ້າ
ໜ້າທີ່ ທີ່ສໍ້ລາດບັງຫຼວງ.”
ປະມານ 80 ເປີເຊັນໃນຂອງພວກຄົນງານຕ່າງດ້າວທັງໝົດໃນໄທ ແມ່ນມາຈາກມຽນມາ. ພວກເຂົາເຈົ້າເຮັດວຽກໂຮງຈັກໂຮງງານ ວຽກກໍ່ສ້າງແລະ ອຸດສາຫະກໍາອາຫານທະເລ ແຕ່ສ່ວນຫຼາຍຈະບໍ່ມີເອກກະສານຖືກຕ້ອງ ແລະຕົກເປັນເຫຍື່ອຂອງການຖືກເອົາຮັດ
ເອົາປຽບ.
ໄທໄດ້ຈັດຕັ້ງໂຄງການພິສູດສັນຊາດ ທີ່ໄດ້ຮັບຄວາມຮ່ວມມືຈາກປະເທດ ເພື່ອນບ້ານ ເພື່ອອໍານວຍໃຫ້ພວກຄົນງານຕ່າງດ້າວ ເຮັດວຽກຢູ່ໃນໄທໄດ້ຢ່າງຖືກຕ້ອງຕາມກົດໝາຍ ແລະຫຼຸດຜ່ອນການກົດຂີ່ແຮງງານ.
ພວກຄົນງານຕ່າງດ້າວຈາກມຽນມາ ຈໍານວນນຶ່ງ ທີ່ເຮັດວຽກກໍ່ສ້າງ ຢູ່ໃນໄທ
ແຕ່ບັນດານັກເຄື່ອນໄວເວົ້າວ່າ ຂັ້ນຕອນພິສູດສັນຊາດແມ່ນ
ຫຍຸ້ງຍາກ ຊັກຊ້າ ແລະແພງຫລາຍ. ຂໍ້ກໍານົດທີ່ບັງຄັບໃຫ້
ພວກຄົນງານຮ້ອງຂໍໜັງສືຮັບຮອງຈາກນາຍຈ້າງ ແລະໃຫ້ກັບ
ຄືນເມືອປະເທດກ່ອນນັ້ນ ເປັນການເປີດໂອກາດໃຫ້ພວກນາຍ
ຈ້າງທີ່ກົດຂີ່ ແລະພວກນາຍໜ້າທັງຫຼາຍ ຂູດຮີດເອົາເງິນ ຫຼືບໍ່
ກໍການລັກລອບຄ້າມະນຸດ ແລະບັງຄັບໃຊ້ແຮງງານ ເປັນຕົ້ນ.
Jackie Pollock ຜູ້ອໍານວຍການໂຄງການຊ່ວຍເຫຼືອຄົນຕ່າງ
ດ້າວໃນໄທ ເວົ້າວ່າ ນະໂຍບາຍໃໝ່ນັ້ນເຮັດໃຫ້ງ່າຍຂຶ້ນກໍຈິງຢູ່
ແຕ່ກໍຍັງບັງຄັບໃຫ້ພວກຄົນງານຮ້ອງຂໍເອົາໜັງສືຮັບຮອງຈາກພວກນາຍຈ້າງນັ້ນຢູ່ ແລະ
ກໍບໍ່ແມ່ນວ່າ ພວກນາຍຈ້າງໝົດທຸກຄົນຈະເຕັມໃຈ ທີ່ຈະຈ່າຍຄ່າແຮງງານຕໍ່າສຸດ ຄື 300
ບາດ ຫຼື 10 ໂດລ່າຕໍ່ມື້ ໃຫ້ພວກຄົນງານ ຕາມກົດໝາຍທີ່ອອກໃໝ່ນັ້ນ.
ທ່ານນາງເວົ້າວ່າ: “ສະນັ້ນ ແນ່ນອນວ່າ ນາຍຈ້າງຫຼາຍຄົນຈະບໍ່ຍອມປະຕິບັດຕາມ
ເພາະພວກເຂົາເຈົ້າຢາກຈ່າຍຄ່າແຮງຕໍ່າກວ່າຄ່າແຮງ ຕໍ່າສຸດຂອງລັດຖະບານນັ້ນ. ແລະຂ້າພະເຈົ້າພໍສັນນິຖານໄດ້ວ່າ ພວກນາຍຈ້າງທີ່ວ່ານີ້ສ່ວນໃຫຍ່ ແມ່ນຢູ່ໃນອໍາ
ເພີແມ່ສອດ. ມື້ວານນີ້ ຢູ່ທີ່ກອງປະຊຸມບັ້ນນຶ່ງ ກັບພວກຄົນງານຕ່າງດ້າວໃນແມ່
ສອດ ຂ້າພະເຈົ້າຖາມວ່າ ຄ່າແຮງຕໍ່າສຸດຢູ່ເຂດນີ້ຫຼາຍປານໃດ ເຂົາເຈົ້າຕອບວ່າ
60 ບາດຕໍ່ມື້.”
ໄທໄດ້ປັບຂຶ້ນຄ່າແຮງງານອັດຕາຕໍ່າສຸດ ເມື່ອວັນທີ 1 ມັງກອນຜ່ານມານີ້ ແຕ່ກໍບໍ່ແຈ້ງຂາວ
ວ່າ ໄດ້ມີການບັງຄັບໃຊ້ຢ່າງເຕັມທີ່ຫຼືບໍ່?
ຜ່ານມາ ເພື່ອເຮັດໜັງສືພິສູດສັນຊາດນັ້ນ ພວກຄົນງານຕ້ອງໄດ້ຈ່າຍຄ່າທໍານຽມ ເທົ່າໆກັບ
ເງິນຄ່າແຮງງານຫຼາຍໆເດືອນ ກໍມີ.
ຄ່າທໍານຽມສໍາລັບຂັ້ນຕອນໃໝ່ນີ້ ຍັງບໍ່ໄດ້ປະກາດໃຫ້ຊາບ ແຕ່ທ່ານ Hall ເວົ້າວ່າ ມີການຄາດຄະເນກັນວ່າ ອາດຕົກເປັນປະມານ 400 ໂດລ່າຕໍ່ຄົນກໍໄດ້ ຊຶ່ງຫຼາຍໆຄົນອາດບໍ່ມີເງິນພໍທີ່ຈະຈ່າຍໄດ້ຢ່າງສະບາຍ.
ທ່ານ Hall ເວົ້າວ່າ: “ສໍາລັບພວກຄົນງານ ຫຼາຍໆຄົນທີ່ຂັດສົນເລຶ່ອງເງິນ ເຊັ່ນ
ພວກຄົນງານຈາກມຽນມາ ກໍາປູເຈຍ ແລະລາວນັ້ນ ແມ່ນບໍ່ຍຸຕິທໍາຫຼາຍທີ່ຈະ
ຄິດຄ່າທໍານຽມແພງປານນີ້. ແລະກໍແນ່ນອນວ່າ ຄ່າທໍານຽມ ທີ່ແພງຢ່າງຜິດ
ປົກກະຕິນີ້ ກໍແມ່ນມາຈາກການສໍ້ລາດບັງຫຼວງໃນທຸກໆລະດັບຂອງເຈົ້່າໜ້າ
ທີ່ ທີ່ແບ່ງປັນກັນກິນ. ສະນັ້ນ ຂ້າພະເຈົ້າຄິດວ່າ ຕ້ອງໄດ້ລົບລ້າງອອກໄປ
ເພື່ອໃຫ້ຂັ້ນຕອນນີ້ ປະສົບຜົນສໍາເລັດ.”
ທ່ານ Hall ເວົ້າອີກວ່າ ການປ່ຽນແປງໃນນະໂຍບາຍນີ້ໄດ້ມີຂຶ້ນ ກໍຍ້ອນວ່າ ໄທໄດ້ຮັບຄວາມ
ກົດດັນຈາກທາງການມຽນມາ.
ໃນການຖະແຫຼງຂ່າວສັ້ນໆທີ່ບໍ່ຄ່ອຍຈະມີ ເມື່ອວັນສຸກອາທິດແລ້ວນີ້ ທ່ານ ທິນ ວິນ ເອກອັກ
ຄະລັດຖະທູດມຽນມາປະຈໍາໄທ ບອກພວກນັກຂ່າວຢູ່ບາງກອກວ່າ ພວກເຈົ້າໜ້າທີ່ມຽນມາ
ກໍາລັງປະຕິບັດງານກັບເຈົ້າໜ້າທີ່ໄທ ເພື່ອລົບລ້າງການເອົາຮັດເອົາປຽບ ຄືພວກເຂົາເຈົ້າ
ຢາກຫຼຸດຜ່ອນຄ່າໃຊ້ຈ່າຍລົງ ຫຼຸດບົດບາດຂອງພວກນາຍໜ້າ ແລະກວດລ້າງພວກນາຍຈ້າງ
ທີ່ປະຕິເສດບໍ່ຍອມຈົດທະບຽນພວກຄົນງານ.
ທ່ານເອກອັກຄະລັດຖະທູດເວົ້າວ່າ ໃນເດືອນໜ້ານີ້ ພວກເຂົາເຈົ້າຈະເກັບກໍາຈໍານວນຄົນ ງານມຽນມາທີ່ປະສົງຈະຈົດທະບຽນ. ແລ້ວກໍຈະອອກໜັງສືຜ່ານແດນຊົ່ວຄາວໃຫ້ພວກເຂົາ
ເຈົ້າພາຍໃນສາມເດືອນ ຢູ່ທີ່ສູນບໍລິການປະຕູດຽວທັງ 10 ແຫ່ງ. ຫລັງຈາກນັ້ນ ທາງການ
ໄທກໍຈະອອກໃບອະນຸຍາດໃຫ້ຢູ່ໃນໄທໄດ້.
ທ່ານນາງ ໂພລລັອກ ເວົ້າອີກວ່າ ນອກນີ້ ໄທຍັງຖືກກົດດັນໂດຍສະຫະລັດໃຫ້ສະແດງໃຫ້
ເຫັນວ່າ ໄທກໍາລັງປະຕິບັດການຫຼາຍຂຶ້ນເພື່ອປ້ອງກັນ ການຂູດຮີດແຮງງງານ ແລະການ ລັກລອບຄ້າມະນຸດ ນັ້ນນໍາ.
ທ່ານນາງໂພລລັອກເວົ້າວ່າ: “ດັ່ງທີ່ພວກເຮົາຮູ້ກັນຫັ້ນແຫລະ ລາຍງານການລັກ ລອບຄ້າມະມຸດຂອງສະຫະລັດ ຈະອອກມາໃນເດືອນມິຖຸນາ ແລະຖ້າຫາກວ່າ ໄທຍັງຖືກຈັດຢູ່ໃນບັນຊີພວກປະເທດທີ່ຕ້ອງຕິດຕາມສິ້ງຊອມເບິ່ງ ຄືເກົ່າແລ້ວ ໄທກໍຈະຖືກລົງໂທດໄດ້. ສະນັ້ນ ໄທຈຶ່ງຂຸ້ນຂ້ຽວຕັ້ງໜ້າ ເພື່ອໃຫ້ເປັນທີ່ແນ່ໃຈວ່າ ເລຶ່ອງນີ້ຈະບໍ່ເກີດຂຶ້ນ. ສະຫຼູບແລ້ວ ກໍແມ່ນວ່າການຈັດຕັ້ງປະຕິບັດນະໂຍບາຍ ທີ່ແນ່ນອນວ່າ ຈະຊ່ວຍຫຼຸດຜ່ອນການລັກລອບຄ້າມະນຸດລົງໄດ້ນັ້ນ ແມ່ນຈະ ນອນຢູ່ໃນຜົນປະໂຫຍດຂອງໄທ.”
ໄທເຄີຍໄດ້ຕໍ່ອາຍຸວັນເສັ້ນຕາຍການຈົດທະບຽນພວກຄົນງານຕ່າງດ້າວ ຫຼາຍໆເທື່ອມາແລ້ວ
ແຕ່ມີລ້ານກວ່າຄົນທີ່ບໍ່ເຕັມໃຈ ຫຼືບໍ່ສາມາດເຂົ້າໄປ ຈົດທະບຽນໄດ້.
ທ່ານນາງ ໂພລລັອກ ເວົ້າວ່າ ເຖິງແມ່ນນະໂຍບາຍໃໝ່ເປັນບາດກ້າວໄປຂ້າງໜ້າທີ່ໜ້າຍິນ
ດີນໍາກໍຕາມ ແຕ່ການຕໍ່ອາຍຸອີກສີ່ເດືອນດັ່ງກ່າວນັ້ນ ກໍຍັງບໍ່ພຽງພໍທີ່ຈະຈົດທະບຽນຄົນງານ
ຫຼາຍເຖິງ 2 ລ້ານຄົນໄດ້ທົ່ວເຖິງ.
ມູນນິທິໂຄງການຊ່ວຍເຫຼືອພວກຄົນງານຕ່າງດ້າວ ຫຼື MAP ຂອງທ່ານນາງ ໂພລລັອກ ສະໜັບສະໜຸນໃຫ້ມີໄລຍະການຈົດທະບຽນຢ່າງບໍ່ມີກໍານົດ ຊຶ່ງທ່ານນາງເວົ້າວ່າ ຖ້າບໍ່
ດັ່ງນັ້ນແລ້ວ ທາງການໄທກໍຄົງຈະຂູ່ທີ່ຈະທໍາການເນລະເທດພວກຄົນງານຕ່າງດ້າວເປັນ
ໝູ່ພ້ອມກັນບາດດຽວ ຊໍ້າອີກ ແລະກໍຈະຕ້ອງມີການເຈລະຈາຕໍ່ຮອງກັນ ໃຫ້ຕໍ່ອາຍຸອີກ.
ເອກອັກຄະລັດຖະທູດມຽນມາ ໄດ້ຢືນຢັນຕໍ່ບັນດານັກຂ່າວເມື່ອວັນສຸກອາທິດແລ້ວນີ້ ວ່າ ຖ້າຫາກການຈົດທະບຽນເຮັດບໍ່ແລ້ວ ພາຍໃນທ້າຍເດືອນເມສາ ທາງການມຽນມາກໍຈະ
ຜັກດັນໃຫ້ໄທຕໍ່ອາຍຸວັນເສ້ນຕາຍອອກໄປອີກ.
ເບິ່ງວີດິໂອລາຍງານພາສາລາວ ກ່ຽວກັບຄົນງານຕ່າງດ້າວຊາວມຽນມາໃນໄທ:
ແດງຄວາມຍິນດີກັບການຕໍ່ອາຍຸ ວັນເສັ້ນຕາຍຂອງລັດຖະ
ບານອອກໄປອີກ ສໍາລັບປິດວັນປະກອບເອກະສານໃຫ້ຖືກ
ຕ້ອງຕາມກົດໝາຍຂອງພວກຄົນງານຊາວຕ່າງດ້າວ ສອງ
ລ້ານຄົນ ທີ່ບໍ່ມີເອກະສານຖືກຕ້ອງຕາມກົດໝາຍໄທ. ບັດນີ້
ພວກຄົນງານຊາວຕ່າງດ້າວຜິດກົດໝາຍ ຈະມີເວລາຕື່ມອີກ
ສີ່ເດືອນ ສໍາລັບໄປຈົດທະບຽນໃຫ້ຖືກຕ້ອງ ຜ່ານຂັ້ນຕອນທີ່
ເຮັດໃຫ້ງ່າຍຂຶ້ນ. ແຕ່ບັນດານັກເຄື່ອນໄຫວເວົ້າວ່າ ກົດລະ
ບຽບໃໝ່ກໍຍັງມີຊ່ອງຫວ່າງ ທີ່ເຮັດໃຫ້ເອົາປຽບພວກຄົນງານ
ຕ່າງດ້າວໄດ້ຢູ່ ຊຶ່ງສ່ວນໃຫຍ່ແມ່ນຄົນງານຈາກມຽນມາ ກໍາປູ
ເຈຍ ແລະລາວ.
ອາທິດແລ້ວນີ້ ໄທໄດ້ປະກາດ ຕໍ່ອາຍຸວັນເສັ້ນຕາຍອອກໄປອີກສີ່ເດືອນ ເພື່ອໃຫ້ພວກຄົນ ງານຕ່າງດ້າວ ທີ່ບໍ່ມີເອກະສານນັ້ນ ມີເວລາໄປຈົດທະບຽນ ໃຫ້ຖືກຕ້ອງ.
ການຕໍ່ອາຍຸດັ່ງກ່າວນີ້ມີຂຶ້ນ ຫຼັງຈາກມີການຖົກຖຽງໂຕ້ແຍ້ງກັນ ກ່ຽວກັບວັນເສັ້ນຕາຍເກົ່າ
ຄືວັນທີ 14 ທັນວາ ແລະຄໍາຂູ່ຂອງລັດຖະບານທີ່ວ່າ ຈະເນລະເທດພວກຄົນງານຕ່າງ
ດ້າວ ນຶ່ງລ້ານກວ່າຄົນນັ້ນ.
ປັດຈຸບັນນີ້ ໄທມີຄົນງານຕ່າງດ້າວຢູ່ປະມານສອງລ້ານຫ້າແສນຄົນ ສ່ວນໃຫຍ່ແມ່ນຊາວ
ມຽນມາ ແຕ່ໃນນັ້ນ ມີບໍ່ເຖິງນຶ່ງລ້ານຄົນ ທີ່ໄດ້ໄປຈົດທະບຽນ ທ່ວງທັນກັບວັນເສັ້ນຕາຍ
ເພື່ອໃຫ້ໄດ້ຮັບໃບອະນຸຍາດທໍາງານນັ້ນ.
ເຈົ້າໜ້າທີ່ໄທໄດ້ຂູ່ວ່າຈະເນລະເທດພວກຄົນງານຕ່າງດ້າວທີ່ຍັງບໍ່ມີເອກະສານ ໂຮມທັງ
ຫຼາຍໝື່ນຄົນທີ່ໄດ້ປະກອບເອກກະສານໄປແລ້ວ ແຕ່ຍັງບໍ່ໄດ້ຮັບການອະນຸມັດນັ້ນ.
ທາງການໄທບໍ່ໄດ້ປະຕິບັດຕາມຄໍາຂູ່ທີ່ວ່ານັ້ນ ແລະເມື່ອວັນອັງຄານອາທິດແລ້ວນີ້ ລາຍ
ງານຂ່າວສື່ມວນຊົນໄທເວົ້າວ່າ ໄດ້ມີການບັນລຸຂໍ້ຕົກລົງເພື່ອຕໍ່ ອາຍຸວັນເສັ້ນຕາຍອອກໄປ
ຈົນເຖິງວັນທີ 14 ເມສາ ແລະເປີດໂອກາດໃຫ້ ພວກຄົນງານຕ່າງດ້າວທັງໝົດທີ່ບໍ່ມີເອກະ
ສານ ໄດ້ປະກອບສ່ວນ.
ທາງການໄທບໍ່ໄດ້ເປີດເຜີຍລາຍລະອຽດຫຍັງຫລາຍກ່ຽວກັບເລຶ່ອງນີ້ ແຕ່ບັນດານັກເຄື່ອນ
ໄຫວດ້ານແຮງງານເວົ້າວ່າ ຂັ້ນຕອນການຈົດທະບຽນຈະງ່າຍຂຶ້ນກວ່າເກົ່າ ແລະມີບ່ອນ
ຈົດທະບຽນແຫ່ງໃໝ່ອີກຫຼາຍແຫ່ງເປີດບໍລິການ ເພື່ອໃຫ້ໄວຂຶ້ນ.
Andy Hall ທີ່ທໍາການສໍາຫຼວດກ່ຽວກັບການເຂົ້າເມືອງໃຫ້ມະຫາວິທະຍາໄລມະຫິດົນ ຂອງໄທ ເວົ້າວ່າ ນະໂຍບາຍໃໝ່ນີ້ເປັນການຕ່າວປິ້ນທີ່ສໍາຄັນ.
ທ່ານ ຮອລ ເວົ້າວ່າ: “ຟັງໆເບິ່ງ ຄືຈະເປັນການບໍລິການປະຕູດຽວທີ່ງ່າຍຫຼາຍຂຶ້ນ ແລະຂ້າພະເຈົ້າຄິດວ່າ ປະການສໍາຄັນໃນເວລານີ້ ກໍຄືການຮັບປະກັນໃຫ້ຂັ້ນຕອນ
ອັນນີ້ ມີຄວາມໂປ່ງໃສ ວ່ອງໄວ ທີ່ບໍ່ຖືກຜູກຂາດໂດຍ ພວກນາຍໜ້າ ຫຼືພວກເຈົ້າ
ໜ້າທີ່ ທີ່ສໍ້ລາດບັງຫຼວງ.”
ປະມານ 80 ເປີເຊັນໃນຂອງພວກຄົນງານຕ່າງດ້າວທັງໝົດໃນໄທ ແມ່ນມາຈາກມຽນມາ. ພວກເຂົາເຈົ້າເຮັດວຽກໂຮງຈັກໂຮງງານ ວຽກກໍ່ສ້າງແລະ ອຸດສາຫະກໍາອາຫານທະເລ ແຕ່ສ່ວນຫຼາຍຈະບໍ່ມີເອກກະສານຖືກຕ້ອງ ແລະຕົກເປັນເຫຍື່ອຂອງການຖືກເອົາຮັດ
ເອົາປຽບ.
ໄທໄດ້ຈັດຕັ້ງໂຄງການພິສູດສັນຊາດ ທີ່ໄດ້ຮັບຄວາມຮ່ວມມືຈາກປະເທດ ເພື່ອນບ້ານ ເພື່ອອໍານວຍໃຫ້ພວກຄົນງານຕ່າງດ້າວ ເຮັດວຽກຢູ່ໃນໄທໄດ້ຢ່າງຖືກຕ້ອງຕາມກົດໝາຍ ແລະຫຼຸດຜ່ອນການກົດຂີ່ແຮງງານ.
ແຕ່ບັນດານັກເຄື່ອນໄວເວົ້າວ່າ ຂັ້ນຕອນພິສູດສັນຊາດແມ່ນ
ຫຍຸ້ງຍາກ ຊັກຊ້າ ແລະແພງຫລາຍ. ຂໍ້ກໍານົດທີ່ບັງຄັບໃຫ້
ພວກຄົນງານຮ້ອງຂໍໜັງສືຮັບຮອງຈາກນາຍຈ້າງ ແລະໃຫ້ກັບ
ຄືນເມືອປະເທດກ່ອນນັ້ນ ເປັນການເປີດໂອກາດໃຫ້ພວກນາຍ
ຈ້າງທີ່ກົດຂີ່ ແລະພວກນາຍໜ້າທັງຫຼາຍ ຂູດຮີດເອົາເງິນ ຫຼືບໍ່
ກໍການລັກລອບຄ້າມະນຸດ ແລະບັງຄັບໃຊ້ແຮງງານ ເປັນຕົ້ນ.
Jackie Pollock ຜູ້ອໍານວຍການໂຄງການຊ່ວຍເຫຼືອຄົນຕ່າງ
ດ້າວໃນໄທ ເວົ້າວ່າ ນະໂຍບາຍໃໝ່ນັ້ນເຮັດໃຫ້ງ່າຍຂຶ້ນກໍຈິງຢູ່
ແຕ່ກໍຍັງບັງຄັບໃຫ້ພວກຄົນງານຮ້ອງຂໍເອົາໜັງສືຮັບຮອງຈາກພວກນາຍຈ້າງນັ້ນຢູ່ ແລະ
ກໍບໍ່ແມ່ນວ່າ ພວກນາຍຈ້າງໝົດທຸກຄົນຈະເຕັມໃຈ ທີ່ຈະຈ່າຍຄ່າແຮງງານຕໍ່າສຸດ ຄື 300
ບາດ ຫຼື 10 ໂດລ່າຕໍ່ມື້ ໃຫ້ພວກຄົນງານ ຕາມກົດໝາຍທີ່ອອກໃໝ່ນັ້ນ.
ທ່ານນາງເວົ້າວ່າ: “ສະນັ້ນ ແນ່ນອນວ່າ ນາຍຈ້າງຫຼາຍຄົນຈະບໍ່ຍອມປະຕິບັດຕາມ
ເພາະພວກເຂົາເຈົ້າຢາກຈ່າຍຄ່າແຮງຕໍ່າກວ່າຄ່າແຮງ ຕໍ່າສຸດຂອງລັດຖະບານນັ້ນ. ແລະຂ້າພະເຈົ້າພໍສັນນິຖານໄດ້ວ່າ ພວກນາຍຈ້າງທີ່ວ່ານີ້ສ່ວນໃຫຍ່ ແມ່ນຢູ່ໃນອໍາ
ເພີແມ່ສອດ. ມື້ວານນີ້ ຢູ່ທີ່ກອງປະຊຸມບັ້ນນຶ່ງ ກັບພວກຄົນງານຕ່າງດ້າວໃນແມ່
ສອດ ຂ້າພະເຈົ້າຖາມວ່າ ຄ່າແຮງຕໍ່າສຸດຢູ່ເຂດນີ້ຫຼາຍປານໃດ ເຂົາເຈົ້າຕອບວ່າ
60 ບາດຕໍ່ມື້.”
ໄທໄດ້ປັບຂຶ້ນຄ່າແຮງງານອັດຕາຕໍ່າສຸດ ເມື່ອວັນທີ 1 ມັງກອນຜ່ານມານີ້ ແຕ່ກໍບໍ່ແຈ້ງຂາວ
ວ່າ ໄດ້ມີການບັງຄັບໃຊ້ຢ່າງເຕັມທີ່ຫຼືບໍ່?
ຜ່ານມາ ເພື່ອເຮັດໜັງສືພິສູດສັນຊາດນັ້ນ ພວກຄົນງານຕ້ອງໄດ້ຈ່າຍຄ່າທໍານຽມ ເທົ່າໆກັບ
ເງິນຄ່າແຮງງານຫຼາຍໆເດືອນ ກໍມີ.
ຄ່າທໍານຽມສໍາລັບຂັ້ນຕອນໃໝ່ນີ້ ຍັງບໍ່ໄດ້ປະກາດໃຫ້ຊາບ ແຕ່ທ່ານ Hall ເວົ້າວ່າ ມີການຄາດຄະເນກັນວ່າ ອາດຕົກເປັນປະມານ 400 ໂດລ່າຕໍ່ຄົນກໍໄດ້ ຊຶ່ງຫຼາຍໆຄົນອາດບໍ່ມີເງິນພໍທີ່ຈະຈ່າຍໄດ້ຢ່າງສະບາຍ.
ທ່ານ Hall ເວົ້າວ່າ: “ສໍາລັບພວກຄົນງານ ຫຼາຍໆຄົນທີ່ຂັດສົນເລຶ່ອງເງິນ ເຊັ່ນ
ພວກຄົນງານຈາກມຽນມາ ກໍາປູເຈຍ ແລະລາວນັ້ນ ແມ່ນບໍ່ຍຸຕິທໍາຫຼາຍທີ່ຈະ
ຄິດຄ່າທໍານຽມແພງປານນີ້. ແລະກໍແນ່ນອນວ່າ ຄ່າທໍານຽມ ທີ່ແພງຢ່າງຜິດ
ປົກກະຕິນີ້ ກໍແມ່ນມາຈາກການສໍ້ລາດບັງຫຼວງໃນທຸກໆລະດັບຂອງເຈົ້່າໜ້າ
ທີ່ ທີ່ແບ່ງປັນກັນກິນ. ສະນັ້ນ ຂ້າພະເຈົ້າຄິດວ່າ ຕ້ອງໄດ້ລົບລ້າງອອກໄປ
ເພື່ອໃຫ້ຂັ້ນຕອນນີ້ ປະສົບຜົນສໍາເລັດ.”
ທ່ານ Hall ເວົ້າອີກວ່າ ການປ່ຽນແປງໃນນະໂຍບາຍນີ້ໄດ້ມີຂຶ້ນ ກໍຍ້ອນວ່າ ໄທໄດ້ຮັບຄວາມ
ກົດດັນຈາກທາງການມຽນມາ.
ໃນການຖະແຫຼງຂ່າວສັ້ນໆທີ່ບໍ່ຄ່ອຍຈະມີ ເມື່ອວັນສຸກອາທິດແລ້ວນີ້ ທ່ານ ທິນ ວິນ ເອກອັກ
ຄະລັດຖະທູດມຽນມາປະຈໍາໄທ ບອກພວກນັກຂ່າວຢູ່ບາງກອກວ່າ ພວກເຈົ້າໜ້າທີ່ມຽນມາ
ກໍາລັງປະຕິບັດງານກັບເຈົ້າໜ້າທີ່ໄທ ເພື່ອລົບລ້າງການເອົາຮັດເອົາປຽບ ຄືພວກເຂົາເຈົ້າ
ຢາກຫຼຸດຜ່ອນຄ່າໃຊ້ຈ່າຍລົງ ຫຼຸດບົດບາດຂອງພວກນາຍໜ້າ ແລະກວດລ້າງພວກນາຍຈ້າງ
ທີ່ປະຕິເສດບໍ່ຍອມຈົດທະບຽນພວກຄົນງານ.
ທ່ານເອກອັກຄະລັດຖະທູດເວົ້າວ່າ ໃນເດືອນໜ້ານີ້ ພວກເຂົາເຈົ້າຈະເກັບກໍາຈໍານວນຄົນ ງານມຽນມາທີ່ປະສົງຈະຈົດທະບຽນ. ແລ້ວກໍຈະອອກໜັງສືຜ່ານແດນຊົ່ວຄາວໃຫ້ພວກເຂົາ
ເຈົ້າພາຍໃນສາມເດືອນ ຢູ່ທີ່ສູນບໍລິການປະຕູດຽວທັງ 10 ແຫ່ງ. ຫລັງຈາກນັ້ນ ທາງການ
ໄທກໍຈະອອກໃບອະນຸຍາດໃຫ້ຢູ່ໃນໄທໄດ້.
ທ່ານນາງ ໂພລລັອກ ເວົ້າອີກວ່າ ນອກນີ້ ໄທຍັງຖືກກົດດັນໂດຍສະຫະລັດໃຫ້ສະແດງໃຫ້
ເຫັນວ່າ ໄທກໍາລັງປະຕິບັດການຫຼາຍຂຶ້ນເພື່ອປ້ອງກັນ ການຂູດຮີດແຮງງງານ ແລະການ ລັກລອບຄ້າມະນຸດ ນັ້ນນໍາ.
ທ່ານນາງໂພລລັອກເວົ້າວ່າ: “ດັ່ງທີ່ພວກເຮົາຮູ້ກັນຫັ້ນແຫລະ ລາຍງານການລັກ ລອບຄ້າມະມຸດຂອງສະຫະລັດ ຈະອອກມາໃນເດືອນມິຖຸນາ ແລະຖ້າຫາກວ່າ ໄທຍັງຖືກຈັດຢູ່ໃນບັນຊີພວກປະເທດທີ່ຕ້ອງຕິດຕາມສິ້ງຊອມເບິ່ງ ຄືເກົ່າແລ້ວ ໄທກໍຈະຖືກລົງໂທດໄດ້. ສະນັ້ນ ໄທຈຶ່ງຂຸ້ນຂ້ຽວຕັ້ງໜ້າ ເພື່ອໃຫ້ເປັນທີ່ແນ່ໃຈວ່າ ເລຶ່ອງນີ້ຈະບໍ່ເກີດຂຶ້ນ. ສະຫຼູບແລ້ວ ກໍແມ່ນວ່າການຈັດຕັ້ງປະຕິບັດນະໂຍບາຍ ທີ່ແນ່ນອນວ່າ ຈະຊ່ວຍຫຼຸດຜ່ອນການລັກລອບຄ້າມະນຸດລົງໄດ້ນັ້ນ ແມ່ນຈະ ນອນຢູ່ໃນຜົນປະໂຫຍດຂອງໄທ.”
ໄທເຄີຍໄດ້ຕໍ່ອາຍຸວັນເສັ້ນຕາຍການຈົດທະບຽນພວກຄົນງານຕ່າງດ້າວ ຫຼາຍໆເທື່ອມາແລ້ວ
ແຕ່ມີລ້ານກວ່າຄົນທີ່ບໍ່ເຕັມໃຈ ຫຼືບໍ່ສາມາດເຂົ້າໄປ ຈົດທະບຽນໄດ້.
ທ່ານນາງ ໂພລລັອກ ເວົ້າວ່າ ເຖິງແມ່ນນະໂຍບາຍໃໝ່ເປັນບາດກ້າວໄປຂ້າງໜ້າທີ່ໜ້າຍິນ
ດີນໍາກໍຕາມ ແຕ່ການຕໍ່ອາຍຸອີກສີ່ເດືອນດັ່ງກ່າວນັ້ນ ກໍຍັງບໍ່ພຽງພໍທີ່ຈະຈົດທະບຽນຄົນງານ
ຫຼາຍເຖິງ 2 ລ້ານຄົນໄດ້ທົ່ວເຖິງ.
ມູນນິທິໂຄງການຊ່ວຍເຫຼືອພວກຄົນງານຕ່າງດ້າວ ຫຼື MAP ຂອງທ່ານນາງ ໂພລລັອກ ສະໜັບສະໜຸນໃຫ້ມີໄລຍະການຈົດທະບຽນຢ່າງບໍ່ມີກໍານົດ ຊຶ່ງທ່ານນາງເວົ້າວ່າ ຖ້າບໍ່
ດັ່ງນັ້ນແລ້ວ ທາງການໄທກໍຄົງຈະຂູ່ທີ່ຈະທໍາການເນລະເທດພວກຄົນງານຕ່າງດ້າວເປັນ
ໝູ່ພ້ອມກັນບາດດຽວ ຊໍ້າອີກ ແລະກໍຈະຕ້ອງມີການເຈລະຈາຕໍ່ຮອງກັນ ໃຫ້ຕໍ່ອາຍຸອີກ.
ເອກອັກຄະລັດຖະທູດມຽນມາ ໄດ້ຢືນຢັນຕໍ່ບັນດານັກຂ່າວເມື່ອວັນສຸກອາທິດແລ້ວນີ້ ວ່າ ຖ້າຫາກການຈົດທະບຽນເຮັດບໍ່ແລ້ວ ພາຍໃນທ້າຍເດືອນເມສາ ທາງການມຽນມາກໍຈະ
ຜັກດັນໃຫ້ໄທຕໍ່ອາຍຸວັນເສ້ນຕາຍອອກໄປອີກ.
ເບິ່ງວີດິໂອລາຍງານພາສາລາວ ກ່ຽວກັບຄົນງານຕ່າງດ້າວຊາວມຽນມາໃນໄທ:
