ລິ້ງ ສຳຫລັບເຂົ້າຫາ

ວັນສຸກ, 12 ສິງຫາ 2022

ປະເທດໄທ ລົງໂທດ ປະຫານຊີວິດ ຄັ້ງທຳອິດ ນັບຕັ້ງແຕ່ປີ 2009 ເປັນຕົ້ນມາ


ອະດີດນາຍົກລັດຖະມົນຕີຂອງໄທ ທ່ານນາງຍິ່ງລັກ ຊິນນະວັດ ສັງເກດເບິ່ງໂສ້ ທີ່ສູນກາງຄຸມຂັງ ບາງຂວາງ, 15 ພຶດສະພາ 2013.

ອົງການນິລະໂທດກຳສາກົນ ປະນາມ ການປະຫານຊີວິດ ເທື່ອທຳອິດ ຂອງໄທ ນັບແຕ່ປີ
2009 ເປັນຕົ້ນມາ.

ກົມຄຸ້ມຄອງ​ພວກນັກໂທດຂອງໄທ ກ່າວ​ວ່າ ທ້າວ​ທີຣະສັກ ລອງ ​ໄວ 26 ປີ ​ໄດ້​ຖືກ​ໂທດ​
ສັ່ງ​ໃຫ້​ປະຫານ​ຊີວິດດ້ວຍ​ການ​ໃຊ້​ຢາ​ສັກ​ເຂົ້າ​ໃສ່ຮ່າງກາຍ ທີ່​ຄຸກແຫ່ງນຶ່ງໃນເຂດຊານ
ເມືອງຂອງບາງກອກ ​ໃນ​ວັນ​ຈັນ​ວານ​ນີ້. ລາວ​ໄດ້​ຖືກ​ປະຫານຊີວິດຍ້ອນ​ການ​ສັງຫານ​
ໂຫດໃນ​ປີ 2012 ​ໂດຍ​ໃຊ້​ມີດ​ແທງ​ຜູ້​ຊາຍ​ໄວ 17 ປີຄົນນຶ່ງຕາຍ ຍ້ອນ​ຢາກ​ໄດ້​ໂທລະສັບ
ມື​ຖືລາວ.

ກົມ​ດັ່ງກ່າວ ​ໄດ້​ອອກ​ຖະ​ແຫຼ​ງການວ່າ ຕົນ​ຫວັງວ່າ ​ການ​ລົງ​ໂທດ​ປະຫານ​ໃນ​ວັນ​ຈັນ​
ວານ​ນີ້ຈະ​ເປັນ​ການເຕືອນ​ໃຫ້​ພວກ​ທີ່​ຄິດ​ ຢາກ​ຈະ​ກໍ່​ອາຊະຍາ​ກຳທີ່​ຮ້າຍ​ແຮງ​ແບບ​ນີ້
ຫຼື ​ລະ​ເມີດ​ກົດໝາຍໃດໆນັ້ນ ຄຶດທົບທວນຄືນໃໝ່.

ທ່ານ​ນາງ​ແຄັດ​ເທີຣີນ ​ເກີ​ສັນ (Katherine Gerson) ​ເຈົ້າ​ໜ້າ​ທີ່​ກຳກັບໃນ​ການ​ປຸກລະດົມ
ຂອງ​ອົງການ​ນິລະ​ໂທດ​ກຳ​ສາກົນ ທີ່​ປະ​ເທດ​ໄທ ​ໄດ້​ກ່າວຢູ່ໃນ​ຖະ​ແຫຼ​ງການໃນ​ວັນ​ອັງຄານ​
ມື້​ນີ້​ວ່າ “ນີ້ແມ່ນ​ການລະ​ເມີດຕໍ່​ສິດ​ ໃນ​ການ​ມີ​ຊີວິດ ຢ່າງໜ້າ​ເສົ້າໃຈ” ທ່ານ​ນາງ​ເກີ​ສັນໄດ້
​ກ່າວ​ຕື່ມວ່າ ປະ​ເທດ​ໄທ “​ແມ່ນ​ຕົກ​ໃຈ ຕໍ່​ການ​ບໍ່ກະທຳ​ຕາມ ​ຄວາມໝັ້ນໝາຍຂອງ​ຕົນ
ທີ່​ຈະລົບ​ລ້າງໂທດ​ປະຫານ​ຊີວິດ...​ແລະ​ເຮັດ​ໃຫ້​ປະ​ເທດ​ດັ່ງກ່າວ ​ເດີນ​ອອກ​ຈາກ​ເສັ້ນ
ທາງ ຂອງ​ການ​ປ່ຽນ​ແປງ​ຈາກ​ການ​ລົງ​ໂທດ​ປະຫານ​ຂອງ​ໂລກ.”

ທ່ານ​ນາງ​ໄດ້​ກ່າວ​ວ່າ ອົງການ​ນິລະ​ໂທດ​ກຳ​ສາກົນ ​ແມ່ນ​ພ້ອມແລ້ວ​ທີ່​ຈະ​ຈັດ​ໃຫ້​ປະ​ເທດ​
ໄທ ເປັນ​ປະ​ເທດ​ທີ່​ຍົກ​ເລີກ​ໂທດ​ປະຫານ ​ໃນ​ພາກ​ປະຕິບັດ, ນັບ​ຕັ້ງ​ແຕ່ປະເທດດັ່ງກ່າວ
ໄດ້​ຍັບ​ໃກ້​ເຂົ້າໄປເຖິງ​ເປົ້າໝາຍ​ທີ່​ສຳຄັນ ໂດຍ​ປາດ​ສະ​ຈາກການ​ປະຫານຊີວິດ ໃນຮອບນຶ່ງທົດສະວັດ ​ໃນ​ປີ 2019 ​ນີ້.

​ມີ​ພວກ​ນັກ​ໂທດ ຫຼາຍ​ກວ່າ 500 ຄົນ ​ຢູ່ໃນ​ປະ​ເທດ​ໄທ ທີ່​ລໍຖ້າ​ການ​ຖືກ​ປະຫານ​ຊີວິດ
ທີ່​ຮວມທັງພວກແມ່ຍິງ 94 ຄົນ. ທ້າວທີຣະສັກ ​ແມ່ນ​ຜູ້​ທີ່​ເຈັດ​ທີ່ໄດ້ຖືກປະຫານຊີວິດ
​ດ້ວຍ​ການ​ຊີດ​ຢາ ນັບ​ຕັ້ງ​ແຕ່ປະ​ເທດ​ໄທ ​ໄດ້​ປ່ຽນ​ວິທີ​ການປະຫານ ​ໃນ​ປີ 2003
ຈາກ​ການ​ຍິງ​ເປົ້າ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG