ພວກປະທ້ວງຕໍ່ຕ້ານລັດຖະບານ ໄດ້ປະທະກັບຕໍາຫຼວດ
ປາບຈະລາຈົນໃນວັນອັງຄານມື້ນີ້ ທີ່ໄດ້ພະຍາຍາມທັບ
ມ້າງຄ້າຍຂອງພວກປະທ້ວງໃນບາງກອກ ທີ່ເຮັດໃຫ້ມີ
ຢ່າງນ້ອຍ 3 ຄົນເສຍຊີວິດ.
ເຈົ້າໜ້າທີ່ກ່າວວ່າ ພວກປະທ້ວງ 2 ຄົນ ແລະຕໍາຫຼວດ
ຄົນນຶ່ງ ໄດ້ຖືກສັງຫານ ໃນການປະທະກັນໃກ້ໆກັບ
ທໍານຽບລັດຖະບານ. ນອກນັ້ນ ຍັງມີປະມານ 60 ຄົນ
ໄດ້ຮັບບາດເຈັບ.
ໄດ້ຍິນສຽງແກ໊ສນໍ້າຕາ ສຽງປືນ ແລະລະເບີດ ດັ່ງສະນັ່ນຂຶ້ນ
ໃນລະຫວ່າງການປະທະກັນໃນຕອນທ່ຽງມື້ນີ້. ປະກົດວ່າ ທັງສອງຝ່າຍຕ່າງກໍໃຊ້ອາວຸດໃນການຕໍ່ສູ້ກັນ.
ຄວາມຮຸນແຮງເລີ່ມຂຶ້ນ ໃນຂະນະທີ່ຕໍາຫຼວດພະຍາຍາມມ້າງຄ້າຍ ຢູ່ໃນຫຼາຍໆເຂດ
ຂອງພວກປະທ້ວງ ທີ່ພະຍາຍາມໂຄ່ນລົ້ມນາຍົກລັດຖະມົນຕີຍິ່ງລັກ ຊິນນະວັດ.
ໃນເຂດອື່ນໆ ພວກປະທ້ວງບໍ່ໄດ້ທຳການຕ້ານຢັນໃດໆ. ທີ່ກະຊວງພະລັງງານ ມີປະມານ
100 ຄົນ ໄດ້ຖືກຈັບກຸມ ຫຼັງຈາກການປະຕິບັດງານຂອງເຈົ້າໜ້າທີ່ຕຳຫຼວດ.
ຕຳຫຼວດກ່າວວ່າ ພວກປະທ້ວງໄດ້ລະເມີດພາວະສຸກເສີນ ແຕ່ກໍເວົ້າວ່າ ຈະບໍ່ໃຊ້ຄວາມ
ຮຸນແຮງເພື່ອຂັບໄລ່ທັບມ້າງການປະທ້ວງເຫຼົ່ານີ້.
ບໍ່ເທົ່າໃດຊົ່ວໂມງຫຼັງຈາກໄດ້ເກີດການປະທະກັນ ທ່ານນາງຍິ່ງລັກ ກໍປະເຊີນໜ້າກັບບັນຫາ
ເວລາຄະນະກໍາມະການປາບປາມການສໍ້ລາດບັງຫຼວງແຫ່ງຊາດ ປະກາດຂໍ້ຫາຕໍ່ທ່ານນາງ.
ຄະນະກໍາມະການດັ່ງກ່າວເວົ້າວ່າ ນາຍົກລັດຖະມົນຕີຍິ່ງລັກ ຮູ້ເລື່ອງກ່ຽວກັບການສໍ້ລາດ
ບັງຫຼວງ ພາຍໃຕ້ໂຄງການຊື້ເຂົ້າຂອງລັດຖະບານຈາກຊາວນາ ແຕ່ກໍຍັງສືບຕໍ່ດໍາເນີນ
ໂຄງການ ນີ້ຢູ່ຕໍ່ມາ. ທາງຄະນະກຳມະການໄດ້ມີຄໍາສັ່ງ ໃຫ້ດຳເນີນຄະດີທ່ານນາງ
ໃນວັນທີ 27 ກຸມ ພານີ້.
ມີຢ່າງນ້ອຍ 13 ຄົນ ໄດ້ຖືກສັງຫານ ນັບຕັ້ງແຕ່ເດືອນພະຈິກແລ້ວນີ້ ເປັນຕົ້ນມາ ໃນການ
ປະທະແລະໂຈມຕີກັນ ແບບນ້ອຍໆ ຢ່າງຕໍ່ເນື່ອງ ກັບພວກປະທ້ວງ. ນີ້ແມ່ນວິກິດການ
ທາງການເມືອງທີ່ຮ້າຍແຮງທີ່ສຸດ ຢູ່ໃນປະເທດໄທ ນັບຕັ້ງແຕ່ປີ 2010 ເປັນຕົ້ນມາ.
ປາບຈະລາຈົນໃນວັນອັງຄານມື້ນີ້ ທີ່ໄດ້ພະຍາຍາມທັບ
ມ້າງຄ້າຍຂອງພວກປະທ້ວງໃນບາງກອກ ທີ່ເຮັດໃຫ້ມີ
ຢ່າງນ້ອຍ 3 ຄົນເສຍຊີວິດ.
ເຈົ້າໜ້າທີ່ກ່າວວ່າ ພວກປະທ້ວງ 2 ຄົນ ແລະຕໍາຫຼວດ
ຄົນນຶ່ງ ໄດ້ຖືກສັງຫານ ໃນການປະທະກັນໃກ້ໆກັບ
ທໍານຽບລັດຖະບານ. ນອກນັ້ນ ຍັງມີປະມານ 60 ຄົນ
ໄດ້ຮັບບາດເຈັບ.
ໄດ້ຍິນສຽງແກ໊ສນໍ້າຕາ ສຽງປືນ ແລະລະເບີດ ດັ່ງສະນັ່ນຂຶ້ນ
ໃນລະຫວ່າງການປະທະກັນໃນຕອນທ່ຽງມື້ນີ້. ປະກົດວ່າ ທັງສອງຝ່າຍຕ່າງກໍໃຊ້ອາວຸດໃນການຕໍ່ສູ້ກັນ.
ຄວາມຮຸນແຮງເລີ່ມຂຶ້ນ ໃນຂະນະທີ່ຕໍາຫຼວດພະຍາຍາມມ້າງຄ້າຍ ຢູ່ໃນຫຼາຍໆເຂດ
ຂອງພວກປະທ້ວງ ທີ່ພະຍາຍາມໂຄ່ນລົ້ມນາຍົກລັດຖະມົນຕີຍິ່ງລັກ ຊິນນະວັດ.
ໃນເຂດອື່ນໆ ພວກປະທ້ວງບໍ່ໄດ້ທຳການຕ້ານຢັນໃດໆ. ທີ່ກະຊວງພະລັງງານ ມີປະມານ
100 ຄົນ ໄດ້ຖືກຈັບກຸມ ຫຼັງຈາກການປະຕິບັດງານຂອງເຈົ້າໜ້າທີ່ຕຳຫຼວດ.
ຕຳຫຼວດກ່າວວ່າ ພວກປະທ້ວງໄດ້ລະເມີດພາວະສຸກເສີນ ແຕ່ກໍເວົ້າວ່າ ຈະບໍ່ໃຊ້ຄວາມ
ຮຸນແຮງເພື່ອຂັບໄລ່ທັບມ້າງການປະທ້ວງເຫຼົ່ານີ້.
ບໍ່ເທົ່າໃດຊົ່ວໂມງຫຼັງຈາກໄດ້ເກີດການປະທະກັນ ທ່ານນາງຍິ່ງລັກ ກໍປະເຊີນໜ້າກັບບັນຫາ
ເວລາຄະນະກໍາມະການປາບປາມການສໍ້ລາດບັງຫຼວງແຫ່ງຊາດ ປະກາດຂໍ້ຫາຕໍ່ທ່ານນາງ.
ຄະນະກໍາມະການດັ່ງກ່າວເວົ້າວ່າ ນາຍົກລັດຖະມົນຕີຍິ່ງລັກ ຮູ້ເລື່ອງກ່ຽວກັບການສໍ້ລາດ
ບັງຫຼວງ ພາຍໃຕ້ໂຄງການຊື້ເຂົ້າຂອງລັດຖະບານຈາກຊາວນາ ແຕ່ກໍຍັງສືບຕໍ່ດໍາເນີນ
ໂຄງການ ນີ້ຢູ່ຕໍ່ມາ. ທາງຄະນະກຳມະການໄດ້ມີຄໍາສັ່ງ ໃຫ້ດຳເນີນຄະດີທ່ານນາງ
ໃນວັນທີ 27 ກຸມ ພານີ້.
ມີຢ່າງນ້ອຍ 13 ຄົນ ໄດ້ຖືກສັງຫານ ນັບຕັ້ງແຕ່ເດືອນພະຈິກແລ້ວນີ້ ເປັນຕົ້ນມາ ໃນການ
ປະທະແລະໂຈມຕີກັນ ແບບນ້ອຍໆ ຢ່າງຕໍ່ເນື່ອງ ກັບພວກປະທ້ວງ. ນີ້ແມ່ນວິກິດການ
ທາງການເມືອງທີ່ຮ້າຍແຮງທີ່ສຸດ ຢູ່ໃນປະເທດໄທ ນັບຕັ້ງແຕ່ປີ 2010 ເປັນຕົ້ນມາ.
