ລິ້ງ ສຳຫລັບເຂົ້າຫາ

logo-print

ກອງທັບໄທ ປະກາດ​ໃຊ້ ກົດໄອຍະການເສິກ ແຕ່ປະຕິເສດ ບໍ່ແມ່ນ ລັດຖະປະຫານ (ສະໄລດ໌/ວີດີໂອ)


Watch Barry Newhouse related video report

​ກອງທັບໄທ ໄດ້ປະກາດໃຊ້ກົດໄອຍະການເສິກ ແລະເວົ້າວ່າ ກົດ
ດັ່ງກ່າວນີ້ ຈະມີຜົນບັງຄັບໃຊ້ ຕໍ່ໄປ ຈົນກວ່າຄວາມສະຫງົບ ແລະ
ຄວາມເປັນລະບຽບຮຽບຮ້ອຍໄດ້ຮັບການຟື້ນຟູ. ໃນຂະນະທີ່ພວກ ທະຫານເຂົ້າປະຈຳການຕາມຈຸດທີ່ສຳຄັນໆໃນບາງກອກນັ້ນ ທາງ
ກອງທັບ ໄດ້ປະຕິເສດວ່າ ຕົນບໍ່ໄດ້ກໍ່ການລັດຖະປະຫານ ແຕ່ປະ
ການໃດແລະຮຽກຮ້ອງໃຫ້ພັກຝ່າຍການເມືອງທີ່ເປັນປໍລະປັກເປີດ
ການເຈລະຈາໂອ້ລົມກັນ. Ron Corben ຜູ້ສື່ຂ່າວວີໂອເອ ມີລາຍ
ງານເລື່ອງນີ້ຈາກບາງກອກ ດັ່ງໄພສານ ຈະນຳມາສະເໜີທ່ານ.

ຜູ້ບັນຊາການກອງທັບບົກຂອງໄທ ນາຍພົນປຣະຢຸດ ຈັນໂອຊາກ່າວວ່າ ທ່ານປະກາດ ໃຊ້ກົດໄອຍະການເສິກໃນຄວາມພະຍາຍາມເພື່ອຍຸດຕິສະພາບການທີ່ບໍ່ໄປບໍ່ມາທາງ ດ້ານການເມືອງ ທີ່ພວມກ້າວເຂົ້າສູ່ ຈຸດສຸດຍອດ ແລະຂັດຂວາງ ບໍ່ໃຫ້ເກີດຄວາມຮຸນ ແຮງລະຫວ່າງພວກນິຍົມ ແລະພວກຕໍ່ຕ້ານລັດຖະບານ.

ໃນຄຳປະກາດທີ່ອອກອາກາດທາງໂທລະພາບທົ່ວປະເທດນັ້ນນາຍພົນປຣະຢຸດກ່າວ
ວ່າ ທາງກອງທັບ ໄດ້ດຳເນີນການດັ່ງກ່າວ ຍ້ອນມີຄວາມວິຕົກກັງວົນ ຢ້ານວ່າ ສະຖາ ນະການດ້ານຄວາມປອດໄພພວມຊຸດໂຊມລົງແລະອາດມີການນຳໃຊ້ອາວຸດໜັກຕໍ່ພົນ ລະເຮືອນ.

ນາຍພົນປຣະຢຸດເວົ້າວ່າ "ກອງທັບແຫ່ງລາດຊະອານາຈັກໄທ ມີຄວາມຕັ້ງໃຈທີ່ ຈະນຳເອົາສະຫງົບສຸກແລະຄວາມເປັນລະບຽບຮຽບຮ້ອຍກັບຄືນມາສູ່ປະເທດ
ຊາດ ໂດຍໄວເທົ່າທີ່ຈະໄວໄດ້."


ທ່ານເວົ້າວ່າການເຄື່ອນໄຫວດັ່ງກ່າວຂອງພວກທະຫານບໍ່ແມ່ນການກໍ່ລັດຖະປະຫານ ແລະຮຽກຮ້ອງໃຫ້ປະຊາຊົນ ຕັ້ງຢູ່ໃນຄວາມສະຫງົບ ແລະໄປເຮັດວຽກເຮັດການຕາມ ປົກກະຕິ.

ສ່ວນທ່ານປະນິທານ ວັດທະນະຍາກອນ ນັກລັດຖະສາດການເມືອງ ທີ່ຈຸລາລົງກອນ ມະຫາວິທະຍາໄລ ກ່າວວ່າ ທາງກອງທັບອາດຫວັງວ່າ ຢາກຈະສ້າງຄວາມທຸ່ນທ່ຽງໃຫ້ ແກ່ບັນຍາກາດທາງດ້ານການເມືອງ ທີ່ຫຼໍ່ແຫຼມແຕກຫັກງ່າຍ ແລະຕົກຢູ່ໃນສະພາບບໍ່ໄປ
ບໍ່ມາ ທ່າມກາງທີ່ມີຄວາມຢ້ານກົວວ່າ ຈະເກີດຄວາມຮຸນແຮງຂຶ້ນນັ້ນ.
Thailand Politics SOTVO
please wait

No media source currently available

0:00 0:01:13 0:00

ທ່ານປະນິທານເວົ້າວ່າ “ຄວາມເປັນໄປໄດ້ໃນການທີ່ຈະເກີດຄວາມຮຸນແຮງແມ່ນ ຂ້ອນຂ້າງກວ້າງຂວາງ. ກຸ່ມຕ່າງໆເຫຼົ່ານີ້ ແມ່ນພ້ອມແລ້ວ ທີ່ຈະປະເຊີນໜ້າກັນ ດ້ວຍອາວຸດ. ທາງກອງທັບຕ້ອງການຢາກສ້າງຄວາມທຸ່ນທ່ຽງແຕ່ມັນຈະບໍ່ເປັນ ເລື່ອງທີ່ງ່າຍເລີຍ. ແຕ່ກໍແນ່ນອນ ຂ້າພະເຈົ້າຄິດວ່າ ກອງທັບໄດ້ມີການຕັດສິນ ໃຈແລ້ວ ທີ່ຈະດຳເນີນການດັ່ງກ່າວ. ຖ້າພວກເຂົາເຈົ້າ ຫາກປະສົບ ຄວາມສຳ ເລັດຕໍ່ຈາກນັ້ນສອງມາພວກເຮົາອາດຈະຊື້ເວລາແລະເປີດຊ່ອງທາງເພື່ອການ ເຈລະຈາໂອ້ລົມຂຶ້ນ. ຄຳຖາມ ກໍມີຢູ່ວ່າ ຢູ່ໃສ ແລະ ເລື່ອງໃດ ທີ່ການເຈລະຈາ ຄວນຈະເລີ້ມຄືນໃໝ່.”

ບາງກອກ ໄດ້ປະເຊີນກັບການປະທ້ວງຕໍ່ຕ້ານລັດຖະບານທີ່ດຳເນີນມາໄດ້ປະມານ 6
ເດືອນ ເພື່ອກົດດັນໃຫ້ລັດຖະບານ ທ່ານນາງຍິ່ງລັກ ຊິນນະວັດ ລາອອກ. ເມື່ອບໍ່ດົນ
ມານີ້ ສານລັດຖະທຳມະນູນຂອງໄທໄດ້ພົບເຫັນວ່າ ທ່ານນາງ ຍິ່ງລັກ ແລະລັດຖະມົນ
ຕີອື່ນໆອີກ 9 ຄົນມີຄວາມຜິດ ໃນຖານໃຊ້ອຳນາດເກີນຂອບເຂດ ຊຶ່ງພາໃຫ້ທ່ານນາງ
ແລະລັດຖະມົນຕີທັງ 9 ລາອອກ.

ກອງທັບກ່າວວ່າ ລັດຖະບານຮັກສາການຊົ່ວຄາວຂອງນາຍົກລັດຖະມົນຕີນິວັດທຳຣົງ ບຸນຊົງໄພສານ ຍັງຈະຢູ່ໃນໜ້າທີ່ຕໍ່ໄປ. ຜູ້ບັນຊາການກອງທັບ ຮຽກຮ້ອງໃຫ້ ທັງສອງ ຝ່າຍການເມືອງ ທຳການພົບປະ ແລະເປີດການເຈລະຈາຫາທາງແກ້ໄຂ.

ກະຊວງການຕ່າງປະເທດສະຫະລັດໄດ້ອອກຖະແຫຼງການສະບັບນຶ່ງຮຽກຮ້ອງໃຫ້ກອງ ທັບໄທ ຮັກສາຄຳໝັ້ນສັນຍາຂອງຕົນທີ່ວ່າ ກົດ​ໄອ​ຍະ​ການ​ເສິກດັ່ງກ່າວ ຈະມີການນຳ ໃຊ້ຊົ່ວຄາວເທົ່ານັ້ນ ເພື່ອປ້ອງກັນບໍ່ໃຫ້ເກີດຄວາມຮຸນແຮງແລະບໍ່ບ່ອນທຳລາຍສະຖາ ບັນປະຊາທິປະໄຕຕ່າງໆ.

ໃນຂະນະທີ່ກອງທັບໄທ ສ່ວນໃຫຍ່ແລ້ວ ແມ່ນບໍ່ໄດ້ເຂົ້າຍຸ່ງກ່ຽວກັບສະພາບການບໍ່ໄປ ບໍ່ມາທາງດ້ານການເມືອງເມື່ອໄວໆມານີ້ກໍຈິງແຕ່ພວກຜູ້ນຳບາງຄົນທີ່ນິຍົມລັດຖະບານ ເຊັ່ນສະມາຊິກອະວຸໂສຂອງພັກທ່ານສະໝານ ເລີດວົງຣາດເຫັນວ່າມັນເປັນການເຫັນ ພ້ອມກັບຄຳຮຽກຮ້ອງຂອງທ່ານສຸເທບ ເທືອກສຸບັນອະດີດສະມາຊິກສະພາທີ່ເປັນຫົວ ໜ້າພວກປະທ້ວງຕໍ່ຕ້ານລັດຖະບານນັ້ນ.

ທ່ານສະໝານເວົ້າວ່າ “ຂ້າພະເຈົ້າເຊື່ອວ່າ ຜູ້ບັນຊາການກອງທັບບົກ ແມ່ນເຂົ້າ ຂ້າງທ່ານສຸເທບ ບາງທີພວກເຂົາເຈົ້າອາດຢາກບອກປະຊາຊົນໄທວ່າຢາກໃຫ້ ທຸກໆຄົນຕົກຢູ່ໃນສະຖານະການ ເພື່ອໃຫ້ບັນຍາກາດທາງດ້ານການເມືອງສາ
ມາດ ສະຫງົບລົງໄດ້ ຊົ່ວໄລຍະນຶ່ງ.”


ນັບແຕ່ປີ 1932 ເປັນຕົ້ນມາ ໄທໄດ້ປະເຊີນກັບການກໍ່ ຫລືການພະຍາຍາມ ກໍ່ລັດຖະ ປະຫານມາແລ້ວ 18 ຄັ້ງ ເທື່ອສຸດທ້າຍ ແມ່ນໃນປີ 2006 ເພື່ອໂຄ່ນລົ້ມອະດີດນາຍົກ ລັດຖະມົນຕີທັກສິນ ຊິນນະວັດ ທີ່ຖືກກ່າວຫາວ່າ ໃຊ້ອຳນາດໄປໃນທາງທີ່ບໍ່ຖືກຕ້ອງ.
ບັນຫາຂັດແຍ້ງທາງການເມືອງ ເທື່ອຫລ້າສຸດຢູ່ໄທ ເລີ້ມຂຶ້ນ ໃນເດືອນຕຸລາ ປີກາຍນີ້ ລຸນຫຼັງທີ່ໄດ້ມີຄວາມສະຫງົບມາເປັນເວລາ 2 ປີກວ່າໆ ພາຍໃຕ້ການປົກຄອງຂອງລັດ ຖະບານນາຍົກລັດຖະມົນຕີຍິ່ງລັກ ຊິນນະວັດ ແລະພັກເພື່ອໄທຂອງທ່ານນາງ.

ແຕ່ການປະທ້ວງ ຢູ່ຕາມຖະໜົນຫົນທາງໄດ້ເກີດຂຶ້ນ ຍ້ອນມີການສະເໜີຮ່າງກົດໝາຍ ໃຫ້ອະໄພຍະໂທດ ຊຶ່ງແຜ້ວທາງ ເພື່ອການເດີນທາງກັບຄືນປະເທດ ຂອງທ່ານທັກສິນ ຊິນນະວັດ ທີ່ໄດ້ຫລົບໜີໄປຈາກປະເທດໄທໃນປີ 2008 ຍ້ອນບໍ່ຢາກຖືກຈຳຄຸກຍ້ອນ ຄວາມຜິດຖານສໍ້ລາດບັງຫຼວງ.
Thailand Politics SOTVO
please wait

No media source currently available

0:00 0:01:04 0:00

ກຸ່ມປົກປ້ອງສິດທິມະນຸດ Human Rights Watch ທີ່ມີສຳນັກງານຢູ່ນະຄອນນິວຢອກ
ກ່າວວ່າ ການປະກາດກົດໄອຍະການເສິກໃນວັນອັງຄານນີ້ ແມ່ນຂີດໝາຍຂອງການ ເອົາບາດກ້າວຖອຍຫຼັງ ໃນຂັ້ນຕອນທາງດ້ານການເມືອງຂອງໄທ. ທ່ານສຸໄນ ຜາສຸກ ແມ່ນນັກຄົ້ນຄວ້າອະວຸໂສຂອງກຸ່ມປົກປ້ອງສິດທິມະນຸດ Human Rights Watch.

ທ່ານສຸໄນເວົ້າວ່າ “ມັນເປັນເລື່ອງທີ່ໜ້າຕົກໃຈຫຼາຍ ແລະນັ້ນກໍຄືວ່າເປັນຫຍັງຈຶ່ງ ໄດ້ມີການເອົາບາດກ້າວ ທີ່ຮຸນແຮງ ເຊັ່ນກົດໄອຍະການເສິກ ມັນຈຳເປັນຕ້ອງ ໄດ້ມີຫຼັກຖານທີ່ຊັດແຈ້ງວ່າການຢູ່ລອດຂອງປະເທດຊາດພວມຕົກຢູ່ໃນຄວາມ
ສ່ຽງ ຫລືມີການກໍ່ຄວາມວຸ້ນວາຍ ແບບຄວບຄຸມບໍ່ໄດ້ຂອງປະຊາຊົນ ທີ່ມີຄວາມ ຄ້າຍຄືກັບການກໍ່ຈະລາຈົນແບບເຕັມອັດຕາຫລືບໍ່ກໍສົງຄາມກາງເມືອງຂຶ້ນ ແຕ່ ພວກເຮົາ ບໍ່ເຫັນສິ່ງເຫລົ່ານັ້ນເລີຍ. ເຫດຜົນ ທີ່ຜູ້ບັນຊາການກອງທັບ ໄດ້ອ້າງ
ມາ ແມ່ນເປັນພຽງການຄາດຄະເນໃນທາງທິດສະດີທໍ່ນັ້ນ.”


ທ່ານສຸໄນກ່າວວ່າ ກົນລະຍຸດຂອງທາງກອງທັບ ແມ່ນປາກົດວ່າກົດດັນໃຫ້ບັນດາພັກ ຝ່າຍໃນການຂັດແຍ້ງຊອກຫາຊ່ອງທາງໃນການດຳເນີນການຕໍ່ໄປທີ່ອາດນຳໄປສູ່ການ ສ້າງຄວາມເສຍຫາຍຮ້າຍແຮງຂຶ້ນຕື່ມໃຫ້ແກ່ປະເທດຊາດກໍເປັນໄດ້.

ພວກນັກວິເຄາະກ່າວວ່າ ທາງກອງທັບຫວັງວ່າ ຈະຫລີກລ່ຽງ ບໍ່ຢາກໃຫ້ເກີດເຫດການ ນອງເລືອດ ດັ່ງທີ່ໄດ້ເກີດໃນປີ 2010 ນັ້ນຊ້ຳຄືນອີກ ເວລາມີການປະທະກັນກັບພວກ ປະທ້ວງເສື້ອແດງ ທີ່ເຮັດໃຫ້ 90 ກວ່າຄົນ ເສຍຊີວິດ ໃນເຫດການນອງເລືອດ ທີ່ຮ້າຍ ແຮງສຸດນັບແຕ່ປີ 1992 ເປັນຕົ້ນມາ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG