ລິ້ງ ສຳຫລັບເຂົ້າຫາ

ວັນອັງຄານ, ໒໗ ກຸມພາ ໒໐໒໔

ສານພິເສດ ຕັດສິນໂທດ ທ່ານ Taylor ໃຫ້ຈຳຄຸກ 50 ປີ


ອະດີດປະທານາທີບໍດີ Charles Taylor ແຫ່ງໄລບີເຣຍ ກໍາລັງລໍຖ້າ ສານຕັດສິນລົງໂທດທ່ານ ໃກ້ກຸງ Hague, Netherlands.
ວັນທີ 30 ພຶດສະພາ 2012.2002
ອະດີດປະທານາທີບໍດີ Charles Taylor ແຫ່ງໄລບີເຣຍ ກໍາລັງລໍຖ້າ ສານຕັດສິນລົງໂທດທ່ານ ໃກ້ກຸງ Hague, Netherlands. ວັນທີ 30 ພຶດສະພາ 2012.2002

ສານ​ອາຍາ​ພິ​ເສດ​ໄດ້​ຕັດ​ສິນ​ລົງ​ໂທດອະດີດ​ປະທານາທິບໍດີ Charles Taylor ​ແຫ່ງ Liberia ​ໃຫ້​ຈໍາ​ຄຸກ 50 ປີ ໃນ​ຄວາມ​ຜິດ​ຖານ​ກໍ່​ອາຊະ​ຍາ​ກໍາ​ສົງຄາມ ​ແລະ​ອາ​ຊະ​ຍາ​ກໍາ​ຕ້ານ​ມະນຸດຊາດ.

ສານພິ​ເສດ​ສໍາລັບ Sierra Leone ​ໄດ້​ຕັດ​ສິນ​ລົງ​ໂທດ​ດັ່ງກ່າວໃນ​ວັນ​ພຸດ​ມື້​ນີ້ ​ທີ່​ກຸງ Hague
ໂດຍ​ກ່າວ​ວ່າ ທ່ານ Taylor ​ໄດ້ໃຊ້​ຕໍາ​ແໜ່​ງຂອງ​ທ່ານ​ ເພື່ອ​ຊ່ອຍ​ເຫຼືອ​ແລະ​ສະໜັບສະໜຸນ
ພວກ​ກະບົດ ​ແທນ​ທີ່​ຈະ​ສົ່ງ​ເສີມ​ສັນຕິພາບ​ແລະ​ສະຖຽນ​ລະ​ພາບ​ນັ້ນ.

ທ່ານ Richard Lussick ປະທານ​ຜູ້​ພິພາກສາດໍາ​ເນີນ​ຄະດີ ກ່າວ​ວ່າ ພຶດຕິ​ກໍາ​ຂອງ​ທ່ານ
Taylor ​ໃນ​ການ​ລໍາລຽງ​ອາວຸດ ​ແລະ​ໃຫ້​ກໍາລັງ​ໃຈ ຕະຫຼອດທັງ​ການ​ໃຫ້​ຄໍາ​ຊີ້​ນໍາ​ແກ່​ພວກ​ກະ
ບົດນັ້ນ​ເຮັດ​ໃຫ້​ການ​ກະທຳ​ຜິດດ້ານ​ອາຍາຂອງ​ທ່ານມີ​ຄວາມ​ຮ້າຍ​ແຮງ​ເພີ່ມ​ຂຶ້ນ.

ພວກ​ໄອ​ຍະ​ການ​ໄດ້​ຮຽກຮ້ອງ​ໃຫ້​ລົງ​ໂທດ​ຈໍາ​ຄຸກ 80 ປີ ​ແຕ່​ສານກ່າວ​ວ່າ ການ​ລົງ​ໂທດ​ດົນ​
ເຊ່ນ​ນັ້ນ​ຈະ​ເປັນ​ການ​ກະທໍາ​ເກີນ​ຂອບ​ເຂດ​ໄປ.

ສານ​ໄດ້​ພົບ​ເຫັນ​ວ່າ ​ທ່ານ Charles Taylor ​ໄວ 64 ປີ​ມີ​ຄວາມ​ຜິດ​ໃນ​ເດືອນ​ແລ້ວ​ນີ້​ ຕໍ່​ຂໍ້
​ຫາ​ທັງໝົດ 11 ກະທົງ​ໃນ​ສຳນວນຟ້ອງ​ທີ່​ຮວມທັງ​ຂໍ້​ກ່າວ​ຫາເປັນ​ຄາດ​ຕະກອນ ຂົ່ມຂືນ​ຊໍາ
​ເລົາ ການ​ໃຊ້​ຄົນ​ເປັນ​ຂ້າ​ທາດ​ທາງ​ເພດ ​ເກນ​ເດັກນ້ອຍ​ໄປ​ເປັນ​ທະຫານ​ແລະການ​ກົດ​ຂີ່​ໃຊ້
ຄົນເປັນຂ້າ​ທາດ.

XS
SM
MD
LG