ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ປະທານາທິບໍດີໄຕ້ຫວັນ ປະເຊີນກັບຄວາມກົດດັນກ່ຽວກັບຄວາມສໍາພັນຜ່ານຊ່ອງແຄບ ໄຕ້ຫວັນ ອີກຄັ້ງ


ແຟ້ມຮູບ-ປະທານາທິບໍດີໄຕ້ຫວັນ ທ່ານລາຍ ຊິງ-ເຕ ກ່າວຄໍາປາໄສໃນລະຫວ່າງພິທີເຂົ້າຮັບຕໍາແໜ່ງໃນນະຄອນຫຼວງໄທເປ, ໄຕ້ຫວັນ, ວັນທີ 20 ພຶດສະພາ 2024.
ແຟ້ມຮູບ-ປະທານາທິບໍດີໄຕ້ຫວັນ ທ່ານລາຍ ຊິງ-ເຕ ກ່າວຄໍາປາໄສໃນລະຫວ່າງພິທີເຂົ້າຮັບຕໍາແໜ່ງໃນນະຄອນຫຼວງໄທເປ, ໄຕ້ຫວັນ, ວັນທີ 20 ພຶດສະພາ 2024.

ຈີນ ໄດ້​ລິ​ເລີ້ມການສ້າງ​ອິດ​ທິ​ພົນ ​ເພື່ອຕໍ່​ຕ້ານໄຕ້​ຫວັນ ຮອບໃໝ່ ໃນ​ບໍ່​ເທົ່າ​ໃດ​ມື້​ທີ່​ຜ່ານ​ມານີ້, ​ໃນຂະ​ນະ​ທີ່​ເຈົ້າ​ໜ້າ​ທີ່​ຂັ້ນ​ສູງ​ຂອງ​ຕົນ​ທີ່ກໍາລັງຄວບຄຸມວຽກ​ງານ​ໄຕ້​ຫວັນ​ ໄດ້​ກ່າວ​ຢ້ຳ​ຄືນ​ຄວາມ​ພະ​ຍາ​ຍາມ “ໃນການແກ້​ໄຂ ​ແລະ​ຄວາມ​ສາ​ມາດໃນການທໍາລາຍ” ຂອງ​ປັກ​ກິ່ງ ​ຕໍ່​ການ​ສະ​ແຫວງ​ຫາ​ເອ​ກະ​ລາດ​ຂອງ​ເກາະ​ດັ່ງ​ກ່າວ ໃນຂະນະດຽວກັນ ກໍໃຫ້ຄຳສັນຍາວ່າ ຈະຕ້ອນຮັບປະຊາຊົນຊາວໄຕ້ຫວັນຫຼາຍຂຶ້ນ ເພື່ອເຂົ້າຮ່ວມການແລກປ່ຽນຂ້າມຊ່ອງແຄບ.

ໃນ​ເວລາ​ກ່າວ​ຄຳ​ປາ​ໄສທີ່ສໍາຄັນ ຢູ່ເວທີ​ປາ​ໄສກ່ຽວກັບ​ຊ່ອງ​ແຄບຄັ້ງທີ 16 ຢູ່ ເມືອງ​ຊາຍ​ຝັ່ງທາງ​ພາກ​ໃຕ້​ຂອງ​ເກາະເຊຍເໝິນ ​ໃນ​ວັນ​ທີ 14 ມິຖຸນາ​ທີ່ຜ່ານມາ, ເຈົ້າ​ໜ້າ​ທີ່ລໍາດັບ 4 ຂອງ​ຈີນ ທ່ານຫວັງ ຮູໜິງ (Wang Huning) ກ່າວ​ວ່າ “ພວກ​ແບ່ງ​ແຍກ​ດິນ​ແດນ ທີ່​ກໍາລັງສະແຫວງຫາເອກະລາດໃຫ້ແກ່ໄຕ້​ຫວັນ,” ເຊິ່ງ​ເປັນ​ການ​ອ້າງ​ອີງ​ທາງ​ອ້ອມ​ຕໍ່​ພັກ​ປະຊາທິປະ​ໄຕ​ກ້າວໜ້າ ທີ່​ປົກຄອງ​ປະ​ເທດ​ເກາະ​ດັ່ງກ່າວນີ້, ທຳລາຍ​ສັນຕິພາບ ​ແລະສະຖຽນລະພາບໃນທົ່ວຊ່ອງແຄບໄຕ້ຫວັນ ພ້ອມທັງສົ່ງຜົນກະທົບທີ່ເປັນອັນຕະລາຍຕໍ່ຜົນປະໂຫຍດ ແລະສະຫວັດດີການຂອງປະຊາຊົນຊາວໄຕ້ຫວັນ.

ທ່ານ​ກ່າວ​ວ່າ “ການ​ກະ​ທຳ​ຂອງ​ພວກເຂົາ​ເຈົ້າ ​ຈະ​ຜັກດັນໃຫ້ ໄຕ້​ຫວັນ ຕົກ​ຢູ່​ໃນ​ຂອບ​ເຂດ​ຂອງ​ສົງ​ຄາມ ແລະ​ນຳ​ເອົາ​ໄພ​ພິ​ບັດ​ມາ​ໃຫ້​ປະ​ຊາ​ຊົນ​ຢູ່​ໃນເກາະ​ດັ່ງ​ກ່າວນີ້.”

ໃນຂະນະທີ່ທ່ານໄດ້ທໍາການເຕືອນໂດຍກົງຕໍ່ລັດຖະບານຊຸດໃໝ່ຂອງໄຕ້ຫວັນ ອີກຄັ້ງ, ເຊິ່ງຫາກໍເຂົ້າຮັບຕຳແໜ່ງ ເດືອນແລ້ວນີ້, ທ່ານ ຫວັງ ກ່າວວ່າ ປັກກິ່ງຍິນດີຕ້ອນຮັບຊາວໄຕ້ຫວັນເຂົ້າມາເປັນສ່ວນນຶ່ງໃນການແລກປ່ຽນຂ້າມຊ່ອງແຄບ ເພີ້ມເຕີມ.

ແຟ້ມຮູບ-ບັນດາຜູ້ສະໜັບສະໜູນພັກປະຊາທິປະໄຕກ້າວໜ້າ ລວມໂຕກັນ ແລະພາກັນຍູ້ ແລະຍູ້ໝາກບານທີ່ອ່ານວ່າ "ປະຕິເສດການແຊກແຊງທາງການເມືອງຂອງຈີນ" ຢູ່ດ້ານນອກຫໍສະພາ ໃນນະຄອນຫຼວງໄທເປ, ວັນທີ 28 ພຶດສະພາ 2024.
ແຟ້ມຮູບ-ບັນດາຜູ້ສະໜັບສະໜູນພັກປະຊາທິປະໄຕກ້າວໜ້າ ລວມໂຕກັນ ແລະພາກັນຍູ້ ແລະຍູ້ໝາກບານທີ່ອ່ານວ່າ "ປະຕິເສດການແຊກແຊງທາງການເມືອງຂອງຈີນ" ຢູ່ດ້ານນອກຫໍສະພາ ໃນນະຄອນຫຼວງໄທເປ, ວັນທີ 28 ພຶດສະພາ 2024.

ນັກວິ​ເຄາະ​ບາງ​ຄົນ​ກ່າວ​ວ່າ ຄຳ​ເຫັນ​ຂອງ ​ທ່ານ ຫວັງ ສະທ້ອນ​ເຖິງ​ການ​ປະຕິບັດງານ​ທີ່ມີມາ​ເປັນ​ເວລາ​ດົນ​ນານ​ຂອງ​ປັກ​ກິ່ງ ​ກ່ຽວກັບ​ການ​ນຳ​ໃຊ້ “ຍຸດ​ທະ​ສາດ ທີ່ຮ້ອງວ່າ “the carrot and stick strategy” ຫຼືການຈູງໃຈແບບທັງໃຫ້ລາງວັນ ແລະ ການລົງໂທດ ​ເພື່ອມີອິດທິພົນຕໍ່​ໄຕ້​ຫວັນ. ທ່ານເຊັນ ຟາງ-ຢູ (Chen Fang-Yu), ນັກວິທະຍາສາດທາງດ້ານການເມືອງຢູ່ທີ່ມະຫາວິທະຍາໄລ ຊູໂຈ (Soochow) ໃນ ໄຕ້ຫວັນ ກ່າວຕໍ່ VOA ຜ່ານທາງໂທລະສັບວ່າ “ສິ່ງທີ່ຫນ້າສົນໃຈກວ່ານັ້ນແມ່ນ ປັກກິ່ງເບິ່ງຄືວ່າຈະປ່ຽນ ຝູຈ້ຽນ (Fujian) ໃຫ້ກາຍເປັນພື້ນທີ່ທົດສອບ ສໍາລັບບັນດານະໂຍບາຍ​ທີ່ອໍານວຍຄວາມສະດວກໃຫ້ແກ່​ໄຕ້​ຫວັນ ຂອງຕົນ.”

​ເນື່ອງ​ຈາກ​ຄວາມ​ເຄັ່ງ​ຕຶງທີ່ເພີ້ມຂຶ້ນ ​ລະຫວ່າງ​ ປັກ​ກິ່ງ​ ແລະ​ ໄທ​ເປ ​ນັບ​ແຕ່​ປະທານາທິບໍດີ​ໄຕ້​ຫວັນ ​ທ່ານ​ລາຍ ​ຊິງ-​ເຕ ​ເຂົ້າດຳລົງ​ຕຳ​ແໜ່​ງ​ໃນ​ວັນ​ທີ 20 ພຶດສະພາ​ທີ່ຜ່ານມານີ້, ທ່ານ ​ເຊັນ ​ກ່າວ​ວ່າ ປັກ​ກິ່ງ​ຕ້ອງ​ຈຳກັດ​ຂອບ​ເຂດ​ນະ​ໂຍບາຍ​ທີ່ອໍານວຍຄວາມສະດວກໃຫ້ແກ່​ໄຕ້​ຫວັນ ​ແລະ​ນຳ​ໃຊ້​ມັນເພື່ອເປັນ​ສັນຍານ​ວ່າ ຕົນ​ຍັງຄົງ​ເປີດ​ກວ້າງ​ການ​ແລກສໍາລັບການແລກປ່ຽນ​ກັບ ​ໄຕ້​ຫວັນ ຢູ່.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG