ການຢຸດຍິງ ໃນຊີເຣຍ ໄດ້ນຳເອົາຄວາມສະຫງົບມາສູ່ພື້ນທີ່ສ່ວນ ໃຫຍ່ຂອງ ປະເທດເປັນຄັ້ງທຳອິດໃນຮອບຫຼາຍປີ.
ສັນຍາສະຫງົບເສິກເຊິ່ງທຳການເຈລະຈາໂດຍ ສະຫະລັດ ແລະ ຣັດເຊຍ ທີ່ໄດ້ ເລີ່ມຂຶ້ນໃນວັນເສົາວານນີ້ ບໍ່ໄດ້ເກີດຂຶ້ນໂດຍບໍ່ມີ ເຫດການຂອງຄວາມຮຸນແຮງ ຢ່າງສິ້ນເຊີງ, ແຕ່ວ່າທູດພິເສດ ຊີ ເຣຍ ປະຈຳອົງການສະຫະປະຊາຊາດ ກ່າວວ່າ ມື້ທຳອິດຂອງການ ຢຸດຍິງແມ່ນ “ຂ້ອນຂ້າງຈະເຮັດໃຫ້ອຸ່ນໃຈຂຶ້ນ.”
ທ່ານ Steffan de Mistura ໄດ້ກ່າວວ່າ ບາງເຫດການຂອງຄວາມ ຮຸນແຮງແມ່ນ ຄາດວ່າຈະມີຂຶ້ນຫຼັງຈາກໄດ້ມີຄວາມຂັດແຍ້ງກັນມາເປັນເວລາ 5 ປີ. ທ່ານໄດ້ ກ່າວເພີ່ມເຕີມວ່າ, ແນວໃດກໍຕາມ, “ຄືນທຳອິດ ແລະ ມື້ທຳອິດຂອງການ ຢຸດຍິງ ແນ່ນອນ ມັນໄດ້ເຮັດໃຫ້ມີຄວາມປະທັບໃຈທີ່ວ່າ ທຸກໆຄົນແມ່ນຈິງຈັງໃນຄຳ ໝັ້ນສັນຍາຂອງພວກ ເຂົາເຈົ້າທີ່ຈະເຮັດໃຫ້ພາວະສົງຄາມສິ້ນສຸດລົງ.”
ຄະນະກຳມະການການເຈລະຈາລະດັບສູງ ເຊິ່ງເປັນກຸ່ມຄຸ້ມຄອງຂອງຝ່າຍຄ້ານ ຊີເຣຍ ກ່າວ ວ່າມີ 97 ກຸ່ມໄດ້ສັນຍາທີ່ຈະເຂົ້າຮ່ວມໃນການຢຸດຍິງ.
ສັນຍາຢຸດຍິງບໍ່ໄດ້ເປັນຜົນຕໍ່ກຸ່ມກໍ່ການຮ້າຍ ລັດອິສລາມ ແລະ ພວກ al-Nusra ທີ່ເຊື່ອມໂຍງ ກັບພວກ al-Qaida.
