ໃນຂະນະດຽວກັນ ຫົວໜ້າກຸ່ມຕໍ່ຕ້ານອີສລາມໃຫຍ່ສຸດຂອງຊີເຣຍ ໄດ້ສາບານຕົວຈົງ ຮັກພັກດີຕໍ່ກຸ່ມກໍ່ການຮ້າຍອາລຄາອີດາ ທີ່ເຮັດໃຫ້ຄວາມແຕກແຍກກັບກຸ່ມຕໍ່ຕ້ານທີ່ນິຍົມແນວທາງປານກາງ ຂະຫຍາຍວົງກວ້າງອອກ ກ່ຽວກັບວິທີການປົກຄອງປະເທດ ຖ້າຫາກພວກເຂົາເຈົ້າສາມາດໂຄ່ນລົ້ມປະທານາທິບໍດີ Bashar al-Assad ໄດ້.
ທ້າວ Abu Mohammad al-Golani ຫົວໜ້າກຸ່ມຕໍ່ຕ້ານ Jabhat al-Nusra ໄດ້ໃຫ້ຄໍາໝັ້ນສັນຍາທີ່ຈະຈົ່ງຮັກພັກດີຕໍ່ຜູ້ນໍາກຸ່ມອາລຄາອີດາ ທ້າວ Ayman al-Zawahiri ຢູ່ໃນຂໍ້ຄວາມທີ່ບັນທຶກສຽງໄວ້ ທີ່ລົງໃນເວັບໄຊ້ ຂອງກຸ່ມຫົວຮຸນແຮງ ໃນວັນພຸດວານນີ້.
ທ້າວ Golani ຍັງໄດ້ຮັບຮູ້ວ່າ ກຸ່ມຂອງຕົນໄດ້ຮັບການສະໜັບສະໜຸນດ້ານພະລາທິ ການ ແລະການເຝິກແອບ ຈາກສະມາຊິກຂອງກຸ່ມອາລຄາອີດາ ທີ່ມີຖານປະຕິບັດການຢູ່ອີຣັກ ຫຼື AQI. ທ້າວ Golani ໄດ້ສະແດງຄວາມພູມໃຈ ໃນຜົນສໍາເລັດຂອງກຸ່ມ AQI ແຕ່ກໍເວົ້າວ່າກຸ່ມດັ່ງກ່າວບໍ່ໄດ້ປຶກສາກັບທ່ານກ່ອນປະກາດອອກໄປວ່າ ກຸ່ມທັງສອງໄດ້ລວມຕົວເຂົ້າກັນແລ້ວ ພາຍໃຕ້ຊື່ໃໝ່ວ່າ “ລັດອີສລາມໃນອີຣັກ ແລະ Levant”
ທ້າວ Abu Bakr al-Baghdadi ຫົວໜ້າກຸ່ມ AQI ໄດ້ປະກາດພັນທະມິດໃນຂໍ້ຄວາມທີ່ບັນທຶກໄວ້ອີກຕ່າງຫາກ ທີ່ລົງໃນອິນເຕີແນັດ ນຶ່ງມື້ກ່ອນນັ້ນ.
ໃນຕົ້ນອາທິດນັ້ນ ທ້າວ Zawahiri ໄດ້ນຳເຜີຍແຜ່ຂ່າວທາງອິນເຕີແນັດຂອງຜູ້ກ່ຽວເອງ ໂດຍຮຽກຮ້ອງໃຫ້ກຸ່ມຫົວຮຸນແຮງອີສລາມທັງຫຼາຍໃນຂົງເຂດຈົ່ງໂຮມກໍາລັງກັນເພື່ອສ້າງຕັ້ງລັດອີສລາມຂຶ້ນຢູ່ໃນຊີເຣຍ.
ທ້າວ Abu Mohammad al-Golani ຫົວໜ້າກຸ່ມຕໍ່ຕ້ານ Jabhat al-Nusra ໄດ້ໃຫ້ຄໍາໝັ້ນສັນຍາທີ່ຈະຈົ່ງຮັກພັກດີຕໍ່ຜູ້ນໍາກຸ່ມອາລຄາອີດາ ທ້າວ Ayman al-Zawahiri ຢູ່ໃນຂໍ້ຄວາມທີ່ບັນທຶກສຽງໄວ້ ທີ່ລົງໃນເວັບໄຊ້ ຂອງກຸ່ມຫົວຮຸນແຮງ ໃນວັນພຸດວານນີ້.
ທ້າວ Golani ຍັງໄດ້ຮັບຮູ້ວ່າ ກຸ່ມຂອງຕົນໄດ້ຮັບການສະໜັບສະໜຸນດ້ານພະລາທິ ການ ແລະການເຝິກແອບ ຈາກສະມາຊິກຂອງກຸ່ມອາລຄາອີດາ ທີ່ມີຖານປະຕິບັດການຢູ່ອີຣັກ ຫຼື AQI. ທ້າວ Golani ໄດ້ສະແດງຄວາມພູມໃຈ ໃນຜົນສໍາເລັດຂອງກຸ່ມ AQI ແຕ່ກໍເວົ້າວ່າກຸ່ມດັ່ງກ່າວບໍ່ໄດ້ປຶກສາກັບທ່ານກ່ອນປະກາດອອກໄປວ່າ ກຸ່ມທັງສອງໄດ້ລວມຕົວເຂົ້າກັນແລ້ວ ພາຍໃຕ້ຊື່ໃໝ່ວ່າ “ລັດອີສລາມໃນອີຣັກ ແລະ Levant”
ທ້າວ Abu Bakr al-Baghdadi ຫົວໜ້າກຸ່ມ AQI ໄດ້ປະກາດພັນທະມິດໃນຂໍ້ຄວາມທີ່ບັນທຶກໄວ້ອີກຕ່າງຫາກ ທີ່ລົງໃນອິນເຕີແນັດ ນຶ່ງມື້ກ່ອນນັ້ນ.
ໃນຕົ້ນອາທິດນັ້ນ ທ້າວ Zawahiri ໄດ້ນຳເຜີຍແຜ່ຂ່າວທາງອິນເຕີແນັດຂອງຜູ້ກ່ຽວເອງ ໂດຍຮຽກຮ້ອງໃຫ້ກຸ່ມຫົວຮຸນແຮງອີສລາມທັງຫຼາຍໃນຂົງເຂດຈົ່ງໂຮມກໍາລັງກັນເພື່ອສ້າງຕັ້ງລັດອີສລາມຂຶ້ນຢູ່ໃນຊີເຣຍ.
