ຊີເຣຍພວມກຽມຮັບມືກັບການປະທ້ວງເພີ່ມຕື່ມໃນທົ່ວປະ
ເທດນຶ່ງມື້ຫຼັງຈາກລັດຖະບານໄດ້ປະກາດກ່ຽວກັບມາດຕະ
ການປະຕິຮູບຕ່າງໆທີ່ແນໃສ່ເພື່ອສະໜອງຕອບ ຕໍ່ຄວາມ
ຮຽກຮ້ອງຕ້ອງການຂອງພວກປະທ້ວງນັ້ນ.
ມີການວາງແຜນທີ່ຈະຈັດການໂຮມຊຸມນຸມປະທ້ວງຕໍ່ຕ້ານ
ລັດຖະບານຂຶ້ນຫຼັງຈາກພິທີສວດມົນພາວະນາຂອງສາສະ
ໜາອິສລາມໃນວັນສຸກມື້ນີ້. ການໂຮມຊຸມນຸມປະທ້ວງຂອງ
ພວກຝ່າຍຄ້ານ ແມ່ນເປັນໄພຂົ່ມຂູ່ຮ້າຍແຮງສຸດຕໍ່ການປົກ
ຄອງເປັນເວລາ 11 ປີຂອງປະທານາທິບໍດີ Bashar al-
Assad ແລະຕໍ່ອຳນາດທີ່ຄອບຄົວຂອງທ່ານມີມາເປັນເວ
ລາດົນນານ.
ມາດຕະການຕ່າງໆເພື່ອທຳການປະຮູບລັດຖະບານທີ່ໄດ້
ປະກາດໂດຍທ່ານ Assad ໃນວັນພະຫັດວານນີ້ແມ່ນ
ຮວມທັງການສ້າງຕັ້ງຄະນະກຳມະການນຶ່ງຂຶ້ນເພື່ອສຶກສາເບິ່ງຄວາມເປັນໄປໄດ້ໃນການ ຍົກເລີກກົດໝາຍພາວະສຸກຂອງປະ ເທດ. ອົງການຂ່າວ SANA ຂອງທາງການຊີເຣຍ
ກ່າວວ່າ ຄະນະກຳມະການດັ່ງກ່າວຈະເສັດສິ້ນການສຶກສາພາຍໃນວັນທີ 25 ເມສານີ້.
ການຍົກເລີກກົດໝາຍພາວະສຸກເສີນ ແມ່ນຂໍ້ຮຽກຮ້ອງທີ່ສຳຄັນຂອງພວກປະ ທ້ວງຕໍ່ຕ້ານ
ລັດຖະບານໃນໄລຍະສອງສາມອາທິດຜ່ານມານີ້.
ນອກນັ້ນອົງການຂ່າວ SANA ຍັງແຈ້ງໃຫ້ຊາບວ່າທ່ານ Assad ໄດ້ຮຽກຮ້ອງໃຫ້ສ້າງຕັ້ງ
ຄະນະກຳມະການອີກຈຸນຶ່ງຂຶ້ນເພື່ອສຶກສາເບິ່ງການເສຍຊີວິດຂອງພົນລະເຮືອນແລະທະຫານ
ທີ່ເມືອງ Daraa ແລະ Latakia ຊຶ່ງເປັນຈຸດສູນກາງໃນການໂຮມຊຸມນຸມປະທ້ວງຕໍ່ຕ້ານລັດ
ຖະບານ ໃນໄລຍະສອງອາທິດ ຜ່ານມານີ້. ກຸ່ມປົກປ້ອງສິດທິມະນຸດ Human Rignts
Watch ກະປະມານວ່າມີຢ່າງນ້ອຍ 61 ຄົນເສຍຊີວິດໃນການປະທະກັນນັບແຕ່ຄວາມບໍ່ສະ
ຫງົບໄດ້ເລີ້ມຂຶ້ນ.
