ບັນດາເຈົ້າໜ້າທີ່ຊີເຣຍໄດ້ຖິ້ມໂທດ ໃສ່ອັນທີ່ພວກເຂົາເຈົ້າເອີ້ນວ່າກຸ່ມກໍ່ການຮ້າຍ ທີ່ໄດ້ທໍາລາຍທໍ່ລໍາລຽງນໍ້າມັນໃນຕອນເຊົ້າວັນຈັນມື້ນີ້ ຂະນະທີ່ພວກນັກເຄື່ອນໄຫວລາຍງານວ່າ ມີການປະທະກັນຫລາຍບັ້ນໃນແຫ່ງອື່ນໆອີກໃນປະເທດນັ້ນ.
ອົງການຂ່າວທາງການຊີເຣຍກ່າວວ່າ ທໍ່ລໍາລຽງນໍ້າມັນໄດ້ລະເບີດຂຶ້ນຢູ່ໃກ້ໆກັບເຂດ Tel
kalakh ໃກ້ກັບຊາຍແດນເລບານອນ. ໄດ້ມີການການໂຈມຕີທໍ່ລໍາລຽງນໍ້າມັນຫລາຍບັ້ນ
ນັບແຕ່ການລຸກຮືຂຶ້ນຂອງປະຊາຊົນໄດ້ເລີ້ມຂຶ້ນໃນເດືອນມີນາປີແລ້ວນີ້ ຕໍ່ຕ້ານປະທານາ
ທິບໍດີ Bashar al-Assad ແຫ່ງຊີເຣຍ ແຕ່ບໍ່ເປັນທີ່ຈະແຈ້ງເທື່ອວ່າ ແມ່ນໃຜເປັນຜູ້ຮັບ
ຜິດຊອບໃນການໂຈມຕີເຫລົ່ານັ້ນ. ບາງຫົວເມືອງຂອງຊີເຣຍໄດ້ປະເຊີນກັບການຂາດແຄນ
ໄຟຟ້າໃຊ້ ຫລັງຈາກມີການໂຈມຕີ.
ໃນຂະນະດຽວກັນ ກຸ່ມປົກປ້ອງສິດມະນຸດ Syrian Observatoryກ່າວຢູ່ໃນຖະແຫລງ
ການສະບັບນຶ່ງທີ່ ສົ່ງໄປຍັງອົງການຂ່າວຝຣັ່ງວ່າການປະທະກັນໄດ້ສັງຫານພວກທະຫານ
ລັດຖະບານ 6 ຄົນ ແລະພົນລະເຮືອນ 4 ຄົນໃນເມືອງ Hirak ໃນແຂວງ Daraa ໃນ
ພາກໃຕ້ຂອງຊີເຣຍ.
ໃນມື້ວານນີ້ ກຸ່ມນັກເຄື່ອນໄຫວດັ່ງກ່າວ ທີ່ມີຫ້ອງການຢູ່ໃນອັງກິດລາຍງານວ່າ ປະຊາຊົນ
72 ຄົນເສຍຊີວິດໃນທົ່ວປະເທດ ຮວມທັງພົນລະເຮືອນ 31 ຄົນ ຊຶ່ງສ່ວນຫລາຍແມ່ນຢູ່
ໃນເຂດຊານເມືອງຫລວງດາມັສ ກັສ ແລະສອງຫົວເມືອງໃນພາກກາງ ຄືເມືອງ Homs
ແລະເມືອງຮາມາ. ລາຍງານທີ່ວ່ານີ້ບໍ່ສາມາດຢືນຢັນໄດ້ຈາກແຫລ່ງຂ່າວອື່ນທີ່ເປັນອິດສະ
ລະເພາະວ່າຊີເຣຍຫ້າມພວກນັກຂ່າວຕ່າງປະເທດເຂົ້າໄປເອົາຂ່າວໄດ້ຢ່າງເສລີໃນປະເທດ
ນັ້ນ.
ລັດຖະບານຊີເຣຍທໍາການປ້ອງກັນນະຄອນຫລວງຂອງຕົນຈາກການໂຈມຕີຂອງພວກນັກ
ຕໍ່ສູ້ຝ່າຍກະບົດໃນວັນອາທິດວານນີ້ ດ້ວຍການສົ່ງກໍາລັງຮັກສາຄວາມປອດໄພໄປຍັງທົ່ວ
ໂຕເມືອງ ແລະພວກທະຫານປະມານ 2 ພັນຄົນທີ່ ໄດ້ຮັບການໜຸນຫລັງຈາກລົດຖັງແລະ
ລົດຫຸ້ມເກາະ ກໍໄດ້ເປີດສາກທໍາໂຈມຕີເພື່ອຍືດເອົາເຂດຊານເມືອງແຫ່ງຕ່າງໆຄືນ.
