ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ຊີເຣຍ ຮັບເອົາ ແຜນສັນຕິພາບ ຂອງທ່ານອັນນັນ (ເບິ່ງສະໄລດ໌)


ທ່ານໂກຟີ ອັນນັນ ທູດພິເສດສະຫະປະຊາຊາດ (ຊ້າຍ) ພົບປະກັບນາຍົກລັດຖະມົນຕີຈີນ ທ່ານ Wen Jiabao ທີ່ຫໍສາລາປະຊາຊົນ ໃນກຸງປັກກິ່ງ (27 ມີນາ 2012)
ທ່ານໂກຟີ ອັນນັນ ທູດພິເສດສະຫະປະຊາຊາດ (ຊ້າຍ) ພົບປະກັບນາຍົກລັດຖະມົນຕີຈີນ ທ່ານ Wen Jiabao ທີ່ຫໍສາລາປະຊາຊົນ ໃນກຸງປັກກິ່ງ (27 ມີນາ 2012)

ທ່ານ​ໂກ​ຟີ ອັນ​ນັນ ທູດ​ສັນຕິພາບ​ພິ​ເສດ​ຂອງ​ນາໆ​ຊາດກ່າວ​ວ່າ​ຊີ​ເຣຍ ໄດ້​ຮັບ​ເອົາ​ແຜນການ​ຂອງ​ທ່ານເພື່ອຍຸດຕິ​ຄວາມ​ຮຸນ​ແຮງ​ໃນ​ຊີ​ເຣຍ​ແລ້ວ.

ໂຄສົກ​ຂອງທ່ານ​ອັນ​ນັນກ່າວ​ໃນ​ວັນ​ອັງ​ຄານ​ມື້​ນີ້​ວ່າ ຄໍາ​ຕອບ​ຂອງ​ຊີ​ເຣຍ ມີ​ຂຶ້ນໃນ​ຈົດໝາຍ​ສະບັບ​ນຶ່ງ​ທີ່​ສົ່ງ​ຫາ​ທູດ​ພິ​ເສດ​ຂອງ​ສະຫະ​ປະຊາ​ຊາດ ແລະ​ສັນນິບາດ​ອາຣັບ.

ທ່ານ​ອັນ​ນັນ​ໄດ້​ພົບ​ປະ​ກັບ​ບັນດາ​ເຈົ້າ​ໜ້າ​ທີ່​ຈີນ​ໃນ​ວັນ​ອັງຄານ​ມື້​ນີ້​ໃນ​ກຸງປັກ​ກິ່ງ ຮວມທັງ
ນາຍົກລັດຖະມົນຕີ​ເຫ​ວິ້ນ​ເຈຍ​ບາ​ວ ຂະນະ​ທີ່​ຈີນ​ໃຫ້​ຄໍາ​ໝັ້ນ​ສັນຍາ​ທີ່​ຈະໃຫ້ການ​ສະໜັບ
ສະໜຸນ​ຄວາມ​ພະຍາຍາມ​ໃນການໄກ່​ເກ່ຍບັນຫາ​ຂອງ​ທ່ານ.

ແຜນການ​ຂອງທ່ານ​ ຮຽກຮ້ອງ​ໃຫ້​ພວກກໍາລັງຂອງ​ລັດຖະບານ​ແລະ​ພວກ​ກະບົດ​ຕົກລົງ​
ຢຸດ​ຍິງແລະ​ໃຫ້​ທໍາ​ການ​ໂອ້​ລົມ​ສົນທະນາກັນ. ​ແຜນການ​ດັ່ງ​ກ່າວ​ ທີ່ໄດ້​ຮັບ​ການ​ໜຸນ​ຫຼັງ
ຈາກ​ສະພາ​ຄວາມ​ໝັ້ນຄົງສະຫະ​ປະຊາ​ຊາດນັ້ນບໍ່​ຮວມທັງ​ຄໍາ​ຮຽກຮ້ອງ​ຂອງ​ຝ່າຍ​ຕາ​ເວັນ
ຕົກແລະສັນນິບາດ ອາຣັບ​ເພື່ອ​ໃຫ້​ທ່ານ​ອັສສັສ ລາ​ອອກ​ຈາກ​ຕໍາ​ແໜ່​ງອັນ​ເປັນ​ຄໍາ​ຮຽກ
ຮ້ອງ​ທີ່ຣັດ​ເຊຍ​ແລະ​ຈີນ​ຄັດຄ້ານ​ນັ້ນ.

ທ່ານ Ben Rhodes ຮອງ​ທີ່​ປຶກສາ​ ດ້ານ​ຄວາມ​ປອດ​ໄພ​ແຫ່ງ​ຊາດ​ຂອງ​ສະຫະລັດ​ກ່າວ
ໃນ​ວັນ​ອັງຄານ​ມື້​ນີ້​ວ່າ ມີ​ໂຄງ​ຮ່າງ​ພື້ນຖານ​ແລ້ວ​ເພື່ອ​ຈະ​ນໍາ​ໄປໂອ້​ລົມ​ສົນທະນາ​ກັນ​ກັບຣັດ
ເຊຍ​ແລະ​ຈີນ ວ່າ​ອັນ​ໃດ​ທີ່​ພວກ​ສອງ​ປະເທດ​ນີ້​ຈະ​ສາມາດ​ດຳ​ເນີນ​ການ​ຫຍັງ​ໄດ້​ເພື່ອ​ສະ
ໜັບສະ ໜຸນ​ທ່ານ​ອັນ​ນັນ​ນັ້ນ.

ທີ່​ກຸງ​ອິສຕັງ​ບູລ ບັນດາ​ກຸ່ມ​ຝ່າຍ​ຄ້ານ​ຊີ​ເຣຍກໍາລັງ​ພົບ​ປະກັນ​ໃນ​ຄວາມ​ພະຍາຍາມ​ເພື່ອ​ຈັດ​
ຕັ້ງ​ແນວ​ໂຮມ​ຂຶ້ນ ກ່ອນ​ກອງ​ປະຊຸມ​ຄັ້ງ​ສໍາຄັນ​ທີ່​ຈະ ມີ​ຂຶ້ນ​ໃນ​ວັນ​ທີ 1 ​ເມສາ​ຕໍ່ໜ້າ​ນີ້.

ພວກ​ປະ​ເທດ​ຝ່າຍ​ຕາ​ເວັນ​ຕົກ​ແລະ​ອາຣັບທີ່​ເອີ້ນ​ຕົນ​ເອງ​ວ່າ ​ເພື່ອນ​ມິດ​ຂອງ​ຊີ​ເຣຍກໍານົດ​ຈະ
ພົບ​ປະກັນ​ໃນ​ວັນ​ອາທິດ​ໜ້າ​ນີ້ ທີ່​ກຸງ​ອິສຕັງ​ບູລ ເພື່ອ​ທໍາ​ການ​ໂອ້​ລົມ​ສົນທະນາ​ກັນ​ເລື້ອງ​ໃຫ້
ຄວາມ​ສະໜັບສະໜຸນ​ຕໍ່ການ​ຕໍ່ສູ້ຂອງ​ພວກ​ຝ່າຍ​ຄ້ານ​ຊີ​ເຣຍ​ເພື່ອ​ຍຸດຕິ​ການ​ປົກຄອງ​ປະ​ເທດ
ແບບ​ຜະ​ເດັດ​ການ​ທີ່​ມີມາ​ຫຼາຍ​ທົດ​ສະ​ວັດ​ແລ້ວ​ນັ້ນ.

ທີ່​ຊີ​ເຣຍ ບັນດາ​ນັກ​ເຄື່ອນ​ໄຫວ​ກ່າວ​ວ່າ ການ​ສູ້​ລົບ​ກັນ​ໄດ້​ສັງຫານປະຊາຊົນ​ໄປ​ຢ່າງ​ໜ້ອຍ
8 ຄົນ​ໃນ​ທົ່ວ​ປະ​ເທດ​ໃນ​ວັນ​ອັງຄານ​ມື້​ນີ້ ຮວມທັງ​ໃນ​ເຂດ​ຊານ​ເມືອງ Douma ຂອງ​ກຸງ​
ດາ​ມັສກັສ ​ເຂດສູ້​ລົບ​ກັນ​ໃນ​ເມືອງ Homs ​ທາງ​ພາກ​ກາງແລະ​ໃນ​ແຂວງ Idlib ​ໃນ​ພາກ
ເໜືອ ​ຂອງປະ​ເທດ. ລາຍ​ງານ​ຂອງ​ພວກ​ນັກ​ເຄື່ອນ​ໄຫວ​ເຫຼົ່າ​ນີ້​ບໍ່​ສາມາດ​ໄດ້ ຮັບ​ການຢືນ
ຢັນ​ຈາກ​ແຫຼ່ງຂາວ​ທີ່​ເປັນ​ອິດ​ສະລະ ເພາະວ່າຊີ​ເຣຍຈໍາກັດ​ພວກ​ນັກ​ຂ່າວ​ຕ່າງປະ​ເທດ ​ເຂົ້າ
ໄປ​ລາຍ​ງານຂ່າວຢ່າງ​ເຂັ້ມ​ງວດ.

ມີ​ລາຍ​ງານ​ຂ່າວ​ແຈ້ງ​ໃຫ້​ຊາບ​ເຊ່ນ​ກັນ​ວ່າ ມີ​ການ​ສູ້​ລົບ​ກັນ​ເລາະ​ຕາມ​ຊາຍ​ແດນ​ຂອງ​ຊີ​ເຣຍ
ຕິດກັບ​ເລ​ບານ​ນອນ​ນັ້ນ.

XS
SM
MD
LG