ລິ້ງ ສຳຫລັບເຂົ້າຫາ

ທູດພິເສດ ສປຊ ສະແດງ ຄວາມເປັນຫ່ວງ ນໍາສະຖານະການ ໃນຊີເຣຍ

  • ສິງ ບູຣົມມະວົງ

ທ່ານໂກຟີ ອັນນັນ ທູດພິເສດສະຫະປະຊາຊາດ. ວັນທີ 25 ເມສາ 2012.

ທ່ານ​ໂກ​ຟີ ອັນ​ນັນ ທູດ​ພິ​ເສດ​ສະຫະ​ປະຊາ​ຊາດ ກ່າວ​ວ່າ ສະຖານະການ​ໃນ​ຊີ​ເຣຍສືບ​ຕໍ່
ເປັນ​ເລື້ອງ​ທີ່​ຮັບ​ເອົາ​ບໍ່​ໄດ້ ​ແລະ​ໄດ້​ສະ​ແດງ​ຄວາມເປັນ​ຫ່ວງ​ອອກ​ມາ​ ກ່ຽວ​ກັບ​ລາຍ​ງານ
ສື່​ມວນ​ຊົນ​ທີ່​ວ່າ ທະຫານ​ຂອງຊີ​ເຣຍ​ໄດ້​ທໍາ​ການ​ໂຈມ​ຕີ​ໃນ​ຂົງ​ເຂດ​ທີ່​ພວກ​ພົນລະ​ເຮືອນ​
ອາ​ໄສ​ຢູ່ຫຼັງ​ຈາກ​ພວກ​ນັກ​ສັງ​ເກດ​ການ​ສະຫະ​ປະຊາ​ຊາດ​ໄປ​ຢ້ຽມຢາມ​ແລ້ວ.

ທີ​ມພວກ​ນັກ​ສັງ​ເກດ​ການ​ຢູ່​ໃນ​ຊີ​ເຣຍ​ແມ່ນ​ເປັນ​ພາກສ່ວນ​ນຶ່ງ​ຢູ່​ໃນແຜນການ​ສັນຕິພາບ 6
ຂໍ້​ທີ່​ໄກ່​ເກ່ຍ​ໂດຍ​ທ່ານ​ອັນ​ນັນ ທີ່​ກ່າວ​ຕໍ່​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ​ໃນ​ວັນ​ອັງ
ຄານ​ວານ​ນີ້​ວ່າ ຄໍາໝັ້ນ​ສັນຍາ​ອັນດຽວທີ່​ເຊື່ອ​ຖື​ໄດ້​ ກໍ​ແມ່ນ​ພວກ​ຄໍາ​ໝັ້ນ​ສັນຍາ​ທີ່​ໄດ້​ມີ
ການ​ປະຕິບັດຕາມ​ນັ້ນ.

ທ່ານ​ນາງ Susan Rice ​ເອກ​ອັກຄະ​ລັດຖະທູດ​ສະຫະລັດ​ປະ​ຈໍາ​ສະຫະ​ປະຊາ​ຊາດ​ກ່າວ​
ວ່າ ສະຫະລັດ​ໝົດ​ຄວາມ​ອົດທົນ​ແລ້ວ​ ຊຶ່ງທ່ານ​ນາງ​ກ່າວ​ວ່າ:

“ຄວາມ​ຈິງ​ກໍ​ແມ່ນ​ວ່າ ຄວາມ​ຮຸນ​ແຮງ​ຍັງ​ດໍາ​ເນີນ​ສືບ​ຕໍ່​ໄປ ​ເຖິງ​ແມ່ນອັນ​ທີ່​ເອີ້ນ​ວ່າ ຂໍ້​ຕົກລົງ​ຢຸດ
ຍິງວັນ​ທີ 12 ​ເມສາ ​ແມ່ນ ​ໃນ​ທັດສະນະ​ຂອງ​ພວກ​ເຮົາ ​ເປັນ​ເລື້ອງ​ທີ່​ຮັບ​ເອົາ​ບໍ່​ໄດ້​ເທົ່າ​ນັ້ນ
ແຕ່ຍັງ​ເປັນ​ເລື້ອງ​ທີ່​ຄວນຈະ​ໄດ້​ຮັບ​ການ​ປະນາມ ​ແລະ​ພວກ​ເຮົາ​ໄດ້​ເວົ້າ​ມາ​ຢ່າງ​ຈະ​ແຈ້ງ​ທີ່​ສຸດ
ໃນ​ການ​ສະໜັບສະໜຸນໃຫ້​ມີ​ການ​ສົ່ງ​ພວກ​ນັກ​ສັງ​ເກດ​ການ​ໄປ​ຕິດຕາມ​ເບິ່ງ​ສະຖານະ​ການ
ແລະ​ວ່າ​ບັດ​ນີ້​ຄວາມ​ຮັບຜິດຊອບ​ຍັງ​ຄົງ​ຂຶ້ນ​ຢູ່ ກັບ​ລັດຖະບານ​ຂອງ​ຊີ​ເຣຍທີ່​ຈະ​ຢຸດ​ຄວາມ​ຮຸນ
ແຮງ​ນີ້ ​ແລະ​ຫຼັງ​ຈາກນັ້ນ​ມັນ​ຂຶ້ນ​ຢູ່​ກັບ​ທັງ​ສອງ​ຝ່າຍ ທີ່​ຈະ​ຮັກສາ​ບໍ່​ໃຫ້​ຄວາມ​ຮຸນ​ແຮງເກີດ​ຂຶ້ນ
ນັ້ນ."

ຈຳນວນຜູ້ເສຍຊີວິດໃນຊີເຣຍ
ຈຳນວນຜູ້ເສຍຊີວິດໃນຊີເຣຍ

ທ່ານ​ນາງ Rice ກ່າວ​ວ່າ ຖ້າ
ຄວາມ​ຮຸນ​ແຮງ​ຫາກ​ບໍ່​ຢຸດ​ເຊົາ
ສະຫະລັດ​ຕຽມ​ພ້ອມທີ່​ຈະ​ດໍາ
ເນີນ​ງານ ​ໄປ​ສູ່ຜົນ ​ທີ່​ຈະ​ຕິດ
ຕາມ​ມາ​ສໍາລັບ​ລັດຖະບານຊີ
ເຣຍ ແລະ​ການ​ເຄື່ອນ​ໄຫວ​ຕໍ່​
ໄປຈາກ​ສະພາ​ຄວາມ​ໝັ້ນຄົງ
ນັ້ນ.

ສະພາ​ຄວາມ​ໝັ້ນຄົງ​ ໄດ້​ຮັບ
ຮອງ​ເອົາ ​ການ​ຂະຫຍາຍ​ໂຕ​
ອອກໃນພາລະກິດ​ຂອງພວກ
ນັກສັງ​ເກດ​ການຂຶ້ນ​ເຖິງ 300
ຄົນ. ​ໃນ​ຖ້ອຍຖະ​ແຫຼ​ງ ​ໂດຍ
ສັງ​ເຂ​ບ ​ໃນ​ວັນ​ອັງຄານ​ວານ​
ນີ້ທ່ານHerve Ladsous ຫົວໜ້າ​ຮັກສາ​ສັນຕິພາບ​ຂອງ​ສະຫະ​ປະຊາ​ຊາດ ​ໄດ້​ທໍານາຍ​ວ່າ
ພວກນັກ​ສັງ​ເກດ​ການ 30 ຄົນ​ຈະ​ໄປ​ປະ​ຈໍາ​ໜ້າ​ທີ່​ພາຍ​ໃນ​ທ້າຍ​ສັບປະດາ​ນີ້ແລະ​ວ່າຈໍານວນ
ພວກ​ນັກ​ສັງ​ເກດ​ການຈະ​ເພີ່ມ​ຂຶ້ນ​ເປັນ 100 ຄົນ​ພາຍໃນ​ນຶ່ງ​ເດືອນ.

ພວກ​ຜູ້ນໍາ​ຝ່າຍ​ຄ້ານ​ ທີ່​ອາ​ໄສ​ຢູ່ໃນຕ່າງປະ​ເທດ ​ກ່າວ​ວ່າ ຈໍານວນ​ພວກ​ນັກ​ສັງ​ເກດ​ການ
ແມ່ນ​ນ້ອຍ​ໂພດ​ເພື່ອ​ຈະ​ໄປ​ກວດກາ​ເບິ່ງ​ສະຖານະ​ການໃນ​ທົ່ວ​ປະ​ເທດ​ຊີ​ເຣຍນັ້ນ.

XS
SM
MD
LG