ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເມືອງ Aleppo ຖືກໂຈມຕີໜັກ ເປັນມື້ທີສອງ


ໃນພາບຖ່າຍຂອງວນທີ 28 ກໍລະກົດ, 2012 ຄອບຄົວຂອງຊາວຊີເຣຍ ຄອບຄົວນຶ່ງຢືນຢູ່ເທິງຊາກ
ຫັກພັງຂອງເຮືອນຢູ່ຄຸ້ມ Maarat al--Numaanຢູ່ຂອບຊາຍແດນທາງຕາເວັນອອກຂອງແຂວງ Idlib, ທາງພາກເໜືອຂອງຊີເຣຍ.
ໃນພາບຖ່າຍຂອງວນທີ 28 ກໍລະກົດ, 2012 ຄອບຄົວຂອງຊາວຊີເຣຍ ຄອບຄົວນຶ່ງຢືນຢູ່ເທິງຊາກ ຫັກພັງຂອງເຮືອນຢູ່ຄຸ້ມ Maarat al--Numaanຢູ່ຂອບຊາຍແດນທາງຕາເວັນອອກຂອງແຂວງ Idlib, ທາງພາກເໜືອຂອງຊີເຣຍ.

ການລະດົມຍິງປືນ​ໃຫຍ່ ແລະ ປືນ​ຄົກໃສ່​ຢ່າງດຸ​ເດືອດ ໄດ້ສັ່ນ​ສະເທືອນເມືອງ Aleppo ທາງພາກຕາເວັນຕົກສຽງເໜືອຂອງຊີເຣຍນັ້ນ ເປັນມື້​ທີສອງລຽນຕິດ ​ໃນ​ວັນ​ອາທິດ​ມື້ນີ້ ລຸນຫລັງທີ່ກໍາລັງຂອງຝ່າຍກະບົດໄດ້ຕີຕອບໂຕ້ຄືນ ການຮຸກຮານຂອງກໍາລັງທະຫານ
ຝ່າຍລັດຖະບານທີ່ໄດ້ຮັບການສະໜັບສະໜູນດ້ວຍ​ລົດ​ຖັງ​ແລະ​ເຮືອບິນ​ເຮ​ລີ​ຄອບ​ເຕີ້ນັ້ນ.

ກຸ່ມສັງເກດການສິດທິມະນຸດຊີເຣຍ ທີ່ມີສໍານັກງານຕັ້ງຢູ່ອັງກິດເວົ້າວ່າ ມີການຕໍ່ສູ້ກັນ
ຢ່າງຮຸນແຮງ ໃນວັນອາທິດມື້ນີ້ ຢູ່ໃນຄຸ້ມຕ່າງໆ​ທາງ​ເຂດ​ກໍ້າຕາເວັນຕົກສຽງໃຕ້ຂອງ
ເມືອງດັ່ງກ່າວ.

ກຸ່ມດັ່ງກ່າວຍັງເວົ້າອີກວ່າ ​ໃນຈໍານວນຫລາຍກວ່າ 160 ຄົນທີ່ຖືກຂ້າຕາຍ​ໃນ​ວັນ​ເສົາ​
ວານ​ນີ້ ຍ້ອນການກໍ່ຄວາມວຸ້ນວາຍທີ່ກ່ຽວຂ້ອງກັບການຕໍ່ຕ້ານລັດຖະບານ ຢູ່ທົ່ວຊີເຣຍ
ນັ້ນ ມີຫລາຍກວ່າ 25 ຄົນ ໄດ້ຖືກສັງຫານຢູ່ໃນ​ເມືອງ Aleppo ທີ່​ເປັນສູນກາງການຄ້າ
ແລະ​ເມືອງໃຫຍ່​ທີ່​ສຸດ​ຂອງປະ​ເທດ​ນັ້ນ. ອົງການ​ສະຫະ​ປະຊາ​ຊາດເວົ້າວ່າ ມີຫລາຍກວ່າ
17 ພັນຄົນແລ້ວທີ່ເສຍຊີວິດຢູ່ໃນຊີເຣຍ ນັບຕັ້ງແຕ່ມີການປະທະກັນເກີດຂຶ້ນໃນເດືອນ
ມີນາປີກາຍນີ້ ເປັນຕົ້ນມາ.

ທູດພິເສດຂອງອົງການ​ສະຫະ​ປະຊາ​ຊາດ ທ່ານ Kofi Annan ກ່າວໃນວັນເສົາວານນີ້ວ່າ
ທ່ານຢ້ານວ່າຈະມີ “ບັ້ນລົບກັນເກີດຂຶ້ນໃນເວລາອັນໃກ້ນີ້” ສໍາລັບເມືອງ Aleppo. ທັງຝຣັ່ງ
ແລະຣັດເຊຍ ຕ່າງກໍໄດ້ກ່າວ​ສະ​ແດງຄວາມ​ເຫັນພ້ອມຕໍ່ຄວາມ​ເປັນ​ຫ່ວງ​ຂອງທ່ານກ່ຽວກັບ
ຄວາມຮຸນແຮງທີ່​ເພີ່ມ​ທະວີ​ຂຶ້ນ​ນັບ​ມື້ ຢູ່ທີ່ນັ້ນ.

XS
SM
MD
LG