ກໍາລັງຂອງຝ່າຍລັດຖະບານຊີເຣຍ ໄດ້ລະດົມຍິງປືນໃຫຍ່ໃສ່ຫລາຍໆເຂດຂອງຝ່າຍກະບົດ
ໃນເມືອງ Homs ທີ່ເປັນຈຸດແຫ່ງການຂັດແຍ້ງກັນ ໃນວັນອາທິດມື້ນີ້ ບໍ່ເທົ່າໃດຊົ່ວໂມງ
ກ່ອນໜ້າທີມນັກສັງເກດການຂອງສະຫະປະຊາຊາດທີ່ບໍ່ປະກອບອາວຸດທີມນຶ່ງ ມີກໍານົດ
ເດີນທາງໄປເຖິງປະເທດທີ່ ມີເສິກສົງຄາມນັ້ນ.
ພວກນັກເຄຶ່ອນໄຫວ ຢູ່ໃນຄຸ້ມ Khalidiya ຂອງເມືອງ Homs ຊຶ່ງເປັນນຶ່ງໃນຫລາຍໆຄຸ້ມ
ທີ່ຖືກໂຈມຕີໂດຍທະຫານຂອງລັດຖະບານນັ້ນ ລາຍ ງານວ່າ ມີການຍິງປືນຄົກ ແລະປືນ
ກົນຢ່າງໜັກ ຢູ່ທົ່ວໄປ.
ທ່ານ Rami Abdelrahman ຫົວໜ້າກຸ່ມສັງເກດສິດທິມະນຸດຊີເຣຍ ທີ່ມີ ສໍານັກງານຢູ່ປະ
ເທດອັງກິດ ກ່າວວ່າ ກໍາລັງຂອງຝ່າຍລັດຖະບານໄດ້ລະ ດົມຍິງປືນໃຫຍ່ໃສ່ ສາມລູກຕໍ່ນຶ່ງ
ນາທີ. ພວກນັກເຄຶ່ອນໄຫວທີ່ຢູ່ເມືອງ Homs ກ່າວວ່າ ຄຸ້ມ Bayada, Jouret
el-Shayah Qarabees ແລະເມືອງ Qusour ກໍຖືກຍິງເຊັ່ນກັນ.
ທີ່ແຫ່ງອື່ນອີກນັ້ນ ພວກກະບົດທີ່ຕໍ່ສູ້ເພື່ອໂຄ່ນລົ້ມທ່ານ Bashar al-Assad ປະທານາທິ
ບໍດີຊີເຣຍ ໄດ້ໂຈມຕີສະຖານີຕໍາຫລວດແຫ່ງນຶ່ງຢູ່ ແຂວງ Aleppo ທາງພາກເໜືອຂອງ
ປະເທດ.
ໃນການລົງຄະແນນສຽງເຫັນພ້ອມຢ່າງເປັນເອກະສັນເມື່ອວັນເສົາວານນີ້ ສະພາຄວາມໝັ້ນ
ຄົງອົງການສະຫະປະຊາຊາດ ໄດ້ອະນຸມັດໃຫ້ສົ່ງທີມສັງ ເກດການທະຫານທີ່ບໍ່ປະກອບອາ
ວຸດ ຫລາຍເຖິງ 30 ຄົນ ໄປປະຈໍາການຢູ່ຊີເຣຍ ໃນບໍ່ເທົ່າໃດມື້ຂ້າງໜ້ານີ້.
ໂຄສົກຄົນນຶ່ງຂອງທ່ານ ໂຄຟິ ອັນນັນ ທູດພິເສດຂອງສະຫະປະຊາຊາດ ແລະສັນນິບາດ
ອາຣັບກ່າວວ່າ ທີມທະຫານສັງເກດການ 6 ຄົນທໍາອິດຈະໄປເຖິງຊີເຣຍໃນວັນອາທິດມື້ນີ້.
ກຸ່ມສັງເກດການດັ່ງກ່າວມີໜ້າທີ່ລາຍງານໃຫ້ຮູ້ວ່າ ກໍາລັງທີ່ນິຍົມທ່ານ Assad ແລະ
ພວກນັກລົບປະກອບອາ ວຸດຝ່າຍຄ້ານ ກໍາລັງປະຕິບັດຕາມແຜນການສັນຕິພາບຫົກຂໍ້
ຂອງທ່ານອັນນັນ ຫລືບໍ່.
ມະຕິທີ່ຖືກຮັບຜ່ານເອົາໃນວັນເສົາວານນີ້ ອະນຸຍາດໃຫ້ເພີ່ມພວກນັກສັງເກດຂື້ນເປັນ 250
ຄົນໄດ້ ເວລາສະພາບການຄືນສູ່ປົກກະຕິແລ້ວ.
ທ່ານ Bashar Ja’afari ເອກອັກຄະລັດຖະທູດຊີເຣຍ ໄດ້ເນັ້ນຍໍ້າຄວາມ ມຸ້ງໝັ້ນຂອງປະ
ເທດຂອງທ່ານ ຕໍ່ແຜນການຂອງອົງການສະຫະປະຊາຊາດ ທີ່ຮຽກຮ້ອງ ໃຫ້ມີການຢຸດຍິງ
ຖອນກໍາລັງທະຫານ ມີການໂອ້ລົມກັນລະຫວ່າງລັດຖະບານແລະຝ່າຍຄ້ານ ແລະການຜັນ
ປ່ຽນທາງການເມືອງສໍາລັບປະເທດດັ່ງກ່າວ.