ລິ້ງ ສຳຫລັບເຂົ້າຫາ

logo-print

ມະ​ຫ​າ​ວິ​ທະ​ໄລ ໃນ ສະ​ຫະ​ລັດ ດຶດງດູດ​ເອົາ ນັກ​ສຶກ​ສາ​ຕ່າງ​ປະ​ເທດ ເຂົ້າມາຮ່ຳຮຽນ ໄດ້ໜ້ອຍ​ລົງ


ພວກນັກສຶກສາຕ່າງປະເທດ ເຂົ້າມາຮ່ຳຮຽນໃນມະຫາວິທະຍາໄລ ຂອງສະຫະລັດ ອາເມຣິກາ ໜ້ອຍລົງ

ເປັນ​ເວ​ລາຫຼາຍ​ທົດ​ສະ​ວັດ​ມາ​ແລ້ວ ທີ່​ມະ​ຫາ​ວິ​ທະ​ຍາ​ໄລທັງຫຼາຍ​ຂອງ ສະ​ຫະ​ລັດ ໄດ້​ດຶງ​ດູດ​ນັກ​ສຶກ​ສາຕ່າງ​ປະ​ເທດ ຈຳ​ນວນຫຼວງຫຼາຍ ຜູ້​ທີ່​ໄດ້ມາ​ຕື່ມ​ພະ​ລັງ​ສະ​ໝອງ ​ຢູ່​ໃນ​ຫ້ອງ​ຮຽນ​ທົ່ວ​ໄປ​ຂອງ​ອາ​ເມ​ຣິ​ກາ ໃນ​ຂະ​ນະ​ດຽວ​ກັນ ກໍ​ໄດ້​ເພີ້ມເງິນຫຼາຍ​ຕື້​ໂດ​ລາ​ເຂົ້າ​ໃນ​ເສດ​ຖະ​ກິດ​ຂອງ​ສະ​ຫະ​ລັດ​ນຳ​ດ້ວຍ. ແຕ່​ບັນ​ດາ​ນັກ​ສຶກ​ສາ​ຕ່າງ​ປະເທດ ປາ​ກົດ​ວ່າ​ ຮູ້​ສຶກ​ກະ​ຕື​ລື​ລົ້ນ​ໜ້ອຍລົງ ກ່ຽວ​ກັບ ສະ​ຫະ​ລັດ ​ໃນ​ປັດ​ຈຸ​ບັນ​ນີ້.​ ແຄັດ​ຕ​ລີນ ສ໌ຕ​ຣັກ ແລະ​ບ​ຣອນ​ວິນ ເບ​ນີ​ໂຕ ນັກ​ຂ່າວ​ຂອງວີ​ໂອ​ເອ ກຳ​ລັງ​ພາ​ກັນ​ຄົ້ນ​ຄວ້າເບິ່ງ ​ປັດ​ໄຈ​ຕ່າງໆ ທີ່​ເຮັດ​ໃຫ້​ພວກ​ນັກ​ສຶກ​ສາ​ຕ່າງ​ປະ​ເທດ ​ຈຳ​ນວນຫຼາຍ​ຂຶ້ນ ຫັນ​ໄປ​ແຫ່ງ​ອື່ນໆ​ແທນ ຊຶ່ງ​ໄຊ​ຈະ​ເລີນ​ສຸກ ຈະ​ນຳ​ເອົາ​ລາຍ​ລະ​ອຽດ​ກ່ຽວ​ກັບ​ເລື້ອງນີ້ ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ນາງ​ສ​ຣູ​ສ​ຕີ ຊີນ​ຮາ (Shrusti Sinha) ຮູ້​ຢ່າງຄັກ​ແນ່​ວ່າ ເປັນ​ຫຍັງ​ນາງ​ຈຶ່ງ​ເລືອກ​ມາ​ຮຽນຢູ່​ມະ​ຫ​າ​ວິ​ທະ​ຍາ​ໄລ​ໃນສະ​ຫະ​ລັດ.

ນາງ​ສ​ຣູ​ສ​ຕີ ຊີນ​ຮາ ເປັນ​ນັກ​ສຶກ​ສາ​ຕ່າງ​ປະ​ເທດ ກ່າວ​ວ່າ “ເສ​ລີ​ພາບ​ທີ່​ເຈົ້າ​ມີ​ຢູ່​ນະ​ທີ່​ນີ້ ໃນ​ແງ່​ຂອງ​ການ​ເລືອກ​ສິ່ງ​ທີ່ເຈົ້າ​ຢາກ​ຈະ​ຮ່ຳ​ຮຽນ…ແລະ ​ຍັງ​ມີ​ໂອ​ກາດ ຫຼາຍໆ​ຢ່າງທີ່​ເຈົ້າ​ຈະ​ໄດ້​ຮັບ ເມື່ອ​ຮ່ຳ​ຮຽນ​ຢູ່​ທີ່ນີ້…ພວກ​ເຮົາ​ມີ​ນາ​ຍົກ​ລັດ​ຖະ​ມົ​ນ​ແລະ​ປະ​ທາ​ນາ​ທິ​ບໍ​ດີ ຫຼາຍ​ຄົນ ມາ​ ມະ​ຫາ​ວິ​ທະ​ຍາ​ໄລ ໂຄ​ລຳ​ເບຍ ແລະ​ກ່າວ​ຄຳ​ປາ​ໄສຢູ່ນະທີ່ນີ້ ​ໃນ​ລະ​ຫວ່າງ ກອງ​ປະ​ຊຸມ​ສົນ​ທະ​ນາ​ຂອງ​ບັນ​ດາ​ຜູ້​ນຳໂລກ …ເຈົ້າ​ມີ​ໂອ​ກາດ​ໄດ້​ເຂົ້າ​ຮ່ວມ​ໃນ​ການ​ສົນ​ທະ​ນາ​ກັບບັນ​ດາ​ຜູ້​ໄດ້​ຮັບ​ລາງວັນ​ໂນ​ແບ​ລນຳ.”​

ແຕ່​ອັນ​ນັ້ນ ກໍ​ບໍ່ແມ່ນພຽງ​ສິ່ງ​ດຶງ​ດູດ​ຢ່າງ​ດຽວ ເອົາ​ພວກ​ນັກ​ສຶກ​ສາ​ຕ່າງ​ປະ​ເທດ ທີ່​ສົນ​ໃຈ​.

ນາງ​ສຽວ ເໝິງ ຫຼິວ ນັກ​ສຶກ​ສາ​ຕ່າງ​ປະ​ເທດ​ອີກ​ຄົນ​ນຶ່ງ ກ່າວ​ວ່າ “ຫຼັກ​ສູດ​ຂອງ​ສະ​ຫະ​ລັດ ອຳ​ນວຍ​ໃຫ້​ມີ​ການສົນ​ທະ​ນາ​ກັນ​ຢ່າງ​ມີ​ຊີ​ວິດ​ຊີ​ວາຫຼາຍກວ່າ. ຍັງ​ມີ​ການ​ສົນ​ທະ​ນາ​ກັນ ນຶ່ງ​ຕໍ່​ນຶ່ງ ລະ​ຫວ່າງ ມິດ​ສະ​ຫາຍ ຢູ່​ໃນ​ຫ້ອງ​ຮຽນ ຫຼວງຫຼາຍ ໃນ​ຂະ​ນະ​ດຽວ​ກັນ ຢູ່​ໃນ​ອັງ​ກິດ ມີ​ແຕ່​ການບັນ​ລະຍາຍຫຼາຍກວ່າ ຕະຫຼອດ​ເວ​ລາ​ເລີຍ.”

ມີ​ນັກ​ສຶກ​ສາຕ່າງ​ປະ​ເທດ​ຢູ່​ໃນມະ​ຫາ​ວິ​ທະ​ຍາ​ໄລຂອງ​ສະ​ຫະ​ລັດ ຫຼາຍກວ່າ 1 ລ້ານ​ຄົນ ໃນ​ເວ​ລານີ້.

ແຕ່​ວ່າ ​ຄວາມ​ກະ​ຕື​ລື​ລົ້ນສຳ​ລັບ​ການ​ສຶກ​ສາ​ຂອງ​ອາ​ເມ​ຣິ​ການັ້ນ ແມ່ນກຳ​ລັງ ຫລຸດ​ນ້ອຍ​ຖອຍ​ລົງ​ຢູ່ບໍ່?

ທ່ານ​ນາງ ແມ​ຣີ ແຄັ​ດ​ຕ​ຣິນ ນັກ​ຊ່ຽວ​ຊາ​ນ​ດ້ານ​ການ​ສຶກ​ສາ ໃຫ້​ຄຳ​ເຫັນ​ວ່າ “ໃນ​ໄລ​ຍະ​ສອງ​ເດືອນ​ຜ່ານ​ມານີ້ ພວກ​ເຮົາ ໄດ້​ເຫັນ​ວ່າ ມີ​ການຫັນ​ປ່ຽນ ໃນສະ​ຖານ​ທີ່​ ບ່ອນ​ທີ່​ພວກ​ນັກ​ສຶກ​ສາ​ຢາກ​ຈະ​ໄປ​ຮ່ຳ​ຮຽນ.”

ພວກ​ນັກ​ສຶກ​ສາ​ຕ່າງ​ປະ​ເທດ​ບາງ​ສ່ວນ ລັ່ງ​ເລ​ໃຈ​ຍ້ອນ ຄ່າ​ໃຊ້​ຈ່າຍ​ຂອງວິ​ທະ​ຍາ​ໄລ ຫຼື ມະ​ຫາ​ວິ​ທະ​ຍາ​ໄລ ຂອງ​ສ​ະ​ຫະ​ລັດ ຊຶ່ງໂດຍ​ສະ​ເລ່ຍ​ແລ້ວ​ແມ່ນ 25,000 ໂດ​ລາຕໍ່​ປີ ສຳ​ລັບ​ໂຮງ​ຮຽນ​ຂອງ​ລັດ ແລະ ຫຼາຍ​ເຖິງ 70,000 ໂດ​ລາ​ຕໍ່​ປີ ສຳ​ລັບມະ​ຫາ​ວິ​ທະ​ຍາ​ໄລ​ຂອງ​ເອ​ກ​ກະ​ຊົນ. ແລະ​ຄ່າ​ໃຊ້​ຈ່າຍ​ດັ່ງ​ກ່າວ ບໍ່​ແມ່ນ​ອຸ​ປະ​ສັກ ພຽງ​ອັນ​ດຽວ​ເທົ່າ​ນັ້ນ. ການ​ໄດ້​ຮັບວີ​ຊາ​ນັກ​ສຶກ​ສາຂອງ​ສະ​ຫະ​ລັດ ກໍ​ຍັງ​ເປັນ​ຄວາມ​ທ້າ​ທາຍ​ອີກ​ປະ​ການ​ນຶ່ງ.

ທ້າວ​ອາ​ບີ​ລາ​ສ ປ​ຣາ​ຊານ ນັກ​ສຶກ​ສາ​ຕ່າງ​ປະ​ເທດ​ອີກ​ຜູ້​ນຶ່ງ ກ່າວ​ວ່າ “ຂ້າ​ພະ​ເຈົ້າ​ໄດ້​ພົບ​ປະ​ກັບ​ຜູ້​ປົກ​ຄອງຫຼາຍໆ​ຄົນ ຜູ້​ທີ່​ຢາກ​ຈະ​ສົ່ງ​ພວກ​ລູກ​ເຕົ້າ​ຂອງ​ເຂົາ​ເຈົ້າ​ໄປ​ຮ່ຳ​ຮຽນ​ຕັ້ງ​ແຕ່​ຫົວ​ທີ ແຕ່​ຄື​ກັບ​ວ່າ ​ບໍ່​ໄດ້ ຍ້ອນ​ສະ​ຖາ​ນະ​ການ​ກ່ຽວ​ກັບ​ວີ​ຊາ ເພາະ​ບັນ​ຍາ​ກາດ​ການ​ຕໍ່​ຕ້ານ​ພວກ​ຄົນ​ເຂົ້າ​ເມືອງ ແລະ​ປັດ​ໄຈ​ອື່ນໆ ພວກ​ເຮົາ​ກໍ​ບໍ່​ແນ່​ໃຈ. ແລະ​ອັນ​ນັ້ນ ເປັນ​ປັດ​ໄຈ​ສຳ​ຄັນ ໃນ​ການ​ຕັດ​ສິນ​ໃຈ ຈະ​ບໍ່​ມາ​ຮຽນ​ໃນ​ສະ​ຫະ​ລັດ.”

ສ່ວນ​ນາງ​ໂດ​ລີ​ກາ ໂກ​ປີ​ເສັ​ດ​ຕີ ນັກ​ສຶກ​ສາ​ຕ່າງ​ປະ​ເທດ​ໃຫ້​ຄຳ​ເຫັນ​ວ່າ “ຂ້າ​ພະ​ເຈົ້າ​ຄຶດ​ວ່າ ຄວາມ​ຫຍຸ້ງ​ຍາກ​ອັນ​ດັບ​ນຶ່ງ ກ່ຽວ​ກັບ ສະ​ພາບ​ການ​ຂອງວີ​ຊານີ້ ກໍ​ແມ່​ນ​ວ່າ ບໍ່​ມີສະ​ຖຽນ​ລະ​ພາບ ແລະ​ຄວາມ​ໝັ້ນ​ຄົງ”

ແລະທ້າວ​ອາ​ບີ​ລາ​ສ ປ​ຣາ​ຊານ ກໍ​ໄດ້​ໃຫ້​ຄຳ​ເຫັນ​ວ່າ “ຂ້າ​ພະ​ເຈົ້າ​ຄຶດ​ວ່າ ມັນ​ເປັນ​ຄວາມບໍ່​ແນ່ນອນ ທີ່​ມີ​ຜົນ​ກະ​ທົບຢ່າງ​ແທ້​ຈິງ ໃນ​ທັດ​ສະ​ນະ​ຄະ​ຕິ​ຂອງ​ພວກ​ນັກ​ສຶກ​ສາ ຕໍ່​ອາ​ເມ​ຣິ​ກາ ທີ່​ເປັນ​ຈຸດ​ໝາຍ​ປາຍ​ທາງ​ຂອງ​ການ​ສຶກ​ສານັ້ນ ແນວ​ໃດ ໃນ​ເວ​ລານີ້.”

ຄວາມບໍ່​ແນ່ນອນ​ອັນ​ນັ້ນ ໄດ້​ເພີ້ມຂຶ້ນ ​ຍ້ອນ​ການ​ໂຕ້​ວາ​ທີ​ທາງດ້ານ​ການ​ເມືອງ​ໃນ​ເລື້ອງ​ຄົນ​ເຂົ້າ​ເມືອງ ​ໂດຍສ່ວນ​ໃຫຍ່​ແລ້ວ ເປັນ​ເລື້ອງ​ທີ່​ໂຫດ​ຮ້າຍ ຂອງ​ອາ​ເມ​ຣິ​ກາ ພ້ອມ​ກັນ​ນັ້ນ ນະ​ໂຍ​ບາຍ​ຂອງ​ສະ​ຫະ​ລັດ​ສ່ວນ​ນຶ່ງ ແນ​ເປົ້າ​ໝາຍ​ໃສ່​ພວກ​ເດີນ​ທາງ​ເຂົ້າ​ມາ​ໃນ​ປະ​ເທດ ຈາກ​ບາງ​ປະ​ເທດ​ຈຳ​ນວນ​ນຶ່ງ.

ໃນ​ຂະ​ນະ​ດຽວ​ກັນ ຄວາມ​ຮຸນ​ແຮງ​ທີ່​ເກີດ​ຂຶ້ນໃນ​ສະ​ຫະ​ລັດ ​ລວມ​ມີ ການ​ຍິງ​ສັງ​ຫານ​ໝູ່ຢູ່​ໂຮງ​ຮຽນ​ຕ່າງໆ​ຂອງ​ອາ​ເມ​ຣິ​ກາ ແລະ​ອາ​ຊະ​ຍາ​ກຳ​ຕ່າງໆ ຕໍ່​ພວກ​ຊາວ​ຕ່າງ​ຊາດ ແມ່ນ​ໄດ້ປ່າວ​ປະ​ກາດ ​ໃນ​ຫົວ​ຂໍ້​ຂອງ​ຂ່າວຢູ່​ທົ່ວ​ໂລກ. ຜົນ​ໃນ​ທີ່​ສຸດ ກໍ​ເຮັດ​ໃຫ້​ການລົງ​ທະ​ບຽນ​ຮ່ຳ​ຮຽນ ຢູ່​ໃນ​ສະ​ຫະ​ລັດ ​ຢູ່​ໃນ​ລະ​ດັບ​ທຸ່ນ​ທ່ຽງ.

​ອີງ​ຕາມ ການ​ສຳຫຼວດ​ປະ​ຈຳ​ປີ ໂດຍ​ສະ​ຖາ​ບັນ​ເພື່ອ​ການ​ສຶ​ກາ​ສາຕ່າງ​ປະ​ເທດ ແລ້ວ ສະ​ຫະ​ລັດ ແມ່ນ​ຍັງ​ເປັນ​ທາງ​ເລືອກອັນ​ດັບ​ນຶ່ງ ສຳ​ລັບ​ພວກ​ນັກ​ສຶກສາ​ຕ່າງ​ປະ​ເທດຢູ່. ແຕ່​ປະ​ເທດ​ເຊັ່ນ ກາ​ນາ​ດາ ອອ​ສ​ເຕ​ຣ​ເລຍ ແລະ​ນິວ​ຊີ​ແລນ ແມ່ນ​ກຳ​ລັງ​ໄດ້​ຮັບ​ຄວາມ​ນິ​ຍົມຫຼາຍ​ຂຶ້ນ​ເລື້ອຍໆ.

ທ່ານ​ນາງ​ມາ​ຣີ ຣອຍ​ສ໌ ຈາກ​ກະ​ຊວງ​ການ​ຕ່າ​ງ​ປະ​ເທດ ໄດ້​ກ່າວ​ວ່າ “ພວກ​ເຮົາ​ຮູ້​ດີ​ວ່າ ພວກ​ນັກ​ສຶກ​ສາ​ຕ່າງ​ປະ​ເທດ ຍັງ​ມີ​ທາງ​ເລືອກຫຼາຍກວ່າ ທີ່ບໍ່​ເຄີຍ​ມີ​ມາ​ກ່ອນ ກ່ຽວ​ກັບ​ ສະ​ຖານ​ທີ່​ເພື່ອ​ສະ​ແຫວງ​ຫາ​ການ​ສຶກ​ສາ​ຊັ້ນ​ສູງ.”

ເຖິງ​ແມ່ນ​ວ່າ ຄ່າ​ໃຊ້​ຈ່າຍ​ແມ່ນ​ສູງ​ພໍ​ສົມ​ຄວນ ແລະ​ປັດ​ໄຈ​ອື່ນໆ ທີ່​ເຮັດ​ໃຫ້​ສະ​ຫະ​ລັດ ເປັນ​ແຫລ່ງ​ທີ່ບໍ່​ຄ່ອຍ​ດຶງ​ດູດ​ຈິດ​ໃຈ ກໍ​ຕາມ ການ​ຖືກ​ເລືອກ​ເອົາ ໂດຍພວກ​ນັກ​ສຶກ​ສາ​ຕ່າງ​ປະ​ເທດ​ນັ້ນ ກໍ​ຍັງ​ຄົງ​ສູງ​ຢູ່.

ນາງ​ເດ​ໂບ​ຣາ ກີ​ໂຣ​ສ ເຊ​ນາ ນັກ​ສຶກ​ສາ​ຕ່າງ​ປະ​ເທດ ກ່າວ​ວ່າ “ການ​ຢູ່​ນະ​ທີ່ນີ້ ໄດ້​ເປີດ​ປະ​ຕູ​ຫຼາຍ​ແຫ່ງ​ຂອງໂລກ ແກ່​ຂ້າ​ພະ​ເຈົ້າ.”

ແລະ​ນາງ​ສ​ຣູ​ສ​ຕີ ຊີນ​ຮາ ກໍ​ໄດ້​ກ່າວ​ວ່າ “ພວກ​ຄົນ​ທີ່​ຂ້າ​ພະ​ເຈົ້າ​ໄດ້​ພົບ ໂອ​ກາດ​ຕ່າງໆ ທີ່​ຂ້າ​ພະ​ເຈົ້າ​ເຂົ້າ​ເຖິງ​ໄດ້ ຂ້າ​ພະ​ເຈົ້າ​ຄຶດ​ວາ ສະ​ຫະ​ລັດ ແທ້​ຈິງ​ແລ້ວ ມອບ​ສິ່ງ​ຕ່າງໆ​ທີ່​ດີ​ສຸດ​ແກ່​ເຈົ້າ ​ຊຶ່ງ​ໃນ​ຄວາມ​ຮູ້​ສຶກ​ທີ່​ວ່າ ມັນ​ບໍ່​ແມ່ນ​ພຽງ​ແຕ່​ອາ​ເມ​ຣິ​ກັນ​ເທົ່າ​ນັ້ນ ມັນ​ຍັງ​ແມ່ນ​ທົ່ວ​ໂລກ.”

ແລະ​ນາງ​ເຊ​ນາ ກໍ​ໄດ້​ເວົ້າ​ວ່າ “ໂອ​ກາດ​ປ່ຽນ​ແປງ​ທຸກ​ສິ່ງ​ທຸກ​ຢ່າງ​ໄດ້.”

ມະ​ຫາ​ວິ​ທະ​ຍາ​ໄລ​ທັງຫຼາຍ​ຂອງ​ສະ​ຫະ​ລັດ ທີ່​ກາງ​ຕໍ່​ລາຍ​ໄດ້​ຈາກ​ນັກ​ສຶກ​ສາ​ຕ່າງ​ປະ​ເທດ ຫວັງ​ວ່າ ຄວາມ​ຮູ້​ສຶກ​ຂອງການ​ມີໂອ​ກາດ ຈະຍືນ​ຍົງ​ຕໍ່​ໄປ.

For decades, U.S. universities have attracted large numbers of foreign students, who add brainpower to American classrooms while adding billions to the U.S. economy. But international students seem less enthusiastic about the United States of late. VOA's Kathleen Struck and Bronwyn Benito take a look at the factors prompting a growing number of foreign students to look elsewhere.

Shrusti Sinha's knows exactly why she chose to come to college in the U.S.

(Shrusti Sinha, International Student)
"The freedom that you have here in terms of choosing what you want to study... and also the opportunities that studying here gives you... We have prime ministers and presidents come and speak at Columbia during the World Leaders Forum...you get to attend talks with Nobel laureates,"

But that's not the only draw for prospective international students.

(Xiao Meng Lyu, International Student)
"U.S. courses offer a more vibrant discussion. There is more peer-to-peer discussion going on in the class, whereas in the UK it is more lecturing all the time."

More than one million international university students study in the United States today.
But is enthusiasm for an American education waning?

(Mary Catherine Chase, Education Expert)
"We've seen in the last two years, shifts in where students want to go."

Some foreign students balk at the price of a U.S. college or university, which averages between $25,000 a year at state schools and as much as $70,000 a year at private universities. And cost isn't the only hurdle. Obtaining a U.S. student visa can also be a challenge.

(Abhilash Prasann, International Student)
"I met a lot of parents who wanted to send their kids earlier but were like, No, with the visa situation, the climate against immigrants and what-not [[other factors]], we are unsure.' And that was a huge factor deciding against it."

(Dolica Gopisetty, International Student)
"I think, the number one struggle with this visa situation is not having stability, security, "

(Abhilash Prasann, International Student)
"I think it's the uncertainty that really affects how a lot of students view America as an education destination now."

That uncertainty is heightened by America's often harsh political debate over immigration as well as U.S. policies targeting travelers from certain countries.

Meanwhile, violence in the U.S. - including mass-shootings at American schools and crimes against foreigners - are trumpeted in headlines around the globe.
The end result is a leveling off of international student enrollment in the US.

According to the annual survey by the Institute for International Education, the U.S. is still the number one choice for foreign students. But countries like Canada, Australia and New Zealand are gaining popularity.

(Marie Royce, U.S. Department of State)
"We know that international students also have more choices than ever before about where to pursue higher education."

Despite the hefty price tag and other factors that make the US less attractive, the draw for international students remains strong

(Debora Queiroz Sena, International Student)
"Being here opened the doors of the world to me."

(Shrusti Sinha, International Student)
"The people I meet, the opportunities I get access to, I think the United States really gives you some of the best of that in the sense that it is not just American, it's also global."

(Debora Queiroz Sena, International Student)
"Opportunity changes everything."

U.S. universities that depend on foreign student revenue hope that sense of opportunity endures.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG