ປະທານາທິບໍດີ ໂຈ ໄບເດັນ ທີ່ກຳລັງຟ້າວຝັ່ງເພື່ອຜ່ອນຄາຍວິກິດການທາງດ້ານການເມືອງ ກ່ຽວກັບ ຜົນງານການໂຕ້ວາທີທີ່ສັ່ນຄອນຂອງທ່ານ, ຈະເຂົ້າຮ່ວມໃນການສຳພາດອອກໂທລະພາບໃນວັນສຸກມື້ນີ້ ທີ່ຈະຖືກຕິດຕາມຢ່າງໃກ້ຊິດ ສຳລັບສັນຍານຕ່າງໆທີ່ວ່າຄວາມແຫຼມຄົມດ້ານຄວາມຄິດຂອງທ່ານແມ່ນກຳລັງລົ້ມແຫຼວຫຼືບໍ່.
ທ່ານ ໄບເດັນ ຈະເດີນທາງໄປນະຄອນ ແມດິສັນ, ລັດ ວິສຄອນຊິນ, ເພື່ອຈັກການຊຸມນຸມກັບບັນດາຜູ້ລົງຄະແນນສຽງພັກເດໂມແຄຣັດ. ໃນລະຫວ່າງການເດີນທາງນັ້ນທ່ານຈະໃຫ້ການສຳພາດກັບໂທລະພາບ ABC, ເຊິ່ງເປັນສ່ວນນຶ່ງຂອງງານທີ່ຕື່ນເຕັ້ນໃນອາທິດໜ້າ ທີ່ແນເປົ້າເພື່ອສະແດງໃຫ້ປະຊາຊົນອາເມຣິກັນເຫັນວ່າ ທ່ານຍັງຄົງມີຄວາມແຂງແຮງເພື່ອລົງແຂ່ງຂັນກັບຜູ້ທ້າຊິງຕຳແໜ່ງຈາກພັກຣີພັບບລີກັນ ທ່ານ ດໍໂນລ ທຣຳ ໃນການເລືອກຕັ້ງວັນທີ 5 ພະຈິກນີ້.
ໃນຂະນະທີ່ທ່ານ ໄບເດັນ ຢືນຢັດວ່າທ່ານຍັງຢູ່ໃນການແຂ່ງຂັນ ແລະ ວ່າສຸຂະພາບຂອງທ່ານບໍ່ໄດ້ຊຸດໂຊມລົງ, ທ່ານແມ່ນຢູ່ພາຍໃຕ້ການກົດດັນຢ່າງໜັກ ເພື່ອໃຫ້ອອກຈາກການແຂ່ງຂັນ ແລະ ເປີດທາງໃຫ້ຮອງປະທານາທິບໍດີອາຍຸ 59 ປີ, ທ່ານນາງ ຄາມາລາ ແຮຣິສ.
ຜູ້ບໍລິຈາກເງິນຈຳນວນນຶ່ງແມ່ນກຳລັງເຮັດໃຫ້ຄວາມບໍ່ໃຈຂອງເຂົາເຈົ້າເປັນທີ່ຮູ້ຈັກຢ່າງດັງກ້ອງ, ຢຸດການໃຫ້ທຶນ ຫຼື ຊອກຫາທາງເລືອກທີ່ເປັນໄປໄດ້ອື່ນໆຈາກພັກເດໂມແຄຣັດ. ແມ່ນກະທັ້ງພັນທະມິດທາງການເມືອງທີ່ໃກ້ຊິດທີ່ສຸດຈຳນວນນຶ່ງຂອງທ່ານ ໄບເດັນ, ຄືອະດີດປະທານສະພາຕ່ຳ ທ່ານນາງ ແນນຊີ ເພໂລຊີ, ໄດ້ຍົກຄຳຖາມ ກ່ຽວກັບ ສຸຂະພາບຂອງທ່ານຂຶ້ນມາ.
ການຢັ່ງຫາງສຽງຈາກສາທາລະນະຫຼາຍຄັ້ງໄດ້ສະແດງໃຫ້ເຫັນທ່ານ ທຣຳ ມີຄະແນນນຳໜ້າຂະໜາດໃຫຍ່ຕໍ່ປະທານາທິບໍດີສັງກັດພັກເດໂມແຄຮັດນັບຕັ້ງແຕ່ການໂຕ້ວາທີນັ້ນ. ໃນຂະນະທີ່ການຢັ່ງຫາສຽງຂອງ Reuters/Ipsos ພົບວ່ານຶ່ງໃນສາມຂອງສະມາຊິກພັກເດໂມແຄຣັດ ຢາກໃຫ້ທ່ານ ໄບເດັນ ອອກຈາກການແຂ່ງຂັນ.
ທຳນຽບຂາວໄດ້ຖິ້ມໂທດໃສ່ໄຂ້ຫວັດ ສຳລັບຜົນງານທີ່ສັ່ນຄອນຂອງທ່ານ ໄບເດັນ ແລະ ທ່ານ ໄບເດັນ ເອງກໍໄດ້ອ້າງເຖິງອາການອ່ອນເພຍຈາກການເດີນທາງຕິດຕໍ່ກັນໃນ ຢູໂຣບ.
ອ່ານຂ່າວນີ້ເປັນພາສາອັງກິດ
President Joe Biden, scrambling to defuse a political crisis over his shaky debate performance, will participate in a television interview on Friday that will be closely watched for signs of whether his mental acuity is failing.
Biden will travel to Madison, Wisconsin, to rally Democratic voters. During the trip he will be interviewed by ABC News, part of a flurry of events over the next week aimed at showing Americans he still has the stamina to run against Republican candidate Donald Trump in the Nov. 5 election.
While Biden insists he is staying in the race and that his health is not faltering, he is under enormous pressure to step aside and open a path for his 59-year-old vice president, Kamala Harris.
Some donors are making their displeasure known loudly, halting funding or looking at possible Democratic alternatives. Even some of Biden's closest political allies, like former Speaker Nancy Pelosi, have raised questions about his health.
Several public opinion polls have shown Trump establishing a sizeable lead over the Democratic president since the debate, while a Reuters/Ipsos poll found one in three Democrats want Biden to quit the race.
The White House has blamed a cold for Biden's shaky performance and Biden himself cited jet lag from back-to-back trips to Europe.
ຟໍຣັມສະແດງຄວາມຄິດເຫັນ