ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ກະຊວງການຕ່າງປະເທດ ສະຫະລັດ ປະນາມ ການຕັດສິນລົງໂທດ ນັກເຄື່ອນໄຫວ 2 ຄົນຂອງຈີນ


ໃນພາບນີ້ ທີ່ໄດ້ຖືກເປີດເຜີຍໂດ ກຸ່ມ Free Huang Xueqin & Wang Jianbing, ຄືນັກເຄື່ອນໄຫວເພື່ອສິດເສລີພາບສຳລັບພວກແຮງງານ ທ່ານຫວັງ ຈຽນບິງ ຕັ້ງທ່າຖ່າຍຮູບຢູ່ທີ່ ພູລູຊານ (Mount Lushan) ໃນແຂວງຈຽງຊີ ເມື່ອເດືອນເມສາ 2021.
ໃນພາບນີ້ ທີ່ໄດ້ຖືກເປີດເຜີຍໂດ ກຸ່ມ Free Huang Xueqin & Wang Jianbing, ຄືນັກເຄື່ອນໄຫວເພື່ອສິດເສລີພາບສຳລັບພວກແຮງງານ ທ່ານຫວັງ ຈຽນບິງ ຕັ້ງທ່າຖ່າຍຮູບຢູ່ທີ່ ພູລູຊານ (Mount Lushan) ໃນແຂວງຈຽງຊີ ເມື່ອເດືອນເມສາ 2021.

ສະຫະລັດ ໃນວັນຈັນວານນີ້ ໄດ້ປະນາມການລົງໂທດຕໍ່ນັກເຄື່ອນໄຫວສອງ ຄົນຢູ່ໃນຈີນ ວ່າ “ບໍ່ຍຸດຕິທຳ” ອີງຕາມເຈົ້າໜ້າທີ່ຂອງກະຊວງການຕ່າງປະເທດ.

ຖະແຫລງການທີ່ໄດ້ຖືກກະກຽມໂດຍທ່ານແມັດຕີວ ມີລເລີ ໂຄສົງຂອງກະຊວງ ໄດ້ກ່າວວ່າ “ພວກເຮົາຮຽກຮ້ອງຕໍ່ ສ​ປ ຈີນ (ສາທາລະນະລັດປະຊາຊົນຈີນ) ໃຫ້ປ່ອຍຕົວນາງ ຫວງ ແລະ ທ້າວຫວັງ ໃນທັນທີ ພ້ອມກັບບຸກຄົນອື່ນໆທີ່ຖືກ ຄຸມຂັງຢ່າງບໍ່ເປັນທຳ ສຳລັບການໃຊ້ສິດເສລີພາບຂັ້ນພື້ນຖານຂອງເຂົາເຈົ້າ.”

ຖະແຫລງການນີ້ກ່າວອີກວ່າ “ພວກເຮົາສືບຕໍ່ຮຽກຮ້ອງຕໍ່ ສ​ປ ຈີນ ໃຫ້ປະຕິບັດ ຕາມຄຳໝັ້ນສັນຍາສາກົນຂອງຕົນ ແລະໃຫ້ນັບຖືສິທິມະນຸດຂອງໝົດທຸກຄົນ ລວມທັງເສລີພາບໃນການສະແດງອອກ ແລະການຮັບປະກັນໃນການດຳເນີນ ຄະດີທີ່ເປັນທຳ.”

ຖະແຫລງການນີ້ຖືກ​ປະ​ກາດອອກມາພາຍຫຼັງຈາກສານຂອງແຂວງກວາງໂຈ ໄດ້ຕັດສິນລົງໂທດ ນັກຂ່າວອິດສະຫຼະ ນາງ ຫວງ ຊູກິນ ແລະນັກເຄື່ອນໄຫວ ເພື່ອສິດທິແຮງງານ ທ້າວ ຫວັງ ຈຽນບິງ ໃນຂໍຫາ “ຍຸແຍ່ໃຫ້ເກີດການໂຄ່ນ ລົ້ມອຳນາດລັດ.” ນາງ ຫວງ ປະເຊີນກັບການຖືກຂັງຄຸກສູງເຖິງຫ້າປີ ໃນຂະນະທີ່ທ້າວ ຫວັງ ອາດປະເຊີນກັບການຂັງຄຸກສູງເຖິງສາມປີ ແລະ ຫົກເດືອນ. ຄຳພິພາກສານີ້ ມີຂຶ້ນເກືອບ 1,000 ມື້ຫຼັງຈາກທີ່ທັງສອງຄົນນີ້ ໄດ້ຖືກຄຸມຂັງ.

ນາງ ຫວງ ໄດ້ສ້າງສື່ສັງຄົມນຶ່ງຂຶ້ນສຳລັບພວກຜູ້ເຄາະຮ້າຍເພື່ອລາຍງານການ ລ່ວງ​ລະ​ເມີດທາງເພດໃນລະຫວ່າງຂະບວນການ #MeToo ທີ່ກຳລັງຢູ່ໃນຈຸດ ສູູງສຸດຂອງຈີນ. ນາງ ຫວງ ໄດ້ນຳເອົາການສຳຫຼວດຕ່າງໆລົງໃນສື່ສັງຄົມ ທີ່ໄດ້ກ່າວວ່າການ​ລ່ວງ​ລະ​ເມີດທາງເພດເປັນບັນ​ຫາຢູ່ໃນມະຫາວິທະຍາໄລ ແລະ ສະຖານທີ່ເຮັດວຽກທັງຫຼາຍ.

ນາງຍັງໄດ້ຖືກຈັບກຸມໃນປີ 2019 ສຳລັບການເຂົ້າຮ່ວມ​ການປະທ້ວງໃນ ຮົງກົງ.

ສ່ວນທ້າວ ຫວັງ ໄດ້ຕໍ່ສູ້ເພື່ອສິດທິຂອງພວກແຮງງານ ແລະເພື່ອຜູ້ເສຍອົງຄະ ນັບຕັ້ງແຕ່ປີ 2014.

ອີງຕາມສື່ອອນໄລນ໌ທີ່ສະໜັບສະໜູນກຸ່ມ ທີ່ເອີ້ນວ່າ Free Huang Xueqin & Wang Jianbing ແລ້ວ ນາງ ຫວງ ວາງແຜນຈະຂໍອຸທອນການລົງ ໂທດນັ້ນ.

The United States on Monday condemned the “unjust” sentencing of two activists in China, according to State Department officials.

“We urge the PRC (People’s Republic of China) to immediately release Huang and Wang, as well as other individuals unjustly detained for exercising their fundamental freedoms,” said a prepared statement by spokesperson Matthew Miller.

“We continue to call on the PRC to live up to its international commitments and to respect the human rights of all persons, including freedom of expression and fair trial guarantees.”

The statement follows a Guangzhou court’s decision to sentence independent journalist Huang Xueqin and labor rights activist Wang Jianbing for “inciting subversion of state power.” Huang is facing up to five years in jail, while Wang could face up to three years and six months. The verdict comes almost 1,000 days after the two were imprisoned.

Huang created a social media platform for victims to report sexual harassment during the peak of China’s #MeToo movement. She shared surveys that stated that sexual harassment was a concern at universities and workplaces.

She was also arrested in 2019 for joining the protest in Hong Kong.

Wang has been an advocate for workers’ rights and for those with disabilities since 2014.

According to the online support group Free Huang Xueqin & Wang Jianbing, Haung plans to appeal the sentence.

ຟໍຣັມສະແດງຄວາມຄິດເຫັນ

XS
SM
MD
LG