ລິ້ງ ສຳຫລັບເຂົ້າຫາ

ການສຶກສາຄົ້ນຄວ້າໃໝ່ ອາດປ່ຽນວິທີປິ່ນປົວ ມະເຮັງເຕົ້ານົມ ທີ່ຫາກໍເລີ້ມເປັນ

  • Arditti
  • ວັນນະສອນ

ນາງພະຍາບານຊ່ວຍຄົນເຈັບກວດຫາກ້ອນເນື້ອແຂງໆ ທີ່ສະແດງໃຫ້ເຫັນວ່າ ເປັນມະເຮັງເຕົ້ານົມນັ້ນ ໂດຍການສາຍແສງ X-ray ທີ່ເອີ້ນວ່າ Mammogram.

ພວກນັກຄົ້ນຄວ້າກ່າວວ່າ ວິທີການປິ່ນປົວມະເຮັງເຕົ້ານົມ ທີ່ເຮັດໃຫ້ມີຄວາມເຈັບປວດ ໜ້ອຍກວ່ານັ້ນ ກໍສາມາດໄດ້ຮັບຜົນດີເທົ່າກັນກັບການປິ່ນປົວທີ່ໃຊ້ຄວາມຮຸນແຮງກວ່າ.

ທ່ານເຄີຍ​ຮູ້ສຶກ​ວ່າ ​ມີ​ກ້ອນ​ເນື້ອແຂງໆ ຢູ່ໃຕ້ພື້ນໜັງຂອງ​ທັງ​
ສອງ​ຟາກ​ຂ້າງ​ຄໍ​ທ່ານ​ບໍ່ ​ໃນ​ຍາມ​ທີ່​ທ່ານ​ບໍ່ສະບາຍ? ກ້ອນ
ເນື້ອເຫລົ່ານັ້ນອາດ​ແມ່ນຕ່ອມນໍ້າເຫລືອງ. ຕ່ອມ​ເຫລົ່ານີ້ສາ
ມາດ​ໄຄ່ພອງຂຶ້ນ ​ແລະເຮັດ​ໃຫ້ເຈັບ​ປວດ​ໄດ້ ​ແຕ່​ວ່າໜ້າທີ່
ຂອງ​ມັນແມ່ນ​ຕໍ່ຕ້ານ​ກັບອາການອັກ​ເສບ​ໃນ​ຮ່າງກາຍ​ທ່ານ.
ພວກ​ຕ່ອມ​ນໍ້າ​ເຫລືອງ​ເຫລົ່ານີ້​ແມ່ນ​ສ່ວນ​ນຶ່ງ​ຂອງລະບົບ
ປ້ອງ​ກັນຮ່າງກາຍ​ຊຶ່ງ​ເອີ້ນວ່າ ລະບົບ​ນໍ້າເຫລືອງນັ້ນ​ເອງ.
ລະບົບ​ອັນ​ສັບສົນ​ນີ້​ແມ່ນ​ຜະຫລິດ ແລະລໍາລຽງທາດແຫລວ
ປ້ອງ​ກັນຮ່າງກາຍ ທີ່​ເອີ້ນວ່າ​ນໍ້າເຫລືອງ ຫລື lymph ຊຶ່ງ
ເປັນທາດ​ແຫລວ​ທີ່​ຜະຫລິດ​ຂຶ້ນດ້ວຍແຊ​ລ​ເມັດ​ເລືອດ​ຂາວ,
ທາດ​ໂປຣ​ເຕອິນ, ​ແລະທາດ​ໄຂມັນ. ຢູ່​ໃນຮ່າງກາຍ​ຂອງ
ຄົນ​ເຈັບ​ທີ່​ເປັນ​ໂຣກມະ​ເຮັງ​ນັ້ນ ​ໂຣກມະ​ເຮັງ​ສາມາດ​ແຜ່
ລາມໄປຫາ​ຕ່ອມ​ນໍ້າເຫລືອງ​ຈຳນວນ​ຫລວງຫລາຍ ທີ່​ມີ​ຢູ່​
ກ້ອງ​ແຂນ​ຫລື​ກ້ອງ​ຂີ້​ແຮ້ໄດ້. ໃນ​ເມື່ອ​ກ່ອນ ພວກ​ທ່ານໝໍ
ໄດ້​ຜ່າຕັດເອົາພວກຕ່ອມນໍ້າເຫລືອງເຫລົ່ານີ້ອອກ ​ດ້ວຍ
ຄວາມ​ຫວັງ​ວ່າ​ຈະ​ຕັດ​ເອົາ​ໂຣກມະ​ເຮັງ​ອອກ​ໃຫ້ໝົດ​ໄປ​.

ນັກຄົ້ນຄວ້າທໍາການສຶກສາຄົ້ນຄວ້າຄັ້ງຫລ້າສຸດ ກ່ຽວກັບໂຣກມະເຮັງໃນເຕົ້ານົມ
ນັກຄົ້ນຄວ້າທໍາການສຶກສາຄົ້ນຄວ້າຄັ້ງຫລ້າສຸດ ກ່ຽວກັບໂຣກມະເຮັງໃນເຕົ້ານົມ

ແຕ່​ວ່າການ​ສຶກສາ​ຄົ້ນຄວ້າ​ໃນ
ຄັ້ງຫລ້າ​ສຸດ​ນີ້ສະ​ແດງ​ໃຫ້​ເຫັນ
ວ່າ ການ​ຜ່າຕັດ​ເອົາ​ຕ່ອມພວກ
ນັ້ນອອກຈົນ​ໝົດ ແມ່ນ​ບໍ່ມີ
ປະ​ໂຫຍ​ດຫຍັງ​ເລີຍ.

ພວກ​ທ່ານໝໍມີ​ທາງ​ເລືອກ​ຢູ່
ສອງ​ທາງ ​ເວລາ​ໂຣກມະ​ເຮັງ
ເລີ້ມ​ແຜ່ລາມອອກ​ໄປ. ວິທີ​
ທີ​ນຶ່ງ​ທີ່ພວກ​ເຂົາ​ເຈົ້າສາມາດ
ເຮັດກໍ​ຄື ຜ່າຕັດເອົາ​ຕ່ອມຕົ້ນ
ຕໍ ​ທີ່ໃຫຍ່​ໆ​ນັ້ນ​ອອກ​ພ້ອມ
ກັບ​ຕ່ອມນຶ່ງ​ຫລືສອງ​ຕ່ອມທີ່​
ຢູ່​ໃກ້​ຕ່ອມໃຫຍ່​ທີ່​ສຸດ​ນັ້ນ.


ອີກວິທີ​ນຶ່ງ​ກໍ​ຄື ພວ​ກ​ເຂົາ​ເຈົ້າ
ອາດຈະເອົາ​ມາດຕາ​ການ​ຮຸນແຮງ​ຫລາຍກວ່າ​ນັ້ນ ​ແລະ​ຕັດ​ເອົາ​ຫລາຍໆຕ່ອມອອກ. ​ແຕ່​ວິທີ
ນັ້ນອາດ​ພາ​ໃຫ້​ປວດ​ບ່າ​ໄຫ​ລ່ ​ແລະເຮັດ​ໃຫ້ແຂນ​ໄຄ່ຂຶ້ນ​ຢ່າງຖາວອນ.

ທ່ານໝໍ Armando Giuiliano ທີ່​ສະ​ຖາ​ບັນ​ໂຣກມະ​ເຮັງ John Wayne ຫລື John
Wayne Cancer Institute ທີ່​ເມືອງ Santa Monica, ລັດຄາ​ລິ​ຟໍ​ເນຍ ​ຊຶ່ງເປັນ​ຜູ້ນຳ
ພາ​ການ​ສຶກສາຄົ້ນຄວ້ານີ້ ​ໄດ້ຄົ້ນ​ພົບ​ວ່າ ວີ​ທີ​ທໍາ​ອິດ ຄືການຜ່າ​ຕັດ​ເອົາ​ຕ່ອມ​ຕົ້ນ​ຕໍ ແລະ
ນຶ່ງ​ ຫລື​ສອງ​ຕ່ອມ​ທີ່ຢູ່​ໃກ້​ທີ່​ສຸດອອກນັ້ນ ​ແມ່ນ​ພຽງພໍ​ແລ້ວ ທີ່​ຈະ​ກໍາຈັດໂຣກມ​ະເຮັງ​ໃຫ້
ໝົດ​ໄປ​ໄດ້. ແລະ​ຄົນ​ເຈັບກໍ​ບໍ່ຈໍາ​ເປັນ​ຕ້ອງ​ນອນ​ໂຮງໝໍ​ເພື່ອ​ຈະ​ທໍາ​ການຜ່າຕັດນ້ອຍໆ
ແບບ​ນີ້.

ດຣ. Giuliano ​ແລະ​ພວກ​ນັກຄົ້ນຄວ້າ​ທັງຫລາຍ​ທີ່ສູນ​ກາງ​ວ່າ​ດ້ວຍ​ໂຣກມະ​ເຮັງຕ່າງໆ ​ໄດ້
ທຳ​ການສຶກສາຄົ້ນຄວ້າ​ພວກຄົນ​ປ່ວຍ​ເປັນ​ໂຣກມ​ະ ເຮັງເຕົ້ານົມ ເກືອບ​ຮອດ​ເກົ້າຮ້ອຍ​ຄົນ
ແລະ​ໃນ​ກໍລະນີ​ຂອງ​ຄົນເຈັບແຕ່ລະລາຍ ​ກໍແມ່ນ​ວ່າ ​ໂຣກມະ​ເຮັງ​ໄດ້​ແຜ່​ລາມ​ໄປ​ຫາຕ່ອມນໍ້າ
ເຫລືອງ​ຢູ່​ກ້ອງຂີ້​ແຮ້ນັ້ນ ຢ່າງຫລາຍ​ບໍ່​ເກີນ​ສອງ​ຕ່ອມ.

ເຄິ່ງນຶ່ງ​ຂອງ​ພວ​ກຜູ້ຍິງ​ເຫລົ່ານັ້ນ​ໄດ້​ຮັບການຜ່າຕັດ​ແບບເກົ່າ. ຄືພວກ​ທ່ານໝໍ ​ໄດ້​ຜ່າຕັດ
ຕ່ອມ​ນໍ້າ​ເຫລືອງກ້ອງ​ຂີ້​ແຮ້ຂອງ​ຄົນ​ເຈັບ​ແຕ່ລະຄົນ​ອອກ ໂດຍ​ສະ​ເລ່ຍ​ແລ້ວ​ 17 ຕ່ອມນໍາ
ກັນ. ສ່ວນ​ຈຳນວນຜູ້ຍິງອີກ​ເຄິ່ງນຶ່ງ​ແມ່ນ​ມີ​ການຜ່າຕັດ​ທີ່​ງ່າຍ​ກວ່າ ​ໂດຍຜ່າ​ຕັດ​ເອົາຕ່ອມ
ນໍ້າເຫລືອງ​ອອກ​ແຕ່​ພຽງນຶ່ງ​ຫລື ສອງ​ຕ່ອມເທົ່າ​ນັ້ນ. ຫລັງ​ຈາກ​ນັ້ນ ທັງ​ສອງ​ກຸ່ມ​ແມ່ນ​ໄດ້
ຮັບ​ການ​ປິ່ນປົວ​ໂດຍ​ການ​ສາຍ​ແສງ​ລັງສີ ຫລື Radiation ​ແລະ​ບໍາບັດ​ດ້ວຍ​ຢາເຄມີ ຫລື
Chemotherapy​.

ທ່ານໝໍ Armando Giuiliano ທີ່ສະຖາບັນໂຣກມະເຮັງ John Wayne ທີ່ເມືອງ Santa Monica
ທ່ານໝໍ Armando Giuiliano ທີ່ສະຖາບັນໂຣກມະເຮັງ John Wayne ທີ່ເມືອງ Santa Monica

ທ່ານໝໍ Giuliano ​ເວົ້າວ່າ ອັດຕາ​ການມີ
ຊີວິດ​ລອດ​ຫ້າ​ປີ​ລຸນຫລັງ​ນັ້ນ ​ໄດ້​ສະ​ແດງ
ໃຫ້​ເຫັນ​ວ່າ ການຜ່າຕັດ​ແບບ​ບໍ່ຮຸນ​ແຮງ​
ປານ​ໃດ ກໍ​ໄດ້ຜົນ​ດີ​ເທົ່າ​ກັນ​ກັບການ​ປິ່ນ
ປົວ​ແບບ​ໃຊ້​ວິທີ​ການ​ຮຸນ​ແຮງ​ກວ່າ.

ດຣ. ARMANDO GIULIANO ກ່າ​ວວ່າ:
“ອັດຕາ​ການມີ​ຊີວິດ​ລອດ​ຫ້າ​ປີ​ລຸນຫລັງ​
ນັ້ນ​ແມ່ນ​ປະມານ 92% ​ໂດຍ​ບໍ່ກ່ຽວກັບ
ວ່າ ຈະ​ຜ່າຕັດ​ໂດຍ​ໃຊ້​ວິທີໃດ​ກໍ​ຕາມ. ​
ແລະ ສິ່ງ​ທີ່​ດີ​ເລີດນັ້ນ​ກໍ​ຄືວ່າ ຜູ້ຍິງ​ທີ່ຖືກ​
ຜ່າ​ຕັດພຽງ​ແຕ່​ເອົາ​ຕ່ອມ
ໃຫຍ່​ຕົ້ນຕໍ​
ອອກ ກັບ​ນຶ່ງ​ຫລື​ສອງ​ຕ່ອມ​ເທົ່າ​ນັ້ນ ກໍ​ມີ
ຄວາມ​ຢູ່ລອດ​ໄດ້​ດີ​ຄື​ກັນ​ກັບ​ພວກຜູ້ຍິງ​ທີ່​
ໄດ້​ຮັບ​ການ​ປິ່ນປົວ​ແບບ​ຖອນກົກ​ຖອນຮາກ​ຫລາຍ​ກວ່ານັ້ນ​ ເຊັ່ນ​ກັນ.”

ລາຍ​ງານການ​ສຶກສາຄົ້ນຄວ້ານີ້​ແມ່ນ​ຖືກ​ນໍາ​ອອກ​ເຜີ​ບຍ​ແຜ່ຢູ່​ໃນວາລະສານ​ສະມາ​ຄົມການ
ແພດ​ຂອງອາ​ເມຣິກາ. ພວກ​ນັກ​ຊ່ຽວຊານ​ບາງ​ຄົນ​ເວົ້າວ່າ ການຄົ້ນພົບ​ເຫລົ່ານີ້ອາດ​ສາມາດ
ປ່ຽນ​ແປງວິທີການ​ທີ່ພວກນາຍ​ແພດ​ໃຊ້ເພື່ອປິ່ນປົວໂຣກມະ​ເຮັງນົມ​ຂັ້ນຕົ້ນ ທີ່​ໄດ້​ແຜ່​ລາມໄປ
ໃສ່​ຕ່ອມນໍ້າ​ເຫລືອງ​ກ້ອງ​ຂີ້​ແຮ້ນັ້ນ. ​ແຕ່​ກໍ​ມີພວກ​ທ່ານໝໍອື່ນໆທີ່ກ່າວ​ວ່າ ພວກ​ເຂົາ​ເຈົ້າຢາກ
ເຫັນ​ຫລັກ​ຖານ​ພິສູດ​ຫລາຍ​ກວ່າ​ນີ້ ກ່ອນ​ທີ່ພວກ​ເຂົາ​ເຈົ້າຈະ​ປ່ຽນວິທີ​ປິ່ນປົວຂອງ​ເຂົາ​ເຈົ້າ.

ນັ້ນຄື​ລາຍ​ງານຂ່າວສຸຂະ​ພາບຂອງ​ພະ​ແນ​ກວີ​ໂອ​ເອ​ພາສາອັງກິດພິເສດ ຫລື VOA Special English Health Report ທີ່ຂຽນ​ໂດຍ Carol Pearson. ທ່ານ​ສາມາດຊອກ​ອ່ານ​ຂ່າວກ່ຽວກັບ​ການ​ແພດ​ໄດ້​ອີກ ພ້ອມ​ທັງ​ບົດຂ່າວ​ເຫລົ່ານັ້ນ ​ແລະສຽງ​ບັນ​ທຶກ​ເປັນ​ພາ​ສາ​ອັງກິດ ​ໄດ້​ທີ່ voaspecialenglish.com

XS
SM
MD
LG