ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການຍິງຈະຫຼວດ ສົ່ງຍານອະວະກາດ ຂອງບໍລິສັດ Space X ຖືກເລື່ອນຍ້ອນອາກາດ ປັ່ນປ່ວນ


ນັກບິນອະວະກາດ Douglas Hurley (ຊ້າຍ) ແລະ Robert Behnken ຈາກອົງການ NASA ໂບກມືໃສ່ເພື່ອນໃນຂະນະທີ່ ຍ່າງອອກຈາກຕຶກ Neil A. Armstrong Operations Checkout ໄປຫາ ບ່ອນສົ່ງ 39-A ຢູ່ສູນກາງອະວະກາດ Kennedy, ແຫຼມ Canaveral, ລັດຟລໍຣິດາ ໃນວັນທີ 27 ພຶດສະພາ, 2020.
ນັກບິນອະວະກາດ Douglas Hurley (ຊ້າຍ) ແລະ Robert Behnken ຈາກອົງການ NASA ໂບກມືໃສ່ເພື່ອນໃນຂະນະທີ່ ຍ່າງອອກຈາກຕຶກ Neil A. Armstrong Operations Checkout ໄປຫາ ບ່ອນສົ່ງ 39-A ຢູ່ສູນກາງອະວະກາດ Kennedy, ແຫຼມ Canaveral, ລັດຟລໍຣິດາ ໃນວັນທີ 27 ພຶດສະພາ, 2020.

ອົງການນາຊາໄດ້ເລື່ອນການຍິງຈະຫລວດ ສົ່ງຍານອະວະກາດ ຂອງບໍລິສັດ Space X ຊຶ່ງເປັນຖ້ຽວບິນອະວະກາດ ຂອງບໍລິສັດເອກກະຊົນ ທີ່ມີນັກບິນ ຂຶ້ນໄປນຳເປັນຄັ້ງທໍາອິດ ໃນປະຫວັດສາດ.

ອົງການນາຊາ ໄດ້ຍົກເລີກການຍິງຈະຫລວດດັ່ງກ່າວ ໃນເວລາ 16 ນາທີກ່ອນ ມັນຈະທະຍານຂຶ້ນສູ່ທ້ອງຟ້າ ຍ້ອນໄພຂົ່ມຂູ່ມາຈາກຟ້າແມບເຫລື້ອມ ຢູ່ໃກ້ສູນກາງອະວະກາດເຄັນເນດີ ໃນລັດຟລໍຣິດານັ້ນ.

ອົງການນາຊາຈະພະຍາຍາມສົ່ງຍານອະວະກາດ ຄຣູ ແດຣັກກອນ (Crew Dragon) ໄປຫາສະຖານີອະວະກາດສາກົນອີກໃນວັນເສົາຈະມາເຖິງນີ້.

ການຍິງຈະຫລວດຂຶ້ນໄປຄັ້ງນີ້ ຈະເປັນຄັ້ງທໍາອິດນັບແຕ່ຍານອະວະກາດໄປກັບໄດ້ຢຸດການປະຕິບັດງານມາໃນປີ 2011 ທີ່ຈະມີຊາວອາເມຣິກັນບິນຂຶ້ນໄປຍັງ ອະວະກາດ ຈາກພື້ນດິນຂອງສະຫະລັດເອງ.

ພວກນັກບິນອະວະກາດໄດ້ໃຊ້ຍານອະວະກາດໂຊຢຸດ (Soyuz) ຂອງຣັດເຊຍ ເພື່ອເດີນທາງໄປຍັງສະຖານີອະວະກາດ.

ນໍາພາໂດຍອະດີດ ນັກບິນອະວະກາດ ຂອງອົງການນາຊາ ທ່ານ ດັກ ເຮີລີ (Doug Hurley) ແລະ ທ່ານ ບອບ ເບນເຄນ (Bob Behnken) ຖ້ຽວບິນ ດັ່ງກ່າວໄດ້ເປັນຂີດໝາຍໃໝ່ ຂອງການບິນຍານອະວະກາດທີ່ມີຄົນຂັບ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG