ປະທານາທິບໍດີ ເກົາຫຼີໃຕ້ ທ່ານນາງ Park Geun-hye ອາດຖືກພົບເຫັນວ່າ ມີຄວາມ
ຜິດ ໃນຄວາມຄິດເຫັນຂອງປະຊາຊົນ ຕໍ່ຂໍ້ກ່າວຫາ ທີ່ວ່າທ່ານນາງ ມີສ່ວນພົວພັນ ໃນ ເລື່ອງການໃຊ້ອິດທິພົນ ທີ່ ເປັນຂ່າວນອງນັນ ແຕ່ຄະດີທາງດ້ານກົດໝາຍ ຕໍ່ທ່ານນາງ ແມ່ນກຳລັງຄືບໜ້າຢ່າງຊ້າໆ.
ທ່ານນາງ Park ໃນສັບປະດານີ້ ໄດ້ແຕ່ງຕັ້ງທະນາຍຄວາມ ທ່ານ Yoo Yeong-ha ຜູ້ທີ່ໃນທັນທີທັນໃດ ໄດ້ຫາທາງທີ່ຈະຖ່ວງເວລາ ແຜນການດຳເນີນຄະດີ ເພື່ອສອບ ຖາມທ່ານນາງ ໃນສັບປະດານີ້ ໂດຍກ່າວວ່າ ທ່ານຕ້ອງການເວລາເພື່ອກະກຽມ ແລະ ໄດ້ສະເໜີແນະວ່າ ປະທານາທິບໍດີອາດຮຽກຮ້ອງວ່າ ຄຳຖາມທັງຫຼາຍນັ້ນ ຈະສົ່ງໃຫ້
ແລະ ຕອບ ເປັນລາຍລັກອັກສອນ ໄດ້ຫຼືບໍ່ ແທນທີ່ຈະພົບກັບ ບັນດານັກສືບສວນ ສອບສວນ ແບບເຊິ່ງໜ້າ.
ທ່ານ Yoo ກ່າວວ່າ “ການສືບສວນ ປະທານາທິບໍດີ ຄວນປະຕິບັດໃນທາງທີ່ຈະ
ເຮັດໃຫ້ ມີພາລະໜ້ອຍທີ່ສຸດ ຕໍ່ໜ້າທີ່ຂອງທ່ານນາງ ຊຶ່ງ ຂ້າພະເຈົ້າເຊື່ອວ່າ ຈະ
ເປັນຈິດໃຈ ຂອງລັດຖະທຳມະນູນ.”
ໃນວັນພະຫັດມື້ນີ້ ສະພາແຫ່ງຊາດໄດ້ຮັບຮອງມາດຕະການສະບັບໜຶ່ງ ໃນການແຕ່ງ
ຕັ້ງ ຄະນະສືບສວນພິເສດ ເພື່ອດຳເນີນການກວດສອບຕ່າງຫາກ ຄຽງຄູ່ກັບການສືບ
ສວນສອບສວນ ຊຶ່ງໃນປະຈຸບັນນີ້ ກຳລັງດຳເນີນໂດຍບັນດາໄອຍະການ ຂອງກະຊວງ ຍຸຕິທຳ.
