ທາງການເກົາຫຼີໃຕ້ເວົ້າວ່າ ທະຫານສະຫະລັດຄົນນຶ່ງມີອາການທຸ່ນທ່ຽງ ຫຼັງຈາກຕໍາ ຫຼວດເກົາຫຼີໃຕ້ໄດ້ຍິງຜູ້ກ່ຽວ ໃນການຂັບລົດໄລ່ລ່າດ້ວຍຄວາມໄວສູງ ຢູ່ນະຄອນຫຼວງໂຊລຂອງເກົາຫຼີໃຕ້ນັ້ນ.
ຕໍາຫຼວດເວົ້າວ່າ ພວກເຂົາເຈົ້າໄດ້ຮັບຄໍາຈົ່ມທຸກກ່ອນເວລາທ່ຽງຄືນໜ້ອຍນຶ່ງຂອງວັນເສົາ ວ່າມີທະຫານອະເມຣິກັນສອງຄົນ ຂົ່ມຂູ່ປະຊາຊົນດ້ວຍປືນລົມ ຢູ່ທີ່ເມືອງ Itaewon. ເວລາຕໍາຫຼວດເຂົ້າໄປຫາທະຫານສອງຄົນນັ້ນ ພວກເຂົາເຈົ້າກໍຟ້າວຂຶ້ນລົດ ຂັບໜີອອກໄປ. ຕໍາຫຼວດເວົ້າວ່າ ພວກຕົນໄດ້ໄລ່ລ່າທະຫານທັງສອງຄົນທົ່ວຕົວເມືອງ ພ້ອມກັບຍິງຂູ່ດ້ວຍລູກປືນບໍ່ມີຫົວກະສຸນ ແລະຍິງດ້ວຍກະສຸນແທ້ອີກສາມລູກ ຊຶ່ງຖືກຄົນຂັບ.
ພົນທະຫານທີ່ໄດ້ຮັບບາດເຈັບ ແລະທະຫານຜູ້ທີ່ສອງມີຍົດສິບເອກ ຊຶ່ງ ທັງສອງໄວ ຊາວກວ່າປີ ໄດ້ຖືກນໍາຕົວໄປຍັງໂຮງການເມືອງ Yongsan ຊຶ່ງເປັນທີ່ຕັ້ງຄ້າຍທະຫານ Yongsan ຂອງສະຫະລັດ.
ຫ້ອງການກິດຈະການສາທາລະນະຂອງກອງທັບທີ່ແປດຂອງສະຫະລັດ ເວົ້າວ່າ ຈາກ ຜົນກວດສອບໃນເບື້ອງຕົ້ນ ບໍ່ປາກົດວ່າ ການດື່ມເຫຼົ້າເປັນ ສາເຫດຂອງເຫດການທີ່ເກີດຂຶ້ນດັ່ງກ່າວນັ້ນ ແຕ່ກໍບໍ່ໄດ້ໃຫ້ລາຍລະອຽດເພີ່ມຕື່ມ ຊຶ່ງທາງການເວົ້າວ່າ ກໍາລັງທໍາການສອບສວນໃນເລຶ່ອງນີ້ຢູ່.
ຕໍາຫຼວດເວົ້າວ່າ ພວກເຂົາເຈົ້າໄດ້ຮັບຄໍາຈົ່ມທຸກກ່ອນເວລາທ່ຽງຄືນໜ້ອຍນຶ່ງຂອງວັນເສົາ ວ່າມີທະຫານອະເມຣິກັນສອງຄົນ ຂົ່ມຂູ່ປະຊາຊົນດ້ວຍປືນລົມ ຢູ່ທີ່ເມືອງ Itaewon. ເວລາຕໍາຫຼວດເຂົ້າໄປຫາທະຫານສອງຄົນນັ້ນ ພວກເຂົາເຈົ້າກໍຟ້າວຂຶ້ນລົດ ຂັບໜີອອກໄປ. ຕໍາຫຼວດເວົ້າວ່າ ພວກຕົນໄດ້ໄລ່ລ່າທະຫານທັງສອງຄົນທົ່ວຕົວເມືອງ ພ້ອມກັບຍິງຂູ່ດ້ວຍລູກປືນບໍ່ມີຫົວກະສຸນ ແລະຍິງດ້ວຍກະສຸນແທ້ອີກສາມລູກ ຊຶ່ງຖືກຄົນຂັບ.
ພົນທະຫານທີ່ໄດ້ຮັບບາດເຈັບ ແລະທະຫານຜູ້ທີ່ສອງມີຍົດສິບເອກ ຊຶ່ງ ທັງສອງໄວ ຊາວກວ່າປີ ໄດ້ຖືກນໍາຕົວໄປຍັງໂຮງການເມືອງ Yongsan ຊຶ່ງເປັນທີ່ຕັ້ງຄ້າຍທະຫານ Yongsan ຂອງສະຫະລັດ.
ຫ້ອງການກິດຈະການສາທາລະນະຂອງກອງທັບທີ່ແປດຂອງສະຫະລັດ ເວົ້າວ່າ ຈາກ ຜົນກວດສອບໃນເບື້ອງຕົ້ນ ບໍ່ປາກົດວ່າ ການດື່ມເຫຼົ້າເປັນ ສາເຫດຂອງເຫດການທີ່ເກີດຂຶ້ນດັ່ງກ່າວນັ້ນ ແຕ່ກໍບໍ່ໄດ້ໃຫ້ລາຍລະອຽດເພີ່ມຕື່ມ ຊຶ່ງທາງການເວົ້າວ່າ ກໍາລັງທໍາການສອບສວນໃນເລຶ່ອງນີ້ຢູ່.
