ກະຊວງການຕ່າງປະເທດຂອງ ເກົາຫຼີໃຕ້ ໄດ້ຮຽກຕົວເອກອັກຄະລັດຖະທູດ ຣັດເຊຍ ໃນນະຄອນຫຼວງ ໂຊລ ເຂົ້າພົບເພື່ອປະທ້ວງໃນວັນຈັນມື້ນີ້ ກ່ຽວກັບ ສິ່ງທີ່ເຂົາເຈົ້າເອີ້ນວ່າ ການສົ່ງກອງທະຫານ ເກົາຫຼີເໜືອ ໄປ ຣັດເຊຍ ເພື່ອສົ່ງໄປ ຢູເຄຣນ, ແລະ ໄດ້ສັນຍາການຕອບໂຕ້ຮ່ວມກັນຂອງສາກົນ.
ຮອງນາຍົກລັດຖະມົນຕີຄົນທຳອິດຂອງ ເກົາຫຼີໃຕ້ ທ່ານ ກິມ ຮອງ ຄຸນ (Kim Hong Kyun) ໄດ້ຮຽກພົບທ່ານ ຈໍຈີ ຊີໂນວຽບ, ທູດພິເສດລະດັບສູງ ຣັດເຊຍ ປະຈຳນະຄອນຫຼວງ ໂຊລ, ແລະ ໄດ້ຮຽກຮ້ອງໃຫ້ຖອນທະຫານ ເກົາຫຼີເໜືອ ທັງໝົດອອກຈາກ ຣັດເຊຍ, ກະຊວງໄດ້ກ່າວໃນຖະແຫຼງການສະບັບນຶ່ງ.
ວັງ ເຄຣັມລິນ ກ່ອນໜ້ານີ້ໄດ້ປະຕິເສດການກ່າວອ້າງຂອງ ເກົາຫຼີໃຕ້ ທີ່ວ່າ ເກົາຫຼີເໜືອ ອາດໄດ້ສົ່ງເຈົ້າໜ້າທີ່ກອງທັບຈຳນວນນຶ່ງໄປຊ່ວຍເຫຼືອ ຣັດເຊຍ ເພື່ອຕໍ່ສູ້ກັບ ຢູເຄຣນ.
ທ່ານ ກິມ ໄດ້ກ່າວວ່າການເຂົ້າຮ່ວມຂອງກອງທະຫານ ເກົາຫຼີເໜືອ ໃນສົງຄາມໃນ ຢູເຄຣນ ໄດ້ລ່ວງລະເມີດມະຕິຂອງອົງການ ສະຫະປະຊາຊາດ ແລະ ກົດບັດ ສະຫະປະຊາຊາດ ແລະ ໄດ້ກໍ່ໃຫ້ເກີດໄພຂົ່ມຂູ່ທີ່ຮ້າຍແຮງຕໍ່ຄວາມໝັ້ນຄົງຂອງ ເກົາຫຼີໃຕ້ ແລະ ໄກອອກໄປ.
ກະຊວງໄດ້ຢ້ຳຄຳເວົ້າຂອງທ່ານ ກິມ ວ່າ “ພວກເຮົາຂໍກ່າວປະນາມການຮ່ວມມືທາງທະຫານທີ່ຜິດກົດໝາຍຂອງ ເກົາຫຼີເໜືອ, ລວມທັງການສົ່ງກອງທະຫານຂອງເຂົາເຈົ້າໄປ ຣັດເຊຍ, ໃນຄຳເວົ້າທີ່ຮຸນແຮງທີ່ສຸດ.”
ກະຊວງກ່າວຕື່ມວ່າ “ພວກເຮົາຈະຕອບໂຕ້ຮ່ວມກັນກັບປະຊາຄົມສາກົນ ດ້ວຍການໃຊ້ທຸກຢ່າງທີ່ພວກເຮົາມີ ເພື່ອຕ້ານການກະທຳທີ່ເປັນໄພຂົ່ມຂູ່ຕໍ່ແກນຫຼັກຂອງຜົນປະໂຫຍດດ້ານຄວາມໝັ້ນຄົງຂອງພວກເຮົາ.”
ທ່ານ ຊີໂນວຽບ ໄດ້ກ່າວຕໍ່ທ່ານ ກິມ ວ່າການຮ່ວມມືລະຫວ່າງ ມົສກູ ແລະ ພຽງຢາງ ແມ່ນສອດຄ່ອງກັບກົດໝາຍສາກົນ ແລະ ບໍ່ໄດ້ແນເປົ້າໃສ່ຜົນປະໂຫຍດດ້ານຄວາມໝັ້ນຄົງຂອງ ເກົາຫຼີໃຕ້, ສະຖານທູດ ຣັດເຊຍ ໄດ້ກ່າວໃນຂໍ້ຄວາມທີ່ຂຽນລົງ ເຟສບຸກ.
ອົງການສອດແນມຂອງ ເກົາຫຼີໃຕ້ ໄດ້ກ່າວໃນອາທິດທີ່ຜ່ານມາວ່າ ເກົາຫຼີເໜືອ ໄດ້ຂົນສົ່ງກອງກຳລັງພິເສດຈຳນວນ 1,500 ຄົນໄປເຂດຕາເວັນອອກໄກຂອງ ຣັດເຊຍ ສຳລັບການຝຶກຊ້ອມ ແລະ ທຳຄວາມຄຸ້ນເຄີຍຢູ່ຖານທັບຕ່າງໆໃນທ້ອງຖິ່ນ ແລະ ວ່າເຂົາເຈົ້າອາດຈະມີຄວາມເປັນໄປໄດ້ທີ່ຈະຖືກສົ່ງໄປຕໍ່ສູ້ໃນສົງຄາມໃນ ຢູເຄຣນ.
ອ່ານຂ່າວນີ້ເປັນພາສາອັງກິດ
South Korea's foreign ministry summoned the Russian ambassador in Seoul to protest on Monday over what it has called the dispatch of North Korean troops to Russia for deployment in Ukraine, and pledged a joint international response.
South Korea's first vice foreign minister Kim Hong-kyun called in Georgy Zinoviev, the top Russian envoy to Seoul, and urged the immediate withdrawal of North Korean soldiers from Russia, the ministry said in a statement.
The Kremlin has previously dismissed South Korean assertions that North Korea may have sent some military personnel to help Russia against Ukraine.
Kim said the participation of North Korean troops in the war in Ukraine violated U.N. resolutions and the U.N. charter and posed serious threats to the security of South Korea and beyond.
"We condemn North Korea's illegal military cooperation, including its dispatch of troops to Russia, in the strongest terms," the ministry quoted Kim as saying.
"We will respond jointly with the international community by mobilising all available means against acts that threaten our core security interests."
Zinoviev told Kim that cooperation between Moscow and Pyongyang was in line with international law and was not directed against the security interests of South Korea, the Russian embassy said in a Facebook post.
South Korea's spy agency said last week that North Korea had shipped 1,500 special forces troops to Russia's Far East for training and acclimatising at local military bases and that they would likely be deployed for combat in the war in Ukraine.
ຟໍຣັມສະແດງຄວາມຄິດເຫັນ