ລິ້ງ ສຳຫລັບເຂົ້າຫາ

ວັນອາທິດ, ໐໙ ກຸມພາ ໒໐໒໕

ທ່ານ ຢຸນ ຊຸກ ໂຢລ ເປັນປະທານາທິບໍດີ ເກົາຫຼີໃຕ້ ທີ່ຖືກກັກຂັງ


ວີດີໂອລາຍງານກ່ຽວກັບ ການກັກຂັງ ທ່ານ ຢຸນ ຊຸກ ໂຢລ ເປັນປະທານາທິບໍດີ ເກົາຫຼີໃຕ້.

ທາງການຂອງເກົາຫຼີໃຕ້ ໄດ້ທໍາການກັກຂັງປະທານາທິບໍດີ ຢຸນ ຊຸກ ໂຢລ (Yoon Suk Yeol) ທີ່ຖືກສະພາຟ້ອງຮ້ອງຖອດຖອນຕຳແໜ່ງ ໃນຕອນເຊົ້າຂອງມື້ວັນພຸດຜ່ານມານີ້. ການ​ເຄື່ອນ​ໄຫວ​ດັ່ງກ່າວ ສິ້ນ​ສຸດການປະເຊີນໜ້າກັນທີ່ແກ່ຍາວ​ເປັນ​ເວລາ​ນຶ່ງ​ອາທິດ ​ກ່ຽວກັບສະຖານະໃນ​ປັດຈຸບັນ​ຂອງ ​ທ່ານ ຢຸນ, ຜູ້ຖືກ​ສືບສວນ​ໃນຂໍ້ຫາ​ກໍ່ກະບົດ ​ທີ່​ກ່ຽວຂ້ອງ​ກັບ​ການ​ປະກາດ​ໃຊ້ກົດ​ໄອຍະການເສິກຂອງທ່ານ ໃນໄລຍະເວລາ​ສັ້ນໆ​.

ບັນດາຜູ້ສະໜັບສະໜູນປະທານາທິບໍດີ ຢຸນ ຊຸກ ໂຢລ ທີ່ຖືກຟ້ອງຮ້ອງ ໄດ້ພາກັນຫຸ້ມປະທະກັນກັບເຈົ້າໜ້າທີ່ຕຳຫຼວດຢູ່ນອກເຮືອນພັກຂອງ ທ່ານ ຢຸນ ເຊິ່ງຕັ້ງຢູ່ໃຈກາງຂອງນະຄອນຫຼວງໂຊລ.

ແຕ່ພວກ​ເຂົາ​ເຈົ້າ​ບໍ່ສາມາດ​ຢຸດເຈົ້າໜ້າທີ່ຕໍາຫຼວດທີ່ມີຈຳນວນ​ຫຼວງ​ຫຼາຍໄດ້ ​ເຊິ່ງ​ເຂົ້າ​ໄປ​ໃນເຮືອນພັກ​ຂອງ ທ່ານ ຢຸນ ​ໃນຕອນເຊົ້າຂອງ​ວັນ​ພຸດ​ວານນີ້, ອີງຕາມເວລາຢູ່ໃນທ້ອງຖິ່ນ.

ລຸນຫຼັງ​ການ​ເຈລະຈາ​ເປັນ​ເວລາ​ຫຼາຍ​ຊົ່ວ​ໂມງ​ກັບ ທ່ານ ຢຸນ ແລະ​ທີມ​ງານດ້ານກົດໝາຍ​ຂອງ​ທ່ານ, ການ​ປິດ​ລ້ອມ​ກໍໄດ້​ສະຫຼາ​ຍໂຕລົງ, ​ໂດຍ​ບໍ່​ມີ​ຄວາມ​ຮຸນ​ແຮງໃດໆເກີດຂຶ້ນ.

ທ່ານ ຢຸນ ອອກຈາກເຮືອນພັກຂອງທ່ານ ດ້ວຍຂະບວນລົດ, ແລະຍັງຄົງຮັກສາພາບພົດປະທານາທິບໍດີຂອງທ່ານໄວ້ ເຖິງແມ່ນຈະມີສະຖານະການດັ່ງກ່າວກໍຕາມ, ແລະທ່ານກໍເປັນປະທານາທິບໍດີ ເກົາຫຼີໃຕ້ ຄົນທໍາອິດທີ່ຖືກຄວບຄຸມຕົວ.

ທ່ານ ຢຸນ ທີ່ຖືກກ່າວຫາວ່າ ເປັນຜູ້ກໍ່ກະບົດ, ຈະປະເຊີນກັບຄຳຖາມຕ່າງໆກ່ຽວກັບການປະກາດກົດໄອຍະການເສິກຂອງທ່ານ ໃນເດືອນແລ້ວນີ້.

ໃນຂໍ້ຄວາມຂອງວິດີໂອທີ່ບັນທຶກໄວ້ລ່ວງໜ້ານັ້ນ, ທ່ານ ຢຸນ ໄດ້ສະແດງທ່າທີຝ່າຝືນ.

ທ່ານ ຢຸນ ຊຸກ ໂຢລ, ປະ​ທາ​ນາ​ທິ​ບໍ​ດີ​ເກົາ​ຫຼີ​ໃຕ້ທີ່​ຖືກ​ຟ້ອງ​ຮ້ອງ ກ່າວໃນພາສາເກົາຫຼີວ່າ:

“ການກະທຳທີ່ຜິດກົດໝາຍຊໍ້າແລ້ວຊໍ້າອີກ ແລະຂັ້ນຕອນການບີບບັງຄັບທີ່ອີງໃສ່ໝາຍຈັບແບບບໍ່ຖືກຕ້ອງນັ້ນ ເປັນສິ່ງທີ່ໜ້າລັງກຽດທີ່ສຸດ.”

ເຈົ້າ​ໜ້າ​ທີ່​ສາ​ມາດ​ກັກ​ຂັງ ທ່ານ ຢຸນ ໄດ້​ເປັນ​ເວ​ລາ 48 ຊົ່ວ​ໂມງ ກ່ອນ​ທີ່​ຈະ​ຂໍ​ອອກ​ໝາຍ​ຈັບ​ຢ່າງ​ເປັນ​ທາງ​ການ.

ບີລ ກາໂລ ລາຍງານຢູ່ບໍລິເວນໃກ້ຄຽງທີ່ມີການປະທ້ວງ ເຊິ່ງລາວກ່າວວ່າ:

“ແຕ່ການສືບສວນກ່ຽວກັບການກໍ່ກະບົດ ບໍ່ແມ່ນພຽງບັນຫາດຽວເທົ່ານັ້ນ ທີ່ ທ່ານ ຢຸນ ຕ້ອງປະເຊີນ. ສານ​ລັດຖະທຳ​ມະນູນ​ຂອງ​ປະ​ເທດ ​ຍັງ​ມີ​ກຳນົດທີ່​ຈະ​ຕັດສິນຄະດີສໍາລັບ​ການ​ຟ້ອງ​ຮ້ອງ​ຕໍ່​ທ່ານ, ເຊິ່ງ​ເປັນ​ຄຳ​ຕັດສິນ ​ທີ່​ສາມາດ​ປົດ​ທ່ານ​ອອກ​ຈາກ​ຕຳ​ແໜ່​ງໄດ້.”

ອ່ານບົດລາຍງານດ້ານລຸ່ມນີ້ເປັນພາສາອັງກິດ

South Korean authorities detained impeached President Yoon Suk Yeol early Wednesday. The move ends a weeks-long standoff over the current status of Yoon, who is being investigated for insurrection related to his short-lived declaration of martial law. More from VOA’s Bill Gallo in Seoul.

Supporters of impeached President Yoon Suk Yeol scuffled with police outside his residence in central Seoul.

But they could do little to stop the overwhelming number of police who entered Yoon’s compound early Wednesday.

After several hours of negotiations with Yoon and his legal team, the deadlock broke, without violence.

Yoon left in a motorcade, maintaining a presidential image despite the circumstances – he is the first sitting South Korean president to be detained.

Yoon, accused of insurrection, faces questions over his martial law decree last month.

In a pre-recorded video message, Yoon was defiant.

Yoon Suk Yeol, South Korea’s Impeached President, In Korean.

“Such repeated illegal actions and coercive procedures based on invalid warrants are deeply deplorable.”

Authorities can detain Yoon for 48 hours before seeking a formal arrest warrant.

Gallo standup near protests.

“But the insurrection probe isn’t the only trouble Yoon faces. The country's Constitutional Court is also set to soon rule on his impeachment, a verdict that could remove him from office.”

ຟໍຣັມສະແດງຄວາມຄິດເຫັນ

XS
SM
MD
LG